അമ്പലപ്പുഴ: ക്ഷേത്രത്തിലെ ഉത്സവത്തിനിടെ നടന്ന സംഘർഷത്തിന്റെ തുടർച്ചയായി ഉണ്ടായ ആക്രമണത്തിൽ ഹെൽമറ്റിന് തലയ്ക്കടിയേറ്റ് ചികിത്സയിൽ കഴിഞ്ഞ യുവാവ് മരിച്ചു. ഡിവൈഎഫ്ഐ നേതാവടക്കം അഞ്ചു പ്രതികൾ പിടിയിൽ. തോട്ടപ്പള്ളി ആനന്ദ ഭവൻ ശിവാനന്ദന്- വിജിമോള് ദമ്പതികളുടെ മകന് നന്ദു ശിവാനന്ദാണ് (27) മരിച്ചത്. തോട്ടപ്പള്ളി കുരുട്ടൂർ ശ്രീ ഭഗവതി ക്ഷേത്രത്തിൽ ഉത്സവത്തിനിടെ കഴിഞ്ഞ ദിവസം വൈകിട്ട് നന്ദു ശിവാനന്ദുമായി മുൻ വൈരാഗ്യത്തിന്റെ പേരിൽ സംഘർഷം നടന്നിരുന്നു. ഇതിനു ശേഷം മടങ്ങിപ്പോയ അഞ്ചംഗ സംഘം മാത്തേരി ആശുപത്രിക്ക് മുന്നിൽ നന്ദു ശിവാനന്ദിനെ ആക്രമിക്കുകയായിരുന്നു. ഡിവൈഎഫ്ഐ തോട്ടപ്പള്ളി മേഖലാ പ്രസിഡന്റ് ജഗത് ഹെൽമറ്റിന് നന്ദു ശിവാനന്ദിന്റെ തലയ്ക്കടിച്ച് പരിക്കേൽപ്പിക്കുകയായിരുന്നു. സംഭവുമായി ബന്ധപ്പെട്ട് ജഗത്, അർജുൻ, ഇന്ദ്രജിത്ത്, സഹോദരങ്ങളായ സജിത്, സജി എന്നിവരെ അമ്പലപ്പുഴ പോലീസ് അറസ്റ്റ് ചെയ്തു. തലയ്ക്ക് ഗുരുതര പരിക്കേറ്റ് ആലപ്പുഴ മെഡിക്കൽ കോളജാശുപത്രിയിൽ പ്രവേശിപ്പിച്ച നന്ദു ശിവാനന്ദിനെ പിന്നീട്…
Read MoreCategory: Loud Speaker
പൊന്നും വിലയുള്ള കർട്ടൻ: ക്ലിഫ് ഹൗസിലെ കർട്ടന് ഏഴ് ലക്ഷം രൂപ; സ്വർണം പൂശിയതാണെങ്കിൽ മ്യൂസിയത്തിൽ വയ്ക്കാം; പരിഹസിച്ച് കെ.കെ. രമ
തിരുവനന്തപുരം: ചരിത്രം കണ്ട ഏറ്റവും വലിയ ധനപ്രതിസന്ധിയിലൂടെയാണ് കേരളം കടന്നുപോകുന്നതെന്ന് വടകര എംഎൽഎ കെ.കെ. രമ. നിയമസഭയിൽ അടിയന്തര പ്രമേയ ചർച്ചയിൽ പങ്കെടുക്കുകയായിരുന്നു അവർ. ജനങ്ങളെ കൊള്ളയടിക്കുന്ന സർക്കാരാണിത്. സർക്കാരിന്റെ കെടുകാര്യസ്ഥതയും ധൂർത്തുമാണ് ഈ പ്രതിസന്ധിക്ക് കാരണമെന്ന് രമ കുറ്റപ്പെടുത്തി. മുഖ്യമന്ത്രി പിണറായി വിജയന്റെ ഔദ്യോഗിക വസതിയിൽ കര്ട്ടൻ സ്ഥാപിച്ചതിനെയും രമ വിമർശിച്ചു.കര്ട്ടൻ സ്വര്ണം പൂശിയതാണോ, അങ്ങനെയാണെങ്കിൽ ഉപയോഗം കഴിഞ്ഞശേഷം മ്യൂസിയത്തിൽ വയ്ക്കുന്നത് നന്നായിരിക്കുമെന്ന് അവർ പരിഹസിച്ചു. ഏഴ് ലക്ഷം രൂപ ചെലവാക്കിയാണ് മുഖ്യമന്ത്രിയുടെ ഔദ്യോഗിക വസതിയിൽ കര്ട്ടൻ സ്ഥാപിച്ചത്. ക്ലിഫ് ഹൗസ് നവീകരണം മാത്രമാണ് കേരളത്തിൽ മുടങ്ങാതെ നടക്കുന്നത്. സാധാരണക്കാരിൽ നിന്നും നികുതി പിഴിഞ്ഞെടുക്കുകയാണ്. എന്നാൽ ഇതൊന്നും വൻകിടക്കാരെ ബാധിക്കുന്നില്ലെന്നും രമ ആരോപിച്ചു. ആശ്വാസകിരണം, കാന്സര് രോഗികള്ക്കുള്ള ധനസഹായമുള്പ്പെടെയുള്ള പദ്ധതികൾ പോലും ഇപ്പോള് ലഭ്യമാകുന്നില്ല. സപ്ലൈകോയുടെ അവസ്ഥ അതിലും പരിതാപകരമാണ്. സ്വന്തം അധ്വാനത്തില്നിന്ന് തൊഴിലാളികള് അംശാദായം…
Read Moreഗുണ്ടാപ്പോര്; എതിർസംഘത്തിൽപ്പെട്ടയാളെ ചുട്ടുകൊന്നു
ചണ്ഡിഗഡ്: ഹരിയാനയിൽ ഗുണ്ടാസംഘത്തിൽപ്പെട്ടയാളുടെ മൃതദേഹം കത്തിക്കരിഞ്ഞനിലയിൽ കണ്ടെത്തി. അധോലോക നായകൻ ലോറൻസ് ബിഷ്ണോയിയുടെ സംഘാംഗമായ ഗുണ്ടാനേതാവ് രാജന്റെ മൃതദേഹമാണ് കണ്ടെത്തിയത്. മൃതദേഹത്തിന്റെ കൈയും കാലും ബന്ധിച്ച നിലയിലാണെന്നും ശരീരത്തിന്റെ പല ഭാഗങ്ങളും കാണാനില്ലെന്നും പോലീസ് പറഞ്ഞു. കൊലപാതകത്തിന്റെ ഉത്തരവാദിത്വം ഗുണ്ടാനേതാവ് ദവീന്ദർ ബാംബിഹ ഏറ്റെടുത്തു. ലഡ്വ സ്വദേശിയായ രാജൻ വെടിവയ്പ് ഗുണ്ടാപ്പോര് ഉൾപ്പെടെ നിരവധി കേസുകളിൽ പ്രതിയാണ്. കത്തിക്കരിഞ്ഞ മൃതദേഹം രാജന്റെ ബന്ധുവാണു തിരിച്ചറിഞ്ഞത്. ഏറെനാളുകളായി ഇയാൾ കുടുംബവുമായി അകന്നുകഴിയുകയാണെന്ന് മൃതദേഹം തിരിച്ചറിഞ്ഞയാൾ പോലീസിൽ മൊഴി നൽകി.
Read Moreമിലിട്ടറി ഹോസ്പിറ്റലിൽനിന്നു രക്തം സ്വീകരിച്ചയാൾക്ക് എച്ച്ഐവി: നഷ്ടപരിഹാരം നൽകാത്തതിനു നോട്ടീസ്
ന്യൂഡൽഹി: മിലിട്ടറി ഹോസ്പിറ്റലിൽനിന്നു രക്തം സ്വീകരിച്ചതിനു പിന്നാലെ എച്ച്ഐവി ബാധിതനായ, വിരമിച്ച വ്യോമസേനാ ഉദ്യോഗസ്ഥന് നഷ്ടപരിഹാരം നൽകണമെന്ന ഉത്തരവ് പാലിച്ചില്ലെന്ന കോടതി അലക്ഷ്യഹർജിയിൽ സുപ്രീം കോടതി നോട്ടീസ് അയച്ചു. 1.6 കോടി നഷ്ടപരിഹാരം നൽകണമെന്ന ഉത്തരവ് പാലിക്കാത്തത് എന്തുകൊണ്ടാണെന്ന് കാരണം ബോധിപ്പിക്കാൻ കരസേനയ്ക്കും വ്യോമസേനയ്ക്കുമാണ് കോടതി നോട്ടീസ് അയച്ചത്. കേസ് പരിഗണിക്കുന്നത് മാറ്റിവയ്ക്കണമെന്ന് ആംഡ് ഫോഴ്സസിന് വേണ്ടി ഹാജരായ അഡീഷണൽ സോളിസിറ്റർ ജനറൽ വിക്രംജിത് ബാനർജി ആവശ്യപ്പെട്ടെങ്കിലും കോടതി അംഗീകരിച്ചില്ല.
Read Moreറോഡരികിൽ ഉറങ്ങിക്കിടന്ന വയോധികയെ പീഡിപ്പിച്ചു കൊന്നു; പതിനേഴുകാരൻ അറസ്റ്റിൽ
ചെന്നൈ: റോഡരികിൽ ഉറങ്ങിക്കിടന്ന എൺപത്തിരണ്ടുകാരിയെ പീഡിപ്പിച്ചുകൊന്ന 17കാരൻ പിടിയിൽ. ചെന്നൈ എന്നൂരിൽ റോഡരികിൽ താമസിച്ചിരുന്ന വയോധികയെയാണ് ലൈംഗികമായി പീഡിപ്പിച്ചുകൊന്നത്. കഴിഞ്ഞദിവസം ഒരു കടയ്ക്കുമുന്നിൽ വയോധികയെ മരിച്ചനിലയിൽ കണ്ടെത്തുകയായിരുന്നു. പോസ്റ്റ്മോർട്ടത്തിൽ പീഡനം നടന്നെന്നു വ്യക്തമായി. സിസിടിവി ദൃശ്യങ്ങൾ പരിശോധിച്ചു നടത്തിയ അന്വേഷണത്തിലാണ് പ്രതി പിടിയിലായത്. സമീപവാസികളാണ് ഇവർക്ക് ഭക്ഷണം നൽകിയിരുന്നത്. റോഡരികിൽ കിടന്ന ഇവരെ ഒരു ചെറുപ്പക്കാരൻ വലിച്ചിഴച്ചുകൊണ്ടുപോകുന്നത് സിസിടിവി കാമറകളിൽ പതിഞ്ഞിരുന്നു. നഗരത്തിൽ അലഞ്ഞു തിരിഞ്ഞു നടന്നിരുന്ന ചെറുപ്പക്കാരനാണു പ്രതി. ചോദ്യംചെയ്യലിൽ ഇയാൾ കുറ്റം സമ്മതിച്ചു.
Read Moreരണ്ടാം മോദി സര്ക്കാരിന്റെ അവസാന ബജറ്റ്: കേന്ദ്ര ബജറ്റ് വ്യാഴാഴ്ച: ജനപ്രിയ പ്രഖ്യാപനങ്ങള് ഉണ്ടായേക്കും
ന്യൂഡല്ഹി: കേന്ദ്ര ബജറ്റ് സമ്മേളനത്തിനു നാളെ തുടക്കം. രാഷ്ട്രപതി ദ്രൗപതി മുര്മുവിന്റെ പ്രസംഗത്തോടെയാണു ഹ്രസ്വകാല സമ്മേളനം ആരംഭിക്കുക. ഈ മാസം 31 മുതല് ഫെബ്രുവരി ഒമ്പതുവരെയാണ് സമ്മേളന കാലയളവ്. വ്യാഴാഴ്ച ധനകാര്യമന്ത്രി നിര്മല സീതാരാമന് കേന്ദ്ര ബജറ്റ് അവതരിപ്പിക്കും. രണ്ടാം മോദി സര്ക്കാരിന്റെ അവസാന ബജറ്റാണിത്. ലോക്സഭാ തെരഞ്ഞെടുപ്പു മുന്നില്ക്കണ്ട് ജനപ്രിയ പ്രഖ്യാപനങ്ങള് ബജറ്റില് ഉണ്ടാകും എന്നാണു പ്രതീക്ഷ. സ്ത്രീകള്ക്കും യുവാക്കള്ക്കും ചെറുകിട, ഇടത്തരം വ്യവസായങ്ങള്ക്കും കൂടുതല് പ്രഖ്യാപനങ്ങള് ഉണ്ടായേക്കും. കാര്ഷിക മേഖല, ഇലക്ട്രിക് വാഹനങ്ങള് എന്നിവയിലും വലിയ പ്രഖ്യാപനങ്ങള് ഉണ്ടായേക്കും. നികുതി ഇളവുകളും പ്രതീക്ഷിക്കുന്നു. ബജറ്റ് സമ്മേളനം ആരംഭിക്കുന്നതിനു മുന്നോടിയായി കേന്ദ്രസര്ക്കാര് ഇന്നു സര്വകക്ഷിയോഗം വിളിച്ചിട്ടുണ്ട്. കേന്ദ്ര പാര്ലമെന്ററി കാര്യമന്ത്രി പ്രഹ്ളാദ് ജോഷി വിളിച്ച സര്വകക്ഷി യോഗം 11.30 ന് നടക്കും. തുടര്ച്ചയായ ആറാം ബജറ്റ് അവതരിപ്പിക്കുമ്പോള് മുന് പ്രധാനമന്ത്രി മൊറാര്ജി ദേശായിയുടെ റിക്കാര്ഡിനൊപ്പം നിര്മല…
Read Moreലോക്സഭാ തെരഞ്ഞെടുപ്പ്; ബിജെപിയുടെ ആദ്യഘട്ട സ്ഥാനാർഥി പട്ടികയിൽ 150 പേർ
ന്യൂഡൽഹി: ലോക്സഭാ തെരഞ്ഞെടുപ്പിനുള്ള ബിജെപിയുടെ ആദ്യഘട്ട സ്ഥാനാർഥി പട്ടിക ഉടൻ പ്രഖ്യാപിക്കുമെന്നു സൂചന. നൂറ്റമ്പതോളം മണ്ഡലങ്ങളിലെ സ്ഥാനാർഥികളെയാണ് ആദ്യഘട്ടത്തിൽ പ്രഖ്യാപിക്കുന്നത്. കേരളത്തിൽ തൃശൂർ, ആറ്റിങ്ങൽ മണ്ഡലങ്ങളിലെ ബിജെപി സ്ഥാനാർഥികളെയും ആദ്യഘട്ടത്തിൽ പ്രഖ്യാപിച്ചേക്കും. തൂശൂരിൽ സുരേഷ് ഗോപിയും ആറ്റിങ്ങലിൽ കേന്ദ്രമന്ത്രി വി. മുരളീധരനും സ്ഥാനാർഥിയാകുമെന്നാണു സൂചന. ബിഹാറിൽ മഹാസഖ്യം ഉപേക്ഷിച്ച് എൻഡിഎയിലേക്കു പുതുതായി കടന്നുവന്ന നിതീഷ് കുമാറുമായി ബിജെപി ദേശീയ നേതൃത്വം ഉടൻ സീറ്റ് വിഭജന ചർച്ച നടത്തും. അതേസമയം, നിതീഷ്കുമാർ എൻഡിഎയ്ക്കൊപ്പം ചേർന്ന് മുഖ്യമന്ത്രിയായതിനു പിന്നാലെ രാഹുലിന്റെ ഭാരത് ജോഡോ ന്യായ് യാത്ര ഇന്നലെ ബിഹാറിൽ പ്രവേശിച്ചു. ബിഹാർ കോൺഗ്രസ് അധ്യക്ഷൻ അഖിലേഷ് പ്രസാദ് സിംഗ് ഉൾപ്പെടെ നിരവധി നേതാക്കൾ രാഹുലിനെ സ്വീകരിച്ചു. 2020ലെ നിയമസഭാ തെരഞ്ഞെടുപ്പു പ്രചാരണത്തിനുശേഷം ഇതാദ്യമായാണ് രാഹുൽ ബിഹാറിലെത്തുന്നത്. സീമാഞ്ചൽ മേഖലയിലുള്ള ഈ പ്രദേശത്ത് മുസ്ലിംകളാണ് ഭൂരിപക്ഷം. യാത്ര ഇന്നും ബിഹാറിൽ തുടരും.…
Read Moreനരേന്ദ്രമോദി ഒരിക്കൽക്കൂടി അധികാരത്തിൽ വന്നാൽ അത് ഇന്ത്യൻ ജനാധിപത്യത്തിലെ അവസാനത്തെ തെരഞ്ഞെടുപ്പായിരിക്കും: മല്ലികാർജ്ജുൻ ഖാർഗെ
ന്യൂഡൽഹി: നരേന്ദ്രമോദി ഒരിക്കൽക്കൂടി പ്രധാനമന്ത്രിയായാല് പിന്നെ തെരഞ്ഞെടുപ്പുണ്ടാകില്ലെന്നു കോണ്ഗ്രസ് അധ്യക്ഷൻ മല്ലികാർജ്ജുൻ ഖാർഗെ. മോദി വീണ്ടും വന്നാല് 2024 ലേത് അവസാന തെരഞ്ഞെടുപ്പാകും. റഷ്യയിലെ പുടിനെ പോലെയാകും മോദി. ഇന്ത്യയില് ഏകാധിപത്യം വരുമെന്നും ജനാധിപത്യം ഇല്ലാതാകുമെന്നും മല്ലികാർജ്ജുൻ ഖാർഗെ വിമര്ശിച്ചു. ബിജെപിയും ആർഎസ്എസും വിഷമാണെന്നും ഖാർഗെ പരിഹസിച്ചു. ഒഡീഷയിലെ കോണ്ഗ്രസ് പരിപാടിയിലായിരുന്നു കോണ്ഗ്രസ് അധ്യക്ഷന്റെ വിമർശനം. ബിജെപിക്ക് വോട്ട് ചെയ്യരുതെന്നും ജനാധിപത്യം സംരക്ഷിക്കാനുള്ള അവസാന അവസരമാണെന്നും ഖാർഗെ അഭിപ്രായപ്പെട്ടു. രാഹുൽ ഗാന്ധി ‘സ്നേഹത്തിന്റെ കട’ തുറന്നത് അദ്ദേഹത്തിന് രാജ്യത്തെ ഒന്നിപ്പിക്കണമെന്നുള്ളതുകൊണ്ടാണ്. ബി.ജെ.പി ‘വെറുപ്പിന്റെ കട’ തുറക്കുന്നത് അവർക്ക് ഭിന്നിപ്പിച്ച് ഭരിക്കണമെന്നുളളതുകൊണ്ടാണെന്നും ഖാർഗെ കൂട്ടിച്ചേർത്തു. “കോൺഗ്രസ് സർക്കാർ കഴിഞ്ഞ 70 വർഷമായി എന്താണ് ചെയ്തതെന്ന് മോദിജിയും മറ്റുള്ളവരും ചോദിക്കുന്നു. ജനാധിപത്യം സംരക്ഷിക്കുന്നത് ഞങ്ങളാണ്. മോദി മുഖ്യമന്ത്രിയായപ്പോഴും പിന്നീട് പ്രധാനമന്ത്രിയായപ്പോഴും ഞങ്ങൾ ജനാധിപത്യത്തേയും ഭരണഘടനയുടെ അടിസ്ഥാന തത്വങ്ങളായ സ്വാതന്ത്ര്യം, സമത്വം,…
Read Moreരാമ മന്ത്രം ജപിച്ചു തീരാത്ത ചുണ്ടുകളെ നിശബ്ദമാക്കിയവര് രാമന് പ്രാണമന്ത്രം ഓതുന്ന കാലം: സംഘപരിവാറിന് വെടിവെച്ചിടാനേ ആയുള്ളു, മരണവും കടന്ന് തലമുറകളിലൂടെ ഗാന്ധിജി ജീവിക്കുന്നു; വി. ഡി. സതീശൻ
മഹാത്മാ ഗാന്ധി രക്തസാക്ഷിദിനത്തിൽ അനുസ്മരണക്കുറിപ്പ് പങ്കുവച്ച് പ്രതിപക്ഷ നേതാവ് വി. ഡി. സതീശൻ. അമരനായ രക്തസാക്ഷിയെ പ്രണമിക്കുന്ന ഈ ദിനത്തില് ആ കൊലയ്ക്ക് ഉത്തരവാദികളായവരേയും ഓര്ക്കണം. മുന്പെന്നത്തെക്കാളും ആ ഓര്മക്ക് ഇന്ന് അതീവ പ്രാധാന്യമുണ്ട്. രാമ മന്ത്രം ജപിച്ചു തീരാത്ത ചുണ്ടുകളെ നിശബ്ദമാക്കിയവര് രാമന് പ്രാണമന്ത്രം ഓതുന്ന കാലമെന്ന് വി. ഡി. സതീശൻ പറഞ്ഞു. ആ നെഞ്ചിലേക്ക് വെടിയുണ്ട പായിച്ചവന്റെ ഭീരുത്വത്തിന് പിന്നിലെ ശക്തികളാണ് ചെങ്കോലുമണിഞ്ഞ് ഇന്ന് സിംഹാസനങ്ങളില് ഇരിപ്പുറപ്പിച്ചിരിക്കുന്നത്. ഗാന്ധി ഘാതകര്ക്ക് ഈ രാജ്യത്തെ ഇനിയും വിട്ടു കൊടുക്കാതിരിക്കാമെന്ന് അദ്ദേഹം കൂട്ടിച്ചേർത്തു. ഫേസ്ബുക്ക് കുറിപ്പിലാണ് ഇക്കാര്യത്തെ കുറിച്ച് വി. ഡി. സതീശൻ പറഞ്ഞിരിക്കുന്നത്. ഫേസ്ബുക്ക് പോസ്റ്റിന്റെ പൂർണ രൂപം… രാജ്യത്തിനും ജനങ്ങള്ക്കും ജനാധിപത്യത്തിനും മതനിരപേക്ഷതയ്ക്കും ഇന്ത്യയെന്ന ഗംഭീര ദര്ശനത്തിനും വേണ്ടി ഒരാള് ജീവന് ത്യജിക്കുന്നു. അയാള് ജീവിച്ചതു മുഴുവന് രാജ്യത്തിനായി, മരണവും അപ്രകാരം തന്നെ. ബിര്ള…
Read Moreപ്രത്യയശാസ്ത്രത്തിന്റെ മുന്നോട്ടുപോക്കിന് തടസം നിൽക്കുന്നതാരായാലും അവരെ ഉന്മൂലനം ചെയ്യുകയെന്ന കുടിലതയുടെ ദൃഷ്ടാന്തമായിരുന്നു ഗാന്ധി വധം: പിണറായി വിജയൻ
മഹാത്മാ ഗാന്ധി രക്തസാക്ഷിദിനത്തിൽ അനുസ്മരണക്കുറിപ്പ് പങ്കുവച്ച് മുഖ്യമന്ത്രി പിണറായി വിജയൻ. നമ്മുടെ രാഷ്ട്രപിതാവ് മഹാത്മാ ഗാന്ധി വർഗീയ ഭീകരവാദികളുടെ വെടിയേറ്റ് കൊല്ലപ്പെട്ട ദിനമാണിന്ന്. സാഹോദര്യത്തിലും സൗഹാർദത്തിലും സാമുദായിക മൈത്രിയിലും അധിഷ്ഠിതമായ ഒരു ഇന്ത്യയ്ക്കായി നിലകൊണ്ടതാണ് ഗാന്ധിജിയെ വർഗീയവാദികൾക്ക് അനഭിമതനാക്കിയതെന്ന് പിണറായി വിജയൻ പറഞ്ഞു. തങ്ങളുടെ പ്രത്യയശാസ്ത്രത്തിന്റെ മുന്നോട്ടുപോക്കിന് തടസം നിൽക്കുന്നതാരായാലും അവരെ ഉന്മൂലനം ചെയ്യുകയെന്ന കുടിലതയുടെ ദൃഷ്ടാന്തമായിരുന്നു ഗാന്ധി വധമെന്ന് അദ്ദേഹം കൂട്ടിച്ചേർത്തു. ഫേസ്ബുക്ക് പോസ്റ്റിലാണ് ഇക്കാര്യത്തെ കുറിച്ച് പറഞ്ഞിരിക്കുന്നത്. ഫേസ്ബുക്ക് പോസ്റ്റിന്റെ പൂർണരൂപം… നമ്മുടെ രാഷ്ട്രപിതാവ് മഹാത്മാ ഗാന്ധി വർഗീയ ഭീകരവാദികളുടെ വെടിയേറ്റ് കൊല്ലപ്പെട്ട ദിനമാണിന്ന്. സാഹോദര്യത്തിലും സൗഹാർദത്തിലും സാമുദായിക മൈത്രിയിലും അധിഷ്ഠിതമായ ഒരു ഇന്ത്യയ്ക്കായി നിലകൊണ്ടതാണ് ഗാന്ധിജിയെ വർഗീയവാദികൾക്ക് അനഭിമതനാക്കിയത്. തങ്ങളുടെ പ്രത്യയശാസ്ത്രത്തിന്റെ മുന്നോട്ടുപോക്കിന് തടസം നിൽക്കുന്നതാരായാലും അവരെ ഉന്മൂലനം ചെയ്യുകയെന്ന കുടിലതയുടെ ദൃഷ്ടാന്തമായിരുന്നു ഗാന്ധി വധം. ജനാധിപത്യ മൂല്യങ്ങളും മതനിരപേക്ഷാശയങ്ങളും വലിയ വെല്ലുവിളി…
Read More