കൊല്ലം: വയോധികന് പെൻഷൻ നിഷേധിച്ച തയ്യൽ തൊഴിലാളി ക്ഷേമനിധി ബോർഡ് രണ്ടാഴ്ച്ചയ്ക്കകം വിശദീകരണം സമർപ്പിക്കണമെന്ന് സംസ്ഥാന മനുഷ്യാവകാശ കമ്മീഷൻ ക്ഷേമനിധി ബോർഡിന്റെ കൊല്ലം ഓഫീസിലെ എക്സിക്യൂട്ടീവ് ഓഫീസർ റിപ്പോർട്ട് നൽകാനാണ് കമ്മീഷൻ അംഗം കെ. മോഹൻകുമാർ ഉത്തരവിട്ടത്. പന്മന ചിറ്റൂർ മുല്ലശേരി പുത്തൻവീട്ടിൽ ലോറൻസ് ഫെർണാണ്ട സ് (87) സമർപ്പിച്ച പരാതിയിലാണ് നടപടി. പരാതിക്കാരന് ക്ഷേമനിധി ബോർഡിൽ നിന്നും സ്ഥിരമായി പെൻഷൻ ലഭിച്ചിരുന്നു. ഒരു വർഷത്തിനു മുന്പ് പെൻഷൻ മുടങ്ങി. മരുന്നിനും മറ്റ് ചെലവുകൾക്കും ബുദ്ധിമുട്ട് നേരിട്ടതിനെ തുടർന്ന് നിരവധി തവണ ക്ഷേമനിധി ഓഫീസിലെത്തിയെങ്കിലും ഫലമുണ്ടാ യില്ല. ബോർഡ് ഉദ്യോഗസ്ഥനെ ഒടുവിൽ കണ്ടപ്പോൾ ആധാർ നന്പർ എഴുതിവാങ്ങിയ ശേഷം പെൻഷൻ അയക്കാമെന്ന് പറഞ്ഞിരുന്നു. എന്നിട്ടും പെൻഷൻ ലഭിക്കാത്തതിനെ തുടർന്നാണ് പരാതി നൽകിയത്
Read MoreCategory: Kollam
വോട്ടര്പട്ടികയില് പേര് ചേര്ക്കാന് സെപ്റ്റംബര് ഒന്നുമുതല് ഓണ്ലൈനായി അപേക്ഷ നല്കാം.
കൊല്ലം: കേന്ദ്ര തെരഞ്ഞെടുപ്പ് കമ്മീഷന് 2019 ജനുവരി ഒന്ന് യോഗ്യതാ തീയതിയായി നിശ്ചയിച്ച് വോട്ടര്പട്ടിക പുതുക്കുന്നതിനുള്ള നടപടികള് ആരംഭിച്ചു. ഇതിന്റെ ഭാഗമായി നിലവിലുള്ള വോട്ടര്പട്ടികയുടെ കരട് 2018 സെപ്റ്റംബര് ഒന്നിന് പ്രസിദ്ധീകരിക്കും. അന്നു മുതല് 2018 ഒക്ടോബര് 31 വരെ പുതുതായി പേര് ചേര്ക്കല്/തെറ്റ് തിരുത്തല്/മരണമടഞ്ഞ/സ്ഥലം മാറിപോയ വോട്ടര്മാരെ നീക്കം ചെയ്യല് എന്നിവയ്ക്ക് ഓണ്ലൈനായി അപേക്ഷ നല്കാം. അപേക്ഷകള് 2018 നവംബര് 30 നകം തീര്പ്പാക്കി 2019 ജനുവരി നാലിന് അന്തിമ വോട്ടര് പട്ടിക പ്രസിദ്ധീകരിക്കും. 2019 ജനുവരി ഒന്നിന് 18 വയസ് പൂര്ത്തിയാകുന്നവര് ഈ അവസരം പ്രയോജനപ്പെടുത്തണമെന്ന് ജില്ലാ തെരഞ്ഞെടുപ്പ് ഓഫീസര് കൂടിയായ ജില്ലാ കളക്ടര് ഡോ. എസ്. കാര്ത്തികേയന് നിര്ദേശിച്ചു. അംഗീകൃത രാഷ്ട്രീയ പര്ട്ടികളുമായി നടത്തിയ ചര്ച്ചയുടെ അടിസ്ഥാനത്തില് ജില്ലയില് 70 പോളിംഗ് സ്റ്റേഷനുകളില് വോട്ടര്മാരെ പുനഃക്രമീകരിക്കുന്നതിനുള്ള ശുപാര്ശ കേന്ദ്ര തെരഞ്ഞെടുപ്പ് കമ്മീഷന് അയച്ചു.…
Read Moreചതി, കൊടുംചതി! പെണ്കുട്ടിയുമായി സൗഹൃദം നടിച്ചതിന് ശേഷം ഫോണ്വിളി; ആ സംഭാഷണം മറ്റുളളവര്ക്ക് നല്കിയ യുവാവ് പിടിയില്
ചവറ : പെണ്കുട്ടിയുമായി സൗഹൃദം നടിച്ചതിന് ശേഷം ഫോണ് സംഭാഷണവും വാട്സാപ്പ് സന്ദേശങ്ങളും മറ്റുളളവരുടെ ഫോണിലേക്ക് അയച്ച് കൊടുത്ത യുവാവിനെ പിടികൂടി. പന്മന സ്വദേശിയായ ദേവനാരായണനെയാണ് (19) ചവറ പോലീസ് പിടികൂടിയത്. പന സ്വദേശിയായ പെണ്കുട്ടിയുമായി ഏറെക്കാലം സൗഹൃദം സ്ഥാപിച്ചതിനുശേഷം ഇവർ തമ്മിൽ നടത്തിയ ഫോണ് സംഭാഷണങ്ങളും വാട്ട്സപ്പ് സന്ദേശങ്ങളും കൂട്ടുകാരുടെയും മറ്റുളളവരുടെ ഫോണുകളിലേക്കും ദേവാനാരായണൻ കൈമാറുകയായിരുന്നു എന്ന് പോലീസ് പറഞ്ഞു.പെണ്കുട്ടിയുടെ പരാതിയുടെ അടിസ്ഥാനത്തിൽ യുവാവിനെതിരെ കേസെടുത്തു
Read Moreസിംഗപ്പൂരിൽ ജോലി വാഗ്ദാനം ചെയ്തു തട്ടിപ്പ്; പൂനെ സ്വദേശിനി പിടിയിൽ; തട്ടിയെടുത്തത് 39,20000 രൂപ
അടൂർ: സിംഗപ്പൂരിൽ ജോലി വാഗ്ദാനം ചെയ്ത് 39,20000 രൂപ തട്ടിയെടുത്ത കേസിൽ പൂനെ സ്വദേശിനിയെ അടൂർ പോലീസ് അറസ്റ്റു ചെയ്തു. പൂനെ തലൈഗാവ് എസ്. നന്പർ നീലം അരുണ്കുമാർ ഉപാധ്യായ (39)യെ ആണ് പൂനെയിൽ നിന്ന് പോലീസ് പിടികൂടിയത്. അടൂർ തെങ്ങുംതാര ’വിനായക’യിൽ ഷൈൻ വി. രാമകൃഷ്ണനിൽ നിന്നും ബന്ധുക്കളും സുഹൃത്തുക്കളും ഉൾപ്പെടെ 12 പേരിൽ നിന്ന് വാങ്ങിയ തുക സിംഗപ്പൂരിൽ ജോലിയ്ക്കായി 2013ൽ ഇയാളുടെ മുംബൈയിലെ ഐസിഐസിഐ ബാങ്ക് അക്കൗണ്ടിലേക്ക് എസ്ബിഐ അടൂർ ശാഖയിൽ നിന്നും അടൂർ ഐസിഐസിഐ ശാഖയിൽ നിന്നും അയച്ചുകൊടുക്കുകയായിരുന്നു. ഈ പണം ഇവർ കൈപ്പറ്റിയ ശേഷം മുംബൈയിൽ നിന്നും താമസം മാറി പൂനെയിലെ തലൈഗോണ് പാരഡൈസ് ഫ്ളാറ്റിൽ കഴിയുകയായിരുന്നു. പരാതിയുടെ അടിസ്ഥാനത്തിൽ മുംബൈയിലെത്തിയ പോലീസ് സംഘം അന്വേഷണം നടത്തിയെങ്കിലും ഇവർ പൂനെയിലെ സഹോദരന്റെ ഫ്ളാറ്റിൽ താമസിക്കുന്നതായുള്ള രഹസ്യവിവരം ലഭിച്ചു. തുടർന്ന് പോലീസ്…
Read Moreഇവിടെ എങ്ങനെയെത്തി ? നീണ്ടകരയിൽ കൂറ്റൻ പെരുമ്പാമ്പിനെ പിടികൂടി; ദുരൂഹതയുണ്ടെന്ന് നാട്ടുകാർ
ചവറ: നീണ്ടകരയിൽ കൂറ്റൻ പെരുമ്പാമ്പിനെ കണ്ടെത്തിയതിൽ ദുരൂഹതയുള്ളതായി നാട്ടുകാർ ആരോപിക്കുന്നു. കഴിഞ്ഞ ദിവസം രാത്രി 11.30 ഓടെയാണ് നീണ്ടകര പുത്തൻതുറ ദേശീയപാതയോരത്തെ കുറ്റിക്കാടുകൾക്കിടയിൽ കൂറ്റൻ പെരുപാമ്പിനെ കണ്ടത് . പാമ്പ് പിന്നീട് സമീപത്തെ വീട്ടുപറമ്പിലേയ്ക്ക് കയറി. സംഭവം അറിഞ്ഞ് പ്രദേശവാസികൾ എത്തി. പിവിസി പൈപ്പിനുള്ളിലാക്കാൻ ചിലർ ശ്രമിച്ചു. സംഭവം അറിഞ്ഞ് പോലീസും സ്ഥലത്തെത്തി. തുടർന്ന് പാമ്പ് പിടുത്തക്കാരൻ മുരുകൻ എത്തി പെരുമ്പാമ്പിനെ പിടികൂടി വനപാലകർക്ക് കൈമാറി. ഏതെങ്കിലും വാഹനങ്ങളിൽ കയറി കൂടി ഇവിടെ എത്തപ്പെട്ടതാകാമെന്ന നിഗമനത്തിലാണ് പോലീസ്. എന്നാൽ ഈ പാമ്പ് ഈ പ്രദേശത്ത് എത്തിയതിൽ നാട്ടുക്കാരിൽ ചിലർ ദുരൂഹത ഉയർത്തിയിട്ടുണ്ട്.
Read Moreവള്ളം അപകടത്തിൽപെട്ടു മത്സ്യത്തൊഴിലാളി മരിക്കാനിടയായ സാഹചര്യം അന്വേഷിക്കണം; അടിയന്തിര ധനസഹായം അനുവദിക്കണമെന്ന് കെ.സി. വേണുഗോപാൽ
കൊല്ലം: നീണ്ടകരയിൽ കഴിഞ്ഞ ദിവസം മൽസ്യ ബന്ധന വള്ളം അപകടത്തിൽപെട്ടു ആലപ്പാട് സ്വദേശി ലിജു മരിക്കാനിടയായ സാഹചര്യം അന്വേഷിക്കണമെന്ന് കെ സി വേണുഗോപാൽ എംപി മുഖ്യമന്ത്രിയോടാവശ്യപ്പെട്ടു. മറൈൻ എൻഫോഴ്സ്മെന്റിന്റെ രക്ഷാ പ്രവർത്തനത്തിനുപയോഗിക്കുന്ന ബോട്ടിനു ഏതാനം മീറ്ററുകൾ അകലെയാണ് ലിജു ഉൾപ്പെടെയുള്ള തൊഴിലാളികൾ മൽസ്യബന്ധനത്തിൽ ഏർപ്പെട്ടിരുന്ന വള്ളം എൻജിന്റെ പ്രവർത്തനം നിലച്ചു അപകടത്തിൽപെട്ടത്. എന്നാൽ മറൈൻ എൻഫോഴ്സ്മെന്റിനെ വിവരം അറിയിച്ചെങ്കിലും അവർ എത്താൻ വൈകിയതിനെ തുടർന്ന് അപകടത്തിൽ പെട്ടവർ കടലിൽ ചാടി നീന്തി രക്ഷപെടാൻ ശ്രമം ആരംഭിക്കുകയായിരുന്നു. ഇതിനിടെയാണ് അപകടത്തിൽപെട്ടു മരിച്ചത്. രക്ഷാപ്രവർത്തനത്തിന് ബോട്ട് എത്താൻ വൈകിയെന്നു ആരോപണം ഉയർന്ന സാഹചര്യം അന്വേഷിക്കണം. രക്ഷപെടുത്താൻ കഴിയുന്ന സാഹചര്യം ഉണ്ടായിട്ടും അപകടത്തിൽ ലിജു മരണമടയുകയും മൂന്നു തൊഴിലാളികൾക്കു പരിക്കേൽക്കുകയും ചെയ്തു. മരണമടഞ്ഞ ലിജുവിന്റെ കുടുംബത്തിന് അടിയന്തിര ധനസഹായം അനുവദിക്കണമെന്നും എം പി മുഖ്യമന്ത്രിയോടാവശ്യപ്പെട്ടു.
Read Moreകാറിൽ കറങ്ങി നടന്ന് ദമ്പതികളുടെ മോഷണം; കാണിക്കവഞ്ചി മോഷണക്കേസിൽ അറസ്റ്റിലായവരുടെ കൂടെ പതിനാറുകാരനും
കൊട്ടാരക്കര: മുത്തുമാരി അമ്മൻ കോവിലിലെ വഞ്ചി മോഷണക്കേസിൽ ദമ്പതികളെ പോലീസ് അറസ്റ്റ് ചെയ്തു . മാവേലിക്കര വേരൂർ മള്ളാട്ടു താഴേവീട്ടിൽ അജയകുമാർ(21), ഭാര്യ ശ്രീലക്ഷ്മി(19) എന്നിവരാണ് പോലീസിന്റെ പിടിയിലായത്. ഇവരുടെ പതിനാറുകാരനായ ബന്ധുവും കേസിൽ പ്രതിയാണെന്ന് പോലീസ് പറഞ്ഞു. കുരിശടികളിലുൾപ്പടെ നിരവധി മോഷണങ്ങൾ നടത്തിയ കേസിൽ ചെങ്ങന്നൂരിൽ നിന്നാണ് ഇവർ പിടിയിലായത്. പോലീസ് കസ്റ്റഡിയിൽ എടുത്ത് ചോദ്യം ചെയ്തപ്പോഴാണ് കൊട്ടാരക്കര മുത്തുമാരി അമ്മൻ കോവിലിലെ മോഷണം സംബന്ധിച്ച് വിവരം ലഭിക്കുന്നത്. കാറിൽ കറങ്ങി മോഷണം നടത്തുന്ന ഇവർ മുത്തുമാരി അമ്മൻകോവിലിലെ വഞ്ചിയും കാറിൽ കടത്തുകയായിരുന്നുവെന്ന് പോലീസ് പറയുന്നു.
Read Moreസാങ്കേതികത്വത്തില് കുരുങ്ങി ലൈഫ് മിഷന് പുറത്ത്; ദളിത് കുടുംബം വെള്ളക്കെട്ടില്
കരുനാഗപ്പള്ളി : ഒരു റേഷന് കാര്ഡിനെ ഒരു കുടുംബമായി പരിഗണിക്കണമെന്ന സര്ക്കാര് മാനദണ്ഡത്തില് കുരുങ്ങി ലൈഫ് മിഷന് ലിസ്റ്റിന് പുറത്തുപോയത് ഒരു ദളിത് കുടുംബം. ഗൃഹനാഥന് കാന്സര് ബാധിച്ച് മരണപ്പെട്ട ദളിത് കുടുംബം കനത്തമഴയില് വെള്ളത്തിലകപ്പെട്ടു. തഴവ പാവുമ്പ വില്ലേജിലെ മണപ്പള്ളി പതിനൊന്നാം വാര്ഡില് കടമ്പാട്ട് കോളനിയിലെ രാധാമണിയും അഞ്ചാം ക്ലാസ് വിദ്യാര്ഥി രാഹുലുമടങ്ങുന്ന കുടുംബത്തിന്റെ ഓലമറച്ച ഒരു മുറി വെള്ളപ്പൊക്കത്തില് മുങ്ങി താമസ യോഗ്യമല്ലാതായിരിക്കുന്നു. വികലാംഗനും കാന്സര് ബാധിതനുമായിരുന്ന രാഘവന്റെ കുടുംബത്തിനാണ് ഈ ദുരവസ്ഥ. രാഘവന് ജീവിച്ചിരിക്കെ പലഘട്ടങ്ങളിലും വീടിന് അപേക്ഷിച്ചെങ്കിലും അധികൃതര് കനിഞ്ഞില്ല.പിന്നീട് രോഗാധുരനായപ്പോഴേക്കും സര്ക്കാരിന്റെ സ്വപ്ന പദ്ധതിയായ ലൈഫില് വീട് ലഭിക്കുമെന്ന പ്രതീക്ഷയും സഫമാകാതെയാണ് മരണത്തിന് കീഴടങ്ങിയത്. രാഘവന്റെ മരണത്തിന് ശേഷം ഈ കുടുംബത്തെ സാങ്കേതികത്വത്തിന്റെ പേരില് ഭവനപദ്ധതിയില് ഒഴിവാക്കിയ വിവരം കാണിച്ച് കൊല്ലം ജില്ലാ കളക്ടര്ക്ക് പരാതി നല്കിയതായും കുടുംബത്തിന്റെ ദയനീവാസ്ഥ…
Read Moreഓരേസമയം രണ്ടുപേർ ഒന്നിച്ചെത്തി; യുവതിക്കുവേണ്ടിയുള്ള സംഘർഷത്തിനിടെ രക്ഷപ്പെടാൻ ശ്രമിച്ച യുവാവ് കിണറ്റിൽ വീണു മരിച്ചു; കൊല്ലത്ത് സംഭവിച്ചത്
കൊല്ലം: അഞ്ചലിൽ ഇരുസംഘങ്ങൾ തമ്മിലുണ്ടായ സംഘർഷത്തെ തുടർന്ന് ഓടിരക്ഷപ്പെടാൻ ശ്രമിച്ച യുവാവ് കിണറ്റിൽ വീണു മരിച്ചു. അഞ്ചൽ ഏരൂർ തുന്പോട് ലിജോഭവനിൽ ലാലുകുഞ്ഞാപ്പി(44) ആണ് മരിച്ചത്. ഇന്നലെ രാത്രിയിലായിരുന്നു സംഭവം. അഞ്ചൽ അഗസ്ത്യക്കോടിന് സമീപമായിരുന്നു സംഘടനം. പ്രദേശത്തെ ഒരു യുവതിയെ ചൊല്ലിയുണ്ടായ വാക്കുതർക്കമാണ് സംഘർഷത്തിൽ കലാശിച്ചതെന്ന് പോലീസ് പറഞ്ഞു. മർദനമേറ്റ് ഓടിരക്ഷപ്പെടാൻ ശ്രമിക്കവെയാണ് സമീപത്തെ പറന്പിലെ കിണറ്റിൽ വീണ് മരിച്ചത്. സംഭവവുമായി ബന്ധപ്പെട്ട് ആയൂർ സ്വദേശി സുമേഷ് എന്ന യുവാവിനെ അഞ്ചൽ പോലീസ് കസ്റ്റഡിയിലെടുത്തിട്ടുണ്ട്.
Read Moreകുവൈറ്റിൽ മലയാളി യുവാവിന്റെ സത്യസന്ധത നാടിന് അഭിമാനമായി; ടാക്സിയിൽ ഇരുന്ന് കിട്ടിയ ബാഗ് ഉടമയ്ക്ക് നൽകുമ്പോൾ ഈജിപ്തുകാരന് തിരികെ കിട്ടിയത് ലക്ഷങ്ങൾ; സംഭവത്തെക്കുറിച്ച് ഹാഫി പറയുന്നതിങ്ങനെ…
കൊയിലാണ്ടി: കുവൈറ്റിൽ മലയാളി യുവാവിന്റെ സത്യസന്ധതയിൽ ഈജിപ്തുകാരന് തിരിച്ചു കിട്ടിയത് ലക്ഷങ്ങൾ. കൊയിലാണ്ടി കൊല്ലം കുളപറമ്പിൽ ഹാഫിൽ ആണ് പ്രവാസി മലയാളികൾക്കും കൊല്ലം ദേശത്തിനും അഭിമാനമായത്. കുവൈറ്റിൽ ടാക്സി ഡ്രൈവറായി ജോലി ചെയ്യുകയാണ് ഹാഫിൽ. കഴിഞ്ഞ ദിവസം ടാക്സിയിൽ യാത്ര ചെയ്ത ഈജിപ്തുകാരനായ അബ്ദുൽ ഹലീം എന്നയാളുടെ ആയിരത്തിലധികം കുവൈറ്റ് ദിനാർ അടങ്ങുന്ന ബാഗ് വാഹനത്തിൽ വച്ച് മറക്കുകയായിരുന്നു. ഇയാൾക്കുശേഷം മറ്റു രണ്ടുപേർ ടാക്സിയിൽ യാത്ര ചെയ്തിരുന്നെങ്കിലും അവരുടെ ശ്രദ്ധയിൽ ബാഗ് പെടാതിരുന്നത് ഭാഗ്യമായെന്ന് ഹാഫിൽ പറഞ്ഞു. വണ്ടി പാർക്കിംഗിനായി നിർത്തിയപ്പോഴാണ് പിൻസീറ്റിൽ ബാഗ് ശ്രദ്ധയിൽപ്പെട്ടത്. പരിശോധനയിൽ വലിയ തുക അടങ്ങിയ ബാഗാണെന്ന് കണ്ടെത്തുകയും സ്യൂട്ട് കേയ്സിൽ നിന്നും ബന്ധപ്പെടാവുന്ന നമ്പർ കണ്ടെത്തുകയുമായിരുന്നു. തുടർന്ന് ഇയാളുടെ താമസസ്ഥലത്ത് എത്തി പണമടങ്ങിയ ബാഗ് കൈമാറുകയായിയിരുന്നു. ജോലി ചെയ്യുന്ന കമ്പനിയുടെ കളക്ഷൻ തുകയായിരുന്നു നഷ്ടപ്പെട്ടിരുന്നത്. തുക തിരികെ എത്തിച്ച ഹാഫിലിനെ…
Read More