വാട്‌സ് ആപ്പ് ഹര്‍ത്താലും തുടര്‍ന്നുള്ള അനിഷ്ടസംഭവങ്ങളും സാമുദായിക സമാധാനം തകര്‍ക്കാന്‍ സാധ്യത നിലനില്‍ക്കെ ജില്ലയില്‍ പ്രഖ്യാപിച്ച നിരോധനജ്ഞ ജയിലുകളെ ബാധിച്ചു. തടവുകാരെ കോടതിയില്‍ എത്തിക്കുന്നതിനും ചികിത്സക്കായി ആശുപത്രിയില്‍ കൊണ്ടുപോവുന്നതിനും പോലീസുകാരെ ലഭിക്കുന്നില്ലെന്നാണ് ജയിലധികൃതര്‍ പറയുന്നത് . ഇത് ജയിലുകളില്‍ സംഘര്‍ഷാവസ്ഥയ്ക്ക് കാരണമായേക്കാമെന്നും ജയിലധികൃതര്‍ വ്യക്തമാക്കി. നിരോധനാജ്ഞ പ്രഖ്യാപിച്ചതിനു ശേഷം തടവുകാരെ കോടതിയില്‍ ഹാജരാക്കുന്നതു പോലും മുടങ്ങിയിരിക്കുകയാണ്. 90 ശതമാനം കേസുകളിലും തടവുകാരെ കോടിതില്‍ എത്തിക്കാന്‍ സാധിക്കുന്നില്ലെന്നാണു ജയിലധികൃതര്‍ പറയുന്നത്. നിരോധനാജ്ഞ മൂലം നഗര പ്രദേശങ്ങളില്‍ കൂടുതല്‍ അംഗങ്ങളെ നിയോഗിക്കേണ്ടിവന്നതിനാല്‍ ജയില്‍ ആവശ്യങ്ങള്‍ക്ക് േപാലീസുകാരെ വിട്ടുനല്‍കാന്‍ കഴിയില്ലെന്നാണ് ഉന്നത ഉദ്യോഗസ്ഥരുടെ നിലപാട്. കോടതിയില്‍തടവുകാരെ ഹാജരാക്കുന്നതു പോലീസിന്‍റെ ചുമതലയാണ്. തടവുകാരെ ഈ ദിവസം ഹാജരാക്കണമെന്ന് ജയില്‍ സൂപ്രണ്ടിന് കോടതി കത്തയക്കുകയാണ് ചെയ്യുന്നത്. ഇതിന്‍റെ അടിസ്ഥാനത്തില്‍ പോലീസിനെ അനുവദിക്കണമെന്ന് ജയില്‍ സൂപ്രണ്ട് ജില്ലാ പോലീസ് മേധാവിമാരോട് ആവശ്യപ്പെടും. ഈ ആവശ്യം അംഗീകരിച്ചുകൊണ്ടാണ്…
Read Moreവാട്ട്സ് ആപ്പ് ഹര്‍ത്താല്‍! തടവുകാരെ കോടതിയില്‍ ഹാജരാക്കാന്‍ പോലീസില്ല; ജയിലുകളില്‍ നിന്ന് പോലീസ് “മുങ്ങി’
