തിരുവനന്തപുരം: വൈദ്യുതി ചാർജിൽ സർക്കാർ പ്രഖ്യാപിച്ച സബ്സിഡി അടുത്ത മാസം മുതൽ ലഭിക്കുമെന്ന് കെഎസ്ഇബി ചെയർമാൻ എൻഎസ് പിള്ള. ബിൽ തുക അടയ്ക്കാൻ തവണ ആവശ്യമുള്ളവർ അപേക്ഷ സമർപ്പിക്കണമെന്നും അദ്ദേഹം പറഞ്ഞു. സബ്സിഡി അടുത്ത മാസത്തെ ബില്ലിൽ കുറച്ച് നൽകും. ബിൽ തുക അഞ്ച് തവണകളായി അടയ്ക്കാൻ ആഗ്രഹിക്കുന്നവർ സെക്ഷനിലെ എക്സിക്യുട്ടീവ് എഞ്ചിനീയർക്ക് അപേക്ഷ നൽകുകയോ അല്ലെങ്കിൽ 1912 എന്ന നമ്പറിൽ വിളിച്ച് ആവശ്യപ്പെടുകയോ വേണം. തവണ ആവശ്യമില്ലാത്തവർക്ക് ബിൽ തുകയുടെ 70 ശതമാനം അടയ്ക്കാം. സബ്സിഡി കിഴിച്ച് ബാക്കിവരുന്ന തുക അടുത്ത മാസം അടയ്ക്കാമെന്നും കെഎസ്ഇബി ചെയർമാൻ അറിയിച്ചു.
Read MoreCategory: TVM
ആംഗന്വാടി ടീച്ചര്മാര്ക്കെതിരെ വിവാദ പരാമര്ശം: നടന് ശ്രീനിവാസനെതിരെ വനിതാ കമ്മീഷന് കേസെടുത്തു
തിരുവനന്തപുരം: നടന് ശ്രീനിവാസനെതിരെ വനിതാ കമ്മീഷന് കേസെടുത്തു. ആംഗന്വാടി ടീച്ചര്മാര്ക്കെതിരെ നടത്തിയ വിവാദ പരാമര്ശത്തെ തുടര്ന്നാണ് ശ്രീനിവാസനെതിരെ നടപടി. ഒരു വിദ്യാഭ്യാസവും ജോലിയുമില്ലാത്തവരെയാണ് ആംഗന്വാടി ടീച്ചര്മാരായി നിയമിച്ചിരിക്കുന്നതെന്നായിരുന്നു ഒരു ചാനല് പരിപാടിക്കിടെ ശ്രീനിവാസന് പറഞ്ഞത്. തുടര്ന്ന് ആംഗന്വാടി ടീച്ചര്മാരുടെ സംഘന വനിതാ കമ്മീഷന് പരാതി നല്കിയതിന്റെ അടിസ്ഥാനത്തിലാണ് നടനെതിരെ കേസെടുത്തത്.
Read Moreമകളെ ശല്യം ചെയ്തത് ചോദ്യം ചെയ്തു; വീട്ടമ്മയെ യുവാവ് തലയ്ക്കടിച്ചു വീഴ്ത്തി; യുവാവ് അറസ്റ്റിൽ
കാട്ടാക്കട: മകളെ സ്ഥിരമായി ശല്യം ചെയ്യുകയും അസഭ്യം പറയുകയും അശ്ലീല ചേഷ്ഠകൾ കാട്ടുകയും ചെയ്ത യുവാവിനെ താക്കീത് ചെയ്ത മാതാവിനെ യുവാവ് ആയുധം കൊണ്ടും തടി കഷണം കൊണ്ടും തലയ്ക്കടിച്ചു. ഗുരുതരമായി പരിക്കേറ്റ ഇവർ ചികിൽസയിലാണ്. ഇന്നലെ ഉച്ചയ്ക്ക് ആണ് മലയിൻകീഴ് സ്റ്റേഷനിലെ മൂങ്ങോട് ഭാഗത്ത് സംഭവം നടന്നത്. മൂങ്ങോട് പള്ളി നട സ്വദേശി ബാബു എന്നു വിളിക്കുന്ന സുരേഷ് കുമാർ (42) മൂങ്ങോട് സ്വദേശിനിയായ വീട്ടമ്മയെ തലയിൽ അടിക്കുകയായിരുന്നു. സ്ഥിരമായി സുരേഷ് ഇവരുടെ മകളെ ശല്യപ്പെടുത്തിയിരുന്നു. ഇത് ചോദ്യം ചെയ്തതാണ് പ്രകോപനത്തിന് കാരണമായത്. മലയിൻകീഴ് പോലീസ് സുരേഷിനെ അറസ്റ്റ് ചെയ്തു. ഇയാൾ സ്ഥിരം ശല്യക്കാരനാണെന്ന് പോലീസ് പറയുന്നു. ഇന്ന് കാട്ടാക്കട കോടതിയിൽ ഹാജരാക്കും
Read Moreകരണ്ട് കട്ടാക്കില്ല, ബില്ലടയ്ക്കാൻ അഞ്ച് തവണ; ഇളവുകൾ പ്രഖ്യാപിച്ച് മുഖ്യമന്ത്രി
തിരുവനന്തപുരം: കോവിഡ് പ്രതിസന്ധി തുടരുന്ന സാഹചര്യത്തിൽ വൈദ്യുതി ബില്ല് അടച്ചില്ല എന്ന കാരണത്താൽ ആരുടെയും വൈദ്യുതി വിച്ഛേദിക്കില്ലെന്ന് മുഖ്യമന്ത്രി പിണറായി വിജയൻ. നിലവിൽ വൈദ്യുതി നിരക്കിൽ വ്യത്യാസം വരുത്തിയിട്ടില്ല. എങ്കിലും പരാതി ഉയർന്ന സാഹചര്യത്തിൽ ഇക്കാര്യങ്ങൾ പ രിശോധിക്കാൻ കെഎസ്ഇബിയോട് സർക്കാർ നിർദേശിച്ചിട്ടുണ്ടെന്നും അദ്ദേഹം വാർത്താസമ്മേളനത്തിൽ പറഞ്ഞു. 40 യൂണിറ്റു വരെ ഉപയോഗിക്കുന്ന 500 വാട്ടിൽ താഴെ കണക്ടഡ് ലോഡ് ഉള്ളവർക്ക് ഇപ്പോൾ ഉപയോഗിച്ച വൈദ്യുതിയുടെ അളവ് കണക്കിലെടുക്കാതെ സൗജന്യം അനുവദിക്കും. ഈ വിഭാഗത്തിനു നിലവിൽ വൈദ്യുതി സൗജന്യമാണ്. പ്രതിമാസം 40 യൂണിറ്റ് വരെ ഉപയോഗിക്കുന്ന 1000 വാട്ടിൽ താഴെ കണക്ടഡ് ലോഡ് ഉള്ളവർക്ക് യൂണിറ്റിന് 1.50 രൂപയാണ് നിരക്ക്. ഈ വിഭാഗത്തിൽ പെട്ട ഉപഭോക്താക്കൾക്ക് ഇപ്പോൾ ഉണ്ടായ ഉപയോഗം എത്ര യൂണിറ്റായാലും 1.50 രൂപ എന്ന നിരക്കിൽത്തന്നെ ബില്ല് കണക്കാക്കും. പ്രതിമാസം 50 യൂണിറ്റ് വരെ…
Read Moreഇനിയാർക്കും ഇത്തരം ദുരന്തം ഉണ്ടാവരുത്; സ്ഥാപനങ്ങളില് അനീല്ഡ് ഗ്ലാസുകളുടെ ഉപയോഗം നിരോധിച്ചു; 45 ദിവസത്തിനുള്ളില് മാറണം
തിരുവനന്തപുരം: ഷോപ്പിംഗ് മാളുകള് ഉള്പ്പടെ എല്ലാ വാണിജ്യ ധനകാര്യ സ്ഥാപനങ്ങളിലെയും അനീല്ഡ് ഗ്ലാസുകളുടെ ഉപയോഗം നിരോധിച്ചു. വാതിലുകളിലോ പാര്ട്ടീഷ്യന് ചെയ്യുമ്പോഴോ വലിയ കഷണങ്ങളായി പൊട്ടാന് സാധ്യതയുള്ളതിനാലാണ് അനീല്ഡ് ഗ്ലാസുകള് നിരോധിക്കുന്നത്. ചില്ലു വാതിലുകളില് തിരിച്ചറിയാന് സാധിക്കുന്ന വിധത്തില് സ്റ്റിക്കറുകള് പതിപ്പിക്കണമെന്നും വാതില് തുറക്കേണ്ട ദിശ എല്ലാവര്ക്കും മനസിലാകുന്ന ഭാഷയില് വലിയ അക്ഷരങ്ങളില് എഴുതി വയ്ക്കണമെന്നും നിര്ദേശത്തില് പറയുന്നു. നിലവില് അനീല്ഡ് ഗ്ലാസുകള് സ്ഥാപിച്ച സ്ഥാപനങ്ങള് 45 ദിവസത്തിനകം ടെപേര്ഡ്, ടെഫന്ഡ് ഗ്ലാസിലേക്ക് മാറാനും കര്ശനമായി നിര്ദേശിച്ചു. പെരുമ്പാവൂരില് പൊട്ടിത്തകര്ന്ന ഗ്ലാസ് കക്ഷണങ്ങള് കുത്തിക്കയറി വീട്ടമ്മ മരിക്കാനിടയായ സംഭവത്തെ തുടര്ന്നാണ് ഇക്കാര്യം നടപ്പിലാക്കുന്നത്.
Read Moreഗള്ഫില് ഉള്ള പ്രവാസികളോട് സര്ക്കാര് എന്തിനാണ് വിവേചനം കാണിക്കുന്നത്; സർക്കാരിനെതിരെ രൂക്ഷ വിമർശനവുമായി രമേശ് ചെന്നിത്തല
തിരുവനന്തപുരം: സര്ക്കാര് പ്രവാസികളോട് ക്രൂരത കാട്ടുന്നുവെന്നും പ്രവാസികളോടുള്ള സര്ക്കാരിന്റെ നിലപാട് മനുഷ്യത്വരഹിതമാണെന്നും പ്രതിപക്ഷനേതാവ് രമേശ് ചെന്നിത്തല. വാര്ത്താസമ്മേളനത്തിനിടെയാണ് പ്രതിപക്ഷനേതാവ് ഇക്കാര്യം ചൂണ്ടിക്കാട്ടിയത്. പ്രവാസികളുടെ വരവ് എങ്ങനെ മുടക്കാമെന്ന് സര്ക്കാര് ഗവേഷണം നടത്തുകയാണ്. ഗള്ഫില് ഉള്ള പ്രവാസികളോട് സര്ക്കാര് എന്തിനാണ് വിവേചനം കാണിക്കുന്നതെന്ന് മനസിലാകുന്നില്ല. പ്രവാസികളുടെ കാര്യത്തില് കേന്ദ്രസര്ക്കാര് സ്വീകരിച്ചതും നിഷേധാര്ഹമായ നടപടിയാണെന്നും ചെന്നിത്തല വ്യക്തമാക്കി. നാട്ടിലേക്ക് മടങ്ങേണ്ട പ്രവാസികള് റാപ്പിഡ് ടെസ്റ്റ് നടത്തിയാല് മതിയെന്നാണ് മുഖ്യമന്ത്രി പറഞ്ഞത്. എന്നാല് ഖത്തര്, സൗദി, ഒമാന്, കുവൈറ്റ് തുടങ്ങിയ ഗള്ഫ് രാജ്യങ്ങളില് റാപ്പിഡ് ടെസ്റ്റിന് സൗകര്യമില്ല. നാട്ടിലേക്കു മടങ്ങുവാന് ആഗ്രഹിച്ചവര്ക്ക് ചാര്ട്ടേഡ് വിമാന സൗകര്യമൊരുക്കി നല്കിയ പ്രവാസി സംഘടനകളെ അഭിനന്ദിക്കുന്നുവെന്നും രമേശ് ചെന്നിത്തല കൂട്ടിച്ചേര്ത്തു.
Read Moreചികിത്സയിലിരിക്കെ കാണാതായ യുവാവ് മരിച്ച സംഭവം; ആത്മഹത്യയെന്ന് പോസ്റ്റുമോർട്ടം റിപ്പോർട്ട്; മരണത്തിലെ ദുരൂഹത കാട്ടി പരാതി നൽകാനൊരുങ്ങി കുടുംബം
ശ്രീകാര്യം : മർദനമേറ്റ് ചികിത്സയിലിരിക്കെ കാണാതായ യുവാവിനെ ശ്രീകാര്യത്ത് ദുരൂഹ സാഹചര്യത്തിൽ തൂങ്ങി മരിച്ച നിലയിൽ കണ്ടെത്തിയ സംഭവത്തിൽ മരണം ആത്മഹത്യയെന്ന് പോസ്റ്റ് മോർട്ടം റിപ്പോർട്ട്. ഇദ്ദേഹത്തിന്റെ ശരീരത്തിലുള്ള പരിക്കുകൾ മുൻപ് ഉണ്ടായ അടിപിടിയിൽ ഉണ്ടായതാണെന്നും റിപ്പോർട്ടിൽ പറയുന്നതായി ശ്രീകാര്യം പോലീസ് പറഞ്ഞു. പോസ്റ്റ് മോർട്ടത്തിനുശേഷം ഷൈജുവിന്റെ മൃതദേഹം ബുധനാഴ്ച വൈകുന്നേരത്തോടെ വർക്കലയിലെ വീട്ടു വളപ്പിൽ സംസ്കരിച്ചു. വർക്കല മുട്ടപ്പലം ചാവടിമുക്ക് തുണ്ടുവിള വീട്ടിൽ ഷൈജു സത്യദേവൻ (42) നെയാണ് തിങ്കളാഴ്ച രാവിലെയോടെ ശ്രീകാര്യം ജംഗ്ഷന് സമീപത്തെ സ്വകാര്യ ബാങ്ക് കെട്ടിടത്തിന്റെ പിന്നിൽ തൂങ്ങി മരിച്ച നിലയിൽ കണ്ടെത്തിയത്. അജ്ഞാതരുടെ ആക്രമണത്തിൽ ഞായറാഴ്ച ഗുരുതര പരിക്കുകളോടെ കല്ലമ്പലം പോലീസ് സ്റ്റേഷനിൽ എത്തുകയും പോലീസ് ഷൈജുവിനെ സ്വകാര്യ ആശുപത്രിയിലും തുടർന്ന് മെഡിക്കൽ കോളജ് ആശുപത്രിയിലേക്കും മാറ്റുകയായിരുന്നു.അവിടെ നിന്നാണ് ചികിത്സയിലിരിക്കെ കാണാണാതാകുകയും തൂങ്ങി മരിച്ച നിലയിൽ കണ്ടെത്തുകയും ചെയ്തത്. സംഭവത്തിൽ…
Read Moreപാപ്പനംകോട് ഡിപ്പോയിലെ സമരം ന്യായം; ജീവനക്കാർ ഉന്നയിക്കുന്ന സുരക്ഷാ പ്രശ്നങ്ങൾ പരിഹരിക്കുമെന്ന് ഗതാഗത മന്ത്രി
തിരുവനന്തപുരം: പാപ്പനംകോട് ഡിപ്പോയിൽ കെഎസ്ആർടിസി ജീവനക്കാർ നടത്തുന്ന സമരം ന്യായമെന്ന് ഗതാഗതമന്ത്രി എ.കെ.ശശീന്ദ്രൻ. ജീവനക്കാർ ഉന്നയിക്കുന്ന സുരക്ഷാ പ്രശ്നങ്ങൾ പരിഹരിക്കും. കെഎസ്ആർടിസി ബസ്സുകളിൽ ഡ്രൈവർമാർക്ക് പ്രത്യേക ക്യാബിൻ ഏർപ്പെടുത്തും. കോവിഡ് ഡ്യൂട്ടിയിലുള്ളവർക്ക് മതിയായ സുരക്ഷ ഒരുക്കുമെന്നും മന്ത്രി പറഞ്ഞു. ജീവനക്കാർ സമരത്തിൽ നിന്നും പിൻമാറണമെന്നും അദ്ദേഹം പറഞ്ഞു. മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു മന്ത്രി. കോവിഡിന്റെ പശ്ചാത്തലത്തിൽ കെഎസ്ആർടിസി ജീവനക്കാർക്ക് സുരക്ഷാ സംവിധാനങ്ങൾ ഒരുക്കണമെന്നാവശ്യപ്പെട്ടാണ് സമരം.
Read Moreരണ്ട് സർക്കാരുകളും പ്രവാസികളെ മത്സരിച്ച് ദ്രോഹിക്കുന്നുവെന്ന് കെ.മുരളീധരൻ
തിരുവനന്തപുരം: കോവിഡ് സമൂഹവ്യാപനം തടയാൻ സർക്കാർ ശുഷ്കാന്തിയോടെ ഇടപെടണമെന്ന് കെ.മുരളീധരൻ എംപി. കോവിഡ് പരിശോധന വർധിപ്പിക്കണം. എങ്കിൽ മാത്രമെ കോവിഡിനെ ഫലപ്രദമായി തടയാൻ സാധിക്കുകയുള്ളുവെന്നും അദ്ദേഹം പറഞ്ഞു. രണ്ട് സർക്കാരുകളും പ്രവാസികളെ മത്സരിച്ച് ദ്രോഹിക്കുകയാണ്. പ്രവാസികൾ ആത്മഹത്യയുടെ വക്കിലാണ്. സംസ്ഥാനത്ത് ഇൻസ്റ്റിറ്റുഷൻ ക്വാറന്റൈൻ ഇല്ലാത്ത അവസ്ഥയാണ്. രോഗലക്ഷണങ്ങൾ ഉള്ളവർ വിമാനത്തിൽ യാത്ര ചെയ്യരുതെന്നും അദ്ദേഹം ആവശ്യപ്പെട്ടു.
Read Moreമൂന്നു കിലോ കഞ്ചാവുമായി ക്രിമിനൽ കേസ് പ്രതിയും സഹായിയും പിടിയിൽ
കാട്ടാക്കട : നിരവധി ക്രിമിനൽ കേസുകളിലുൾപ്പെട്ടയാളും സഹായിയും മൂന്നു കിലോയിലധികം കഞ്ചാവുമായി മലയിൻകീഴ് പോലീസിന്റെ പിടിയിലായി. വിവിധ സ്റ്റേഷനുകളിലായി പലരേയും വെട്ടിപ്പരിക്കേൽപ്പിച്ച കേസിലുൾപ്പെട്ട അന്തിയൂർക്കോണം കുന്നുംപുറം എം.ആർ.സദനത്തിൽ എം.ഹേമന്ദ്(27), സഹായി അണപ്പാട് ഇലവുങ്കൽ പടിപ്പുരവീട്ടിൽ ഉണ്ണി എന്നു വിളിക്കുന്ന എ.അനീഷ്(25) എന്നിവരെയാണ് പോലീസ് പിടികൂടിയത്. ഇവരുടെ പക്കൽനിന്ന് 3.177കിലോ കഞ്ചാവ് കണ്ടെടുത്തു. ഈഴക്കോട് വെളിവിള ലെയ്നിൽ ബൈക്കിൽ വരുമ്പോഴാണ് രഹസ്യവിവരത്തെ തുടർന്ന് പോലീസ് സംഘം ഇവരെ പരിശോധിച്ചത്. ത ുടർന്ന് നടത്തിയ അന്വേഷണത്തിലാണ് മാറനല്ലൂർ, നേമം, കാട്ടാക്കട, മലയിൻകീഴ്, നരുവാമൂട് സ്റ്റേഷനുകളിലായി നിരവധി ക്രിമിനൽ കേസിലുൾപ്പെട്ടയാളാണ് ഹേമന്ദ് എന്ന് പോലീസ് തിരിച്ചറിഞ്ഞത്. കഴിഞ്ഞ ദിവസം മേപ്പൂക്കടയിൽ വയോധികനെ ആക്രമിച്ച കേസിലും ഇയാൾ ഉൾപ്പെട്ടിട്ടുണ്ടെന്ന് പോലീസ് പറഞ്ഞു. മലയിൻകീഴ് സി.ഐ. ബി.അനിൽകുമാർ, എസ്.ഐ. ആർ.രാജേഷ് എന്നിവരുടെ നേതൃത്വത്തിലുള്ള പോലീസ് സംഘമാണ് അറസ്റ്റ് ചെയ്തത്.
Read More