തിരുവനന്തപുരം: വെള്ളനാട് വീട്ടുവളപ്പിലെ കിണറ്റില് വീണ കരടി ചത്ത സംഭവത്തില് ഉദ്യോഗ സ്ഥര്ക്ക് വീഴ്ചയുണ്ടായെങ്കില് കര്ശന നടപടിയെടുക്കുമെന്ന് വനംമന്ത്രി എം.കെ.ശശീന്ദ്രന്. സംഭവത്തില് വിശദമായ റിപ്പോര്ട്ട് രണ്ട് ദിവസത്തിനകം സമര്പ്പിക്കണമെന്ന് ആവശ്യപ്പെട്ടിട്ടുണ്ട്. സമഗ്രമായ റിപ്പോര്ട്ട് ലഭിച്ചശേഷം വേണ്ട നടപടി സ്വീകരിക്കുമെന്നും മന്ത്രി പറഞ്ഞു. രക്ഷാപ്രവര്ത്തനത്തില് നടപടിക്രമങ്ങള് പാലിക്കപ്പെട്ടില്ലെന്ന് ആക്ഷേപം ഉയരുന്നുണ്ട്. മുങ്ങാന് സാധ്യതയുള്ള ജീവികളെ മയക്കുവെടി വയ്ക്കരുതെന്ന വനംവകുപ്പിന്റെ സറ്റാന്ഡേര്ഡ് ഓപ്പറേഷന് പ്രൊസീജ്യര് പാലിക്കപ്പെട്ടില്ല. മയക്കുവെടിയേറ്റ ജീവി അപകടസാഹചര്യത്തിലേക്ക് നീങ്ങിയാല് മറുമരുന്ന് പ്രയോഗിക്കാമെന്ന നിര്ദേശവും പാലിക്കപ്പെട്ടില്ലെന്നും വിമർശനമുണ്ട്.
Read MoreCategory: Loud Speaker
കളിക്കളങ്ങളും രാസലഹരിയുടെ പിടിയിൽ; ആദ്യം ഫ്രീയായി നൽകി വശത്താക്കും; പിന്നെ കുട്ടികൾ വാഹകരും വ്യാപാരികളുമാകും
പത്തനംതിട്ട: കളിക്കളങ്ങളിൽ ഒത്തുകൂടുന്ന കുട്ടികളെ കേന്ദ്രീകരിച്ച് രാസലഹരികളുടെ കൈമാറ്റവും വില്പനയും നടക്കുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിൽ നടത്തിയ നിരീക്ഷണത്തിൽ രണ്ട് കുട്ടികൾ പോലീസ് പിടിയിലായി. ഹ യർ സെക്കൻഡറി ക്ലാസുകളിൽ പഠിക്കുന്ന കുട്ടികളാണ് പന്തളത്ത് ഡാൻസാഫ് സംഘത്തിന്റെയും പന്തളം പോലീസിന്റെയും സംയുക്ത നീക്കത്തിൽ കുടുങ്ങിയത്. ഇവരിൽനിന്ന് ഒരു ഗ്രാം എംഡിഎംഎ പിടിച്ചെടുത്തു, വില്പനയ്ക്കായി വാങ്ങികൊണ്ടുവരവേയാണ് പിടിയിലായത്. പോലീസിനെ കണ്ട് സ്കൂട്ടർ വെട്ടിച്ച് രക്ഷപ്പെടാൻ ശ്രമിച്ച കൗമാരക്കാരെ സാഹസികമായി പിടികൂടുകയായിരുന്നു. കഴിഞ്ഞദിവസം ബംഗളൂരുവിൽനിന്നു എംഡിഎംഎയുമായി എത്തിയ യുവാവിൽനിന്നു ലഭിച്ച വിവരങ്ങളുടെ കൂടി അടിസ്ഥാനത്തിൽ കളിക്കളങ്ങൾ കേന്ദ്രീകരിച്ച് കർശന നിരീക്ഷണം തുടരാൻ ജില്ലാ പോലീസ് മേധാവി പോലീസിന് നിർദേശം നൽകിയിരുന്നു. കുളനട പെട്രോൾ പമ്പിനടുത്തുനിന്നാണ് രാസലഹരിയുമായി കുട്ടികൾ പോലീസ് വലയിലായത്. കുട്ടികൾ വാഹകരും വ്യാപാരികളും കുട്ടികൾതന്നെ ഉപഭോക്താക്കളും വാഹകരുമായി മാറുന്ന ഗുരുതര സ്ഥിതിവിശേഷം നിലവിലുണ്ട്. വിൽക്കാൻ കിട്ടുന്ന ലഹരിവസ്തുക്കളിൽനിന്ന് ഇവർക്ക് സ്വന്തം…
Read Moreകിണറ്റിൽ കരടി വീണതുപോലെയാണ് താൻ വനം മന്ത്രിയായതെന്ന് എ.കെ. ശശീന്ദ്രൻ
കട്ടപ്പന: കിണറ്റിൽ കരടി വീണതുപോലെയാണ് താൻ വനം വകുപ്പിന്റെ മന്ത്രിയായതെന്ന് എ.കെ. ശശീന്ദ്രൻ. വനം വകുപ്പ് ഉദ്യോഗസ്ഥർ ജനങ്ങളുടെ ശത്രുക്കളാണെന്ന ധാരണ മാറ്റുന്നതിനുള്ള ശ്രമങ്ങളാണ് നടക്കുന്നതെന്ന് അദ്ദേഹം പറഞ്ഞു. കട്ടപ്പനയിൽ നടന്ന വനസൗഹൃദ സദസ് ഉദ്ഘാടനം ചെയ്യുകയായിരുന്നു അദ്ദേഹം.വനാതിർത്തി പ്രദേശങ്ങളിലെ ജനങ്ങൾ നേരിടുന്ന പ്രശ്നങ്ങൾ കണ്ടെത്താനും ചർച്ചയിലൂടെ പരിഹരിക്കാനുമാണ് വനം വന്യജീവി വകുപ്പിന്റെ നേതൃത്വത്തിൽ വന സൗഹൃദ സദസ് സംഘടിപ്പിച്ചത്. ഉടുമ്പൻചോല , ഇടുക്കി, തൊടുപുഴ താലൂക്കുകൾക്കായാണ് കട്ടപ്പന ടൗൺ ഹാളിൽ സദസ് സംഘടിപ്പിച്ചത്.നട്ടുനനച്ച് വളർത്തിയ മരങ്ങൾ കർഷകന് മുറിക്കാൻ കഴിയുന്ന സാഹചര്യം സൃഷ്ടിക്കും. ഇതിനായി നിയമത്തിൽ ഭേദഗതി വരുത്തുമെന്നും വനം മന്ത്രി അറിയിച്ചു. മന്ത്രി റോഷി അഗസ്റ്റിന് അധ്യക്ഷത വഹിച്ചു. ഡീന് കുര്യാക്കോസ് എംപി, എം.എം. മണി എം എൽഎ എന്നിവർ പ്രസംഗിച്ചു. കടുവയുടെ ആക്രമണത്തിൽ പശുക്കിടാവ് ചത്ത വാഴവര കണ്ടത്തിൽ ജോൺ ദേവസ്യക്ക് ഉൾപ്പെടെ…
Read Moreഐശ്വര്യറായിയുടെ മകൾ ആരാധ്യക്കെതിരെ വ്യാജ വാർത്ത; നീക്കാൻ ഗൂഗിളിനു കോടതി നിർദേശം
സ്വന്തം ലേഖകൻന്യൂഡൽഹി: ബോളിവുഡ് താരങ്ങളായ അഭിഷേക് ബച്ചന്റെയും ഐശ്വര്യറായ് ബച്ചന്റെയും മകൾ ആരാധ്യക്കെതിരായ വ്യാജ വാർത്തകൾ നീക്കം ചെയ്യാൻ ഗൂഗിളിനു കോടതി നിർദേശം. ആരാധ്യയുടെ ആരോഗ്യനില സംബന്ധിച്ചു ചില യൂട്യൂബ് ചാനലുകൾ നൽകിയ വ്യാജ വാർത്തകൾ നീക്കം ചെയ്യാൻ ഡൽഹി ഹൈക്കോടതിയാണ് ഗൂഗിളിനോടു നിർദേശിച്ചത്. വ്യാജ വാർത്തകൾക്കെതിരേ ആരാധ്യതന്നെ കഴിഞ്ഞദിവസം കോടതിയെ സമീപിച്ചിരുന്നു. ആരാധ്യ ഗുരുതരാവസ്ഥയിലാണെന്ന തരത്തിലായിരുന്നു യൂട്യൂബ് ചാനലുകൾ നൽകിയ വാർത്ത. ഇതിനെതിരേയാണു ആരാധ്യ ബച്ചൻ കോടതിയെ സമീപിച്ചത്. കുട്ടികളുടെ ആരോഗ്യനില സംബന്ധിച്ചു തെറ്റായ വിവരങ്ങൾ പ്രചരിപ്പിക്കുന്നത് നിയമലംഘനമാണെന്നും ഒരുതരത്തിലും അംഗീകരിക്കാൻ കഴിയില്ലെന്നും ഹർജി പരിഗണിച്ച ഡൽഹി ഹൈക്കോടതി ചൂണ്ടിക്കാട്ടി. കുട്ടികളെ ബഹുമാനത്തോടെ മാത്രമേ കൈകാര്യം ചെയ്യാവൂവെന്നും കോടതി ചൂണ്ടിക്കാട്ടി.
Read Moreമോട്ടോർ വാഹനവകുപ്പിന്റെ എഐ കാമറകൾ മിഴി തുറന്നു..! ഒരു മാസത്തേക്ക് പിഴയില്ല, ബോധവത്കരണം
തിരുവനന്തപുരം: മോട്ടോർ വാഹനവകുപ്പ് സ്ഥാപിച്ചിരിക്കുന്ന എഐ കാമറകൾ സംസ്ഥാന ത്തൊട്ടാകെ മിഴി തുറന്നു. 726 അത്യാധുനിക നിരീക്ഷണ കാമറകളുടെ പ്രവർത്തനോദ്ഘാടനം മുഖ്യമന്ത്രി പിണറായി വിജയനാണ് നിർവഹിച്ചത്. ഗതാഗതമന്ത്രി ആന്റണി രാജു അധ്യക്ഷത വഹിച്ചു. റോഡപകടം മൂലമുള്ള മരണങ്ങള് സംസ്ഥാനം നേരിടുന്ന ദുരന്തമായി കണ്ട് അതിനെ ചെറുക്കാന് കൂട്ടായ പ്രവര്ത്തനം നടത്തേണ്ടതു ണ്ടെന്ന് മുഖ്യമന്ത്രി പറഞ്ഞു. അതേസമയം, പദ്ധതിയിൽ ആദ്യത്തെ ഒരു മാസം നിയമലംഘനത്തിന് ബോധവത്കരണം മാത്രമായിരിക്കും ഉണ്ടാകുക, പിഴ ഈടാക്കില്ല. നിയമ ലംഘനം നടത്തുന്നവർക്ക് ഫോൺ സന്ദേശം വരും. വേണ്ടത്ര ബോധവത്കണം ഉണ്ടായില്ലെന്ന പരാതിയെ തുടർന്നാണ് ഒരു മാസം ബോധവത്കരണത്തിനായി മാറ്റിവെക്കുന്നതെന്നും എഐ കാമറകൾ നിലവിലുളള സ്ഥലത്ത് നിന്നും മറ്റിടങ്ങളിലും മാറ്റി സ്ഥാപിക്കുമെന്നും ഗതാഗതമന്ത്രി പറഞ്ഞു.
Read Moreജാക്കീ പിടിച്ചോടാ ! ഗാര്ഹിക പീഡനപരാതി അന്വേഷിക്കാനെത്തിയ വനിതാ ഉദ്യോഗസ്ഥരെ പട്ടിയെ അഴിച്ചുവിട്ട് കടിപ്പിച്ചു…
ഗാര്ഹിക പീഡനപരാതി അന്വേഷിക്കാനെത്തിയ വനിതാ ഉദ്യോഗസ്ഥരെ വളര്ത്തുപട്ടിയെ അഴിച്ചു വിട്ട് കടിപ്പിച്ച് യുവാവ്. വയനാട് ജില്ലാ വനിതാസംരക്ഷണ ഓഫീസര് മായ എസ്. പണിക്കര്, കൗണ്സിലര് നാജിയ ഷിറിന് എന്നിവര്ക്കാണ് വളര്ത്തുനായയുടെ ആക്രമണത്തില് പരിക്കേറ്റത്. മേപ്പാടി തൃക്കൈപ്പറ്റ നെല്ലുമാളം സ്വദേശി ജോസ് എന്നയാളാണ് നായയെ തുറന്നുവിട്ട് കടിപ്പിച്ചത്. മായയ്ക്ക് കാലില് രണ്ടിടത്ത് കടിയേറ്റു. പേടിച്ചോടുന്നതിനിടെ നിലത്തുവീണ കൗണ്സിലറെ പട്ടി കടിച്ച് പരിക്കേല്പ്പിച്ചു. ബുധനാഴ്ച ഉച്ചയ്ക്ക് പന്ത്രണ്ടരയോടെയാണ് സംഭവം. ജോസ് നിരന്തരം ശാരീരികമായി പീഡിപ്പിക്കുന്നുവെന്ന് ജോസിന്റെ ഭാര്യ വനിതാസംരക്ഷണ ഓഫീസില് കഴിഞ്ഞമാസം പരാതി നല്കിയിരുന്നു. എന്നാല്, പലതവണ ഫോണില് ബന്ധപ്പെട്ടിട്ടും ഇവരെ ലഭിക്കാതെ വന്നതോടെയാണ് മായയും നാജിയയും നേരിട്ട് വീട്ടിലെത്തി അന്വേഷിക്കുകയായിരുന്നു. പരാതിയുമായി ബന്ധപ്പെട്ട കാര്യത്തിന് എത്തിയതാണെന്നു പറഞ്ഞപ്പോള് ‘ജാക്കി പിടിച്ചോടാ’ എന്നുപറഞ്ഞ് ജോസ് പട്ടിയെ തുറന്നുവിടുകയായിരുന്നു. പട്ടി നേരെ മായയെ ആക്രമിച്ചു. പത്തുമിനിറ്റുനേരം പട്ടിയുമായി മല്പ്പിടുത്തം നടത്തേണ്ടിവന്നെന്ന് മായ…
Read Moreവീട്ടുമുറ്റത്തു നിന്ന കുട്ടിയെ തട്ടിക്കൊണ്ടുപോകാന് അതിഥി തൊഴിലാളിയുടെ ശ്രമം ! യുവാവ് പിടിയില്…
വീട്ടുമുറ്റത്ത് കളിച്ചുകൊണ്ടിരുന്ന രണ്ടരവയസുകാരനെ തട്ടിക്കൊണ്ടുപോകാന് ശ്രമിച്ചെന്നാരോപിച്ച് ഇതര സംസ്ഥാനത്തൊഴിലാളിയായ യുവാവിനെ നാട്ടുകാര് പിടികൂടി പോലീസിന് കൈമാറി. കഴിഞ്ഞദിവസം വൈകിട്ട് ആറോടെ കുളത്തൂപ്പുഴ ചോഴിയക്കോട് മൂന്നുമുക്കിന് സമീപത്തായിരുന്നു സംഭവം. മൂന്നുമുക്ക് സ്വദേശി രതീഷിന്റെ മകന് വീട്ടുമുറ്റത്തിരുന്നു കളിച്ചുകൊണ്ടിരിക്കെ സമീപത്തെത്തിയ യുവാവ് കുട്ടിയെ കടന്നുപിടിക്കുകയായിരുന്നു. ഇതുകണ്ട് സമീപത്തുണ്ടായിരുന്ന രതീഷ് ബഹളം വെച്ചതോടെ ഓടിയകന്ന യുവാവിനെ നാട്ടുകാര് പിന്തുടര്ന്ന് തടഞ്ഞുവെച്ച് കുളത്തൂപ്പുഴ പോലീസിന് കൈമാറുകയായിരുന്നു. 30 വയസ് തോന്നുന്ന തെലുങ്ക്, കന്നഡ, തമിഴ് ഭാഷകളില് പരസ്പര വിരുദ്ധമായി സംസാരിക്കുന്ന യുവാവിനെ മെഡിക്കല് പരിശോധന നടത്തിയ ശേഷം തിരുവനന്തപുരം മാനസികാരോഗ്യ കേന്ദ്രത്തില് പ്രവേശിപ്പിച്ചതായി കുളത്തൂപ്പുഴ പോലീസ് അറിയിച്ചു. ഇയാള് രാവിലെ മുതല് പ്രദേശത്ത് കറങ്ങിനടക്കുന്നത് കണ്ടിരുന്നതായും വനത്തിന് സമീപത്തെ ക്ഷേത്രപരിസരത്ത് എത്തിയിരുന്നതായും നാട്ടുകാര് പറയുന്നു.
Read Moreഞാനും ഒന്ന് കുളിരട്ടെ ! എസി മോഷ്ടിച്ചു കടന്നു കളഞ്ഞ യുവാവിനായി വലവിരിച്ച് പോലീസ്…
മോഷ്ടാക്കള് പലവിധമുണ്ടെങ്കിലും ചൂടുകാലത്ത് ഏറ്റവും പ്രയോജനമുള്ള എസി മോഷ്ടിച്ചു കടന്നു കളഞ്ഞ കള്ളനാണ് ഇപ്പോള് ചര്ച്ചാവിഷയം. മലപ്പുറം വളാഞ്ചേരിയിലാണ് മോഷണം. പട്ടാപ്പകല് എ സി ഇന്ഡോര് യൂണിറ്റ് മോഷ്ടിച്ച് യുവാവ് കടന്നു കളയുകയായിരുന്നു. വളാഞ്ചേരി സിറ്റി ചോയ്സിലാണ് കഴിഞ്ഞ ദിവസം മോഷണം നടന്നത്. മോഷ്ടാവിനായി വളാഞ്ചേരി പോലീസ് അന്വേഷണം ആരംഭിച്ചു. വളാഞ്ചേരി ടൗണിലെ സിറ്റി ചോയ്സില് ഇക്കഴിഞ്ഞ ബുധനാഴ്ച പകലാണ് സംഭവം നടന്നത്. എ.സി ഇന്ഡോര് യൂണിറ്റുമായി യുവാവ് നടന്നു വരുന്നതും ഓട്ടോറിക്ഷയെ കൈകാട്ടി വിളിച്ച് അതില് കയറി പോകുന്നതും സിസിടിവി ദൃശ്യങ്ങളില് വ്യക്തമാണ്. വളാഞ്ചേരി പോലീസ് കേസെടുത്തു അന്വേഷണം ആരംഭിച്ചിട്ടുണ്ട്.
Read Moreറമദാൻ സഹായ വിതരണം; യെമനിൽ തിക്കിലും തിരക്കിലും 85 മരണം; മരിച്ചവരിൽ സ്ത്രീകളും കുട്ടികളും
സന: യെമനിൽ റമദാൻ സഹായവിതരണ പരിപാടിക്കിടെയുണ്ടായ തിക്കിലും തിരക്കിലും എൺപതിലേറെ ആളുകൾ മരിച്ചു. അഞ്ഞൂറിലേറെപ്പേർക്കു പരിക്കേറ്റു. യുദ്ധബാധിതമായ യെമനിൽ ഈദുൽ ഫിത്തറിനു മുന്നോടിയായുള്ള സൗജന്യവിതരണം നടക്കുന്പോൾ ആളുകൾ ഇരച്ചെത്തിയതാണു ദുരന്തത്തിനു കാരണം. മരിച്ചവരിൽ സ്ത്രീകളും കുട്ടികളും ഉൾപ്പെടുന്നു. മരിച്ചവരെയും പരിക്കേറ്റവരെയും അടുത്തുള്ള ആശുപത്രികളിലേക്കു മാറ്റി.രാജ്യത്തു പ്രവർത്തിക്കുന്ന ചാരിറ്റി സംഘടനയുടെ നേതൃത്വത്തിലായിരുന്നു സൗജന്യവിതരണം നടന്നത്. പണം ഉൾപ്പെടെയുള്ള റമദാൻ കിറ്റ് ആണു വിതരണത്തിന് ഒരുക്കിയിരുന്നത്. ഒരു സ്കൂളിലായിരുന്നു പരിപാടി. ആയിരണക്കിന് ആളുകൾ ഇരച്ചെത്തിയപ്പോൾ ഹൂതി സൈന്യം ആകാശത്തേക്കു വെടിച്ചതാണു ദുരന്തത്തിനു വഴിവച്ചതെന്നു ചില മാധ്യമങ്ങൾ റിപ്പോർട്ട് ചെയ്തു. വെടിവച്ചതു വൈദ്യുതി ലൈനിൽ തട്ടി പൊട്ടിത്തെറിച്ചപ്പോളുണ്ടായ ഭയാനകമായ ശബ്ദം കേട്ടു പരിഭ്രാന്തരായി ജനം ചിതറിയോടുകയായിരുന്നു.
Read Moreവന്ദേ ഭാരത്: ഉദ്ഘാടന ദിവസം വിദ്യാർഥികളുമായി മോദിയുടെ സംവാദം; തെരഞ്ഞെടുക്കപ്പെട്ടവർക്കു സൗജന്യയാത്രയും
തിരുവനന്തപുരം: കേരളത്തിന് അനുവദിച്ച വന്ദേഭാരത് എക്സ്പ്രസിന്റെ ഉദ്ഘാടനത്തിനായി കേരളത്തിലെത്തുന്ന പ്രധാനമന്ത്രി നരേന്ദ്രമോദി സ്കൂള് വിദ്യാര്ഥികളുമായി സംവദിക്കും. 12 മുതല് 18വരെ പ്രായപരിധിയുള്ള വിദ്യാര്ഥികളില്നിന്നു തെരഞ്ഞെടുക്കപ്പെട്ടവർ ക്കാണു പ്രധാനമന്ത്രിയുമായി സംവദിക്കാനും വന്ദേഭാരത് ട്രെയിനിൽ യാത്ര ചെയ്യാനും അവസരം ഒരുക്കുന്നത്. ഇതുമായി ബന്ധപ്പെട്ടു സംസ്ഥാനത്തെ സ്കൂളുകളില്നിന്നു തെരഞ്ഞെടുത്ത വിദ്യാര്ഥികളുടെ പേരുകള് നല്കാന് അധികൃതര്ക്ക് അറിയിപ്പ് നല്കി. സ്കൂളിലെ കലാരംഗങ്ങളില് ഉള്പ്പടെ മികവ് പുലര്ത്തിയ വിദ്യാര്ഥികളില്നിന്നു തെരഞ്ഞെടുക്കാനാണ് റെയില്വേ ആവശ്യപ്പെട്ടിട്ടുള്ളത്. തെരഞ്ഞെടുക്കപ്പെട്ട വിദ്യാര്ഥികള്ക്ക് വന്ദേഭാരത് ട്രെയിനില് യാത്ര ചെയ്യാനുള്ള അവസരം ഒരുക്കുന്നതായും റെയില്വേ സ്കൂളുകള്ക്കയച്ച കത്തില് പറയുന്നു. ഏപ്രില് 25 നാണ് വന്ദേഭാരത് പ്രധാനമന്ത്രി ഫ്ളാഗ് ഓഫ് ചെയ്യുന്നത്.
Read More