തെ​ങ്ങു​ക​ളി​ലെ വെ​ള്ളീ​ച്ച രോ​ഗം; തെങ്ങുകൾ ക്ഷയിച്ച് നാ​ളി​കേ​ര ഉ​ല്പാ​ദ​ന​ത്തി​ൽ വ​ൻ ഇ​ടി​വ്

വ​ട​ക്ക​ഞ്ചേ​രി: തെ​ങ്ങു​ക​ളി​ലെ വെ​ള്ളീ​ച്ച രോ​ഗം വ്യാ​പ​ക​മാ​യ​തോ​ടെ നാ​ളി​കേ​ര ഉ​ല്പാ​ദ​ന​ത്തി​ൽ വ​ൻ ഇ​ടി​വ്. തെ​ങ്ങു​ക​ളു​ടെ ആ​രോ​ഗ്യം ക്ഷ​യി​ക്കു​ന്ന​തി​നൊ​പ്പ​മാ​ണ് ഉ​ൽ​പ്പാ​ദ​ന​ത്തി​ലും കു​റ​വു​ണ്ടാ​കു​ന്ന​ത്. തെ​ങ്ങോ​ല​ക​ൾ​ക്ക് അ​ടി​യി​ലാ​ണ് ഇ​വ കൂ​ടു​കെ​ട്ടി ക​ഴി​യു​ന്ന​ത്.​ഇ​തി​നാ​ൽ മ​ഴ​യോ വെ​യി​ലോ ഏ​ൽ​ക്കി​ല്ല.

തെ​ങ്ങോ​ല​ക​ളു​ടെ മു​ക​ൾ ഭാ​ഗ​ത്ത് ക​രി​പ്പോ​ലെ ക​റു​ത്ത നി​റ​ങ്ങ​ളും ഉ​ണ്ടാ​കു​ന്ന​താ​യി ക​ർ​ഷ​ക​ർ പ​റ​യു​ന്നു. പൊ​ടി​പ്പോ​ലെ​യു​ള്ള ഈ ​ഫം​ഗ​സു​ക​ൾ തോ​ട്ട​ത്തി​ലെ വാ​ഴ തു​ട​ങ്ങി​യ ഇ​ട​വി​ള ക​ളി​ലും നി​റ​യും. ഓ​രോ പ്ര​ദേ​ശ​ങ്ങ​ളി​ലും വ്യ​ത്യ​സ്ത​മാ​യ രോ​ഗ​ല​ക്ഷ​ണ​ങ്ങ​ളും രോ​ഗ​ങ്ങ​ളു​മാ​ണ് കാ​ണ​പ്പെ​ടു​ന്ന​ത്.

സ​മു​ദ്ര​നി​ര​പ്പി​ൽ നി​ന്നും ആ​യി​ര​ത്തി​ലേ​റെ അ​ടി ഉ​യ​ര​മു​ള്ള പാ​ല​ക്കു​ഴി​യി​ൽ കാ​റ്റു വീ​ഴ്ച​ക്ക് സ​മാ​ന​മാ​യ രോ​ഗ​വ്യാ​പ​നം​മൂ​ലം ക​ഴി​ഞ്ഞ ര​ണ്ട് വ​ർ​ഷ​ത്തി​നു​ള്ളി​ൽ മാ​ത്രം ര​ണ്ടാ​യി​ര​ത്തോ​ളം തെ​ങ്ങു​ക​ൾ ന​ശി​ച്ചി​ട്ടു​ണ്ടെ​ന്നാ​ണ് ക​ണ​ക്ക്. രോ​ഗ​വ്യാ​പ​ന​ത്തെ​ക്കു​റി​ച്ച് പ​ഠി​ക്കാ​ൻ കാ​യം​കു​ള​ത്തെ കേ​ന്ദ്ര തോ​ട്ട​വി​ള ഗ​വേ​ഷ​ണ കേ​ന്ദ്ര​ത്തി​ൽ നി​ന്നും കൃ​ക്ഷി ശാ​സ്ത്ര​ജ്ഞ​രു​ടെ പ്ര​ത്യേ​ക​സം​ഘം ക​ഴി​ഞ്ഞ മാ​സം പാ​ല​ക്കു​ഴി​യി​ൽ എ​ത്തി പ്രാ​ഥ​മി​ക പ​രി​ശോ​ധ​ന ന​ട​ത്തി​യെ​ങ്കി​ലും രോ​ഗ​കാ​ര​ണം എ​ന്താ​ണെ​ന്ന് വ്യ​ക്ത​മാ​യി ചു​ണ്ടി​ക്കാ​ണി​ക്കാ​ൻ അ​വ​ർ​ക്കാ​യി​ല്ല.

എ​ല്ലാ തോ​ട്ട​ങ്ങ​ളി​ലേ​യും മ​ണ്ണ് പ​രി​ശോ​ധി​ച്ച് മാ​ത്ര​മെ അ​ന്തി​മ നി​ഗ​മ​ന​ത്തി​ലെ​ത്താ​നാ​കു എ​ന്ന നി​ല​പാ​ടി​ലാ​യി​രു​ന്നു ശാ​സ്ത്ര സം​ഘ​വും. ഇ​ത് കേ​ര ക​ർ​ഷ​ക​രു​ടെ പ്ര​തീ​ക്ഷ​ക​ൾ​ക്കും മ​ങ്ങ​ലേ​ൽ​പ്പി​ക്കു​ന്ന​താ​യി. മ​ണ്ണി​ൽ ആ​വ​ശ്യ​മാ​യ മൂ​ല​ക​ങ്ങ​ളു​ടെ കു​റ​വു രോ​ഗ​കാ​ര​ണ​മെ​ന്ന ക​ണ്ടെ​ത്തു​ക​ളു​മു​ണ്ട്. കാ​റ്റു വീ​ഴ്ച​ക്കൊ​പ്പം കൂ​ന്പ് ചീ​യ​ൽ, ചെ​ന്നീ​രൊ​ലി​പ്പ്, കൊ​ന്പ​ൻ ചെ​ല്ലി ആ​ക്ര​മ​ണം ,മ​ണ്ഡ​രി തു​ട​ങ്ങി പ​തി​വ് രോ​ഗ​ങ്ങ​ളും തെ​ങ്ങി​ന് വേ​ട്ട​യാ​ടു​ന്നു​ണ്ട്.

വെ​ള്ളീ​ച്ച രോ​ഗം ന​ല്ല മ​ഴ പെ​യ്താ​ൽ ഇ​ല്ലാ​താ​കു​മെ​ന്നാ​ണ് കൃ​ഷി വ​കു​പ്പ് പ​റ​ഞ്ഞി​രു​ന്ന​ത്. അ​ങ്ങ​നെ​യെ​ങ്കി​ൽ ഇ​ക്കു​റി​യു​ണ്ടാ​യ അ​തി​വ​ർ​ഷ​ത്തി​നു ശേ​ഷം ഇ​ത്ത​രം രോ​ഗം എ​വി​ടേ​യും കാ​ണാ​ൻ പാ​ടി​ല്ലാ​യി​രു​ന്നെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. രോ​ഗ​കാ​ര​ണ​ങ്ങ​ളെ​ക്കു​റി​ച്ചോ അ​തി​നു​ള്ള പ്ര​തി​വി​ധി​ക​ളെ​ക്കു​റി​ച്ചോ വ്യ​ക്ത​മാ​യ നി​ർ​ദ്ദേ​ശം ന​ൽ​കാ​ൻ കൃ​ഷി വ​കു​പ്പി​ന്‍റെ പീ​ന​ങ്ങ​ൾ​ക്ക് ക​ഴി​യു​ന്നി​ല്ലെ​ന്ന​തും കാ​ർ​ഷി​ക മേ​ഖ​ല​യു​ടെ ത​ള​ർ​ച്ച​ക്ക് കാ​ര​ണ​മാ​കു​ന്നു​ണ്ട്.

Related posts