ന്യൂഡല്ഹി: ഏകദിന ലോകകപ്പ് ക്രിക്കറ്റിനു മുമ്പ് ടീമിനെ കരുപ്പിടിപ്പിക്കാനുള്ള ഇന്ത്യന് ശ്രമങ്ങള്ക്ക് മുഖമടച്ച് അടി. അഞ്ച് മത്സര പരമ്പരയില് 0-2നു പിന്നില്നിന്ന ഓസ്ട്രേലിയ അവസാന മൂന്ന് ഏകദിനങ്ങളും ജയിച്ച് കപ്പുമായി പറന്നു. അതോടെ വാഴ്ത്തലുകള്ക്കും പുകഴ്ത്തലുകള്ക്കും നടുവില് അനന്തശയനത്തിലായിരുന്ന വിരാട് കോഹ് ലിയുടെയും കൂട്ടരുടെയും മാനം കപ്പലേറി. നിര്ണായകമായ അഞ്ചാം ഏകദിനത്തില് 35 റണ്സിനാണ് ഓസ്ട്രേലിയ ഇന്ത്യയെ കീഴടക്കിയത്. പരമ്പരയിലെ രണ്ടാം സെഞ്ചുറി നേടിയ ഉസ്മാന് ഖ്വാജ (100) ആണ് മാന് ഓഫ് ദ മാച്ച്. പരമ്പരയിലെ താരവും ഖ്വാജയാണ്. സ്കോര്: ഓസ്ട്രേലിയ 50 ഓവറില് ഒമ്പതിന് 272. ഇന്ത്യ 50 ഓവറില് 237. രോഹിത് മാത്രം 273 റണ്സ് വിജയലക്ഷ്യവുമായി ക്രീസിലെത്തിയ ഇന്ത്യക്ക് തുടക്കം മുതല് വിക്കറ്റ് നഷ്ടപ്പെട്ടു. സ്കോര് 15ല് നില്ക്കുമ്പോള് ശിഖര് ധവാനെ (12 റണ്സ്) പുറത്താക്കി പാറ്റ് കമ്മിൻസ് ഇന്ത്യക്ക് ആദ്യ…
Read MoreCategory: Sports
ജോഷ്ന ചിന്നപ്പ ക്വാര്ട്ടറില്
ബ്ലാക്ക് ബോള് സ്ക്വാഷ് ഓപ്പണ് ചാമ്പ്യന്ഷിപ്പില് ഇന്ത്യയുടെ ജോഷ്ന ചിന്നപ്പ ക്വാര്ട്ടറില്. ആറാം സീഡായ ഇംഗ്ലണ്ടിന്റെ സാറ ജെയ്ന് പെറിയെ അട്ടിമറിച്ചാണ് ജോഷ്ന ക്വാര്ട്ടറില് കടന്നത്. സ്കോര്: 11-4, 6-11, 14-12, 11-9. ഇംഗ്ലീഷ് താരത്തിനെതിരേ ജോഷ്ന ഏഴു വര്ഷത്തിനുശേഷമാണ് ജയിക്കുന്നത്. 2012ലെ ചെന്നൈ ഓപ്പണിലാണ് സാറയെ ഇന്ത്യന് താരം അവസാനമായി കീഴടക്കിയത്. ലോക ചാമ്പ്യനും 21-ാം റാങ്കുകാരിയുമായ നികോളിനെ കീഴടക്കിയായിരുന്നു ജോഷ്ന പ്രീക്വാര്ട്ടറില് ഇടംപിടിച്ചത്. എട്ടാം സീഡായ ന്യൂസിലന്ഡിന്റെ ജോയെല് കിംഗിനെയാണ് ക്വാര്ട്ടറില് ജോഷ്നയ്ക്കു നേരിടേണ്ടത്.
Read Moreസ്പെഷല് ഒളിമ്പിക്സ് @ 50
അബുദാബി: 15-ാമത് സ്പെഷല് ഒളിമ്പിക്സിന് ഇന്ന് അബുദാബിയില് മിഴിതുറക്കും. 192 രാജ്യങ്ങളില്നിന്നായി 7,500 കായിക പ്രതിഭകള് ആറുദിനം നീളുന്ന പോരാട്ടത്തില് മാറ്റുരയ്ക്കും. 21നാണ് മീറ്റിന് കൊടിയിറങ്ങുക. ഉദ്ഘാടന ദിനമായ ഇന്ന് മത്സരങ്ങളില്ല. ഭിന്നശേഷിക്കാര്ക്കായി തുടങ്ങിയ കായിക വിനോദത്തിന്റെ 50-ാം വാര്ഷികത്തിലാണ് ഇത്തവണത്തെ സ്പെഷല് ഒളിമ്പിക്സ്. 280 അംഗ സംഘമാണ് ഇന്ത്യയെ പ്രതിനിധീകരിച്ച് ഒളിമ്പിക്സില് പങ്കെടുക്കുന്നത്, കേരളത്തില്നിന്ന് മൂന്ന് സപ്പോര്ട്ടിംഗ് സ്റ്റാഫ് ഉള്പ്പെടെ 26 അംഗങ്ങളും. 1980ലാണ് ഇന്ത്യയില് സ്പെഷല് ഒളിമ്പിക് ഭാരത് എന്ന പേരില് ഭിന്നശേഷിയുള്ളവര്ക്കായുള്ള കായിക സംഘടന പ്രവര്ത്തനം ആരംഭിക്കുന്നത്. കേന്ദ്ര കായിക യുവജന ക്ഷേമമന്ത്രാലയത്തിനു കീഴിലാണിത്. സ്പെഷല് ഒളിമ്പിക്സ് ഭാരത് കേരള എന്ന പേരിലാണ് കേരളത്തില് സംഘടനയുടെ പ്രവര്ത്തനം. ഇതിന്റെ കേരള ഡയറക്ടര് ഫാ. റോയ് കണ്ണഞ്ചിറയാണ്. ഡോ. എം.കെ. ജയരാജ് ചെയര്മാനും സിസ്റ്റര് റാണി ജൊ പ്രോഗ്രാം മാനേജറുമാണ്.
Read Moreരോഹിത് ശർമ 8000 ക്ലബിൽ
ന്യൂഡൽഹി: ഇന്ത്യൻ ക്രിക്കറ്റർ രോഹിത് ശർമയുടെ ഹെൽമറ്റിൽ മറ്റൊരു പൊൻതൂവൽ കൂടി. ഏകദിനത്തിൽ 8000 ക്ലബിൽ രോഹിത്തും തന്റെ പേര് കുറിച്ചു. ഓസ്ട്രേലിയയ്ക്കെതിരായ അഞ്ചാം ഏകദിനത്തിൽ 46 റണ്സ് നേടിയതോടെയാണ് താരത്തിന്റെ സൂവർണ നേട്ടം. ഏകദിനത്തിൽ വേഗത്തിൽ 8000 റണ്സ് തികയ്ക്കുന്ന മൂന്നാമത്തെ താരമെന്ന നേട്ടത്തിൽ സൗരവ് ഗാംഗുലിക്കൊപ്പമാണ് രോഹിത്. 200-ാം ഇന്നിംഗ്സിലാണ് രോഹിത്തിന്റെ നേട്ടം. 8000 ക്ലബിലെത്തുന്ന ഒൻപതാമത്തെ ഇന്ത്യൻ താരമാണ് രോഹിത് ശർമ്മ. 175 ഇന്നിംഗ്സുകളിൽ നിന്ന് 8000 തികച്ച ഇന്ത്യൻ നായകൻ വിരാട് കോഹ്ലിയാണ് പട്ടികയിൽ മുന്നിൽ. ദക്ഷിണാഫ്രിക്കൻ ഇതിഹാസം എ.ബി. ഡി വില്ലിയേഴ്സാണ് (182 ഇന്നിംഗ്സ്) രണ്ടാം സ്ഥാനത്ത്. വിരാട് കോഹ്ലി, എം.എസ്. ധോണി, സച്ചിൻ തെൻഡുൽക്കർ, രാഹുൽ ദ്രാവിഡ്, വിരേന്ദർ സെവാഗ്, യുവരാജ് സിംഗ്, സൗരവ് ഗാംഗുലി, മുഹമ്മദ് അസ്ഹറുദീൻ എന്നിവരാണ് മുന്പ് ഈ നേട്ടത്തിലെത്തിയ ഇന്ത്യൻ താരങ്ങൾ.
Read Moreറഷ്യൻ അത്ലറ്റുകളുടെ വിലക്ക് ശരിവച്ച് ഐഎഎഎഫ്
മോസ്കോ: ഇനിയൊരറിയിപ്പുണ്ടാകുന്നതു വരെ റഷ്യൻ കായികതാരങ്ങൾക്ക് ആഗോള തലത്തിൽ വിലക്ക് തുടരും. രണ്ടു സുപ്രധാന വിഷയങ്ങൾ റഷ്യ പരിഹരിക്കാതെ വിലക്ക് പുനപരിശോധിക്കാൻ കഴിയില്ലെന്ന് ഐഎഎഎഫ് അറിയിച്ചു. സർക്കാർ സ്പോണ്സേർഡ് ഉത്തേജക മരുന്ന് പദ്ധതി റഷ്യ നടപ്പാക്കി വരുന്നതായി കണ്ടെത്തിയ സാഹചര്യത്തിൽ 2015 നവംബറിലാണ് റഷ്യൻ കായികതാരങ്ങൾക്ക് വിലക്കേർപ്പെടുത്തിയത്. മോസ്കോയിലെ മുൻ ആന്റി ഡോപ്പിംഗ് ലബോറട്ടറി ശേഖരിച്ചുവച്ചിരുന്ന സാന്പിളുകൾ അന്താരാഷ്ട്ര ഏജൻസിക്കു ലഭ്യമാക്കണമെന്ന് ആവശ്യപ്പെട്ടിട്ടുണ്ട്. ഈ വിഷയത്തിൽ ഐഎഎഎഫിനു ചെലവായ പണം റഷ്യ അടയ്ക്കണമെന്നതാണ് രണ്ടാമത്തെ ഡിമാൻഡ്. വിലക്ക് നീക്കാനുള്ള റഷ്യയുടെ അപേക്ഷ ഇതു പത്താം തവണയാണ് നിരാകരിക്കപ്പെടുന്നത്.
Read Moreലോക ചാന്പ്യനെ കീഴടക്കി ജോഷ്ന
കയ്റൊ: എട്ട് തവണ വനിതാ സ്ക്വാഷ് ലോക ചാന്പ്യൻ കിരീടം സ്വന്തമാക്കിയ നികോൾ ഡേവിഡിനെ കീഴടക്കി ഇന്ത്യയുടെ ജോഷ്ന ചിന്നപ്പ. ബ്ലാക്ക് ബോൾ സ്ക്വാഷ് ഓപ്പണ് ചാന്പ്യൻഷിപ്പിലാണ് മലേഷ്യൻ താരത്തിനെതിരേ ജോഷ്നയുടെ അട്ടിമറി ജയം. സ്കോർ: 11-8, 11-6, 12-10. 21-ാം റാങ്കുകാരിയായ നികോളിനെതിരേ മൂന്നാം തവണയാണ് ജോഷ്ന ചിന്നപ്പ ജയിക്കുന്നത്. 16-ാം റാങ്കുകാരിയായ ജോഷ്ന 2018 ഏഷ്യൻ ഗെയിംസിലും നികോളിനെ കീഴടക്കിയിരുന്നു. ആറാം സീഡായ ഇംഗ്ലണ്ടിന്റെ സാറ ജെയ്ൻ പെറിയാണ് ഇന്ത്യൻ താരത്തിന്റെ അടുത്ത എതിരാളി.
Read Moreഓപ്പണിംഗ് ബാറ്റ്സ്മാനായി ഉമേഷ് യാദവ്
ഉമേഷ് യാദവ് ബൗളിംഗ് ഓപ്പണ് ചെയ്യുന്നത് സ്വാഭാവികം. എന്നാൽ, ഇന്നലെ ചെറിയൊരു മാറ്റമുണ്ടായി. വിദർഭയ്ക്കായി ഉമേഷ് യാദവ് ഇന്നിംഗ്സ് ഓപ്പണ് ചെയ്യാൻ ബാറ്റുമായെത്തി. കർണാടകയ്ക്കെതിരായ മുഷ്താഖ് അലി ട്വന്റി-20 സൂപ്പർ ലീഗ് പോരാട്ടത്തിലായിരുന്നു അത്. രണ്ട് പന്തിൽ നാല് റണ്സ് നേടാനേ ഉമേഷിനായുള്ളൂ. നേരിട്ട ആദ്യ പന്ത് ബൗണ്ടറി കടത്തിയെങ്കിലും രണ്ടാം പന്തിൽ വിക്കറ്റ് നഷ്ടപ്പെട്ടു. വിനയ്കുമാറിനായിരുന്നു വിക്കറ്റ്. നാല് ഓവർ ബൗൾ ചെയ്ത ഉമേഷിന് 31 റണ്സ് വഴങ്ങി ഒരു വിക്കറ്റ് നേടാനേ സാധിച്ചുള്ളൂ. മത്സരത്തിൽ വിദർഭ ആറ് വിക്കറ്റിന്റെ തോൽവി വഴങ്ങി. 20 ഓവറിൽ ഏഴ് വിക്കറ്റ് നഷ്ടത്തിൽ 138 റണ്സ് നേടാനേ വിദർഭയ്ക്കായുള്ളൂ. 41 പന്തിൽ 56 റണ്സ് എടുത്ത് പുറത്താകാതെനിന്ന അപൂർവ് വാങ്കഡെയാണ് വിദർഭ ഇന്നിംഗ്സിലെ ടോപ് സ്കോറർ. കർണാടക 19.2 ഓവറിൽ നാല് വിക്കറ്റ് നഷ്ടത്തിൽ 140 റണ്സ് നേടി…
Read Moreസിദാന്റെ രണ്ടാംവരവ്
മാഡ്രിഡ്: ഫ്രഞ്ച് മുൻ താരമായ സിനദിൻ സിദാൻ 10 മാസത്തിനുശേഷം സ്പാനിഷ് ക്ലബ്ബായ റയൽ മാഡ്രിഡിലേക്ക് പരിശീലക വേഷത്തിൽ തിരിച്ചെത്തി. ഇന്ത്യൻ സമയം തിങ്കളാഴ്ച അർധരാത്രിയോടെയാണ് സിദാന്റെ നാടകീയമായ രണ്ടാം വരവ് മാഡ്രിഡിൽ അരങ്ങേറിയത്. റയൽ ചാന്പ്യൻസ് ലീഗിൽ അയാക്സിനോട് പരാജയപ്പെട്ട് പുറത്തായതിനു പിന്നാലെ പോർച്ചുഗീസ് പരിശീലകനായ ഹൊസെ മൗറീഞ്ഞോയുടെ പേര് ഉയർന്നെങ്കിലും അദ്ദേഹം അത് തള്ളിയിരുന്നു. തുടർച്ചയായ ഹോം മത്സര തോൽവിയുൾപ്പെടെ നാണക്കേടിന്റെ പടുകുഴിയിലായ റയലിനെ രക്ഷിക്കാൻ സിദാനേ സാധിക്കൂ എന്ന് ക്ലബ് അധികാരികൾ മനസിലാക്കിയതോടെയാണ് അദ്ദേഹത്തിന്റെ തിരിച്ചുവരവ്. അതോടെ കഴിഞ്ഞ 10 മാസത്തിനുള്ളിൽ ജൂലൻ ലോപ്ടെഹുയിക്കു പിന്നാലെ സാന്റിയാഗോ സൊളാരിയും റയൽ പരിശീലക സ്ഥാനത്തുനിന്ന് തെറിച്ചു. ലോകത്തിലെ ഏറ്റവും മികച്ച മാനേജർ ക്ലബ്ബിൽ തിരിച്ചെത്തിയെന്നാണ് സിദാന്റെ മടങ്ങിവരവ് അറിയിച്ച് റയൽ മാഡ്രിഡ് പ്രസിഡന്റ് ഫ്ലോറെന്റിനൊ പെരെസ് പറഞ്ഞത്. സിദാൻ ആവശ്യപ്പെട്ടത് ഹാട്രിക് ചാന്പ്യൻസ് ലീഗ്…
Read Moreലോകകപ്പ് ഫുട്ബോൾ: ഖത്തർ കോഴ നല്കി
സൂറിച്ച്: 2022 ലെ ലോകകപ്പ് ഫുട്ബോളിന് ആതിഥ്യം വഹിക്കാനുള്ള അവസരം നഷ്ടപ്പെടാതിരിക്കാൻ ഖത്തർ ഫിഫയ്ക്ക് 400 മില്യൻ ഡോളർ (2792 കോടി രൂപ) നിയമവിരുദ്ധമായി നൽകിയെന്ന് വെളിപ്പെടുത്തൽ. 3350 കോടി രൂപ കൂടി നല്കാമെന്ന വാഗ്ദാനവും പുറത്തുവന്നിട്ടുണ്ട്. ഖത്തർ സർക്കാരിന്റെ കീഴിലുള്ള അൽ ജസീറ ടെലിവിഷനാണ് ടിവി കോണ്ട്രാക്റ്റിന്റെ മറവിൽ രഹസ്യ ഇടപാട് നടത്തിയതെന്നും ആരോപണമുണ്ട്. 2022ലെ ലോകകപ്പ് നടത്തിപ്പിനുള്ള അവകാശം ഖത്തറിനു ലഭിച്ചാൽ 698 കോടി രൂപയാണ് ഫീസ് ഇനത്തിൽ ഉറപ്പു നൽകിയിരുന്നത്. സണ്ഡേ ടൈംസ് നടത്തിയ അന്വേഷണത്തിലാണ് വിവരങ്ങൾ പുറത്തുവന്നത്. ഖത്തറിൽ നിന്നും കോഴ വാങ്ങിയാണ് ഫിഫ തലവനായിരുന്ന ജോസഫ് സെപ് ബ്ലാറ്റർ വേദി അനുവദിച്ചതെന്ന ആരോപണത്തിൽ ഫുട്ബോൾ ലോകം ആടിയുലഞ്ഞിരുന്നു. കോഴ വാങ്ങിയെന്ന തെളിവിന്റെ അടിസ്ഥാനത്തിൽ പ്രസിഡന്റ് സ്ഥാനത്തു നിന്നും ബ്ലാറ്റർക്ക് പടിയിറങ്ങേണ്ടിവന്നു. ജോസ് കുന്പിളുവേലിൽ
Read Moreഡിആർഎസിനെ വിമർശിച്ച് കോഹ്ലി
ഓസ്ട്രേലിയയ്ക്കെതിരായ നാലാം ഏകദിന ക്രിക്കറ്റിൽ ഇന്ത്യയുടെ പരാജയത്തിനു പിന്നാലെ ഡിആർഎസ് (ഡിസിഷൻ റിവ്യു സിസ്റ്റം) സാങ്കേതിക വിദ്യയെ വിമർശിച്ച് വിരാട് കോഹ്ലി. കൃത്യതയും സ്ഥിരതയുമില്ലാത്ത പരിപാടിയാണ് ഡിആർഎസ് എന്ന് ഇന്ത്യൻ ക്യാപ്റ്റൻ പറഞ്ഞു. ഓസ്ട്രേലിയൻ ഇന്നിംഗ്സിലെ 44-ാം ഓവറിൽ ആഷ്ടണ് ടർണറിന്റെ വിക്കറ്റിനായുള്ള ഡിആർഎസ് ഇന്ത്യ പരാജയപ്പെട്ടത് സൂചിപ്പിച്ചാണ് കോഹ്ലിയുടെ വിമർശനം. യുസ്വേന്ദ്ര ചാഹൽ എറിഞ്ഞ വൈഡ് ലെഗ്ബ്രേക്കിൽ ടർണറിന്റെ ബാറ്റിന്റെ അടിഭാഗത്ത് പന്ത് ഉരസിയതായി റീപ്ലേയിൽ വ്യക്തമായിരുന്നു. സ്റ്റംപിംഗ് ആണെന്നാണ് ആദ്യം കരുതിയതെങ്കിലും ബാറ്റിൽ പന്ത് ഉരസിയതായി ഋഷഭ് പന്ത് ആംഗ്യംകാണിച്ചു. തുടർന്ന് റിവ്യൂ ചെയ്തെങ്കിലും വിധി ഇന്ത്യക്ക് അനുകൂലമായില്ല. ഇതേത്തുടർന്ന് മൈതാനത്ത് വച്ച്തന്നെ കോഹ്ലി തന്റെ അനിഷ്ടം വ്യക്തമാക്കിയിരുന്നു. മാൻ ഓഫ് ദ മാച്ച് ആയ ടർണർ ആ സമയത്ത് 41 റണ്സിലായിരുന്നു.
Read More