ചെറായി : കടലിൽ മത്സ്യബന്ധനം നടത്തുന്നതിനിടെ മത്സ്യബന്ധന ബോട്ടിന്റെ വീൽ ഹൗസിലുണ്ടായ അഗ്നിബാധയിൽ ഒരാൾക്ക് പൊളളലേറ്റ വിവരം അഴീക്കോട് കോസ്റ്റൽ പോലീസിന അറിയിച്ചിട്ടും രക്ഷാ പ്രവർത്തനത്തിനായി ചെന്നില്ലെന്ന് മുനന്പം ബോട്ട് ഓണേഴ്സ് ആന്റ് കോ- ഓർഡിനേഷൻ കമ്മിറ്റി ആരോപിച്ചു. ഈ സാഹചര്യത്തിൽ ഡ്യൂട്ടിയിലുണ്ടായിരുന്ന ഉദ്യോഗസ്ഥർക്കെതിരേ കർശന നടപടികൾ സ്വീകരിക്കണമെന്ന് ബോട്ടുടമാസംഘം ആവശ്യപ്പെട്ടു. ബോട്ടിന്റെ സ്രാങ്കും പാർട്ണറുമായ പള്ളിപ്പുറം കോവിലകത്തുംകടവ് വലിയവീട്ടിൽ ആന്റണി-55 ക്കാണ് പൊള്ളലേറ്റത്. ഇയാളെ അതീവ ഗുരുതരാവസ്ഥയിൽ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇന്നലെ രാവിലെ 11 ന് മുനന്പത്ത് നിന്നും വടക്ക് മാറി 20 ഫാതം പടിഞ്ഞാറ് വെച്ച് സെന്റ് മലാക്കി എന്ന ബോട്ടിലാണ് അഗ്നിബാധയുണ്ടായത്. തൊഴിലാളികൾ ഡക്കിൽ പണിയെടുത്തു കൊണ്ടിരിക്കെ എന്തോ കരിയുന്ന മണം വന്നതോടെ എന്താണെന്നറിയാൻ വീൽ ഹൗസിൽ എത്തിയതായിരുന്നു സ്രാങ്ക്. കയറിയ ഉടനെ വീൽ ഹൗസ് താഴേക്ക് ഇടിയുകയും ആൾ…
Read MoreCategory: Kochi
മരട് ഫ്ളാറ്റ്: അറസ്റ്റിലായ രണ്ട് പഞ്ചായത്ത് ജീവനക്കാരേയും ഫ്ളാറ്റ് നിർമാതാവിനേയും ഇന്നു കോടതിയില് ഹാജരാക്കും
കൊച്ചി: മരടില് തീരപരിപാലന നിയമം ലംഘിച്ചു ഫ്ളാറ്റ് നിര്മിച്ച കേസില് അറസ്റ്റിലായ ഫ്ളാറ്റ് നിര്മാതാവടക്കം മൂന്നു പ്രതികളെ ഇന്നു കോടതിയില് ഹാജരാക്കും. ഹാളി ഫെയ്ത്ത് ഫ്ളാറ്റ് നിര്മാണക്കമ്പനിയുടെ എംഡി സാനി ഫ്രാന്സിസ്, മുന് മരട് പഞ്ചായത്ത് സെക്രട്ടറി ആലപ്പുഴ സ്വദേശി മുഹമ്മദ് അഷറഫ്, മുന് ജൂണിയര് സൂപ്രണ്ട് പി.ഇ. ജോസഫ് എന്നിവരെയാണ് ക്രൈംബ്രാഞ്ച് ഇന്നലെ അറസ്റ്റ് ചെയ്തത്. ഇന്ന് ഉച്ചയോടെ മൂവാറ്റുപുഴ വിജിലന്സ് കോടതിയിലാണ് ഇവരെ ഹാജരാക്കുക. കേസില് കൂടുതല് അറസ്റ്റ് ഉടന് ഉണ്ടായേക്കുമെന്നാണ് ക്രൈംബ്രാഞ്ച് നല്കുന്ന സൂചന. ബന്ധപ്പെട്ട ആളുകളില്നിന്നു കൂടുതല് രേഖകള് ക്രൈംബ്രാഞ്ച് പിടിച്ചെടുത്തിട്ടുണ്ട്. ഇവ വിശദമായി പരിശോധിച്ചുവരികയാണെന്നു ക്രൈംബ്രാഞ്ച് അധികൃതര് അറിയിച്ചു. അറസ്റ്റിലായ മുഹമ്മദ് അഷ്റഫിനെയും ജോസഫിനെയും ചോദ്യംചെയ്യാന് വിളിച്ചുവരുത്തിയശേഷം കസ്റ്റഡിയില് എടുക്കുകയായിരുന്നു. സാനി ഫ്രാന്സിസിനെ ഓഫീസില് എത്തിയാണ് കസ്റ്റഡിയിലെടുത്തത്. നാളെ ഹാജരാകണമെന്നു നേരത്തെ സാനി ഫ്രാന്സിസിനോട് ക്രൈംബ്രാഞ്ച് ആവശ്യപ്പെട്ടിരുന്നെങ്കിലും അതിനു മുമ്പുതന്നെ…
Read Moreതൊഴിയൂർ സുനിൽ വധക്കേസ്: രണ്ടു പേർ കസ്റ്റഡിയിൽ; യൂസഫലിയെ പിടികൂടിയത് നെടുമ്പാശേരി വിമാനത്താവളത്തിൽ നിന്ന്
കൊച്ചി: തൊഴിയൂർ സുനിൽ വധക്കേസിൽ രണ്ടു പേർ കൂടി കസ്റ്റഡിയിൽ. കൊളത്തൂർ സ്വദേശി ഉസ്മാനും അഞ്ചങ്ങാടി സ്വദേശി യൂസഫലിയുമാണ് പിടിയിലായത്. നെടുമ്പാശേരി വിമാനത്താവളത്തിൽ നിന്നാണ് യൂസഫലിയെ പിടികൂടിയത്. 1994 ഡിസംബർ നാലിനാണ് ആർഎസ്എസ് പ്രവർത്തകൻ സുനിൽ കൊല്ലപ്പെട്ടത്. കേസിൽ ഇതുവരെ മൂന്നു പേരാണ് പിടിയിലായത്. ജംഇയ്യത്തുൽ ഇഹ്സാനിയ സംഘടനയുടെ നേതാവ് ചാവക്കാട് തിരുവത്ര കറുപ്പംവീട്ടിൽ മൊയ്നു എന്ന മൊയ്നുദ്ദീനാണ് നേരത്തെ പിടിയിലായത്. കേസിൽ പ്രതികളെന്നു ലോക്കൽ പോലീസ് കണ്ടെത്തിയ നാലു സിപിഎം പ്രവർത്തകർ ജീവപര്യന്തം തടവിനു ശിക്ഷിക്കപ്പെട്ടിരുന്നു. പിന്നീട് കോടതി ഇവരെ കുറ്റവിമുക്തരാക്കിയിരുന്നു.
Read Moreഅഴിമതിയുടെ കറപുറണ്ട ഫയലുകൾ മുങ്ങുന്നത് ആരെ രക്ഷിക്കാൻ?; പാലാരിവട്ടം പാലം അഴിമതിലെ നിർണായക രേഖകൾ അപ്രത്യക്ഷമായി
കൊച്ചി: പാലാരിവട്ടം പാലം അഴിമതിയുമായി ബന്ധപ്പെട്ട നിർണായക രേഖ പൊതുമരാമത്ത് വകുപ്പിൽ നിന്നും കാണാതായെന്ന് സംശയം. പാലം നിർമിച്ച ആർഡിഎസ് കന്പനിക്ക് മുൻകൂർ പണം നൽകാൻ ഉത്തരവിട്ട നോട്ട് ഫയലാണ് അപ്രത്യക്ഷമായത്. നോട്ട് ഫയൽ ആവശ്യപ്പെട്ട് പൊതുമരാമത്ത് സെക്രട്ടറിക്ക് വിജിലൻസ് ഡയറക്ടർ കത്ത് നൽകിയിട്ടുണ്ട്. എന്നാൽ ഫയൽ വകുപ്പിൽ നിന്നും നേരത്തെ തന്നെ അപ്രത്യക്ഷമായെന്നാണ് റിപ്പോർട്ടുകൾ. പാലം നിർമാണ കരാർ കന്പനിയായ ആർഡിഎസിന് മുൻകൂറായി 8.25 കോടി നൽകാൻ മന്ത്രി ഉത്തരവിട്ട ഫയലാണിത്. ഈ തുക ആവശ്യപ്പെട്ട് റോഡ്സ് ആൻഡ് ബ്രിഡ്ജസ് കോർപ്പറേഷനാണ് ആർഡിഎസ് കന്പനി ആദ്യം അപേക്ഷ നൽകിയത്. ഈ അപേക്ഷ അവർ പൊതുമരാമത്ത് സെക്രട്ടറിക്ക് നൽകി. പൊതുമരാമത്ത് സെക്രട്ടറിയാണ് പണം നൽകാൻ നിർദ്ദേശിച്ച് റോഡ് ഫണ്ട് ബോർഡിന് അപേക്ഷ നൽകിയത്. റോഡ് ഫണ്ട് ബോർഡ് അപേക്ഷ പിന്നീട് മന്ത്രിയുടെ പരിഗണനയ്ക്ക് അയച്ചു. മന്ത്രി ഫയലിൽ…
Read Moreപാതകൾ ശവപ്പറമ്പാക്കരുത്; പൊതുവാഹനങ്ങൾ ഓടിക്കുന്നവരെ നിരീക്ഷിക്കാൻ സംവിധാനമില്ല; വാഹനങ്ങളിൽ ഡാഷ് കാമറ വേണമെന്നു കോടതി
കൊച്ചി: വാഹനാപകടങ്ങളുടെ കാരണമെന്തെന്നും ഉത്തരവാദികളാരാണെന്നും കണ്ടെത്താൻ പൊതുവാഹനങ്ങളിൽ ഡാഷ് കാമുകൾ (കാമറകൾ) സ്ഥാപിക്കേണ്ട കാലം അതിക്രമിച്ചെന്നു ഹൈക്കോടതി അഭിപ്രായപ്പെട്ടു. കോഴിക്കോട് പേരാന്പ്രയിൽ ബസിടിച്ച് സ്ത്രീ മരിച്ച കേസിൽ അറസ്റ്റിലായ ബസ് ഡ്രൈവർ സുനീഷ് നൽകിയ ജാമ്യാപേക്ഷയിലാണു ഹൈക്കോടതി നിർദേശം നൽകിയത്. സംസ്ഥാനത്തു രണ്ടു ദശാബ്ദമായി പ്രതിവർഷം 40,000 അപകടങ്ങൾ ഉണ്ടാകുന്നെന്നു കോടതി ചൂണ്ടിക്കാട്ടി. 2018ൽ 4199 പേരാണ് അപകടത്തിൽ മരിച്ചത്. 31,000 പേർക്ക് ഗുരുതരമായി പരിക്കേറ്റു. മിക്ക കേസുകളിലും അന്വേഷണ ഉദ്യോഗസ്ഥരുടെ പിടിപ്പുകേടുകൊണ്ടു പ്രതികളെ കണ്ടെത്താൻ കഴിയുന്നില്ല. നൂതന സാങ്കേതികവിദ്യ ഉപയോഗിക്കാത്തതും പഴഞ്ചൻ അന്വേഷണ രീതിയും സാക്ഷികൾ കാട്ടുന്ന നിസംഗതയും നിമിത്തം പ്രതികൾ പലപ്പോഴും രക്ഷപ്പെടുകയാണെന്നും കോടതി നിരീക്ഷിച്ചു. യൂറോപ്യൻ രാജ്യങ്ങളിലും റഷ്യയിലും വാഹനങ്ങളിൽ ഡാഷ് കാം സ്ഥാപിക്കണമെന്നു നിർബന്ധമുണ്ട്. ഇൻഷ്വറൻസ് ക്ലെയിം തീർപ്പാക്കാനും ഇതു സഹായിക്കും. അപകട കാരണം, വാഹനം ഓടിച്ചിരുന്നതാര്, തുടങ്ങിയ വിവരങ്ങളെല്ലാം ഡാഷ്…
Read Moreമരടിൽ എല്ലാവർക്കും 25 ലക്ഷമില്ല; ആദ്യഘട്ടത്തിൽ അർഹത വെറും മൂന്നുപേർക്ക്; സമിതിയുടെ ശുപാർശയ്ക്ക് പിന്നിലെ കാരണം ഇങ്ങനെ…
കൊച്ചി: മരടിൽ തീരദേശപരിപാലന നിയമം ലംഘിച്ചു നിർമിച്ചതിനെ തുടർന്നു സുപ്രീംകോടതി പൊളിക്കാൻ നിർദേശിച്ച ഫ്ളാറ്റുകളുടെ എല്ലാ ഉടമകൾക്കും നഷ്ടപരിഹാരമായി 25 ലക്ഷം രൂപ ലഭിക്കില്ല. ആദ്യഘട്ടത്തിൽ മൂന്ന് ഉടമകൾക്കു മാത്രമേ ഈ തുക ലഭിക്കൂ. ജസ്റ്റീസ് ബാലകൃഷ്ണൻ നായർ അധ്യക്ഷനായ സമിതിയുടേതാണു ശിപാർശ. ഈ സമിതിയാണു നഷ്ടപരിഹാരത്തുക തീരുമാനിക്കുന്നത്. കെട്ടിടത്തിന്റെ വിലയ്ക്ക് ആനുപാതികമായിട്ടായിരിക്കും നഷ്ടപരിഹാരം നൽകുക. 14 ഫ്ളാറ്റുടമകൾക്കാണ് ഇടക്കാല ആശ്വാസത്തിന് ഇപ്പോൾ ശിപാർശ ചെയ്തിരിക്കുന്നത്. 13 ലക്ഷം മുതൽ 25 ലക്ഷം വരെയായിരിക്കും മൂന്നു പേരൊഴികെ മറ്റുള്ളവർക്കു ലഭിക്കുന്ന നഷ്ടപരിഹാരം. രണ്ടു കോടി രൂപ നഷ്ടപരിഹാരം ആവശ്യപ്പെട്ട ഒരാൾക്കാണ് ഇപ്പോൾ 25 ലക്ഷം രൂപ നൽകാൻ സമിതി ശിപാർശ ചെയ്തിരിക്കുന്നത്. ഫ്ളാറ്റുടമകൾ ഉടമസ്ഥാവാകാശം തെളിയിക്കുന്നതിന്റെയും പണം നൽകിയതിന്റെയും രേഖകൾ ഈ മാസം 17-നകം മരട് സെക്രട്ടറിക്കു നൽകണം. ഫ്ളാറ്റ് നിർമാതാക്കൾ പണം വാങ്ങിയതിന്റെ രേഖകളും നഗരസഭയിൽ…
Read Moreപെട്ടാൽ അഞ്ചുവർഷത്തെ ഇടവേളയ്ക്ക് ശേഷം ..! പരാതിക്ക് പിന്നിലെ ലക്ഷ്യം തന്നെ അപകീർത്തിപ്പെടുത്താൻ; ആനക്കൊമ്പ് കേസിലെ കുറ്റപത്രം വന് മാനസികപീഡനമാണെന്ന് മോഹൻലാൽ
കൊച്ചി: ആനക്കൊന്പ് കേസിൽ കുറ്റപത്രത്തിനെതിരെ നടൻ മോഹൻലാൽ ഹൈക്കോടതിയിൽ. ഒന്നാം പ്രതിയായി കുറ്റപത്രം സമർപ്പിച്ചതു തന്നെ പീഡിപ്പിക്കാനുള്ള ശ്രമത്തിന്റെ ഭാഗമാണന്നും വിശദീകരിക്കാനാവാത്ത വിധം മാനസികപീഡനമാണു നടക്കുന്നതെന്നും മോഹൻലാൽ മറുപടി സത്യവാങ്മൂലത്തിൽ കോടതിയിൽ വ്യക്തമാക്കി. വനംവകുപ്പ് പെരുന്പാവൂർ കോടതിയിൽ സമർപ്പിച്ച കുറ്റപത്രത്തിനെതിരെയാണു മോഹൻലാൽ കോടതിയിൽ വിശദീകരണം നൽകിയിരിക്കുന്നത്. 2011 ഡിസംബറിൽ രജിസ്റ്റർ ചെയ്ത കേസിന് ഏഴു വർഷം കഴിഞ്ഞാണു കുറ്റപത്രം നൽകിയത്. ഇതിൽ ഗൂഢാലോചനയുണ്ട്. തന്നെ അപകീർത്തിപ്പെടുത്താൻ ലക്ഷ്യമിട്ടാണ് ഇപ്പോൾ പരാതി ഉയർത്തിക്കൊണ്ടു വന്നിരിക്കുന്നത്. തനിക്ക് ആനക്കൊന്പ് കൈവശം വയ്ക്കുന്നതിന് അനുമതി ലഭിച്ചിട്ടുള്ളതാണെന്നും മോഹൻലാൽ പറയുന്നു. തേവരയിലെ വസതിയിൽനിന്നു കണ്ടെത്തിയ രണ്ട് ജോഡി ആനക്കൊന്പുകൾ കൈവശംവയ്ക്കാൻ മുൻകാല പ്രാബല്യത്തോടെ സർക്കാർ അനുമതി നൽകിയതാണ്. കേസിലെ നിലവിലെ നിയമപരമായ സാഹചര്യം ഇതാണ്. എന്നിട്ടും ആനക്കൊന്പ് അനധികൃതമാണെന്ന ഹർജിക്കാരുടെ ആരോപണം അടിസ്ഥാനരഹിതമാണന്നും സത്യവാങ്മൂലത്തിൽ മോഹൻലാൽ ബോധിപ്പിച്ചു. മോഹൻലാലിന്റെ വസതിയിൽ 2011 ജൂലൈ…
Read Moreലക്ഷ്യം ഗിന്നസ് റിക്കാർഡ് ; ഒറ്റദിവസം 35000 പേർക്ക് സിപിആർ പരിശീലനം
കൊച്ചി: പൊടുന്നനെയുള്ള ഹൃദയാഘാതം മൂലമുണ്ടാകുന്ന മരണത്തിന്റെ തോത് കുറയ്ക്കാനുള്ള സവിശേഷ ദൗത്യവുമായി എറണാകുളം ജില്ലാ ഭരണകൂടവും ഇന്ത്യൻ മെഡിക്കൽ അസോസിയേഷൻ കൊച്ചി ചാപ്റ്ററും കൈകോർക്കുന്നു. ഏഞ്ചൽസ് ഇന്റർനാഷണൽ ഫൗണ്ടേഷന്റെ സഹകരണത്തോടെ സംഘടിപ്പിക്കുന്ന ഹാർട്ട്ബീറ്റ്സ് എന്ന ബഹുജനപങ്കാളിത്തത്തോടെയുള്ള പരിശീലന പരിപാടി നവംബർ 16ന് നെടുന്പാശേരി സിയാൽ കണ്വൻഷൻ സെന്ററിൽ നടക്കും. ഗിന്നസ് ബുക്കിലും ബെസ്റ്റ് ഓഫ് ഇന്ത്യ റിക്കോർഡ്സിലും സ്ഥാനം നേടുകയെന്ന ലക്ഷ്യത്തോടെ 35000 ൽപരം വിദ്യാർഥികൾക്ക് ഒറ്റ ദിവസം സിപിആർ പരിശീലനം നൽകുകയെന്നതാണ് പരിപാടി. നെഞ്ചിൽ തുടർച്ചയായി ശക്തിയായി കൈകൊണ്ട് അമർത്തിക്കൊണ്ടുള്ള സിപിആർ അറിഞ്ഞിരുന്നാൽ പൊടുന്നനെയുള്ള ഹൃദയാഘാതം കൊണ്ടുള്ള മരണനിരക്ക് കുറയ്ക്കാനാകും. അടിയന്തരഘട്ടങ്ങളിൽ തലച്ചോറിലേക്കും ഹൃദയത്തിലേക്കുമുള്ള രക്തപ്രവാഹത്തെ നിലനിർത്തുന്നതിനു സഹായിക്കുന്ന ജീവൻരക്ഷാ മാർഗമായ സിപിആർ അഥവാ കാർഡിയോപൾമൊണറി റെസസിറ്റേഷനിൽ പരമാവധി പേർക്ക് പരിശീലനം നൽകുകയാണ് ഹാർട്ട് ബീറ്റ്സിലൂടെ ജില്ലാ ഭരണകൂടവും ഐഎംഎയും ലക്ഷ്യമിടുന്നത്. 2016 ഏപ്രിൽ ഏഴിന്…
Read Moreശബരി റെയില്വേ യാഥാര്ഥ്യമാക്കാന് സര്ക്കാര് ഇടപെടുമെന്ന് മുഖ്യമന്ത്രി
കൊച്ചി: ശബരി റെയില്വേ പദ്ധതി നടപ്പാക്കുന്നതില്നിന്ന് സംസ്ഥാന സര്ക്കാര് പിന്നോട്ടില്ലെന്ന് മുഖ്യമന്ത്രി പിണറായി വിജയന്. നേരത്തെ സര്ക്കാര് പ്രഖ്യാപിച്ച നിലപാടില് നിന്ന് പിന്നാക്കം പോകില്ല. തെരഞ്ഞെടുപ്പ് പെരുമാറ്റചട്ടം നിലനിൽക്കുന്നതിനാല് പദ്ധതിയെ സംബന്ധിച്ച് കൂടുതലൊന്നും പറയാന് കഴിയില്ലെന്നും മുഖ്യമന്ത്രി കൊച്ചിയില് പറഞ്ഞു. രണ്ടു പതിറ്റാണ്ടിലധികമായി ശബരി റെയില്വേ പദ്ധതിയില് തുടരുന്ന അനിശ്ചിതത്വത്തിനെതിരേ സംയുക്ത സമര സമിതി മുഖ്യമന്ത്രിയുമായി നടത്തിയ കൂടിക്കാഴ്ചയിലാണ് സര്ക്കാര് നിലപാട് വ്യക്തമാക്കിയത്. പദ്ധതിയുമായി ബന്ധപ്പെട്ട് സര്ക്കാര് തലത്തില് വേണ്ട ഇടപെടലുകളെക്കുറിച്ച് വിശദമായി പഠിച്ചശേഷം നിലപാട് വ്യക്തമാക്കാമെന്നും മുഖ്യമന്ത്രി അറിയിച്ചു. പദ്ധതിയുടെ ആവശ്യകത വ്യക്തമാക്കികൊണ്ടുള്ള നിവേദനവും സമര സമിതി മുഖ്യമന്ത്രിയ്ക്ക് നല്കി. പദ്ധതി അട്ടിമറിക്കാന് ഉദ്യോഗസ്ഥ തലത്തില് ആസൂത്രിത നീക്കം നടക്കുന്നുവെന്ന് സമര സമിതി പ്രവര്ത്തകര് മുഖ്യമന്ത്രിയെ അറിയിച്ചു. അത്തരം ആക്ഷേപങ്ങളുണ്ടെങ്കില് സര്ക്കാര് അതുപരിശോധിക്കുമെന്ന് മുഖ്യമന്ത്രി നേതാക്കള്ക്ക് ഉറപ്പു നല്കി. ശബരി വിമാനത്താവളത്തിനൊപ്പം റെയില്വേ പദ്ധതിയും നടപ്പാക്കണമെന്നാവശ്യപ്പെട്ടുകൊണ്ട്…
Read Moreകളിയാക്കിയതിനെ ചൊല്ലിയുള്ള തർക്കം; ബാഡ്മിന്റൺ മുൻ ക്യാപ്റ്റൻ കുത്തേറ്റുമരിച്ചു; സുഹൃത്ത് കസ്റ്റഡിയിൽ
അങ്കമാലി: ഷട്ടിൽ ബാഡ്മിന്റൺ കേരള ടീമിന്റെ മുൻ ക്യാപ്റ്റൻ കുത്തേറ്റുമരിച്ചു. സംഭവവുമായി ബന്ധപ്പെട്ട് സുഹൃത്തിനെ കസ്റ്റഡിയിലെടുത്തു. ആയത്തുപടി ചുള്ളി വീട്ടിൽ ജോസിന്റെ മകൻ ജോയൽ (22) ആണ് കുത്തേറ്റു മരിച്ചത്. പ്രതിയായ ഇടുക്കി കുളമാവ് തെക്കേകളത്തിങ്കൽ വീട്ടിൽ ഗബ്രിയേലിന്റെ മകൻ ഷാജു (52)നെ പോലീസ് കസ്റ്റഡിയിലെടുത്തു. സംഭവത്തെക്കുറിച്ച് പോലീസ് പറയുന്നതിങ്ങനെ: അങ്കമാലി ടെൽക്കിനു സമീപത്തെ കെഎസ്ഇബി ഗോഡൗണിലെ താൽക്കാലിക ജീവനക്കാരാണിരുവരും. ചമ്പന്നൂരിൽ വാടകയ്ക്കു താമസിച്ചു വരികയാണ് ഷാജു. ജോയലിനെ കളിയാക്കി ഷാജു മറ്റു സുഹൃത്തുക്കളോടു സംസാരിച്ചിരുന്നു. ഇത് ചോദിക്കുന്നതിനായി ഇന്നലെ രാത്രി ഒൻപതോടെ ജോയൽ ഷാജുവിന്റെ വാടക വീട്ടിലെത്തി. തുടർന്നുണ്ടായ വാക്കുതർക്കം കത്തിക്കുത്തിൽ കലാശിക്കുകയായിരുന്നു. നെഞ്ചിലും പുറത്തും കുത്തേറ്റ ജോയൽ വീട്ടുമുറ്റത്തു വച്ചുതന്നെ മരിച്ചു. ഓടിക്കൂടിയ നാട്ടുകാർ പ്രതിയെ പിടികൂടി പോലീസിൽ ഏൽപിക്കുകയായിരുന്നു. മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്കുവിട്ടുകൊടുക്കും. അമ്മ മിനി.ജെയ്മിൻ ,മരിയ എന്നിവർ സഹോദരങ്ങളാണ്. സംസ്കാരം…
Read More