സി​എ​ച്ച്സി​യി​ൽ പ്ര​വേ​ശ​നം നി​ഷേ​ധി​ച്ചു! വാ​രി​യെ​ല്ലൊ​ടി​ഞ്ഞ രോ​ഗി ഒ​ന്ന​ര മ​ണി​ക്കൂ​ർ ആം​ബു​ല​ൻ​സി​ൽ; പ​രാ​തി ന​ൽ​കി​യാ​ൽ ഇ​നി​യൊ​രി​ക്ക​ലും ഇവിടെനി​ന്ന് ചി​കി​ത്സ ല​ഭി​ക്കി​ല്ലെ​ന്ന് ഭീഷണി

മു​ക്കം: മു​ക്കം ക​മ്യൂ​ണി​റ്റി ഹെ​ൽ​ത്ത് സെ​ന്‍റ​റി​ൽ അ​ഡ്മി​ഷ​ൻ നി​ഷേ​ധി​ച്ച​തി​നെ തു​ട​ർ​ന്ന് രോ​ഗി ആം​ബു​ല​ൻ​സി​ൽ കി​ട​ന്ന​ത് ഒ​ന്ന​ര മ​ണി​ക്കൂ​ർ. മെ​ഡി​ക്ക​ൽ കോ​ളേ​ജി​ൽ നി​ന്ന് മു​ക്കം സി​എ​ച്ച്സി യി​ലേ​ക്ക് റ​ഫ​ർ ചെ​യ്ത വാ​രി​യെ​ല്ലൊ​ടി​ഞ്ഞ വൃ​ദ്ധ​യ്ക്കാ​​ണ് ആ​ശു​പ​ത്രി ജീ​വ​ന​ക്കാ​ർ പ്ര​വേ​ശ​നം നി​ഷേ​ധി​ച്ച​ത് . ചാ​ത്ത​മം​ഗ​ലം ക​ള​ൻ​തോ​ട് സ്വ​ദേ​ശി ജാ​നു​വി​വാ​ണ് വേ​ദ​ന ക​ടി​ച്ച​മ​ർ​ത്തി ഒ​ന്ന​ര മ​ണി​ക്കൂ​റോ​ളം ആം​ബു​ല​ൻ​സി​ൽ കി​ക്കേ​ണ്ടി വ​ന്ന​ത് .

ക​ഴി​ഞ്ഞ തി​ങ്ക​ളാ​ഴ്ച വീ​ട്ടു​മു​റ്റ​ത്ത് വീ​ണ​തി​നെ തു​ട​ർ​ന്നാ​ണ് ജാ​നു​വി​ന്‍റെ വാ​രി​യെ​ല്ലൊ​ടി​ഞ്ഞ​ത്. തു​ട​ർ​ന്ന് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. നാ​ല് ദി​വ​സം മെ​ഡി​ക്ക​ൽ കോ​ളേ​ജി​ൽ ചി​കി​ത്സി​ച്ചു. പി​ന്നീ​ട് ഇ​വി​ടെ ആ​വ​ശ്യ​ത്തി​ന് കി​ട​ക്ക ഇ​ല്ലാ​താ​യ​തോ​ടെ ഇ​വ​രെ മു​ക്കം സി​എ​ച്ച്സി​യി​ലേ​ക്ക് റ​ഫ​ർ ചെ​യ്യു​ക​യാ​യി​രു​ന്നു.

വൈ​കീ​ട്ട് ആ​റ​ര​യോ​ടെ​യാ​ണ് ജാ​നു​വും മ​ക​ളും മു​ക്കം സിഎ​ച്ച്സി​യി​ൽ എ​ത്തി​യ​ത്. മെ​ഡി​ക്ക​ൽ കോ​ള​ജി​ൽ നി​ന്ന് റ​ഫ​ർ ചെ​യ്ത ശീ​ട്ട് ഡൂ​ട്ടി​യി​ലു​ണ്ടാ​യി​രു​ന്ന ന​ഴ്സി​ന് ന​ൽ​കി​യെ​ങ്കി​ലും രോ​ഗി​യെ പ്ര​വേ​ശി​പ്പി​ക്കാ​ൻ ആ​ശു​പ​ത്രി​യി​ലെ ജീ​വ​ന​ക്കാ​ർ ത​യാ​റാ​യി​ല്ല. ഡോ​ക്ട​റി​ല്ലാ​തെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കാ​നാ​വി​ല്ലെ​ന്ന നി​ല​പാ​ടി​ലാ​യി​രു​ന്നു ജീ​വ​ന​ക്കാ​ർ.

ന​ഴ്സി​നോ​ട് കാ​ര്യം തി​ര​ക്കി​യെ​ങ്കി​ലും വ്യ​ക്ത​മാ​യ മ​റു​പ​ടി ല​ഭി​ച്ചി​ല്ല. മെ​ഡി​ക്ക​ൽ ഓ​ഫീ​സ​റു​ടെ​യോ മ​റ്റു ഡോ​ക്ട​ർ​മാ​രു​ടെ​യോ ഫോ​ൺ ന​മ്പ​ർ ചോ​ദി​ച്ചെ​ങ്കി​ലും ത​നി​ക്ക് അ​റി​യി​ല്ലെ​ന്നാ​യി​രു​ന്നു ന​ഴ്സി​ന്‍റെ മ​റു​പ​ടി. ഇ​തോ​ടെ അ​റ്റ​ൻ​ഡ​റും സെ​ക്യൂ​രി​റ്റി ജീ​വ​ന​ക്കാ​ര​നും അ​പ​മ​ര്യാ​ദ​യാ​യി പെ​രു​മാ​റി​യെ​ന്നും ഭീ​ഷ​ണി​പ്പെ​ടു​ത്തി​യെ​ന്നും ഇ​വ​ർ പ​റ​ഞ്ഞു.

തൊ​ട്ട​ടു​ത്തു​ള്ള സ്വ​കാ​ര്യ മെ​ഡി​ക്ക​ൽ കോ​ള​ജി​ലോ മ​റ്റേ​തെ​ങ്കി​ലും സ്വ​കാ​ര്യ ആ​ശു​പ​ത്രി​യി​ലോ പ്ര​വേ​ശി​പ്പി​ക്കാ​നാ​യി​രു​ന്നു അ​റ്റ​ൻ​ഡ​റു​ടെ മ​റു​പ​ടി. പ​രാ​തി ന​ൽ​കി​യാ​ൽ ഇ​നി​യൊ​രി​ക്ക​ലും സി​എ​ച്ച്സി യി​ൽ നി​ന്ന് ചി​കി​ത്സ ല​ഭി​ക്കി​ല്ലെ​ന്നും ഇ​വ​ർ പ​റ​ഞ്ഞു.

വേ​ഗ​മൊ​ന്ന് ഇ​റ​ങ്ങി​ത്ത​ന്നാ​ൽ ഗെ​യ്റ്റ​ട​യ്ക്കാ​മെ​ന്ന നി​ല​പാ​ടി​ലാ​യി​രു​ന്നു സെ​ക്യൂ​രി​റ്റി ജീ​വ​ന​ക്കാ​ര​ൻ. തു​ട​ർ​ന്ന് ഇ​വ​ർ മു​ക്കം പോ​ലീ​സ് സ്റ്റേ​ഷ​നി​ലെ​ത്തി പ​രാ​തി ന​ൽ​കു​ക​യാ​യി​രു​ന്നു. പ​രാ​തി​യെ തു​ട​ർ​ന്ന് മു​ക്കം എ​സ്ഐ സി​എ​ച്ച്സി യി​ലെ ഡോ. ​ഷാ​ജി​യെ ബ​ന്ധ​പ്പെ​ട്ടു.

ആ​ശു​പ​ത്രി​യ​ക്ക് തൊ​ട്ട​ടു​ത്ത് ത​ന്നെ​യു​ണ്ടാ​യി​രു​ന്നു അ​സി. മെ​ഡി​ക്ക​ൽ ഓ​ഫീ​സ​ർ കൂ​ടി​യാ​യ ഡോ. ​ഷാ​ജി. ഡോ​ക്ട​ർ കു​റി​പ്പ് ന​ൽ​കി​യ​തി​നെ തു​ട​ർ​ന്നാ​ണ് എ​ട്ടേ​കാ​ലോ​ടെ രോ​ഗി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കാ​ൻ ജീ​വ​ന​ക്കാ​ർ ത​യാ​റാ​യ​ത്. രോ​ഗി​യെ ആം​ബു​ല​ൻ​സി​ൽ നി​ന്ന് ഇ​റ​ക്കാ​നോ മ​റ്റു കാ​ര്യ​ങ്ങ​ൾ​ക്കോ ആ​ശു​പ​ത്രി​യി​ലെ ജീ​വ​ന​ക്കാ​ർ ത​യാ​റാ​യി​ല്ല. മ​റ്റു രോ​ഗി​ക​ളു​ടെ കൂ​ട്ടി​രി​പ്പു​കാ​രും ആം​ബു​ല​ൻ​സ് ഡ്രൈ​വ​റു​മെ​ല്ലാം ചേ​ർ​ന്നാ​ണ് രോ​ഗി​യെ ആ​ശു​പ​ത്രി കി​ട​ക്ക​യി​ലേ​ക്ക് മാ​റ്റി​യ​ത്. ഇ​ത്ര​യും നേ​രം റോ​ഡ​രി​കി​ൽ നി​ർ​ത്തി​യി​ട്ട ആം​ബു​ല​ൻ​സി​ൽ കി​ട​ക്കു​ക​യാ​യി​രു​ന്നു ജാ​നു.