കോട്ടയം: അവധിക്കാലമല്ലേ, കായലും തേയിലത്തോട്ടങ്ങളും മൊട്ടക്കുന്നുകളും കടല്‍ത്തീരങ്ങളുമൊക്കെ കണ്ട് യാത്രകള്‍ ചെയ്യാന്‍ പ്ലാനുണ്ടോ? അതല്ല ഒരു തീര്‍ഥാടന യാത്രയാണോ മനസില്‍, എങ്കിലിതാ വിനോദ-തീര്‍ഥാടന യാത്രകളുമായി ജില്ലയിലെ കെഎസ്ആര്‍ടിസിയുടെ ബജറ്റ് ടൂറിസം സെല്‍. വിവിധ ഡിപ്പോകളില്‍ നിന്ന് ഏപ്രില്‍, മേയ് മാസങ്ങളിലാണ് യാത്ര ക്രമീകരിച്ചിരിക്കുന്നത്. വയനാട്, കോഴിക്കോട് -കടലുണ്ടി, ഗവി, മലക്കപ്പാറ, ചതുരംഗപ്പാറ, മാമലക്കണ്ടം, മറയൂര്‍, മൂന്നാര്‍, വട്ടവട, രാമക്കല്‍മേട്, തെന്മല -പാലരുവി, പൊന്മുടി എന്നീ പ്രകൃതിരമണീയമായ സ്ഥലങ്ങള്‍, സീ അഷ്ടമുടി, കുമരകം കായല്‍ യാത്രകള്‍, തിരുവനന്തപുരം-കോവളം, അറബിക്കടലില്‍ കപ്പല്‍യാത്ര തുടങ്ങിയവയുമാണ് വിനോദയാത്രയിലുള്ളത്. തീര്‍ഥാടന യാത്രയാണെങ്കില്‍ ആറ്റുകാല്‍-ആഴിമല-ചെങ്കല്‍, പറശിനിക്കടവ്-കൊട്ടിയൂര്‍-തിരുനെല്ലി, മൂകാംബിക എന്നിവിടങ്ങളിലേക്ക് പോകാം. മേയ് മാസത്തില്‍ രാമേശ്വരം-പളനി, ഊട്ടി, കൊടൈക്കനാല്‍ യാത്രകളുമുണ്ട്. ചെലവ് കുറഞ്ഞ പാക്കേജുകളാണെന്നതാണ് ബജറ്റ് ടൂറിസം പാക്കേജുകളുടെ പ്രത്യേകത. ഒറ്റയ്‌ക്കോ, കുടുംബാംഗങ്ങളുമായോ യാത്ര ചെയ്യാം. ഇനി റെസിഡന്‍റ്സ് അസോസിയേഷനുകള്‍, കുടുംബശ്രീകള്‍ തുടങ്ങിയ ഗ്രൂപ്പുകളായാണ് യാത്ര ചെയ്യാനാഗ്രഹിക്കുന്നതെങ്കില്‍…
Read Moreനിങ്ങൾക്ക് യാത്ര ചെയ്യാൻ പ്ലാനുണ്ടോ? അവധിക്കാല യാത്രയുമായി കെഎസ്ആര്‍ടിസിയുടെ ബജറ്റ് ടൂറിസം സെല്‍
