പ്ര​ണ​യാ​ഭ്യ​ർ​ഥ​ന നി​ര​സി​ച്ച പെ​ണ്‍​കു​ട്ടി​യെ കു​ത്തി​ക്കൊന്ന സം​ഭ​വം; ദൃ​ശ്യ​യു​ടെ ദേ​ഹ​ത്ത് 22 കു​ത്തു​ക​ളേ​റ്റു;  പോ​ലീ​സി​നെ വി​മ​ർ​ശി​ച്ചു വ​നി​താ ക​മ്മീ​ഷ​ൻ

പെ​രി​ന്ത​ൽ​മ​ണ്ണ: ഏ​ലം​കു​ള​ത്തു പ്ര​ണ​യാ​ഭ്യ​ർ​ഥ​ന നി​ര​സി​ച്ച പെ​ണ്‍​കു​ട്ടി​യെ യു​വാ​വ് വീ​ട്ടി​ൽ ക​യ​റി കു​ത്തി​കൊ​ല​പ്പെ​ടു​ത്തു​ക​യും കൊ​ല​പാ​ത​കം ന​ട​ത്തു​ന്ന​തി​നു മു​ന്പ് പെ​ണ്‍​കു​ട്ടി​യു​ടെ പി​താ​വി​ന്‍റെ ക​ട പ്ര​തി അ​ഗ്നി​ക്കി​ര​യാ​ക്കു​ക​യും ചെ​യ്ത സം​ഭ​വ​ത്തി​ൽ പ്ര​തി​യു​മാ​യി പോ​ലീ​സ് ഇ​ന്നുരാ​വി​ലെ തെ​ളി​വെ​ടു​പ്പ് ന​ട​ത്തി.

പ്ര​തി പെ​രി​ന്ത​ൽ​മ​ണ്ണ മു​ട്ടു​ങ്ങ​ലി​ലെ വി​നീ​ഷ് വി​നോ​ദു​മാ​യാ​ണ് (21) പെ​രി​ന്ത​ൽ​മ​ണ്ണ ഡി​വൈ​എ​സ്പി കെ.​എം.ദേ​വ​സ്യ, സി​ഐ വി.​സ​ജി​ൻ​ശ​ശി, എ​സ്ഐ ശ്രീ​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം തെ​ളി​വെ​ടു​പ്പ് ന​ട​ത്തി​യ​ത്. ഏ​ലം​കു​ളം എ​ളാ​ട് കൂ​ഴ​ന്ത​റ ചെ​മ്മാ​ട്ടി​ൽ കെ.​ബാ​ല​ച​ന്ദ്ര​ന്‍റെ മ​ക​ൾ ദൃ​ശ്യ(21)​യാ​ണ് അ​തി​ദാ​രു​ണ​മാ​യി ഇ​ന്ന​ലെ രാ​വി​ലെ എ​ട്ടോ​ടെ കു​ത്തേ​റ്റു മ​രി​ച്ച​ത്.

ദൃ​ശ്യ​യു​ടെ സ​ഹോ​ദ​രി ദേ​വ​ശ്രീ(13)​യെ​യും പ്ര​തി കു​ത്തി​പ​രി​ക്കേ​ൽ​പ്പി​ച്ചു. 22 കു​ത്തു​ക​ളാ​ണ് ദൃ​ശ്യ​യു​ടെ ദേ​ഹ​ത്തേ​റ്റ​തെ​ന്നു
ഡി​വൈ​എ​സ്പി അ​റി​യി​ച്ചു. പോ​ളി​ഗാ​ർ​ഡു കൊ​ണ്ടു​ള്ള ക​ത്തി കൊ​ണ്ടാ​ണ് വി​നീ​ഷ് വി​നോ​ദ് കു​ത്തി​യ​ത്. ഈ ​ക​ത്തി ഇ​ന്ന​ലെ മു​റി​യി​ൽ നി​ന്നു പോ​ലീ​സ് ക​ണ്ടെ​ടു​ത്തി​രു​ന്നു.ഇ​ന്നു രാ​വി​ലെ പ്ര​തി​യെ കൊ​ല​പാ​ത​കം ന​ട​ത്തി​യ വീ​ട്ടി​ലെ​ത്തി​ച്ചാ​ണ് ആ​ദ്യം തെ​ളി​വെ​ടു​പ്പ് ന​ട​ത്തി​യ​ത്.

തു​ട​ർ​ന്നു പെ​ണ്‍​കു​ട്ടി​യു​ടെ അ​ച്ഛ​ന്‍റെപെ​രി​ന്ത​ൽ​മ​ണ്ണ​യി​ലെ ടോ​യ്സ് ക​ട​യി​ലും എ​ത്തി​ച്ച് പോ​ലീ​സ് തെ​ളി​വെ​ടു​ത്തു. തെ​ളി​വെ​ടു​പ്പു ന​ട​ക്കു​ന്ന വി​വ​ര​മ​റി​ഞ്ഞു പ​ല​യി​ട​ത്തും ആ​ളു​ക​ൾത​ടി​ച്ചു​കൂ​ടി​യി​രു​ന്നു. തെ​ളി​വെ​ടു​പ്പ് പൂ​ർ​ത്തി​യാ​ക്കി​യ ശേ​ഷം പ്ര​തി​യെ കോ​ട​തി​യി​ൽ ഹാ​ജ​രാ​ക്കും. വി​നീ​ഷി​നെ ക​സ്റ്റ​ഡി​യി​ൽ കി​ട്ടാ​ൻ പോ​ലീ​സ് അ​പേ​ക്ഷ സ​മ​ർ​പ്പി​ച്ചേ​ക്കും.

കൊ​ല്ല​പ്പെ​ട്ട ദൃ​ശ്യ​യു​ടെ സം​സ്കാ​രം ഇ​ന്ന​ലെ രാ​ത്രി വീ​ട്ടു​വ​ള​പ്പി​ൽ ന​ട​ന്നു. കു​ത്തേ​റ്റ് പെ​രി​ന്ത​ൽ​മ​ണ്ണ​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലു​ള്ള ദൃ​ശ്യ​യു​ടെ സ​ഹോ​ദ​രി ദേ​വ​ശ്രീ അ​പ​ക​ട​നി​ല ത​ര​ണം ചെ​യ്തു. ഇ​ന്ന​ലെ​യാ​യി​രു​ന്നു നാ​ടി​നെ ഞെ​ട്ടി​ച്ച അ​രും​കൊ​ല ന​ട​ന്ന​ത്.

പ്ര​ണ​യാ​ഭ്യ​ർ​ഥ​ന നി​ര​സി​ച്ച​തി​ന്‍റെ പേ​രി​ൽ വി​നീ​ഷ്, ദൃ​ശ്യ​യെ വീ​ട്ടി​ൽ ക​യ​റി കു​ത്തി കൊ​ല​പ്പെ​ടു​ത്തു​ക​യാ​യി​രു​ന്നു. ദൃ​ശ്യ​യെ ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ് സ​ഹോ​ദ​രി ദേ​വ​ശ്രീ​യെ കു​ത്തി​പ​രി​ക്കേ​ൽ​പ്പി​ച്ച​ത്. വീ​ടി​ന്‍റെ ര​ണ്ടാം നി​ല​യി​ലു​ള്ള മു​റി​യി​ൽ ക​യ​റി​യാ​ണ് വി​നീ​ഷ് ആ​ക്ര​മ​ണം ന​ട​ത്തി​യ​ത്.

ക​ട ക​ത്തി​ച്ച​തു​മാ​യി ബ​ന്ധ​പ്പെ​ട്ടു സം​ഭ​വ​സ​മ​യം രാ​വി​ലെ പോ​ലീ​സി​ൽ പ​രാ​തി ന​ൽ​കാ​ൻ പോ​യ​താ​യി​രു​ന്നു പി​താ​വ് ബാ​ല​ച​ന്ദ്ര​ൻ. ത​ലേ​ദി​വ​സം കു​ട്ടി​ക​ളു​ടെ പി​താ​വ് ബാ​ല​ച​ന്ദ്ര​ന്‍റെ ക​ട ക​ത്തി​ച്ച് ശ്ര​ദ്ധ മാ​റ്റി​യ ശേ​ഷ​മാ​യി​രു​ന്നു വി​നീ​ഷി​ന്‍റെ കൊ​ല​പാ​ത​കം.

പെ​രി​ന്ത​ൽ​മ​ണ്ണ സ്വ​ദേ​ശി​യാ​യ വി​നീ​ഷ് വി​നോ​ദ് ഇ​പ്പോ​ൾ മ​ഞ്ചേ​രി​ക്ക​ടു​ത്ത് ന​റു​ക​ര​യി​ൽ അ​മ്മ​യോ​ടൊ​ത്താ​ണ് താ​മ​സി​ക്കു​ന്ന​ത്. കൊ​ല്ല​പ്പെ​ട്ട ദൃ​ശ്യ​യും പ്ര​തി​യും കു​ന്ന​ക്കാ​വ് ഗ​വ​ണ്‍​മെ​ന്‍റ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ്ടു​വി​ന് ഒ​രു​മി​ച്ച് പ​ഠി​ച്ചി​രു​ന്നു. യു​വാ​വ് ദൃ​ശ്യ​യോ​ട് പ​ല​ത​വ​ണ പ്ര​ണ​യാ​ഭ്യ​ർ​ഥ​ന ന​ട​ത്തി​യി​രു​ന്നെ​ങ്കി​ലും യു​വ​തി ഇ​തു നി​ര​സി​ക്കു​ക​യാ​യി​രു​ന്നു​വെ​ന്നാ​ണ് പ​റ​യു​ന്ന​ത്.

വി​നീ​ഷി​ന്‍റെ ശ​ല്യം ചെ​യ്യ​ൽ തു​ട​ർ​ന്ന​പ്പോ​ൾ ദൃ​ശ്യ​യു​ടെ വീ​ട്ടു​കാ​ർ ഇ​യാ​ൾ​ക്കെ​തി​രേ പോ​ലീ​സി​ൽ പ​രാ​തി ന​ൽ​കി​യി​രു​ന്നു. പോ​ലീ​സ് വി​നീ​ഷി​നെ വി​ളി​പ്പി​ക്കു​ക​യും പെ​ണ്‍​കു​ട്ടി​യെ ഇ​നി ശ​ല്യം ചെ​യ്യ​രു​തെ​ന്നു താ​ക്കീ​ത് ചെ​യ്യു​ക​യു​മു​ണ്ടാ​യി. പി​ന്നീ​ടും യു​വാ​വ് പെ​ണ്‍​കു​ട്ടി​യു​ടെ വീ​ട്ടി​ലെ​ത്തി വി​വാ​ഹം ചെ​യ്ത് ത​ര​ണ​മെ​ന്ന് ആ​വ​ശ്യ​പ്പെ​ട്ടി​രു​ന്ന​ത്രെ.

എ​ന്നാ​ൽ പെ​ണ്‍​കു​ട്ടി​യും വീ​ട്ടു​കാ​രും നി​ര​സി​ച്ച​തോ​ടെ​യാ​ണ് വി​നീ​ഷ് അ​ക്ര​മ​ത്തി​ലേ​ക്കു തി​രി​ഞ്ഞ​ത്.ബു​ധ​നാ​ഴ്ച രാ​ത്രി ഒ​ന്പ​ത​ര​യോ​ടെ​യാ​ണ് ബാ​ല​ച​ന്ദ്ര​ന്‍റെ പെ​രി​ന്ത​ൽ​മ​ണ്ണ ന​ഗ​ര​ത്തി​ലെ ഉൗ​ട്ടി റോ​ഡി​ലു​ള്ള ക​ട​യി​ൽ തീ​പി​ടി​ത്ത​മു​ണ്ടാ​യ​ത്. മൂ​ന്നു​നി​ല കെ​ട്ടി​ട​ത്തി​ന്‍റെ ക​ട മു​റി​ക​ളി​ലെ സാ​ധ​ന​ങ്ങ​ൾ പൂ​ർ​ണ​മാ​യും ക​ത്തി​ന​ശി​ച്ചി​രു​ന്നു.

ഇ​വി​ടെ സൂ​ക്ഷി​ച്ചി​രു​ന്ന ബാ​ഗു​ക​ൾ, ലെ​ത​ർ ഉ​ത്പ​ന്ന​ങ്ങ​ൾ, ക​ളി​പ്പാ​ട്ട​ങ്ങ​ൾ തു​ട​ങ്ങി​യ​വ​യാ​ണ് ക​ത്തി​ന​ശി​ച്ച​ത്. പെ​രി​ന്ത​ൽ​മ​ണ്ണ, മ​ല​പ്പു​റം, മ​ഞ്ചേ​രി എ​ന്നി​വി​ട​ങ്ങ​ളി​ൽ നി​ന്നെ​ത്തി​യ അ​ഗ്നി​ര​ക്ഷാ​സേ​ന യൂ​ണി​റ്റു​ക​ൾ ഏ​റെ സ​മ​യ​മെ​ടു​ത്താ​ണ് തീ ​നി​യ​ന്ത്ര​ണ​വി​ധേ​യ​മാ​ക്കി​യ​ത്.

രാ​ത്രി പ​ത്ത​ര​യോ​ടെ തീ​യ​ണ​ച്ചെ​ങ്കി​ലും തീ​പി​ടി​ക്കാ​ൻ കാ​ര​ണ​മെ​ന്താ​യി​രു​ന്നു​വെ​ന്ന് വ്യ​ക്ത​മാ​യി​രു​ന്നി​ല്ല. ഇ​തേ​ക്കു​റി​ച്ച് അ​ന്വേ​ഷ​ണം ആ​രം​ഭി​ക്കാ​നി​രി​ക്കെ​യാ​ണ് വ്യാ​ഴാ​ഴ്ച രാ​വി​ലെ ദൃ​ശ്യ കു​ത്തേ​റ്റു​മ​രി​ച്ച​ത്. നി​ല​വി​ളി കേ​ട്ടു ഓ​ടി​യെ​ത്തി​യ സ​ഹോ​ദ​രി ദേ​വ​ശ്രീ ആ​ക്ര​മ​ണം ചെ​റു​ക്കാ​ൻ ശ്ര​മി​ച്ചു. ഇ​തോ​ടെ ദേ​വ​ശ്രീ​യെ​യും കു​ത്തി പ​രി​ക്കേ​ൽ​പ്പി​ക്കു​ക​യാ​യി​രു​ന്നു.

കൃ​ത്യം ന​ട​ത്തി​യ ശേ​ഷം ര​ക്തം പു​ര​ണ്ട ഷ​ർ​ട്ടു​മാ​യി പ്ര​തി ഓ​ട്ടോ​യി​ൽ ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും ഓ​ട്ടോ ഡ്രൈ​വ​ർ ഇ​യാ​ളെ ത​ട​ഞ്ഞു​വ​ച്ചു. വി​വ​ര​മ​റി​ഞ്ഞു പോ​ലീ​സെ​ത്തി പ്ര​തി​യെ പി​ടി​കൂ​ടു​ക​യാ​യി​രു​ന്നു.അ​തേ സ​മ​യം സം​ഭ​വ​ത്തി​ൽ പോ​ലീ​സി​നെ വി​മ​ർ​ശി​ച്ച് സം​സ്ഥാ​ന വ​നി​താ ക​മ്മീ​ഷ​ൻ രം​ഗ​ത്തെ​ത്തി​യി​ട്ടു​ണ്ട്.

പ്ര​ണ​യാ​ഭ്യ​ർ​ഥ​ന ന​ട​ത്തി തു​ട​ർ​ച്ച​യാ​യി ശ​ല്യം ചെ​യ്യു​ന്ന​വ​രെ താ​ക്കീ​തി​ൽ ഒ​തു​ക്ക​രു​തെ​ന്ന് ക​മ്മീ​ഷ​ൻ അ​ധ്യ​ക്ഷ എം.​സി ജോ​സ​ഫൈ​ൻ പ​റ​ഞ്ഞു. പ്ര​ണ​യാ​ഭ്യ​ർ​ഥ​ന നി​ര​സി​ക്കു​ന്ന​തി​ന്‍റെ പേ​രി​ൽ കൊ​ല​പാ​ത​കം ന​ട​ത്തു​ന്ന​ത് അ​ടി​ക്ക​ടി സം​ഭ​വി​ക്കു​ന്ന​ത് പോ​ലീ​സി​ന്‍റെ ജാ​ഗ്ര​ത കു​റ​വാ​ണ് കാ​ണി​ക്കു​ന്ന​തെ​ന്നും വ​നി​താ ക​മ്മീ​ഷ​ൻ അ​ധ്യ​ക്ഷ കു​റ്റ​പ്പെ​ടു​ത്തി.

പെ​ണ്‍​കു​ട്ടി​ക​ളു​ടെ ര​ക്ഷി​താ​ക്ക​ൾ ആ​വ​ർ​ത്തി​ച്ച് ന​ൽ​കു​ന്ന പ​രാ​തി​ക​ളി​ൽ, പ്ര​ത്യേ​കി​ച്ചും പ്ര​തി​ക​ൾ ല​ഹ​രി വ​സ്തു​ക്ക​ൾ​ക്ക് അ​ടി​മ​യും ക്രി​മി​നി​ൽ പ​ശ്ചാ​ത്ത​ല​മു​ള്ള​വ​രു​മാ​കു​ന്പോ​ൾ, അ​വ​രെ താ​ക്കീ​ത് ചെ​യ്ത് വി​ടു​ന്ന​ത് നി​യ​മ വി​രു​ദ്ധ​മാ​യ ന​ട​പ​ടി​യാ​ണെ​ന്നും വ​നി​താ ക​മ്മീ​ഷ​ൻ വ്യ​ക്ത​മാ​ക്കി.