തിരുവനന്തപുരം: സംസ്ഥാനത്ത് കനത്തമഴ തുടരുന്ന സാഹചര്യത്തില് ഏത് അടിയന്തിര സാഹചര്യവും നേരിടുന്നതിന് സജ്ജരായിരിക്കാന് സംസ്ഥാന പോലീസ് മേധാവി ലോകനാഥ് ബെഹ്റ എല്ലാ ജില്ലാ പോലീസ് മേധാവിമാര്ക്കും നിര്ദ്ദേശം നല്കി. വെളളപ്പൊക്കത്തില് ഒറ്റപ്പെട്ട് പോയവരെയും സഹായം വേണ്ടവരെയും സുരക്ഷിത സ്ഥാനങ്ങളില് എത്തിക്കുന്നതിനും അടിയന്തിര സൗകര്യങ്ങള് ലഭ്യമാക്കുന്നതിനും പോലീസ് രംഗത്തുണ്ടായിരിക്കും. ഒടിഞ്ഞ് വീഴുന്ന മരങ്ങളും മറ്റ് റോഡ് തടസ്സങ്ങളും നീക്കം ചെയ്ത് വാഹനഗതാഗതവും വാര്ത്താവിനിമയ സംവിധാനങ്ങളും പുന:സ്ഥാപിക്കുന്നതിന് പോലീസ് എല്ലാ സഹായവും നല്കും. ജില്ലാ ദുരന്ത നിവാരണ അതോറിറ്റി, ജില്ലാ ഭരണകൂടങ്ങള് എന്നിവയോടൊപ്പം സഹകരിച്ച് പ്രവര്ത്തിക്കുന്നതിനും ജില്ലാ പോലീസ് മേധാവിമാര്ക്ക് നിര്ദ്ദേശം നല്കിയിട്ടുണ്ട്.
Read MoreCategory: TVM
അഭിഭാഷകനെ കൊലപ്പെടുത്തി സ്വത്ത് കൈവശപ്പെടുത്താൻ ശ്രമിച്ച കേസ്; സഹോദരനും കൂട്ടാളികളും അറസ്റ്റിൽ
തിരുവനന്തപുരം: അഭിഭാഷകനെ കൊലപ്പെടുത്തി സ്വത്ത് കൈവശപ്പെടുത്താൻ ശ്രമിച്ച കേസിൽ സഹോദരനും കൂട്ടാളികളും അറസ്റ്റിൽ. വഞ്ചിയൂർ കോടതിയിലെ അഭിഭാഷകനായ ജ്യോതികുമാറിനെ കൊലപ്പെടുത്താൻ ശ്രമിച്ച കേസിലെ പ്രതികളായ ശങ്കർ, ജ്യോതീന്ദ്രൻ, രതീഷ്, മോഹൻ സതി, ജോജി, അനിൽ എന്നിവരെയാണ് വഞ്ചിയൂർ പോലീസ് അറസ്റ്റ് ചെയ്തത്. കഴിഞ്ഞ മാസം മൂന്നിന് രാത്രി 10.30 ന് ഒരു സംഘം ജ്യോതികുമാറിനെ കാറിൽ തട്ടിക്കൊണ്ടുപോയി ആക്രമിച്ച് പണവും വാഹനവും മൊബൈൽ ഫോണും കവർന്നശേഷം ആര്യൻകാവ് ചെക്ക് പോസ്റ്റിനടുത്ത് കൊക്കയിൽ തള്ളിയിട്ട് കൊല്ലാൻ ശ്രമിച്ചെന്നാണ് കേസ്. ജ്യോതികുമാറിന്റെ വസ്തുവകകൾ കൈവശപ്പെടുത്തുന്നതിനായി അനുജൻ ജ്യോതീന്ദ്രനാഥാണ് കരകുളം സ്വദേശിയായ ശങ്കറിന് 20 ലക്ഷം രൂപയുടെ ക്വട്ടേഷൻ നൽകിയതെന്ന് പോലീസ് പറഞ്ഞു. കഴിഞ്ഞമാസം മൂന്നിന് രാത്രി പത്തരയോടെ അഭിഭാഷകനായ ജ്യോതികുമാറിന്റെ വഞ്ചിയൂരിലുള്ള ഓഫീസിൽ അതിക്രമിച്ചുകയറി ആക്രമിച്ച് കാറിൽ തട്ടി കൊണ്ടു പോയി ആര്യങ്കാവുള്ള കൊക്കയിൽ തള്ളിയിട്ട് കൊല്ലാൻ ശ്രമിക്കുകയായിരുന്നു. വഞ്ചിയൂർ…
Read Moreയൂണിവേഴ്സിറ്റി കോളജിനെ നഗരഹൃദയത്തിൽനിന്ന് മാറ്റണമെന്നത് ചിലരുടെ വ്യാമോഹമെന്ന് മുഖ്യമന്ത്രി
തിരുവനന്തപുരം: തിരുവനന്തപുരം യൂണിവേഴ്സിറ്റി കോളജ് അവിടെനിന്നും മറ്റൊരിടത്തേക്ക് മാറ്റണമെന്ന പ്രതിപക്ഷ നേതാക്കളുടെ ആവശ്യത്തിന് മറുപടിയുമായി മുഖ്യമന്ത്രി പിണറായി വിജയൻ. യൂണിവേഴ്സിറ്റി കോളേജിനെ നഗരഹൃദയത്തിൽനിന്ന് മാറ്റണമെന്നത് ചിലരുടെ വ്യാമോഹം മാത്രമാണെന്ന് മുഖ്യമന്ത്രി പറഞ്ഞു. കലാലയങ്ങളെ മാറ്റില്ലെന്ന് മാത്രമല്ല, കൂടുതൽ ശക്തിപ്പെടുത്തുമെന്നും മുഖ്യമന്ത്രി വ്യക്തമാക്കി. ക്രിമിനലുകളെ വളർത്തുന്ന കേന്ദ്രമായി യൂണി. കോളജ് മാറിയെന്നും കോളജ് അവിടെ നിന്ന് മറ്റൊരിടത്തേക്ക് മാറ്റി പകരം ചരിത്രസ്മാരകമായി മാറ്റുകയാണ് വേണ്ടതെന്നും കെ. മുരളീധരന് എംപി ആവശ്യപ്പെട്ടിരുന്നു.
Read Moreഇടുക്കിയിലെ ഭൂമി കൈയേറ്റങ്ങളുടെ കൃത്യമായ കണക്കെടുക്കുമെന്ന് മുഖ്യമന്ത്രി
തിരുവനന്തപുരം: ഇടുക്കി ജില്ലയിലെ ഭൂമികൈയേറ്റങ്ങളുടെ കൃത്യമായ കണക്കെടുക്കുമെന്ന് മുഖ്യമന്ത്രി പിണറായി വിജയൻ. ഇക്കാര്യത്തിൽ തുടർ നടപടിയെടുക്കാൻ കളക്ടർക്ക് നിർദേശം നൽകിയതായും മന്ത്രിസഭായോഗത്തിനുശേഷം വാർത്താ സമ്മേളനത്തിൽ മുഖ്യമന്ത്രി വിശദമാക്കി. ജില്ലയിലെ പട്ടയമില്ലാത്ത ഭൂമിയും നിർമാണങ്ങളും സർക്കാർ ഏറ്റെടുക്കും. കെട്ടിട നിർമാണത്തിന് പുതിയ ചട്ടം രൂപീകരിക്കാൻ തദ്ദേശ വകുപ്പിന് അനുമതി നൽകിയതായും ഇടുക്കിക്കു മാത്രമായിരിക്കും ഇളവെന്നും മുഖ്യമന്ത്രി കൂട്ടിച്ചേർത്തു. 1,06,450 പേർക്ക് ഇതുവരെ പട്ടയം നൽകിയെന്നും രവീന്ദ്രൻ പട്ടയങ്ങളുടെ പരിശോധന ഉടൻ പൂർത്തിയാക്കുമെന്നും മുഖ്യമന്ത്രി പറഞ്ഞു. പട്ടയം നൽകുന്നതിലെ കാലതാമസം ഒഴിവാക്കാൻ നടപടിക്രമങ്ങൾ ലഘുകരിച്ചതായും മുഖ്യമന്ത്രി വ്യക്തമാക്കി. കൈയേറ്റവും പട്ടയവുമായി ബന്ധപ്പെട്ട് മൂന്നാർ ട്രൈബ്യൂണലിൽ നിലനിന്നിരുന്ന കേസുകൾ കോടതിയിലേക്ക് മാറ്റുമെന്നും ഇതിനായി ഓർഡിനൻസ് ഇറക്കാൻ ഗവർണറോട് ശിപാർശ ചെയ്യുമെന്നും മുഖ്യമന്ത്രി വിശദമാക്കി.
Read Moreപിഎസ് സി പരീക്ഷാ ക്രമക്കേട്: പോലീസ് ക്യാമ്പിലെ സ്റ്റാഫിനും പങ്ക്; പ്രതി പ്രണവിന്റെ മൊബൈയിലേക്ക് ഉത്തരങ്ങൾ അയച്ചത് ഗോകുലെന്ന് പിഎസ്സി വിജിലൻസ്
തിരുവനന്തപുരം: പിഎസ് സി പരീക്ഷ ക്രമക്കേടിൽ പോലീസ് ക്യാന്പിലെ സ്റ്റാഫിന് പങ്കുണ്ടെന്ന് പിഎസ് സി വിജിലൻസ് നടത്തിയ അന്വേഷണത്തിൽ കണ്ടെത്തി. എസ്എപി ക്യാന്പിലെ സ്റ്റാഫ് കല്ലറ സ്വദേശിയുമായ ഗോകുലിനാണ് പരീക്ഷ ക്രമക്കേടിൽ പങ്കുണ്ടെന്ന് കണ്ടെത്തിയത്. റാങ്ക് ലിസ്റ്റിൽ ഉൾപ്പെട്ട എസ്എഫ്ഐ നേതാവ് പ്രണവിന്റെ മൊബൈൽ ഫോണിലേക്ക് പോലീസ് ഓഫീസർ പരീക്ഷയുടെ ശരിയുത്തരങ്ങൾ പരീക്ഷാ സമയത്ത്്് പ്രണവിന്റെ മൊബൈൽ ഫോണിലേക്ക് അയച്ച് കൊടുത്തത് ഗോകുലാണെന്നാണ് കണ്ടെത്തൽ. പിഎസ് സി വിജിലൻസ് സൈബർ സെല്ലിന്റെ സഹായത്തോടെ നടത്തിയ അന്വേഷണത്തിലാണ് പ്രണവിന്റെ മൊബൈലിലേക്ക് സന്ദേശങ്ങൾ എത്തിയത് ഗോകുലിന്റെ നന്പരിൽ നിന്നാണെന്ന് കണ്ടെത്തിയത്. പ്രണവിന്റെ സുഹൃത്താണ് ഗോകുൽ.
Read Moreകർത്തവ്യങ്ങൾ കാര്യക്ഷമമായി നിറവേറ്റിയ വ്യക്തിയെന്ന് ഗവർണർ; സുഷമാ സ്വരാജിന്റെ നിര്യാണത്തിൽ അനുശോചിച്ച് പ്രമുഖർ
തിരുവനന്തപുരം: സുഷമ സ്വരാജിന്റെ നിര്യാണത്തിൽ ഗവർണർ ജസ്റ്റിസ് പി സദാശിവം അനുശോചിച്ചു. പാർലമെന്റിലും പൊതുരംഗത്തും തന്റെ കർത്തവ്യങ്ങൾ അത്യന്തം ശ്രേഷ്ഠവും ആത്മാർഥമായും കാര്യക്ഷമമായും നിറവേറ്റിയ സുഷമ സ്വരാജിന്റെ നിര്യാണം അതീവദുഖകരമാണ്. വിദേശകാര്യ മന്ത്രിയെന്ന നിലയിൽ പ്രവാസികൾക്ക്, വിശേഷിച്ച് കേരളീയർക്കുവേണ്ടി നടത്തിയ സമയോചിതമായ ഇടപെടലുകൾ സൂചിപ്പിക്കുന്നത് ജനക്ഷേമത്തോടുള്ള പ്രതിബദ്ധതയാണെന്നും ഗവർണർ അനുസ്മരിച്ചു. അഗാധമായ ദുഃഖം രേഖപ്പെടുത്തി മുഖ്യമന്ത്രി തിരുവനന്തപുരം: മുതിർന്ന ബിജെപി നേതാവും മുൻ കേന്ദ്രമന്ത്രിയുമായ സുഷമാ സ്വരാജിന്റെ നിര്യാണത്തിൽ മുഖ്യമന്ത്രി പിണറായി വിജയൻ അഗാധമായ ദുഃഖം രേഖപ്പെടുത്തി. പാർലമെന്ററി രംഗത്തും നയതന്ത്ര രംഗത്തും അവരുടെ പ്രവർത്തനവും ഇടപെടലുകളും ശ്രദ്ധേയമായിരുന്നുവെന്ന് മുഖ്യമന്ത്രി അനുസ്മരിച്ചു. സുഷമാ സ്വരാജിന്റെ വിയോഗം രാജ്യത്തിന് നഷ്ടം: രമേശ് ചെന്നിത്തല തിരുവനന്തപുരം: മുൻ വിദേശകാര്യമന്ത്രി സുഷമാ സ്വരാജിന്റെ നിര്യാണത്തിൽ പ്രതിപക്ഷ നേതാവ് രമേശ് ചെന്നിത്തല അനുശോചിച്ചു. വിദേശത്ത് കുടുങ്ങിയ മലയാളികൾക്ക് വേണ്ടി കത്തെഴുതുമ്പോഴും ട്വീറ്റ് ചെയ്യുമ്പോഴും…
Read Moreപ്രതിഷേധം, പ്രതിഷേധം..! പോലീസിനെ വട്ടംചുറ്റിച്ച് കെഎസ്യുക്കാർ “പിഎസ്സി’ക്ക് മുകളിൽ
തിരുവനന്തപുരം: തലസ്ഥാനത്ത് പിഎസ്സി ഓഫീസിലേക്ക് കെഎസ്യു നടത്തിയ മാർച്ചിൽ സംഘർഷം. പ്രവർത്തകർ പിഎസ്സി ഓഫീസിനു മുകളിലേക്ക് ഓടിക്കയറി. ഇവിടിരുന്ന് മുദ്രാവാക്യം വിളിച്ച പ്രവർത്തകരെ താഴെയിറക്കാൻ പോലീസ് ഏറെ പണിപ്പെട്ടു. പ്രവർത്തകരെ പിന്നീട് പോലീസ് അറസ്റ്റ് ചെയ്തു നീക്കി. യൂണിവേഴ്സിറ്റി കോളജിലെ കത്തിക്കുത്ത് കേസില് പ്രതികളായ എസ്എഫ്ഐ മുന് നേതാക്കള് പോലീസ് കോണ്സ്റ്റബിള് പരീക്ഷയില് ക്രമക്കേട് നടത്തിയതായി പിഎസ്സിയുടെ പരിശോധന റിപ്പോര്ട്ട് പുറത്തുവന്നതിനു പിന്നാലെയാണ് കെഎസ്യു പ്രതിഷേധവുമായി രംഗത്തെത്തിയത്.
Read Moreസിബിഐ വരട്ടെ…! പിഎസ് സി പരീക്ഷ ക്രമക്കേടിൽ ചെയർമാനും സംശയത്തിന്റെ നിഴലിലെന്ന് രമേശ് ചെന്നിത്തല
തിരുവനന്തപുരം: പിഎസ് സി ക്രമക്കേടിൽ സിബിഐ അന്വേഷണം നടത്തണമെന്ന് പ്രതിപക്ഷ നേതാവ് രമേശ് ചെന്നിത്തല. പിഎസ് സിയെക്കുറിച്ചുള്ള പ്രതിപക്ഷ ആരോപണം സത്യമെന്ന്് തെളിഞ്ഞെന്നും രമേശ് ചെന്നിത്തല വാർത്താസമ്മേളനത്തിൽ വ്യക്തമാക്കി. പരീക്ഷാ ക്രമക്കേടിൽ പിഎസ് സി ചെയർമാന്റെ പങ്ക് അന്വേഷിക്കണം. പിഎസ് സി ചെയർമാനും സംശയത്തിന്റെ നിഴലിലാണെന്നും ചെന്നിത്തല വ്യക്തമാക്കി. പിഎസ് സി ക്രമക്കേട് പുറത്തായപ്പോൾ പിഎസ് സിയെ പ്രതിരോധിക്കാനാണ് മുഖ്യമന്ത്രി ശ്രമിച്ചത്. പിണറായി വിജയൻ മുഖ്യമന്ത്രി പദത്തിന് കളങ്കം സൃഷ്ടിച്ചു. സ്വന്തം അനുയായികളെ രക്ഷപ്പെടുത്താനാണ് മുഖ്യമന്ത്രി ശ്രമിച്ചത്. മുഖ്യമന്ത്രിയുടെ പോലീസ് അന്വേഷിച്ചാൽ സത്യം പുറത്ത് വരില്ല. കേസ് തേച്ചുമായ്ച്ചു കളയാൻ മുഖ്യമന്ത്രി ശ്രമിച്ചു. സിബിഐ അന്വേഷണം തന്നെ വേണമെന്നും ചെന്നിത്തല വ്യക്തമാക്കി. കൂടുതൽ പേർ ക്രമക്കേടിലൂടെ റാങ്ക് ലിസ്റ്റിൽ ഇടംപിടിച്ചിട്ടുണ്ടൊയെന്ന് കണ്ടെത്തണമെന്നും ചെന്നിത്തല ആവശ്യപ്പെട്ടു. യൂണിവേഴ്സിറ്റി കോളജിലെ കുത്തുകേസിലെ പ്രതികൾ പിഎസ്സി പരീക്ഷയിൽ ക്രമക്കേട് നടത്തിയതായി കഴിഞ്ഞ…
Read Moreഉത്തരക്കടലാസുകൾ പ്രതിയുടെ വീട്ടിൽ! മുൻ പ്രിൻസിപ്പൽമാരേയും അധ്യാപകരേയും ചോദ്യംചെയ്തു
തിരുവനന്തപുരം: യൂണിവേഴ്സിറ്റിയുടെ ഉത്തരക്കടലാസുകൾ വധശ്രമക്കേസിലെ പ്രതിയുടെ വീട്ടിൽ നിന്നും കണ്ടെടുത്ത സംഭവത്തിൽ കോളജിലെ പ്രിൻസിപ്പൽമാരെയും അധ്യാപകരെയും പോലീസ് ചോദ്യം ചെയ്തു. 2016 മുതൽ നിലവിൽ ജോലി നോക്കുന്ന പ്രിൻസിപ്പൽ മാരെയും അധ്യാപകരെയുമാണ് കന്റോണ്മെന്റ് പോലീസ് ചോദ്യം ചെയ്തത്. കന്റോണ്മെന്റ് സിഐ. എം. അനിൽകുമാറിന്റെ നേതൃത്വത്തിലുള്ള പോലീസ് സംഘമാണ് പ്രിൻസിപ്പൽമാരെയും അധ്യാപകരെയും ചോദ്യം ചെയ്തത്. യൂണിവേഴ്സിറ്റി കോളജ് വിദ്യാർഥി അഖിലിനെ കുത്തിക്കൊലപ്പെടുത്താൻ ശ്രമിച്ച കേസിൽ യൂണിവേഴ്സിറ്റി കോളജിലെ എസ്എഫ്ഐ നേതാക്കളായ ശിവരഞ്ജിത്ത്, നസീം എന്നിവരുടെ വീടുകളിൽ നടത്തിയ പരിശോധനയിലാണ് ശിവരഞ്ജിത്തിന്റെ വീട്ടിൽ നിന്നും ഉത്തരകടലാസിന്റെ കെട്ടുകൾ കണ്ടെടുത്തത്.
Read Moreകള്ളത്തരങ്ങളെല്ലാം പൊളിയുന്നു; കുത്തുകേസിലെ പ്രതികൾ റാങ്ക് ലിസ്റ്റിൽ ഉൾപ്പെട്ടത് ഉത്തരങ്ങൾ മൊബൈൽ ഫോണിലൂടെ സന്ദേശമായി കിട്ടിയതിലൂടെ; ലിസ്റ്റ് റദ്ദാക്കാനൊരുങ്ങി പിഎസ്സി
തിരുവനന്തപുരം: യൂണിവേഴ്സിറ്റി കോളജിലെ കത്തിക്കുത്ത് കേസില് പ്രതികളായ എസ്എഫ്ഐ മുന് നേതാക്കള് പോലീസ് കോണ്സ്റ്റബിള് പരീക്ഷയില് ക്രമക്കേട് നടത്തിയതായി പിഎസ്സിയുടെ പരിശോധന റിപ്പോര്ട്ട് പുറത്തു വന്നതിനു പിന്നാലെ കൂടുതൽ നടപടികൾ. കുത്ത് കേസിലെ പ്രതികളായ ശിവരഞ്ജിത്ത്, പ്രണവ്, നിസാം എന്നിവരെ പരീക്ഷാ തട്ടിപ്പ് കേസിലും പ്രതി ചേർക്കുമെന്നാണ് വിവരം. ഇതിനു പുറമേ എസ്എഫ്ഐ നേതാക്കൾ മുൻപന്തിയിലെത്തിയ പോലീസ് കോൺസ്റ്റബിൾ പരീക്ഷയുടെ റാങ്ക് ലിസ്റ്റ് തന്നെ റദ്ദാക്കിയേക്കുമെന്നും സൂചനകളുണ്ട്. പിഎസ്സി പരീക്ഷയുടെ ഉത്തരങ്ങൾ ഫോൺ സന്ദേശങ്ങളായി ലഭിച്ചെന്ന വിവരങ്ങളും പുറത്ത് വന്നിട്ടുണ്ട്. 90ലധികം സന്ദേശങ്ങളാണ് ഇവർക്ക് ഇതുമായി ബന്ധപ്പെട്ട് വാട്സ് ആപ്പു വഴി ലഭിച്ചതെന്നാണ് പുറത്തുവന്ന വിവരം.
Read More