Set us Home Page

ബാ​ങ്കി​നു​ള്ളി​ല്‍ യു​വ​തി വെ​ടി​യേ​റ്റുമ​രി​ച്ച കേ​സ്; ടെ​സ്റ്റ് ഫ​യ​ര്‍ ന​ട​ക്കി​ല്ല; രണ്ടര വർഷം പിന്നിട്ട കേസിൽ അ​ന്വേ​ഷ​ണം വ​ഴി​മു​ട്ടി

ന​വാ​സ് മേ​ത്ത​ര്‍
ത​ല​ശേ​രി: ന​ഗ​ര​മ​ധ്യ​ത്തി​ല്‍ ബാ​ങ്ക് ജീ​വ​ന​ക്കാ​രി ഓ​ഫീ​സി​നു​ള്ളി​ല്‍ വെ​ടി​യേ​റ്റു മ​രി​ച്ച സം​ഭ​വ​ത്തി​ല്‍ ടെ​സ്റ്റ്ഫ​യ​ര്‍ ന​ട​ക്കി​ല്ല. ആ​ഭ്യ​ന്ത​ര വ​കു​പ്പി​ല്‍ ഇ​തി​നു​ള്ള സം​വി​ധാ​ന​മി​ല്ലെ​ന്നാ​ണ് ബ​ന്ധ​പ്പെ​ട്ട​വ​ര്‍ വ്യ​ക്ത​മാ​ക്കു​ന്ന​ത്. രാ​ഷ്‌​ട്രീ​യ താ​ത്പ​ര്യ​ങ്ങ​ളോ പ്ര​ക്ഷോ​ഭ​ങ്ങ​ളോ ഇ​ല്ലാ​ത്ത​തി​നാ​ല്‍ കേ​സി​ലെ ദു​രൂ​ഹ​ത​ക​ള്‍ നീ​ക്കാ​ന്‍ സ​മ്മ​ര്‍​ദ്ദ​വു​മി​ല്ല.

ലോ​ഗ​ന്‍​സ് റോ​ഡി​ലെ റാ​ണി പ്ലാ​സ​യി​ല്‍ പ്ര​വ​ര്‍​ത്തി​ക്കു​ന്ന ഐ​ഡി​ബി​ഐ ബാ​ങ്ക് ത​ല​ശേ​രി ശാ​ഖ​യി​ലെ സെ​യി​ല്‍​സ് സെ​ക്ഷ​ന്‍ ജീ​വ​ന​ക്കാ​രി​യാ​യ പു​ന്നോ​ലി​ലെ വി​ല്‍​ന വി​നോ​ദ് (31) ബാ​ങ്കി​നു​ള്ളി​ല്‍ വെ​ടി​യേ​റ്റു മ​രി​ച്ച കേ​സി​ലാ​ണ് ര​ണ്ട​ര വ​ര്‍​ഷം പി​ന്നി​ടു​മ്പോ​ഴും ടെ​സ്റ്റ് ഫ​യ​റി​ല്‍ ത​ട്ടി അ​ന്വേ​ഷ​ണം മ​ര​വി​ച്ചി​രി​ക്കു​ന്ന​ത്.

സം​ഭ​വ​ത്തി​ല്‍ ദു​രൂ​ഹ​ത​യു​ണ്ടെ​ന്ന ഫോ​റ​ന്‍​സി​ക് റി​പ്പോ​ര്‍​ട്ടി​നെ തു​ട​ര്‍​ന്നാ​ണ് അ​ന്വേ​ഷ​ണ സം​ഘം ടെ​സ്റ്റ് ഫ​യ​ര്‍ ന​ട​ത്തു​ന്ന​തി​നാ​യി തി​രു​വ​ന​ന്ത​പു​ര​ത്തു നി​ന്നു​ള്ള വി​ദ​ഗ്ധ സം​ഘ​ത്തി​ന്‍റെ സേ​വ​നം തേ​ടി​യ​ത്. പ​ല​ത​വ​ണ ടെ​സ്റ്റ് ഫ​യ​ര്‍ ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും ഒ​രു ന​ട​പ​ടി​യു​മു​ണ്ടാ​യി​ല്ല. തു​ട​ര്‍​ന്നു​ള്ള അ​ന്വാ​ഷ​ണ​ത്തി​ലാ​ണ് ടെ​സ്റ്റ്ഫ​യ​റി​ന് സം​വി​ധാ​ന​മി​ല്ലെ​ന്ന് ബ​ന്ധ​പ്പെ​ട്ട കേ​ന്ദ്ര​ങ്ങ​ള്‍ അ​ന്വേ​ഷ​ണ​സം​ഘ​ത്തെ അ​റി​യി​ച്ച​ത്.

വെ​ടി​വെ​പ്പ് ന​ട​ന്ന ബാ​ങ്കി​ല്‍ പ​രി​യാ​രം മെ​ഡി​ക്ക​ല്‍ മെ​ഡി​ക്ക​ല്‍ കോ​ള​ജി​ലെ ഫോ​റ​ന്‍​സി​ക് മെ​ഡി​സി​ന്‍ ത​ല​വ​നും പോ​ലീ​സ് സ​ര്‍​ജ​നു​മാ​യ ഡോ.​ഗോ​പാ​ല​കൃ​ഷ്ണ​പ്പി​ള്ള​യു​ടെ നേ​തൃ​ത്വ​ത്തി​ലു​ള്ള വി​ദ​ഗ്ധ​സം​ഘം ന​ട​ത്തി​യ പ​രി​ശോ​ധ​ന​യി​ല്‍ വെ​ടി​യേ​റ്റ് വി​ല്‍​ന​യു​ടെ ത​ല ചി​ത​റി​യ​തി​ല്‍ അ​സ്വാ​ഭാ​വീ​ക​ത ക​ണ്ടെ​ത്തി​യി​രു​ന്നു. ദു​രൂ​ഹ​ത നീ​ക്കാ​ന്‍ ടെ​സ്റ്റ്ഫ​യ​ര്‍ ന​ട​ത്ത​ണ​മെ​ന്ന് ഡോ.​ഗോ​പാ​ല​കൃ​ഷ്ണ​പ്പി​ള്ള നി​ര്‍​ദേ​ശി​ക്കു​ക​യും ചെ​യ്തി​രു​ന്നു.

ഒ​രു മീ​റ്റ​റി​ന​പ്പു​റ​ത്തു നി​ന്നാ​ണ് വെ​ടി​യു​തി​ര്‍​ന്ന​തെ​ന്നാ​ണ് പ​രി​ശോ​ധ​ന​യി​ല്‍ വ്യ​ക്ത​മാ​യ​ത്. എ​ന്നാ​ല്‍ ഈ ​അ​ക​ല​ത്തി​ല്‍ വെ​ടി ഉ​തി​ര്‍​ന്നാ​ല്‍ ത​ല​യോ​ട്ടി​യും ത​ല​ച്ചോ​റും ചി​ത​റി​പ്പോ​കു​ന്ന ത​ര​ത്തി​ലു​ള്ള പ​രി​ക്കേ​ല്‍​ക്കി​ല്ലെ​ന്നാ​ണ് ഡോ.​ഗോ​പാ​ല​കൃ​ഷ്ണ​പ്പി​ള്ള​യു​ടെ റി​പ്പോ​ര്‍​ട്ടി​ല്‍ പ​റ​ഞ്ഞി​രു​ന്ന​ത്. ഈ ​അ​ക​ല​ത്തി​ല്‍ നി​ന്നും വെ​ടി​യു​തി​ര്‍​ന്നാ​ല്‍ പെ​ല്ല​റ്റ് തു​ള​ച്ചു​ക​യ​റു​ക​യും ത​ല​യ്ക്കു​ള്ളി​ല്‍ പ​രി​ക്കേ​ല്‍​ക്കു​ക​യു​മാ​ണ് ചെ​യ്യു​ക.

എ​ന്നാ​ല്‍ ഇ​വി​ടെ ത​ല ചി​ത​റി​പ്പോ​കു​ക​യാ​ണ് ചെ​യ്തി​ട്ടു​ള്ള​ത്. ഇ​തി​ല്‍ അ​സ്വാ​ഭാ​വി​ക​ത​യു​ണ്ടെ​ന്നും ഫോ​റ​ന്‍​സി​ക് വി​ദ​ഗ്ധ​ര്‍ ചൂ​ണ്ടി​ക്കാ​ട്ടി​യി​രു​ന്നു. എ​ന്നാ​ല്‍, 1.7 മീ​റ്റ​ര്‍ ദൂ​ര​ത്തി​ലാ​ണ് സെ​ക്യൂ​രി​റ്റി ജാ​വ​ന​ക്കാ​ര​നു​ണ്ടാ​യി​രു​ന്ന​തെ​ന്നും തോ​ക്കി​ന് ഒ​രു മീ​റ്റ​ര്‍ നീ​ള​മു​ണ്ടെ​ന്നും 70 സെ​ന്‍റി മീ​റ്റ​ര്‍ അ​ക​ല​ത്തി​ല്‍ നി​ന്നാ​ണ് വെ​ടി ഉ​തി​ര്‍​ത്തി​ട്ടു​ള്ള​തെ​ന്നു​മാ​ണ് അ​ന്വേ​ഷ​ണ സം​ഘ​ത്തി​ന്‍റെ ക​ണ്ടെ​ത്ത​ല്‍.

അ​തി​നി​ടെ, സെ​ക്യൂ​രി​റ്റി ജീ​വ​ന​ക്കാ​ര​ന്‍റെ തോ​ക്കി​ല്‍ നി​ന്നു ത​ന്നെ​യാ​ണ് വെ​ടി ഉ​തി​ര്‍​ന്നി​ട്ടു​ള്ള​തെ​ന്ന ഫോ​റ​ന്‍​സി​ക് റി​പ്പോ​ര്‍​ട്ട് ക​ഴി​ഞ്ഞ ദി​വ​സം അ​ന്വേ​ഷ​ണ സം​ഘ​ത്തി​ന് ല​ഭി​ച്ചു. സം​ഭ​വ​സ്ഥ​ല​ത്തു നി​ന്നു ല​ഭി​ച്ച വെ​ടി​യു​ണ്ട സെ​ക്യൂ​രി​റ്റി ജീ​വ​ന​ക്കാ​ര​ന്‍റെ തോ​ക്കി​ല്‍ നി​ന്നു​ള്ള​ത് ത​ന്നെ​യാ​ണെ​ന്ന് ഫോ​റ​ന്‍​സി​ക് പ​രി​ശോ​ധ​ന​യി​ല്‍ തെ​ളി​ഞ്ഞി​ട്ടു​ണ്ട്.

ഇ​നി സി​സി​ടി​വി ദൃ​ശ്യ​ങ്ങ​ള​ട​ങ്ങി​യ ഹാ​ര്‍​ഡ് ഡി​സ്‌​കി​ന്‍റെ പ​രി​ശോ​ധ​ന ഫ​ല​മാ​ണ് ഫോ​റ​ന്‍​സി​ക് ലാ​ബി​ല്‍ നി​ന്നും ല​ഭി​ക്കാ​നു​ള്ള​ത്. വി​ല്‍​ന​യു​ടെ മ​ര​ണ​ത്തി​ല്‍ 30 ല​ക്ഷം രൂ​പ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് വി​ല്‍​ന​യു​ടെ ഭ​ര്‍​ത്താ​വ് പു​ന്നോ​ല്‍ കൊ​മ്മ​ല്‍​വ​യ​ല്‍ പൂ​ജ ഹൗ​സി​ല്‍ സം​ഗീ​ത് അ​ഡ്വ.​ഒ.​ജി പ്രേ​മ​രാ​ജ​ന്‍ മു​ഖാ​ന്തി​രം ന​ല്‍​കി​യ ഹ​ർ​ജി കോ​ട​തി​യു​ടെ പ​രി​ഗ​ണ​ന​യി​ലാ​ണു​ള്ള​ത്.

​ന​ഷ്ട​പ​രി​ഹാ​ര ഹ​ര​ജി​യു​മാ​യി ബ​ന്ധ​പ്പെ​ട്ട് കോ​ട​തി​യി​ല്‍ കെ​ട്ടി വെ​ക്കേ​ണ്ട തു​ക ഒ​ഴി​വാ​ക്കി ത​ര​ണ​മെ​ന്ന സം​ഗീ​തി​ന്റെ ഹ​ര​ജി​യും കോ​ട​തി​യു​ടെ പ​രി​ഗ​ണ​ന​യി​ലാ​ണ്. മ​ര​ണ​ത്തി​ല്‍ ത​ങ്ങ​ള്‍​ക്ക് പ​ങ്കി​ല്ലെ​ന്നും വി​ല്‍​ന ത​ങ്ങ​ളു​ടെ സ്ഥാ​പ​ന​ത്തി​ലെ ജീ​വ​ന​ക്കാ​രി​യ​ല്ലെ​ന്നു​മാ​ണ് ബാ​ങ്ക് അ​ധി​കൃ​ത​ര്‍ സ്വ​ക​രി​ച്ചി​ട്ടു​ള്ള നി​ല​പാ​ട്. ഇ​ക്കാ​ര്യം നേ​ര​ത്തെ കോ​ട​തി​യെ​യും ഇ​ന്‍​ഡ​സ്ട്രി​യ​ല്‍ ട്രൈ​ബ്യൂ​ണ​ലി​നേ​യും അ​വ​ര്‍ അ​റി​യി​ക്കു​ക​യും ചെ​യ്തി​രു​ന്നു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS