ലണ്ടൻ: ക്രിക്കറ്റ് ലോകകപ്പിൽ ഫൈനലിസ്റ്റുകളെ വേർതിരിക്കാൻ കഴിയുന്നില്ലെങ്കിൽ ട്രോഫി പങ്കിടുന്നത് ഐസിസി പരിഗണിക്കണമെന്ന് ന്യൂസിലൻഡ് മുഖ്യപരിശീലകൻ ഗാരി സ്റ്റെഡ്. 2019 ലോകകപ്പ് തങ്ങളുടെ കൈപ്പിടിയില് നിന്ന് വഴുതിയപ്പോയ ലോകകപ്പായി ചരിത്രത്തില് രേഖപ്പെടുത്തുമെന്നും അദ്ദേഹം പറഞ്ഞു. ഒരു റണ്സിനാണ് കിരീടമെന്ന സ്വപ്നം തങ്ങള്ക്ക് കൈവിട്ടത്. 100 ഓവറുകള് കളിച്ചശേഷം ഇരു ടീമുകളും ഒരു പോലെ സമാനമായി നിന്നിട്ട് അവസാന സന്തോഷം നേടുവാന് കഴിയാതെ പോകുന്നത് എന്നും വലിയ പ്രയാസകരമായ കാര്യം തന്നെയാണെന്നും സ്റ്റെഡ് കൂട്ടിച്ചേർത്തു. ലോകകപ്പില് ബൗണ്ടറികളുടെ എണ്ണത്തില് ഇംഗ്ലണ്ടിനെ വിജയിയായി നിര്ണയിച്ചതിനു പിന്നാലെയാണ് സ്റ്റെഡിന്റെ പ്രസ്താവന. ഇംഗ്ലണ്ട്-ന്യൂസിലൻഡ് ലോകകപ്പ് ഫൈനൽ 50 ഓവറില് സ്കോര് (241) തുല്യത പാലിച്ചതോടെ സൂപ്പര് ഓവറിലേക്കു മത്സരം കടന്നു. സൂപ്പര് ഓവറിലും സ്കോര് (15) തുല്യമായതോടെ ബൗണ്ടറികളുടെ എണ്ണം വച്ച് ഇംഗ്ലണ്ടിനെ ജേതാക്കളായി പ്രഖ്യാപിക്കുകയായിരുന്നു.
Read MoreCategory: Sports
ഇന്ത്യൻ ടീമിൽ ഉൾപ്പോര്
മുംബൈ: ഏകദിന ലോകകപ്പ് സെമിയിൽ പുറത്തായ ഇന്ത്യൻ ടീമിൽ പരാജയത്തിനു പിന്നാലെ ഉൾപ്പോര് രൂപപ്പെട്ടതായി മാധ്യമ റിപ്പോർട്ട്. ക്യാപ്റ്റൻ വിരാട് കോഹ്ലിയുടെ നേതൃത്വത്തിലും വൈസ് ക്യാപ്റ്റൻ രോഹിത് ശർമയുടെ നേതൃത്വത്തിലും രണ്ട് ചേരികൾ ടീമിനുള്ളിൽ രൂപപ്പെട്ടതായാണ് ആരോപണം. മുഖ്യ പരിശീലകൻ രവി ശാസ്ത്രിയുടേയും ക്യാപ്റ്റൻ കോഹ്ലിയുടേയും ഇഷ്ടക്കാർക്ക് ടീമിൽ ഇടം ലഭിക്കുന്ന സാഹചര്യമാണ് ഉള്ളതെന്നും പറയപ്പെടുന്നു. ടീമിന്റെ തീരുമാനം എന്ന നിലയിൽ രവി ശാസ്ത്രി അവതരിപ്പിച്ച പല കാര്യങ്ങളും ശാസ്ത്രിയുടേയും കോഹ്ലിയുടെയും മാത്രം തീരുമാനങ്ങളായിരുന്നുവെന്നാണ് പുറത്തുവരുന്ന റിപ്പോർട്ടുകൾ. ഇരുവരുടേയും പല തീരുമാനങ്ങൾക്കും വൈസ് ക്യാപ്റ്റനായ രോഹിത് ശർമ അടക്കമുള്ള താരങ്ങൾക്ക് എതിരഭിപ്രായമുണ്ടായിരുന്നതായും ദേശീയ മാധ്യമങ്ങൾ റിപ്പോർട്ട് ചെയ്യുന്നു. കോഹ്ലിക്ക് ഒപ്പം നിൽക്കുന്ന കളിക്കാർക്ക് ടീമിൽ മുൻഗണന ലഭിച്ചിരുന്നു എന്നതാണ് ഗുരുതരമായ ആരോപണം. അന്പാട്ടി റായുഡുവിനെ തഴഞ്ഞ് വിജയ് ശങ്കറിനെ ടീമിലുൾപ്പെടുത്തിയത് ഇത്തരത്തിലായിരുന്നുവെന്ന് ദേശീയ മാധ്യമമായ ദൈനിക് ജാഗരണിന്റെ…
Read Moreസൂപ്പർ ജോക്കോവിച്ച്
ലണ്ടൻ: ലോഡ്സിൽ ക്രിക്കറ്റ് ഫൈനൽ ആവേശം തീർത്തപ്പോൾ വിംബിൾഡണിലെ ടെന്നീസ് ഗ്രൗണ്ടിൽ നൊവാക് ജോക്കോവിച്ചും റോജർ ഫെഡററും ആവേശം വിതറി. ഇരുവരും വിട്ടുകൊടുക്കാതെ പൊരുതിയതോടെ അഞ്ച് സെറ്റാണ് മത്സരം നീണ്ടത്. 7-6(7-5), 1-6, 7-6(7-4), 4-6, 13-12(7-3)ന് ഫെഡററെ പരാജയപ്പെടുത്തി ജോക്കോവിച്ച് കിരീടം നിലനിർത്തി. അഞ്ചാം സെറ്റിൽ ഇരുവരും പോയിന്റുകൾ ഒപ്പത്തിനൊപ്പം പൊരുതിയതോടെ മത്സരം ടൈബ്രേക്കറിലേക്കു നീങ്ങി. ടൈബ്രേക്കറിൽ ജോക്കോവിച്ച് തുടക്കംമുതൽ ലീഡ് ചെയ്തതോടെ 16-ാം ഗ്രാൻ സ്ലാം കിരീടത്തിലേക്ക് കുതിച്ചു. വിംബിൾഡണ് ചരിത്രത്തിലെ ഏറ്റവും ദൈർഘ്യമേറിയ ഫൈനലായിരുന്നു. 4.55 മണിക്കൂറാണ് മത്സരം നീണ്ടത്. ജോക്കോവിച്ച് ജയിച്ചതെല്ലാം ടൈബ്രേക്കറിലൂടസെർബിയൻ താരം ഈ വർഷം നേടുന്ന രണ്ടാമത്തെ കിരീടമാണ്. വിംബിഡണിൽ അഞ്ചാം തവണയാണ് ജോക്കോവിച്ച് ചാന്പ്യനാകുന്നത്.
Read Moreബ്രിട്ടീഷ് ഗ്രാൻപ്രീ ഹാമിൽട്ടന്
ലണ്ടൻ: ബ്രിട്ടീഷ് ഗ്രാൻപ്രീ എഫ് വണ് കാറോട്ട മത്സരത്തിൽ മെഴ്സിഡസിന്റെ ബ്രിട്ടീഷ് താരം ലൂയിസ് ഹാമിൽട്ടണ് ജേതാവായി. ബോട്ടസ്, ലെക്ലെർ എന്നിവർക്കാണ് രണ്ടും മൂന്നും സ്ഥാനം.
Read Moreകിരീടം തറവാട്ടിൽ
ലണ്ടൻ: ക്രിക്കറ്റ് ലോകത്തെ മുൾമുനയിൽ നിർത്തിയ അത്യാവേശ പോരാട്ടത്തിൽ ക്രിക്കറ്റിന്റെ തല തൊട്ടപ്പന്മാരായ ഇംഗ്ലണ്ടിന് കിരീടം. ഇംഗ്ലണ്ടി ന്റെ കന്നി ഏകദിന ലോകകപ്പ് കിരീടമാണ്. ക്രിക്കറ്റിന്റെ തിരുമുറ്റമായ ലോഡ്സിൽ നടന്ന കിരീട യുദ്ധത്തിൽ ഇംഗ്ലണ്ടും ന്യൂസിലൻഡും ടൈ പാലിച്ചതോടെ മത്സരം സൂപ്പർ ഓവറിലേക്ക് നീണ്ടു. ലോകകപ്പ് കിരീട ജേതാവിനെ സൂപ്പർ ഓവറിലൂടെ നിശ്ചയിക്കേണ്ടിവന്നത് ചരിത്രത്തിൽ ആദ്യമായാണ്. ഇംഗ്ലീഷ് ഇന്നിംഗ്സിന്റെ 50-ാം ഓവറിൽ ദൈവത്തിന്റെ ഇടപെടലിലൂടെ ആതിഥേയർക്ക് നാല് റണ്സ് ബൈ ലഭിച്ചതാണ് മത്സരം അടിമുടി മാറ്റിയത്. 84 റണ്സ് നേടി പുറത്താകാതെനിന്ന് ഇംഗ്ലണ്ടിന്റെ പോരാട്ടം നയിച്ച ബെൻ സ്റ്റോക്സ് രണ്ടാം റണ്ണിനുള്ള ശ്രമത്തിനിടെ ക്രീസിലേക്ക് ഡൈവ് ചെയ്തപ്പോൾ ബാറ്റിൽ ത്രോ ബോൾ കൊണ്ടാണ് ബൗണ്ടറി ലഭിച്ചത്. സൂപ്പർ ഓവർ സൂപ്പർ ഓവറിൽ മൂന്ന് ബാറ്റ്സ്മാന്മാരും ഒരു ബൗളറും തമ്മിലാണ് പോരാട്ടം. ബാറ്റ് ചെയ്തുകൊണ്ടിരിക്കുന്ന ടീം ബാറ്റിംഗ് തുടരുകയെന്നതാണ്…
Read Moreമെസിക്കൊപ്പം ഗ്രീസ്മാനും ഇനി ബാഴ്സയുടെ ആക്രമണനിരയിൽ
ബാഴ്സലോണ: ഫ്രഞ്ച് താരം അന്റോയ്ന് ഗ്രീസ്മാന് ഇനി ബാഴ്സലോണയില്. 926 കോടി രൂപയ്ക്കാണ് അത്ലറ്റിക്കോ മാഡ്രിഡില് നിന്ന് ഗ്രീസ്മാനെ ബാഴ്സലോണ സ്വന്തമാക്കിയത്. അഞ്ചു വര്ഷത്തേക്കാണ് കരാര്. 17 മില്ല്യണ് യൂറോയാണ് പ്രതിവർഷം വേതനമായി ഗ്രീസ്മാന് ലഭിക്കുക. അത്ലറ്റിക്കോയില് പക്ഷേ, 20 മില്ല്യണ് യൂറോ ആയിരുന്നു വേതനം. ഗ്രീസ്മാന്റെ കളംമാറ്റവുമായി ബന്ധപ്പെട്ട് നേരത്തെ വാർത്തകൾ വന്നിരുന്നു. എന്നാൽ, ബാഴ്സലോണയുടെ ഔദ്യോഗിക പ്രഖ്യാപനം വന്നതോടെയാണ് ഇക്കാര്യത്തിൽ സ്ഥിരീകരണമായത്. ഇതോടെ ബാഴ്സയുടെ ആക്രമണനിര കൂടുതൽ ശക്തമായി. മെസി, ഗ്രീസ്മാൻ, സുവാരസ് ഡെംബാല എന്നിവരും നെയ്മറും കൂടിച്ചേരുമ്പോൾ ലോകഫുട്ബോളിലെ ഏറ്റവും മികച്ച അറ്റാക്കിംഗ് ശക്തിയായി ബാഴ്സലോണ മാറും. അത്ലറ്റിക്കോ മാഡ്രിഡുമായുള്ള കരാർ അഞ്ചു വർഷത്തേക്ക് ഗ്രീസ്മാൻ നീട്ടിയിരുന്നു. എന്നാൽ, അധികം താമസിക്കാതെ ടീമിൽ തുടരുന്നതിന് താത്പര്യമില്ലെന്ന് അറിയിച്ച് ഗ്രീസ്മാൻ ടീം അധികൃതരെ സമീപിക്കുകയായിരുന്നു. അത്ലറ്റിക്കോ മാഡ്രിഡിനായി 255 മത്സരങ്ങള് കളിച്ചിട്ടുള്ള ഗ്രീസ്മാന് 133…
Read Moreഫെഡറർ- ജോക്കോവിച്ച് കലാശപ്പോര്
ലണ്ടന്: റാഫേൽ നദാലിനെ നാല് സെറ്റ് നീണ്ട പോരാട്ടത്തിൽ അടിയറവു പറയിച്ച് റോജർ ഫെഡറർ വിംബിൾഡണിന്റെ ഫൈനലിൽ പ്രവേശിച്ചു. സ്കോര്: 7-6, 1-6, 6-3, 6-4. നദാലിനെതിരെ ഒരു സെറ്റു മാത്രം നഷ്ടപ്പെടുത്തിയാണ് ഫെഡററിന്റെ ഫൈനല് പ്രവേശം. കലാശപ്പോരിൽ ഒന്നാം സീഡും നിലവിലെ ചാമ്പ്യനുമായ നൊവാക് ജോക്കോവിച്ചാണ് രണ്ടാം സീഡായ ഫെഡററുടെ എതിരാളി.
Read More“തലകൊണ്ടു കാൽപ്പന്തു കളിച്ച’ പീറ്റർ ക്രൗച്ച് ഫുട്ബോളിൽനിന്നു വിരമിച്ചു
ലണ്ടൻ: മുൻ ഇംഗ്ലീഷ് ഫുട്ബോൾ താരം പീറ്റർ ക്രൗച്ച് ഫുട്ബോളിൽനിന്നു വിരമിച്ചു. 42 മത്സരങ്ങളിൽ ഇംഗ്ലണ്ടിന്റെ ജേഴ്സിയണിഞ്ഞ ക്രൗച്ച് 21 വർഷത്തെ ഫുട്ബോൾ കരിയറിനാണ് വിരാമമിട്ടത്. ഇംഗ്ലീഷ് ടീമിൽ സ്ട്രൈക്കർ സ്ഥാനം ഈ ആറടി ഏഴിഞ്ചുകാരൻ 2005 മുതൽ 2010 വരെ ഇംഗ്ലണ്ട് ദേശീയ ടീമിൽ അംഗമായിരുന്നു. 13 ക്ലബ്ബുകൾക്കു വേണ്ടി കളിച്ച താരം മുപ്പത്തെട്ടാം വയസിലാണു വിരമിക്കൽ പ്രഖ്യാപിച്ചത്. 1998-ൽ ടോട്ടനം ഹോസ്പറിലൂടെയാണു ക്രൗച്ച് കരിയർ ആരംഭിക്കുന്നത്. പിന്നീട് ക്യൂപിആർ, പോർട്സ്മൗത്ത്, ആസ്റ്റണ് വില്ല, നോർവിച്ച്, സതാംപ്ടൻ, ലിവർപൂൾ ക്ലബ്ബുകൾക്കു വേണ്ടി കളിച്ചു. 2009-ൽ ടോട്ടനത്തിലേക്കു തിരിച്ചെത്തിയ താരം അവിടെനിന്നു പോയശേഷം 2019 വരെ സ്റ്റോക്ക് സിറ്റിയിൽ കളിച്ചു. 2019 ജനുവരിയിൽ ബേണ്ലിയിൽ ചേർന്നെങ്കിലും പിന്നാലെ തന്നെ വിരമിക്കൽ പ്രഖ്യാപിക്കുകയായിരുന്നു. ക്ലബ്ബ് ഫുട്ബോളിൽ 468 മത്സരങ്ങളിൽനിന്ന് ക്രൗച്ച് 108 ഗോളുകൾ നേടി. പ്രീമിയർ ലീഗ് ചരിത്രത്തിൽ…
Read Moreഹൃദയം കനത്ത ഭാരത്തിൽ; അരമണിക്കൂർ നേരം ടീം ഇന്ത്യ കാഴ്ചവച്ചത് മോശം ക്രിക്കറ്റ്; നിരാശ വെളിപ്പെടുത്തി രോഹിത്
ലണ്ടൻ: സെമിയിൽ ന്യൂസിലൻഡിനോട് പരാജയപ്പെട്ട് ലോകകപ്പിൽനിന്നു പുറത്തായതിന്റെ നിരാശ വെളിവാക്കി ഇന്ത്യൻ വൈസ് ക്യാപ്റ്റൻ രോഹിത് ശർമ. അരമണിക്കൂർ നേരം ടീം ഇന്ത്യ കാഴ്ചവച്ച മോശം ക്രിക്കറ്റാണ് തങ്ങളെ പുറത്താക്കിയതെന്ന് രോഹിത് ഏറ്റുപറഞ്ഞു. ട്വിറ്ററിലൂടെയായിരുന്നു രോഹിതിന്റെ പ്രതികരണം. ജീവൻമരണ ഘട്ടത്തിൽ ഒരു ടീം എന്ന നിലയിൽ തങ്ങൾ പരാജയപ്പെട്ടു. കഴിഞ്ഞ ദിവസം 30 മിനിറ്റ് നേരം കളിച്ച മോശം ക്രിക്കറ്റ് തങ്ങളെ ലോകകപ്പിൽനിന്നും പുറത്താക്കി. ഹൃദയം കനത്ത ഭാരത്താലാണ്. അറിയാം നിങ്ങളുടേതും അതുപോലെ തന്നെയാകുമെന്ന്. നാട്ടിൽനിന്നുള്ള പിന്തുണ അതിശയിപ്പിക്കുന്നതായിരുന്നു. ഇന്ത്യ കളിച്ച ഇടമെല്ലാം നീലയിൽ മുക്കിയ എല്ലാവർക്കും നന്ദി അറിയിക്കുന്നതായും രോഹിത് പറഞ്ഞു.
Read Moreബാഴ്സയുടെ സൂപ്പർ താരനിരയിലേക്കു ഗ്രീസ്മാനും എത്തും; പ്രഖ്യാപനം ഉടൻ
ബാഴ്സലോണ: അത്ലറ്റിക്കോ മാഡ്രിഡിന്റെ ഫ്രഞ്ച് സൂപ്പർ താരം അന്േറായിൻ ഗ്രീസ്മാൻ ബാഴ്സലോണയിലേക്കെന്ന് ഉറപ്പായി. കരാർ നടപടികൾ ഏറെക്കുറെ പൂർത്തിയായതായാണു റിപ്പോർട്ട്. ഇതു സംബന്ധിച്ച് ഒൗദ്യോഗിക പ്രഖ്യാപനം ഇന്നുണ്ടായേക്കും. 120 മില്യണ് യൂറോയാണ് ഗ്രീസ്മാനെ വിട്ടുനൽകാൻ ബാഴ്സ അത്ലറ്റിക്കോയ്ക്കു നൽകുന്നതെന്നാണു റിപ്പോർട്ടുകൾ പറയുന്നത്. അഞ്ചു വർഷത്തേക്കാണു കരാർ. ബാഴ്സ ഇതിനോടകം തന്നെ അത്ലറ്റിക്കോയ്ക്കു പണം കൈമാറിയെന്നും റിപ്പോർട്ടുകൾ പറയുന്നു. അഞ്ചു വർഷമായി അത്ലറ്റിക്കോ മാഡ്രിഡിലെ ഏറ്റവും പ്രധാന താരമായിരുന്നു ഗ്രീസ്മാൻ. അത്ലറ്റിക്കോ മാഡ്രിഡ് വിടുമെന്നു മേയിൽ തന്നെ അറിയിച്ച ഗ്രീസ്മാൻ ഇപ്പോൾ അത്ലറ്റിക്കോ മാഡ്രിഡിന്റെ പ്രീസീസണ് ക്യാന്പിൽനിന്നു മാറി നിൽക്കുകയാണ്. 2014-ൽ അത്ലറ്റിക്കോ മാഡ്രിഡിൽ എത്തിയ ഗ്രീസ്മാൻ, 257 മത്സരങ്ങളിൽ ക്ലബ്ബിന്റെ ജേഴ്സിയണിഞ്ഞു. 133 ഗോളുകളും 43 അസിസ്റ്റും ക്ലബിനായി ഗ്രീസ്മാൻ നേടി.
Read More