കോട്ടയം: പ്രണയം നടിച്ചു പ്ലസ് വണ് വിദ്യാർഥിയെ തട്ടിക്കൊണ്ടു പോയി പീഡിപ്പിച്ച കേസിൽ പോലീസ് പിടിയിലായ നാഗന്പടം പനയക്കഴുപ്പ് അരങ്ങത്തുമാലിൽ രാഹുൽ റെജി(ജിത്തു -21)നെ കോടതിയിൽ ഹാജരാക്കി റിമാൻഡ് ചെയ്തു. സംഭവത്തെക്കുറിച്ച് പോലീസ് പറയുന്നതിങ്ങനെ:നഗരത്തിലെ പാരലൽ കോളജിലെ പ്ലസ് വണ് വിദ്യാർഥിയും രാഹുലും തമ്മിൽ ഒരു വർഷത്തിലേറെയായി പ്രണയത്തിലായിരുന്നെന്നു പൊലീസ് പറഞ്ഞു. നാഗന്പടത്ത് റോഡരികിൽ മൊബൈൽ ഫോണ് കന്പനികളുടെ സിം വിൽപ്പനയാണ് രാഹുലിനു ജോലി. ഇത്തരത്തിൽ സിം കാർഡ് എടുക്കാൻ എത്തിയ പെണ്കുട്ടിയുടെ മൊബൈൽ നന്പർ വാങ്ങിയ ശേഷം രാഹുൽ സൗഹൃദം സ്ഥാപിച്ചു. പിന്നീട് പല തവണ പെണ്കുട്ടിയെ ഫോണിൽ വിളിച്ച രാഹുൽ പെണ്കുട്ടിയുമായി പ്രണയത്തിലായി. വീട്ടിൽ നിന്നു സ്കൂൾ യൂണിഫോം ധരിച്ചു പുറത്തിറങ്ങുന്ന പെണ്കുട്ടി മിക്കദിവസവും രാഹുലിനൊപ്പം റെയിൽവേ സ്റ്റേഷനിലെത്തും. തുടർന്ന് റെയിൽവേ സ്റ്റേഷനിലെ വിശ്രമ മുറിയിലും ശുചിമുറിയിലും കയറി വസ്ത്രം മാറും. പിന്നീട് ഇരുവരും…
Read MoreCategory: Kottayam
പൊക്കിയത് ജീവനക്കാരോ? വൈക്കത്തെ സോളാർ ബോട്ടിന്റെ പ്രൊപ്പല്ലർ മോഷണം പോയി;അട്ടിമറിക്ക് സാധ്യതയെന്ന് നാട്ടുകാർ
വൈക്കം: തവണക്കടവ് ഫെറിയിൽ സർവീസ് നടത്തുന്ന സോളാർ ബോട്ടിലെ രണ്ട് പ്രൊപ്പല്ലറുകളിൽ ഒന്ന് കാണാതായതിൽ ദുരൂഹത ഏറുന്നു. 18 ലെഡുകളിൽ ഉറപ്പിച്ചിരിരുന്ന രണ്ട് പ്രൊപ്പല്ലറുകളിൽ ഒന്നാണ് കാണാതായത്. കഴിഞ്ഞ ദിവസം രാവിലെ സർവീസ് ആരംഭിക്കാനായി സ്റ്റാർട്ടുചെയ്തപ്പോൾ എൻജിൻ കൂടുതലായി ശ്രദ്ധയിൽപ്പെട്ടപ്പോൾ നടത്തിയ പരിശോധനയിലാണ് പ്രൊപ്പല്ലർ കാണാതായത് കണ്ടെത്തിയത്. വിജയകരമായി നടന്നുവന്ന സോളാർ ബോട്ട് സർവീസ് അട്ടിമറിക്കുന്നതിന് ബോധപൂർവമായ ശ്രമമുണ്ടായോയെന്നും ജീവനക്കാരിലാരുടെയെങ്കിലും പിൻബലത്തോടെ മറ്റാരെങ്കിലും ബോട്ടിന്റെ യന്ത്രഭാഗം മോഷ്ടിച്ചതാണെന്ന സംശയവും ബലപ്പെടുകയാണ്. ഇവിടെ സർവീസ് നടത്തുന്ന സാധാന ബോട്ടിന് ദിനം പ്രതി എണ്ണായിരത്തോളം രൂപ കളക്ഷൻ ലഭിക്കുന്പോൾ അതിൽ ആറായിരത്തോളം രൂപ ഇന്ധനത്തിന് ചെലവാകുന്നുണ്ട്. 22 സർവീസുകൾ സോളാർ ബോട്ട് പൂർത്തിയാക്കിയാൽ ആറായിരത്തോളം രൂപയാണ് ലാഭമുണ്ടാകുന്നത്. വൈക്കം തവണക്കടവ് സർവീസ് ജംഗാർ സർവീസ് മുന്പ് വിജയകരമായി നടത്തിവന്നപ്പോഴും സമാന രീതിയിലുള്ള അട്ടിമറി നടന്നതായി അന്നത്തെ കരാറുകാരൻ ആരോപിച്ചിരുന്നു. 10,30,000…
Read Moreമുഹൂർത്തം 12.55ന് വൃക്ഷ മാംഗല്യം നടന്നു; ആൽമരത്തിനു വേണ്ടി സ്കൂൾ മാനേജർ പഴങ്ങളുടെ രാജ്ഞിയെ താലി കെട്ടി
പൊൻകുന്നം: ആത്മാവ് എന്ന വിശേഷിപ്പിക്കപ്പെടുന്ന ആൽമരവും മാവും വിവാഹിതരായ ചരിത്ര മുഹൂർത്തത്തിനു ചിറക്കടവ് ഈസ്റ്റ് വെള്ളാള മഹാസമാജം യുപി സ്കൂൾ അങ്കണം വേദിയായി. ഏവരും ആകാംഷയോടെ കാത്തിരുന്ന പ്രതീകാന്മക വിവാഹം ഇന്നലെ ഉച്ചയ്ക്ക് 12.55നും 1.20നും ഇടയ്ക്കുള്ള ശുഭമുഹൂർത്തത്തിലാണ് നടന്നത്. 100 വർഷത്തിലേറെയായി ആലും മാവും ഒരേ ചുവട്ടിലാണ് വളർന്നുനിൽക്കുന്നത്. സാധാരണ വിവാഹം പോലെയുള്ള എല്ലാ ചടങ്ങുകളും വൃക്ഷമാംഗല്യത്തിനും ഒരുക്കിയിരുന്നു. ‘ആത്മാവി’ന്റെ വിവാഹത്തിനായി പ്രത്യേക ക്ഷണക്കത്തും തയാറാക്കി നൽകിയിരുന്നു. എത്തിയവർക്കെല്ലാം വിഭവസമൃദ്ധമായ സദ്യയും നൽകി. വിവാഹത്തിന് ടി.പി. മോഹനൻ പിള്ള മുഖ്യ കാർമികത്വം വഹിച്ചു. സ്കൂൾ മാനേജർ എം.എൻ. രാജരത്നം അരയാലിനു വേണ്ടി തേന്മാവിൽ മഞ്ഞൾച്ചരടിൽ കൊരുത്ത താലി ചാർത്തി. വിവാഹ രജിസ്ട്രേഷനും നടന്നു. വനം വന്യജീവി ബോർഡംഗവും വനമിത്ര അവാർഡ് ജേതാവുമായ കെ. ബിനു, വൃക്ഷപരിസ്ഥിതി സംരക്ഷണസമിതി സംസ്ഥാന കോർഡിനേറ്റർ എസ്. ബിജു, സെക്രട്ടറി കെ.ടി.…
Read Moreഅച്ഛന്റെ പേര് കളയാൻ..! കള്ളനോട്ട് കേസിൽ വൈക്കം മുൻ എംഎൽഎയുടെ മകൻ അറസ്റ്റിൽ
മല്ലപ്പള്ളി: കള്ളനോട്ട് പിടികൂടിയ കേസിൽ വൈക്കം മുൻ എംഎൽഎയുടെ മകനെ പോലീസ് അറസ്റ്റ് ചെയ്തു. വൈക്കം മുൻ എംഎൽഎ നടുവിലേത്ത് കിഴക്കേനട ലക്ഷ്മിനാരായണഭവനിൽ പി. നാരായണന്റെ മകൻ അനിൽ കുമാറിനെയാണു വൈക്കം പോലീസ് അറസ്റ്റ് ചെയ്തത്. 2016 ഒക്ടോബറിൽ മല്ലപ്പള്ളിയിൽനിന്ന് 9,20,000 രൂപയുടെ കള്ളനോട്ട് മല്ലപ്പള്ളി സിഐയുടെ നേതൃത്വത്തിലുള്ള പോലീസ് സംഘം പിടികൂടിയിരുന്നു. അന്നു പിടിയിലായ പ്രതികളെ ചോദ്യംചെയ്തപ്പോൾ ലഭിച്ച വിവരങ്ങളുടെ അടിസ്ഥാനത്തിലാണ് അനിൽ കുമാറിനെ അറസ്റ്റ് ചെയ്തത്. ഒക്ടോബറിൽ അറസ്റ്റിലായ പ്രധാന പ്രതി അനീഷിനെ ചോദ്യം ചെയ്തതോടെയാണു പ്രമാദമായ തലയോലപ്പറമ്പ് കൊലപാതകത്തിന്റെ ചുരുൾ നിവർന്നത്. തലയോലപ്പറമ്പ് കാലായിൽ മാത്യുവിനെ കൊലപ്പെടുത്തി അനീഷ് കടമുറിക്കുള്ളിൽ കുഴിച്ചു മൂടിയെന്നായിരുന്നു മൊഴി. മല്ലപ്പള്ളിയിൽ വച്ചുണ്ടായ കള്ളനോട്ട് കേസിൽ അനിൽ കുമാറിനെ കീഴ്വായ്പൂര് പോലീസ് കസ്റ്റഡിയിൽ വാങ്ങി തിരുവല്ല ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു.
Read Moreശ്രദ്ധിച്ചാൽ നിങ്ങൾക്കു ചുറ്റും കാണും..! തുരുത്തിയിൽ പിടിയിലായ വ്യാജ ഡോക്ട റുടെ വിദ്യാഭ്യാസം പത്താംക്ളാസ്
ചങ്ങനാശേരി: തുരുത്തിയിലുള്ള ഉദയാ ആശുപത്രിയിൽ ഡോക്ടർ ചമഞ്ഞു പ്രാക്ടീസ് നടത്തിയ വ്യാജ ഡോക്ടർ അറസ്റ്റിൽ. ആലപ്പുഴ എസ്എൽ പുരം ചാലുങ്കൽ, രാമചന്ദ്രൻ (ഷിഹാബുദിൻ-57) ആണ് അറസ്റ്റിലായത്. ജില്ലാ പോലീസ് മേധാവി എൻ.രാമചന്ദ്രനു ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു അറസ്റ്റ്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. ചങ്ങനാശേരി ഡിവൈഎസ്പി വി.അജിത്, സിഐ സിബി തോമസ്, ഷാഡോ പോലീസ് അംഗങ്ങളായ എഎസ്ഐ കെ.കെ.റെജി, ആന്റണി സെബാസ്റ്റ്യൻ, പ്രതീഷ് രാജ്, പ്രകാശ് എന്നിവരാണ് അറസ്റ്റിനു നേതൃത്വം നൽകിയത്. കേസിനെക്കുറിച്ചു പോലീസ് പറയുന്നതിങ്ങനെ: കഴിഞ്ഞ ഒരു വർഷമായി ഇയാൾ ഈ ആശുപത്രിയിൽ ഡോക്ടർ ചമഞ്ഞു ചികിത്സ നടത്തിവരികയായിരുന്നു. മരുന്നു കുറിക്കുന്നതു സംബന്ധിച്ചു സംശയം തോന്നിയ രോഗികളിൽ ചിലർ പോലീസിനു നൽകിയ വിവരത്തിന്റെ അടിസ്ഥാനത്തിൽ നടത്തിയ രഹസ്യ അന്വേഷണത്തിലാണ് തട്ടിപ്പു കണ്ടെത്തിയത്. രാമചന്ദ്രൻ എന്ന പേരിലാണ് ഇയാൾ നേരത്തെ അറിയപ്പെട്ടിരുന്നത്. 1998ൽ ഇയാൾ…
Read Moreഅവരെ അറിയാൻ ശ്രമിച്ചിരുന്നെങ്കിൽ..! വിദ്യാർഥികളുടെ മരണത്തിൽ പരസ്പരം ആരോപണങ്ങളുമായി ബന്ധുക്കൾ
കോട്ടയം: മെഡിക്കൽ കോളജ് മോർച്ചറി പരിസരം ഇന്നലെ രാവിലെ നാടകീയരംഗങ്ങൾക്കാണ് സാക്ഷ്യം വഹിച്ചത്. കോട്ടയം ഗാന്ധിനഗർ എസ്എംഇയിൽ പൊള്ളലിനെത്തുടർന്നു മരിച്ച വിദ്യാർഥികളായ ലക്ഷ്മി(22)യുടെയും ആദർശി (25)ന്റെയും പോസ്റ്റുമോർട്ടം നടക്കുന്പോൾ നിറമിഴികളോടെയാണ് സുഹൃത്തുക്കളും അധ്യാപകരും മോർച്ചറിയ്ക്കു മുന്നിൽ നിന്നത്. ലക്ഷ്മിയുടെ ഇൻക്വസ്റ്റ് നടപടികളാണ് ആദ്യം പൂർത്തിയാക്കിയത്. തുടർന്നു രാവിലെ 8.30ഓടെ പോസ്റ്റുമോർട്ടം ആരംഭിച്ചു ഒന്നര മണിക്കൂറിനുള്ളിൽ പൂർത്തിയാക്കി മൃതദേഹം ബന്ധുക്കൾക്കു കൈമാറി. വെള്ളത്തുണിയിൽ പൊതിഞ്ഞ മൃതദേഹം കണ്ട് സഹപാഠിയും ഉറ്റസുഹൃത്തുമായ ഭരണങ്ങാനം സ്വദേശി അശ്വതി കുഴഞ്ഞു വീണു. മൃതദേഹം വഹിച്ച ആംബുലൻസിനു പിന്നാലെ സഹപാഠികളും അധ്യാപകരും ലക്ഷ്മിയുടെ ഹരിപ്പാട് ചിങ്ങോലി ശങ്കരമംഗലം വീട്ടിലേക്ക് യാത്രതിരിച്ചു. ലക്ഷ്മിയുടെ മൃതദേഹം ബന്ധുക്കൾക്ക് വിട്ടുകൊടുത്തതിനുശേഷമാണ് ആദർശിന്റെ പോസ്റ്റുമോർട്ടം നടപടികൾ ആരംഭിച്ചത്. നടപടികൾ പൂർത്തിയാക്കി ഉച്ചകഴിഞ്ഞ് രണ്ടോടെ ബന്ധുക്കൾക്ക് വിട്ടുകൊടുത്തു. ഇരുവരുടെയും ആന്തരവയവങ്ങൾക്കേറ്റ പൊള്ളലാണു മരണകാരണമെന്ന് പ്രാഥമിക പോസ്റ്റുമോർട്ടം റിപ്പോർട്ടിൽ പറയുന്നു. 2016 ഒക്ടോബർ…
Read Moreതാങ്കൾ വിളിച്ചകോൾ ക്യൂവിലാണ്..! ഇഴഞ്ഞിഴഞ്ഞ് ബിഎസ്എൻഎൽ;ക്ഷമകെട്ട് ഉപയോക്താക്കളും
തൊടുപുഴ: ബിഎസ്എൻഎൽ ബ്രോഡ്ബാൻഡ് കണക്ഷൻ എടുത്തവർ വെട്ടിൽ. ഇഴഞ്ഞിഴഞ്ഞ് ഇതു നീങ്ങുന്നതു കണ്ട് പരാതിപ്പെട്ടിട്ടും കാര്യമില്ല. തകരാർ പരിഹരിക്കാതെ അധികൃതർ ഉപയോക്താക്കളെ കറക്കി കൊണ്ടേയിരിക്കും. കസ്റ്റമർ കെയറിൽ വിളിച്ചാൽ പോലും പലപ്പോഴും കിട്ടാറില്ല. പഴയ കേബിളുകൾ ഇന്റർനെറ്റ് സംവിധാനത്തെ സാരമായി ബാധിക്കുകയാണ്. ഇതു മാറ്റിയിടാനുള്ള നടപടികളും ഇല്ല. ലാൻഡ് ഫോണുകൾ പലരും ഇതോടെ ഒഴിവാക്കി കഴിഞ്ഞു. തകരാർ വന്നാൽ പരിഹരിക്കുന്ന കാര്യത്തിൽ അധികൃതർ കാണിക്കുന്ന താത്പര്യമില്ലായ്മയാണ് ഉപയോക്താക്കളെ ലാൻഡ് ഫോണ് ഉപേക്ഷിക്കാൻ പ്രേരിപ്പിക്കുന്നത്. മൊബൈൽഫോണ് കണക്ഷനുകളുടെ കാര്യവും വ്യത്യസ്തമല്ല. ടവറിനു തൊട്ടു താഴെ നിന്നു വിളിച്ചാലും കണക്ഷൻ കിട്ടാറില്ല. ഉപയോക്താക്കൾ മണിക്കൂറുകളോളം പരിധിക്ക് പുറത്താണ്. സ്വകാര്യ കന്പനികൾ ഇന്റർനെറ്റ് സൗകര്യം ദിനം പ്രതി വികസിപ്പിച്ചു കൊണ്ടിരിക്കുന്പോഴാണ് ബിഎസ്എൻഎലിന്റെ അവഗണന. 3ജിയുണ്ടെന്ന് പറയുന്നിടത്തു പോലും 2ജി ആണ് ലഭിക്കുന്നത്. സംസാരത്തിനിടയിൽ മറ്റു സംഭാഷണങ്ങൾ കയറി വരിക, ഫോണ് ഓണ്…
Read Moreജനങ്ങൾക്കുവേണ്ടിയെന്ന്..! പഞ്ചായത്തിനു ഫണ്ടില്ല; ഹൈമാസ്റ്റ് ലൈറ്റ് നന്നാക്കി ഓട്ടോ തൊഴിലാളികൾ മാതൃകയാക്കി
പാലാ: അറ്റകുറ്റപ്പണിക്ക് മുടക്കാൻ വൻതുക വേണമെന്ന ന്യായം പറഞ്ഞ് പഞ്ചായത്ത് അധികൃതർ അവഗണിച്ചിട്ടിരുന്ന ഹൈമാസ്റ്റ് ലൈറ്റ് നന്നാക്കി വേറിട്ട മാതൃകയാ യിരിക്കുകയാണ് കിടങ്ങൂർ ടൗണി ലെ ഓട്ടോറിക്ഷാ തൊഴിലാളികൾ. മാസങ്ങളായി പ്രവർത്തന രഹിത മായി കിടന്ന കിടങ്ങൂർ ഹൈവേ ജംഗ്ഷനിലെ ഹൈമാസ്റ്റ് ലൈറ്റാ ണ് പഞ്ചായത്ത് അവഗണിച്ചിട്ടും തൊഴിലാളികൾ സൗജന്യമായി നന്നാക്കി നൽകിയത്. ഏറ്റുമാനൂർ – പൂഞ്ഞാർ ഹൈവേയിൽ സ്ഥിതി ചെയ്യുന്നതും ഏറെ തിരക്കുള്ള തുമായ ജംഗ്ഷനിലെ ഹൈമാസ്റ്റ് ലൈറ്റ് ശബരിമല സീസണു മുൻപ് നന്നാക്കണമെന്ന് നാട്ടുകാരും പോലീസും പഞ്ചായ ത്തിനോട് ആവശ്യപ്പെട്ടിരുന്നെങ്കിലും നടപടിയൊന്നും ഉണ്ടാ യിരുന്നില്ല. ഹൈമാസ്റ്റ് ലൈറ്റ് നന്നാക്കുന്നതിന് 80,000 രൂപയോളം ചിലവു വരുമെന്നും ഇതിനായി പഞ്ചായത്തിന് ഫണ്ടില്ലെന്നുമാ യിരുന്നു വിശദീകരണം. ഇതിനെ തുടർന്നാണ് ഓട്ടോ തൊഴി ലാളികളുടെ നേതൃത്വത്തിൽ ഹൈമാസ്റ്റ് ലൈറ്റിന്റെ തകരാർ പരിഹരിച്ചത്.
Read Moreഇവർ വിവാഹിതരായാൽ..! പഴവർഗങ്ങളുടെ രാജ്ഞി മാവും പേരാലും വിവാഹിതരാകുന്നു; മുഹൂർത്തം 3ന് രാവിലെ 12.55ന്
പൊൻകുന്നം: ആത്മാവ് എന്ന വിശേഷിപ്പിക്കപ്പെടുന്ന ആൽമരവും മാവും വിവാഹിതരാകുന്ന പുത്തൻ മുഹൂർത്തത്തിനു വേദിയാവുകയാണ് ചിറക്കടവ് ഈസ്റ്റ് വെള്ളാള മഹാസമാജം എയ്ഡഡ് സ്കൂൾ അങ്കണം. ഏവരും ഉറ്റുനോക്കുന്ന വിവാഹം നാളെ ഉച്ചയ്ക്ക് 12.55നും 1.20നും ഇടയ്ക്കുള്ള മുഹൂർത്തത്തിലാണ് നടത്തുന്നത്. മോറേസി വൃക്ഷ രാജകുടുംബത്തിലെ ഹൈക്കസ് റിലീജിയോസ് എന്ന ശാസ്ത്രനാമത്തിലും പീപ്പൽ എന്ന ഇംഗ്ലീഷ് പേരിലും അറിയപ്പെടുന്ന നാൽപ്പാമരത്തിലെ പുത്രനുമായ അരയാലും പഴവർഗങ്ങളിലെ രാജ്ഞിയും മാൻജിഹെറാ ഇൻഡിക്ക എന്ന സസ്യനാമത്തിലും മാംഗോ എന്ന ഇംഗ്ലീഷ് പേരിലുമുള്ള തേന്മാവും തമ്മിലാണ് വിവാഹം. നൂറു വർഷത്തിലേറെയായി ഇരുവരും ഒരേ ചുവട്ടിലാണ് വളർന്നുനിൽക്കുന്നത്. സാധാരണ വിവാഹം പോലെയുള്ള എല്ലാ ചടങ്ങുകളും വൃക്ഷമാംഗല്യത്തിനും ഒരുക്കിയിട്ടുണ്ട്. നിറപറയെയും നിലവിളക്കിനെയും സാക്ഷിയാക്കി നാദസ്വരത്തിന്റെയും കൊട്ടിന്റെയും കുരവയുടെയും സാന്നിധ്യത്തിലാണ് ആലിന്റെയും മാവിന്റെയും താലികെട്ട്. ’ആത്മാവി’ന്റെ വിവാഹത്തിനായി പ്രത്യേക ക്ഷണക്കത്തും തയാറാക്കി നൽകിയിരുന്നു. എത്തുന്നവർക്കെല്ലാം വിഭവസമൃദ്ധമായ സദ്യയും ഒരുക്കിയിട്ടുണ്ട്. വിവാഹം നടക്കുന്ന…
Read Moreആരവം വേണ്ട, ആന മതി..!വിവാഹശേഷം വധുവരൻമാരെ ആന ആനയിച്ചുകൊണ്ടു പോയത് കാഴ്ചക്കാർക്കു കൗതുകം
കോഴഞ്ചേരി: സ്വന്തം ഉടമയുടെ വിവാഹം പാർവതിക്കും ആഘോഷമായി. ഉടമ ബിജുവിന്റെ വിവാഹത്തിനു ശേഷം വധുവരൻമാരെ പാർവതിയെന്ന ആന ആനയിച്ചപ്പോൾ കാഴ്ചക്കാർക്കും കൗതുകം. ഇതോടെ ഒപ്പം കൂടാനും ഏറെപ്പേരുണ്ടായി. ചെറുകോൽ കൂരാനത്ത് മലയിൽ മാധവനിവാസിൽ ബിജു വി. നായരുടെയും ചെറുകോൽ മേലേകൂറ്റ് വിദ്യാഭവനിൽ ആശാ വി നായരുടെയും വിവാഹം ആറന്മുള പാർഥസാരഥി ക്ഷേത്രത്തിലാണ് നടന്നത്. ബിജുവിന്റെ വീട്ടിലേക്കാണ് ആനയോടൊപ്പം വധുവരൻമാർ എത്തിയത്.
Read More