തിരുവനന്തപുരം: ഉദയകുമാർ ഉരുട്ടിക്കൊല കേസിന്റെ വിധി പറയുന്നത് കോടതി മാറ്റിവച്ചു. തിരുവനന്തപുരം സിബിഐ പ്രത്യേക കോടതിയാണ് കേസ് പരിഗണിക്കുന്നത്. 19ന് കോടതി കേസ് വീണ്ടും പരിഗണിക്കും. 2017 ജൂൺ 19ന് ആരംഭിച്ച വിചാരണ കഴിഞ്ഞ ആഴ്ച്ച പൂർത്തിയാക്കിയിരുന്നു.ഡിവൈഎസ്പി ഇ കെ.സാബു, സർക്കിൾ ഇൻസ്പെക്ടർ ടി.അജിത്കുമാർ,ഹരിദാസ് കോൺസ്റ്റബിൾമാരായ ജിതകുമാർ,ശ്രീകുമാർ ,സോമൻ എന്നിവരാണ് കേസിലെ പ്രതികൾ. 2005 സെപ്റ്റംബർ 27 ന് ഉച്ചയ്ക്ക് 1.30 നാണ് ശ്രീകണ്ശ്വേരം പാർക്കിൽ നിന്നും ഇ.കെ. സാബുവിന്റെ നേതൃത്വത്തിലുള്ള പോലീസ് സംഘമാണ് കസ്റ്റഡിയിലെടുത്തിരുന്നു. ഇതിന് ശേഷമാണ് ഉദയകുമാറിനെ ഉരുട്ടിക്കൊലപ്പെടുത്തിയതെന്നാണ് സിബിഐ കേസ്
Read MoreCategory: Kollam
ഭർത്താവിന്റെ മർദനം സഹിക്കാൻവയ്യാതെ ഭാര്യ കിണറ്റിൽ ചാടി; പുറകേ ചാടിയ ഭർത്താവ് തലയിടിച്ചു മരിച്ചു; പരുക്കുകളോടെ ഭാര്യയെ ആശുപത്രിയിൽ പ്രവേശിപ്പിച്ചു
കൊട്ടാരക്കര: കുടുബ വഴക്കിനെ തുടർന്ന് കിണറ്റിൽ ചാടിയ ദമ്പതികളിൽ ഭർത്താവ് മരിച്ചു. ഭാര്യ ആശുപത്രിയിൽ. പുത്തൂർ മാറനാട് സുധീഷ് ഭവനിൽ മുരളീധരൻ പിള്ളയുടെ ഭാര്യ ഗീതാകുമാരിയാണ് കുടുബ വഴക്കിനെ തുടർന്ന് കിണറ്റിൽ ചാടിയത്.പുറകേ ചാടിയ ഭർത്താവ് മുരളീധരൻ പിള്ള (46) ആണ് മരിച്ചത്. ഭാര്യ ഗീതാകുമാരി (40) പരിക്കുകളോടെ കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു. ഇന്നലെ രാവിലെ മുതൽ മുരളീധരൻ പിളള ഭാര്യയുമായി വഴക്ക് കൂടിയിരുന്നു ഇതിനിടയിൽ മുരളീധരൻ പിള്ള ഭാര്യയെ ക്രൂരമായി മർദിച്ചതായി നാട്ടുകാർ പറയുന്നു. ഭർത്താവിന്റെ മർദനം സഹിക്കവയ്യാതെയാണ് ഗീതാകുമാരി ഇന്നലെ വൈകുന്നേരം അഞ്ചോടെ കിണറ്റിൽ ചാടിയത് എന്ന് പോലീസ് പറയുന്നു. കിണറ്റിന്റെ പടവുകളിൽ തലയിടിച്ചാണ് മുരളീധരൻ പിള്ള മരിച്ചതെന്ന് പ്രാഥമിക നിഗമനം. മൃതദേഹം ഇന്ന് പോസ്റ്റുമാർട്ടത്തിനുശേഷം വൈകുന്നേരം വീട്ടുവളപ്പിൽ സംസ്കരിക്കും. എഴുകോൺ പോലീസ് കേസെടുത്തു. മക്കൾ: സുധീഷ്, അനീഷ്.
Read Moreആര്എസ്എസും എസ്ഡിപി യും തമ്മിലുള്ള അക്രമം; സമാധാന ജീവിതം ഉറപ്പാക്കാന് ജില്ലാ ഭരണകൂടം നടപടിയെടുക്കണമെന്ന് എംപി
കൊട്ടാരക്കര : കൊട്ടാരക്കര കേന്ദ്രീകരിച്ച് ആര്എസ്എസും എസ്ഡിപി യും നടത്തി കൊണ്ടിരിക്കുന്ന അക്രമ പ്രവര്ത്തനങ്ങള് അവസാനിപ്പിച്ച് സമാധാന ജീവിതം ഉറപ്പ് വരുത്തുവാന് ജില്ലാ ഭരണകുടം നടപടിയെടുക്കണമെന്ന് കൊടിക്കുന്നില് സുരേഷ് എംപി ആവശ്യപെട്ടു. കൊട്ടാരക്കര മുസ്ലിം സ്ട്രീറ്റിലെ ഇറച്ചി വ്യാപാരം നടത്തുന്ന ആളുകളെ ആക്രമിച്ച് പരിക്കെല്പ്പിച്ചതിനെ തുടര്ന്ന് എസ് ഡി പി യുടെ അക്രമി സംഘം ആര് എസ് എസ് കാരനായ ജവാന്റെ വീടിന് നേരെ ആക്രമണം നടത്തുകയായിരുന്നു. ഇതിനെ തുടര്ന്ന് ഒരാഴ്ച്ച കാലം കൊട്ടാരക്കര മേഖലയില് നിരോധനാജ്ഞ പ്രഖ്യാപിച്ചു. നിരോധനാജ്ഞ പിന്വലിച്ചതിനെ തുടര്ന്ന് കഴിഞ്ഞ ദിവസം ബി ജെപി , ആര്എസ്എസ് കൊട്ടാരക്കരയില് പ്രകടനം നടത്തുകയുണ്ടായി. വര്ഗീയതയുടെ പേരില് അക്രമികള് അഴിഞ്ഞാട്ടം നടത്തി ജനജീവിതം ദുസഹമാക്കി കൊണ്ടിരിക്കുന്ന സാഹചര്യമാണ് കൊട്ടാരക്കരയിലടക്കം ജില്ലയുടെ പല ഭാഗങ്ങളിലും നടക്കുന്നതെന്നും വര്ഗീയ സംഘട്ടനങ്ങള് മനപൂര്വം സൃഷ്ടിച്ച് മുതലെടുക്കുവാന് രണ്ട് വിഭാഗങ്ങളും ശ്രമിക്കുകയാണ്.…
Read Moreറോഡ് കൈയേറ്റങ്ങള്ഒഴിപ്പിക്കുന്നതിന് ബന്ധപ്പെട്ട വകുപ്പുകള് ശക്തമായ നടപടി സ്വീകരിക്കണമെന്ന് : മന്ത്രി ജി.സുധാകരന്
കൊട്ടാരക്കര : കൊട്ടാരറ്റിലെ ഇറച്ചി വ്യാപാരം നടത്തുന്ന ആളുകളെ ആക്രമിച്ച് പരിക്കെല്പ്പിച്ചതിനെ തുടര്ന്ന് എസ് ഡി പി യുടെ അക്രമി സംഘം ആര് എസ് എസ് കാരനായ ജവാന്റെ വീടിന് നേരെ ആക്രമണം നടത്തുകയായിരുന്നു. ഇതിനെ തുടര്ന്ന് ഒരാഴ്ച്ച കാലം കൊട്ടാരക്കര മേഖലയില് നിരോധനാജ്ഞ പ്രഖ്യാപിച്ചു. നിരോധനാജ്ഞ പിന്വqലിച്ചതിനെ തുടര്ന്ന് കഴിഞ്ഞ ദിവസം ബി ജെപി , ആര്എസ്എസ് കൊട്ടാരക്കരയില് പ്രകടനം നടത്തുകയുണ്ടായി. വര്ഗീയതയുടെ പേരില് അക്രമികള് അഴിഞ്ഞാട്ടം നടത്തി ജനജീവിതം ദുസഹമാക്കി കൊണ്ടിരിക്കുന്ന സാഹചര്യമാണ് കൊട്ടാരക്കരയിലടക്കം ജില്ലയുടെ പല ഭാഗങ്ങളിലും നടക്കുന്നതെന്നും വര്ഗീയ സംഘട്ടനങ്ങള് മനപൂര്വം സൃഷ്ടിച്ച് മുതലെടുക്കുവാന് രണ്ട് വിഭാഗങ്ങളും ശ്രമിക്കുകയാണ്. ഇത് മുളയിലെ നുള്ളി കളയുക തന്നെ വേണമെന്നും കൊട്ടാരക്കരയിലുണ്ടായ അനിഷ്ട സംഭവങ്ങള് ആവര്ത്തിക്കാതിരിക്കാന് ജില്ലാ കളക്ടര് മുന്കൈയെടുത്ത് സമാധാന യോഗം വിളിക്കണമെന്നും ആക്രമങ്ങള്ക്ക് നേതൃത്വം നല്കു ന്നവര്ക്കെതിരെ മുഖം നോക്കാതെ നടപടിയെടുക്കണമെന്നും…
Read Moreഅഴിമതി ആരോപണങ്ങൾ; കുടുംബശ്രീ ഇടപാടുകൾ വിജിലൻസ് അന്വേഷണത്തിന് വിധേയമാക്കണം
കൊല്ലം: കുടുംബശ്രീയുമായി ബന്ധപെട്ട എല്ലാ ഇടപാടുകളും വിജിലൻസ് അന്വേഷണത്തിന് വിധേയമാക്കണമെന്ന് ആവശ്യപെടാൻ കോർപ്പറേഷൻ കൗണ്സിൽ യോഗത്തിൽ തീരുമാനം. കോർപറേഷൻ പരിധിയിൽ കുടുംബശ്രീ പ്രവർത്തനങ്ങളുമായി ബന്ധപ്പെട്ടുയർന്ന അഴിമതി ആരോപണങ്ങളുടെയും പരാതികളുടെയും പശ്ചാത്തലത്തിലാണ് കൗണ്സിൽ യോഗം ഈ തീരുമാനമെടുത്തത്. കോർപറേഷൻ നിലവിൽ വന്ന 2000മുതലുള്ള കുടുംബശ്രീ ഇടപാടുകളാണ് സമഗ്രമായ അന്വേഷണത്തിന് വിധേയമാക്കാൻ ശുപാർശ ചെയ്യുകയെന്ന് മേയർ വി രാജേന്ദ്രബാബു അറിയിച്ചു.തെരുവുവിളക്ക് വിഷയവും യോഗത്തിൽ ചർച്ചയായി. ചിന്നക്കടയിൽ അടക്കം നഗരത്തിലെ പ്രധാനപ്പെട്ട സ്ഥലങ്ങളിൽ തെരുവിളക്കുകൾ കത്തുന്നില്ലെന്ന് ഭരണപക്ഷ അംഗങ്ങൾ തന്നെ യോഗത്തിൽ പരാതിപ്പെട്ടു. പൊതുമരാമത്ത് സ്ഥിരം സമിതി അധ്യക്ഷ ചിന്ത എൽ സജിത് ഓരോ കൗണ്സിലർക്കും അനുവദിച്ച തെരുവുവിളക്കുകളുടെ എണ്ണം വായിച്ചത് തെറ്റാണെന്ന് ആരോപിച്ച് പ്രതിപക്ഷം രംഗത്ത് വന്നു. ഇത് അൽപ നേരം ഭരണ-പ്രതിപക്ഷ അംഗങ്ങളുടെ വാക്കേറ്റത്തിനും കാരണമായി. തെരുവുവിളക്ക് പ്രശ്നത്തിൽ പരിഹാരം ഉടൻ ഉണ്ടാകുമെന്നും കേരളത്തിലെ ആദ്യത്തെ പൂർണ എൽഇഡി…
Read Moreകുളത്തുപ്പുഴ അരിപ്പയില് നടത്തിവരുന്ന ഭൂസമരം പരിഹരിക്കാന് സര്ക്കാര് ഇനിയും അമാന്തം കാട്ടരുതെന്ന്ബിന്ദു കൃഷ്ണ
കുളത്തുപ്പുഴ: ആറുവര്ഷമായി കുളത്തുപ്പുഴ അരിപ്പയില് നടത്തിവരുന്ന ഭൂസമരം പരിഹരിക്കാന് സര്ക്കാര് ഇനിയും അമാന്തം കാട്ടരുതെന്ന് ജില്ല കോണ്ഗ്രസ് കമ്മിറ്റി പ്രസിഡന്റ് ബിന്ദു കൃഷ്ണ. മാസങ്ങള്ക്ക് മുമ്പ് സ്ഥലം എംഎല്എയും വനം മന്ത്രിയുമായ കെ രാജുവിന്റെ നേതൃത്വത്തില് ജില്ലാകളക്ടറുടെ അധ്യക്ഷതയില് കളക്ടറുടെ ചേമ്പറില് നടന്ന ചര്ച്ചയിലെ തീരുമാനങ്ങള് ഉടന് നടപ്പിലാക്കണം എന്നും ബിന്ദുകൃഷ്ണ ആവശ്യപെട്ടു. അന്തരിച്ച കോണ്ഗ്രസ് നേതാവ് എം.എ ലത്തീഫിന്റെ നേതൃത്വത്തില് അന്ന് തുടങ്ങിയ പ്രാദേശികസമരഭൂമി സന്ദര്ശിച്ച ശേഷം മാധ്യമങ്ങളോട് സംസാരിക്കുകായിരുന്നു ബിന്ദുകൃഷ്ണ. നിലവില് പ്രതികൂല സാഹചര്യത്തില് സമരം ചെയ്യുന്നവരുടെ സ്ഥി ദയനീയമാണ്. അതുകൊണ്ട് തന്നെ ഭൂമി കണ്ടെത്തി നല്കി സമരം അടിയിന്തരമായി തന്നെ അവസാനിപ്പിക്കണം. ഇനിയും സമരം അവസാനിപ്പിക്കാന് കാലതാമസം നേരിട്ടാല് ശക്തമായ സമരം സംഘടിപ്പിക്കുമെന്നും ഇവര് മുന്നറിയിപ്പ് നല്കി. ബ്ലോക്ക് പ്രസിഡന്റ് ഏരൂര് സുഭാഷ്, മണ്ഡലം കമ്മിറ്റി പ്രസിഡന്റ് ജി ഉണ്ണികൃഷ്ണന്, നേതാക്കളായ ഷീല…
Read Moreനിർമാണ മേഖലയിൽ കഴിവുളളവരെ സൃഷ്ടിക്കുകയാണ് കണ്സ്ട്രക്ഷൻ അക്കാഡമിയുടെ ലക്ഷ്യം: മന്ത്രി
ചവറ: നിർമാണ മേഖലയിൽ കഴിവുളളവരെ സൃഷ്ടിക്കുക എന്നതാണ് ചവറയിലെ കണ്സ്ട്രക്ഷൻ അക്കാഡമി കൊണ്ട ുദേശിക്കുന്നതെന്ന് മന്ത്രി ടി.പി.രാമകൃഷ്ണൻ പറഞ്ഞു. കണ്സ്ട്രക്ഷൻ അക്കാഡമിയുടെ ഉദ്ഘാടനത്തിന് മുന്നോടിയായി ചവറയിലെ കണ്സ്ട്രക്ഷൻ അക്കാഡമിയുടെ നിർമാണ ഫ്രവർത്തനങ്ങൾ വിലയിരുത്താൻ എത്തിയ ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. ലോക രാഷ്ട്രങ്ങളോട് കിട പിടിക്കത്തക്ക തരത്തിൽ ചവറയിലെ കണ്സ്ട്രക്ഷൻ അക്കാഡമിയെ മാറ്റിയെടുക്കാനുളള ശ്രമത്തിലാണ് സർക്കാർ. വ്യത്യസ്തമായ രീതീയിൽ പ്രവർത്തിക്കുന്ന ഒരു അക്കാഡമിയായി ഇത് മാറും. ലോകത്തെ പുതിയ ടെക്നോളജി പുതുതലമുറയെ പഠിപ്പിക്കാൻ സഹായിക്കുന്ന വിധത്തിലുളളതാണ് ഇവിടുത്തെ പഠന രീതി. തൊഴിൽ വകുപ്പിന് കീഴിലായായിരുക്കും ഇതിന്റെ നിയന്ത്രണം. നാടിന്റെ വികസനത്തെ പ്രോത്സാഹിപ്പിക്കുന്ന തരത്തിലായിരിക്കണം എല്ലാവരും പെരുമാറേണ്ടേ ത്. വികസന പ്രവർത്തനങ്ങളിൽ വിവാദങ്ങൾ കൊണ്ട ുവരുന്നത് ശരിയായ പ്രവണതയല്ല.അക്കാഡമിയയുടെ പ്രവർത്തനം തുടങ്ങിക്കഴിയുന്പോൾ എന്തെല്ലാം പോരായ്മകൾ ശ്രദ്ധയിൽപ്പെട്ടാൽ പരിഹരിക്കും. ഇരുപത്തിമൂന്നിന് മുഖ്യമന്ത്രി കണ്സ്ട്രക്ഷൻ അക്കാഡമി നാടിന് സമിർപ്പിക്കുമെന്നും മന്ത്രി…
Read Moreസൗദി അറേബ്യയില് ഒഴിവുകള്; നോര്ക്ക റൂട്ട്സ് അപേക്ഷ ക്ഷണിച്ചു; 23 വരെ ഓൺലൈൻവഴി അപേക്ഷ സ്വീകരിക്കും
കൊല്ലം: സൗദി അറേബ്യയിലെ അല് അബീര് ആശുപത്രിയിലേക്ക് ലാബ് ടെക്നീഷ്യന്മാരെയും റേഡിയോഗ്രാഫര്മാരെയും തിരഞ്ഞെടുക്കുന്നതിന് നോര്ക്ക റൂട്ട്സ് അപേക്ഷ ക്ഷണിച്ചു. മെഡിക്കല് ലാബ് ടെക്നീഷ്യന് തസ്തികയിലെ (പുരുഷന്മാര് മാത്രം) നാല് ഒഴിവുകളില് മെഡിക്കല് ലാബ് ടെക്നോളജിയില് ഡിപ്ലോമ/ബിരുദം/ബിരുദാനന്തര ബിരുദവും രണ്ടുവര്ഷത്തെ പ്രവൃത്തിപരിചയവുമുള്ളവരെയാണ് പരിഗണിക്കുന്നത്. റേഡിയോഗ്രാഫര് തസ്തികയില് പുരുഷന്മാര്ക്കും സ്ത്രീകള്ക്കും നാല് ഒഴിവുകള് വീതമുണ്ട്. റേഡിയോഗ്രാഫിയില് ബിരുദം അല്ലെങ്കില് ബിരുദാനന്തര ബിരുദവും സി.റ്റി/എം.ആര്.ഐ മേഖലയില് പ്രവൃത്തിപരിചയവുമുള്ളവര്ക്ക് അപേക്ഷിക്കാം. താത്പര്യമുള്ളവര് 23 നകം [email protected] എന്ന വിലാസത്തില് അപേക്ഷിക്കണം.വിശദവിവരങ്ങള് www. norkaroots.net എന്ന വെബ്സൈറ്റിലും 18004253939, 0471-2333339 എന്നീ ഫോണ് നമ്പരികളിലും ലഭിക്കും.
Read Moreരാത്രിയിൽ വീടുകയറി ആക്രമണം; യുവതിക്ക് പരിക്ക് ; അക്രമികൾ വീട് തല്ലിത്തകർത്തു; കരുനാഗപ്പള്ളിയിൽ നടന്ന സംഭവമിങ്ങനെ…
കരുനാഗപ്പള്ളി: വീടുകയറിയുള്ള ആക്രമണത്തിൽ വീട്ടമ്മയായ യുവതിക്ക് പരിക്കേറ്റു. അക്രമികൾ വീടിന്റെ ജനൽ ചില്ലുകൾ തകർത്തു .തഴവ കടത്തൂർ തടായിൽ വീട്ടിൽ ഷറഫുദീന്റെ വീട്ടിലാണ് കഴിഞ്ഞ ദിവസം രാത്രി 10.30 നായിരുന്നു അക്രമണം നടന്നത്. രാത്രിയിൽ എത്തിയ അക്രമികൾ വീടിന്റെ ജനൽ ഗ്ലാസുകൾ തകർത്ത ശേഷം വീടിന്റെ കതക് ചവിട്ടി തുറന്നു അകത്ത് കടക്കാൻ ശ്രമിക്കുമ്പോൾ യുവതി കതക് തള്ളി അടച്ചു പിടിച്ച കൊണ്ട് നിൽക്കുമ്പോൾ വീണ്ടും അക്രമികൾ ചവിട്ടി തുറക്കുകയായിരുന്നു. യുവതി മറിഞ്ഞു വീണതിനെ തുടർന്നാണ് പരിക്ക്. പരിക്കേറ്റ ഷറഫുദീന്റെ ഭാര്യ ഫാത്തിമി (36)യെ കരുനാഗപ്പള്ളി താലൂക്കാശുപത്രിയിൽ പ്രവേശിപ്പിച്ചു. സംഭവം നടക്കുമ്പോൾ യുവതിയും പന്ത്രണ്ടുവയസുകാരനായ മകനും മാത്രമാണ് വീട്ടിൽ ഉണ്ടായിരുന്നത് . ഫാത്തിമി കരുനാഗപ്പള്ളി പോലീസിൽ പരാതി നൽകിയിട്ടുണ്ട്.
Read Moreഅമ്മയെ തലോടാൻ മടിക്കുന്നതാണ് എല്ലാ കുഴപ്പങ്ങൾക്കും കാരണമെന്ന് അബ്ദുസമദ് സമദാനി
തേവലക്കര : മക്കൾക്ക് രക്ഷിതാക്കളായ അച്ഛനേയും അമ്മയേയും തലോടാൻ സാധിച്ചാൽ ഒരു നാട്ടിലും വൃദ്ധ സദനങ്ങൾ ഉണ്ടാകില്ലെന്ന് എം.പി അബ്ദു സമദ് സമദാനി അഭിപ്രായപ്പെട്ടു. തേവലക്കര ഹോളി ട്രിനിറ്റി ആംഗ്ലോ ഇന്ത്യൻ ഇന്റർനാഷണൽ സ്കൂളിൽ സംഘടിപ്പിച്ച മിതേര പരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ഇന്നത്തെ കാലഘട്ടത്തിൽ അമ്മയെ തലോടാൻ മക്കൾ മടിക്കുന്നതാണ് എല്ലാ കുഴപ്പങ്ങൾക്കും കാരണം. ഏറ്റവും വലിയ സർവകലാശാലയാണ് അമ്മ. പഠിക്കാനെത്തുന്ന വിദ്യാർഥികളുടെ അമ്മയും അച്ഛനുമായി അധ്യാപകർ മാറണം. ജീവിത ഗന്ധിയായ വിദ്യാഭ്യാസത്തിന് പ്രാധാന്യം കൊടുക്കണം. സഹോദരങ്ങള കൊല്ലാൻ വേണ്ടിയുളള ആയുധപ്പുരകളായി കലാലയങ്ങൾ മാറുന്നത് നാടിന് നല്ലതല്ല. വർഗീയത ഉടലെടുക്കുന്നത് അറിവില്ലായ്മയിൽ നിന്നാണ്.കുഞ്ഞുങ്ങളെ ശിക്ഷിക്കാനുളള ഇടങ്ങളായി വിദ്യാലയങ്ങൾ മാറരുത്. വടിയെടുക്കാതെ സ്നേഹത്തോടെയുളള ശിക്ഷണം നൽകിയാൽ നല്ല ഒരു തലമുറയെ വാർത്തെടുക്കാൻ കഴിയും എന്നും സമദാനി പറഞ്ഞു. ചടങ്ങിൽ പ്രഥമാധ്യാപിക എൽ.ലീന, ഉപപ്രഥമാധ്യാപകൻ എ. ആൾട്രിൻ,സ്കൂൾ…
Read More