പുരുഷവിഭാഗം ടെന്നീസ് സിംഗിൾസിൽ സ്പെയിനിന്റെ റാഫേൽ നദാൽ ലോക ഒന്നാം നന്പറിൽ തിരിച്ചെത്തി. മയാമി ഓപ്പണ് ടെന്നീസിൽ ഓസ്ട്രേലിയയുടെ തനാസി കോക്കിനാകിസിനെതിരേ അപ്രതീക്ഷിത തോൽവി വഴങ്ങിയ സ്വിറ്റ്സർലൻഡിന്റെ റോജർ ഫെഡറർ രണ്ടാം സ്ഥാനത്തേക്ക് വീണതോടെയാണ് നദാൽ ഒന്നിലേക്ക് എത്തിയത്. മയാമി ഓപ്പണിൽ ജയിച്ച അമേരിക്കയുടെ ജോണ് ഇസ്നർ എട്ട് സ്ഥാനങ്ങൾ മെച്ചപ്പെടുത്തി ലോക ഒന്പതാം റാങ്കിൽ എത്തി. ക്രൊയേഷ്യയുടെ മാരിൻ സിലിച്ചാണ് മൂന്നാം റാങ്കിൽ. ജർമനിയുടെ അലക്സാണ്ടർ സ്വെരേസ്, ബൾഗേറിയയുടെ ഗ്രിഗോർ ഡിമിത്രോവ്, അർജന്റീനയുടെ ഹ്വാൻ മാർട്ടിൻ ഡെൽപോട്രോ എന്നിവരാണ് ആദ്യ ആറു റാങ്കിൽ. വനിതാ വിഭാഗത്തിൽ റൊമാനിയയുടെ സിമോണ ഹാലെപ്പ്, ഡെന്മാർക്കിന്റെ കരോളിൻ വോസ്നിയാകി, സ്പെയിനിന്റെ ഗാർബിനെ മുഗുരുസ, യുക്രെയിനിന്റെ എലിന സ്വിറ്റോളിന, ലാത്വിയയുടെ യെലേന ഒസ്താപെങ്കോ എന്നിവരാണ് ആദ്യ അഞ്ച് റാങ്കുകളിൽ.
Read MoreCategory: Sports
കിവീസിനു ചരിത്ര പരമ്പര
ക്രൈസ്റ്റ് ചർച്ച്: ഇംഗ്ലണ്ടിനെതിരായ രണ്ട് മത്സര ക്രിക്കറ്റ് ടെസ്റ്റ് പരന്പര ന്യൂസിലൻഡ് 1-0നു സ്വന്തമാക്കി. രണ്ടാം ടെസ്റ്റ് സമനിലയിൽ കലാശിച്ചതോടെയാണിത്. ഏഴാം വിക്കറ്റിൽ കോളിൻ ഡിഗ്രാൻഡ്ഹോമും (45 റണ്സ്), ഇഷ് സോധിയും (56 നോട്ടൗട്ട്) നടത്തിയ ചെറുത്തുനിൽപ്പാണ് കിവീസിനെ തോൽവിയിൽനിന്ന് കരകയറ്റി പരന്പര സമനിലയിലാക്കാൻ സഹായിച്ചത്. സ്കോർ: ഇംഗ്ലണ്ട് 307, ഒന്പത് വിക്കറ്റ് നഷ്ടത്തിൽ 352. ന്യൂസിലൻഡ് 278, എട്ട് വിക്കറ്റ് നഷ്ടത്തിൽ 256. 1999നുശേഷം ഇംഗ്ലണ്ടിനെതിരേ ന്യൂസിലൻഡ് ടെസ്റ്റ് പരന്പര സ്വന്തമാക്കുന്നത് ആദ്യമായാണ്. സ്വന്തം നാട്ടിൽ ന്യൂസിലൻഡ് അവസാനമായി ഇംഗ്ലണ്ടിനെതിരേ പരന്പര നേടുന്നത് 1983-84നുശേഷവും. രണ്ട് ഇന്നിംഗ്സിലുമായി ഏഴ് വിക്കറ്റ് വീഴ്ത്തിയ ടിം സൗത്തിയാണ് മാൻ ഓഫ് ദ മാച്ച്. ന്യൂസിലൻഡിന്റെ ടെന്റ് ബോൾട്ട് ആണ് പരന്പരയുടെ താരം. വിക്കറ്റ് നഷ്ടമില്ലാതെ 42 റണ്സ് എന്ന നിലയിലാണ് ന്യൂസിലൻഡ് അഞ്ചാം ദിനമായ ഇന്നലെ ക്രീസിലെത്തിയത്.…
Read Moreഅച്ഛനില്ല; പൊട്ടിത്തെറിച്ച് സൈന
ന്യൂഡല്ഹി: കോമണ്വെല്ത്ത് ഗെയിംസ് ഇന്ത്യന് ടീമിന്റെ ഔദ്യോഗിക പട്ടികയില്നിന്ന് തന്റെ അച്ഛനെ ഒഴിവാക്കിയതില് രോഷം പ്രകടിപ്പിച്ച് ബാഡ്മിന്റണ് താരം സൈന നെഹ്വാള്. ട്വിറ്ററിലൂടെയാണ് സൈന പ്രതിഷേധം രേഖപ്പെടുത്തിയത്. സ്വന്തം ചെലവില് തങ്ങളുടെ അടുത്ത ബന്ധുക്കളെ ഗെയിംസ് വില്ലേജിലേക്കുകൊണ്ടുപോകാൻ സൈനയ്ക്കും സിന്ധുവിനും കേന്ദ്ര കായിക മന്ത്രാലയം നേരത്തേതന്നെ അനുമതി നല്കിയിരുന്നു. എന്നാല്, ഗെയിംസ് വില്ലേജിലെത്തിയതിനു ശേഷമാണ് അച്ഛൻ ഹര്വീർ സിംഗിന്റെ പേര് പട്ടികയില്നിന്ന് ഒഴിവാക്കപ്പെട്ടത് അറിഞ്ഞതെന്ന് സൈന തന്റെ ട്വീറ്റിൽ വ്യക്തമാക്കി. സ്വന്തമായി പണം മുടക്കിയാണ് അച്ഛനെ ഒപ്പംകൊണ്ടുവന്നതെന്നും ഓഫീഷ്യൽ പട്ടികയിൽനിന്ന് എന്തുകൊണ്ട് നീക്കിയെന്നും സൈന ട്വീറ്റ് ചെയ്തു. ഇപ്പോഴത്തെ അവസ്ഥയില് പിതാവിന് തന്റെ മത്സരം കാണുന്നതിനോ ഒപ്പം താമസിക്കുന്നതിനോ കഴിയില്ലെന്ന് സൈന വ്യക്തമാക്കുന്നു. കൂടുതല് മികച്ച പ്രകടനം കാഴ്ചവയ്ക്കുന്നതിന് അച്ഛന്റെ സാമീപ്യം ആവശ്യമാണെന്നും സൈന ട്വിറ്ററിൽ പറഞ്ഞു. മറ്റൊരു ബാഡ്മിന്റൺ താരം പി. വി. സിന്ധുവിന്റെ അമ്മ…
Read Moreബിഗ് സല്യൂട്ട്…! കേരള ഫുട്ബോൾ ടീമിന് നിയമസഭയുടെ അഭിനന്ദനം
തിരുവനന്തപുരം: പതിനാലു വർഷത്തിനുശേഷം സന്തോഷ് ട്രോഫി കിരീടം നേടിയ കേരള ഫുട്ബോൾ ടീമിനെ നിയമസഭ അഭിനന്ദിച്ചു. നാടൊന്നാകെ വിജയം നെഞ്ചിലേറ്റിയെന്ന് മുഖ്യമന്ത്രി പിണറായി വിജയൻ പറഞ്ഞു. ദേശീയ കിരീടം നേടിയ വോളിബോൾ ടീമിനേയും സഭയിൽ അഭിനന്ദിച്ചു. സന്തോഷ് ട്രോഫി ആറാം വട്ടം സ്വന്തമാക്കിയെത്തിയ കേരള ടീമിനു ഗംഭീര വരവേൽപ്പാണ് നെടുമ്പാശേരി വിമാനത്താവളത്തിലും തുടർന്ന് കലൂർ ജവഹർലാൽ നെഹ്റു രാജ്യാന്തര സ്റ്റേഡിയത്തിലും കഴിഞ്ഞ ദിവസം ഒരുക്കിയിരുന്നത്.
Read Moreധോണിയും പങ്കജ് അദ്വാനിയും പദ്മഭൂഷൺ സ്വീകരിച്ചു
ന്യൂഡൽഹി: ഇന്ത്യൻ ക്രിക്കറ്റ് ടീം മുൻ നായകൻ എം.എസ്. ധോണിയും സ്നൂക്കർ താരം പങ്കജ് അദ്വാനിയും പദ്മഭൂഷൺ ബഹുമതി സ്വീകരിച്ചു. രാഷ്ട്രപതിഭവനിൽ നടന്ന ചടങ്ങിൽ രാഷ്ട്രപതി രാംനാഥ് കോവിന്ദിൽനിന്നാണ് ഇരുവരും പദ്മഭൂഷൺ സ്വീകരിച്ചത്. രാജ്യത്തെ ഏറ്റവും ഉയർന്ന മൂന്നാമത്തെ സിവിലിയൻ ബഹുമതിയാണ് പദ്മഭൂഷൺ
Read Moreമയാമി ചാമ്പ്യൻ സ്റ്റീഫൻസ് റാങ്കിംഗിൽ ആദ്യ പത്തിൽ
ഫ്ലോറിഡ: മയാമി ഓപ്പൺ ചാമ്പ്യൻ സ്ലോൺ സ്റ്റീഫൻസ് വനിതാ റാങ്കിംഗിൽ ആദ്യ പത്തിൽ കടന്നു. കരിയറിൽ ആദ്യമായാണ് സ്റ്റീഫൻസ് ആദ്യ പത്തിൽ കടക്കുന്നത്. മൂന്നു സ്ഥാനങ്ങൾ മെച്ചപ്പെടുത്തി സ്റ്റീഫൻസ് ഒമ്പതാം റാങ്കാണ് സ്വന്തമാക്കിയത്. പെട്ര ക്വിറ്റോവ, കെർബർ, ഡാരിയ കസാത്കിന എന്നിവരെ മറികടന്നാണ് സ്റ്റീഫൻസ് ഒമ്പതിലേക്ക് കുതിച്ചെത്തിയത്. സിമോണ ഹാലപ്പാണ് പുതിയ റാങ്കിംഗിലും ഒന്നാമത്. വോസ്നിയാക്കി രണ്ടാമതും മുഗുരുസ മൂന്നാം സ്ഥാനത്തുമാണ്. മയാമി ഓപ്പൺ കിരീടമാണ് സ്റ്റീഫൻസിനെ റാങ്കിംഗിൽ കുതിപ്പ് നടത്താൻ സഹായിച്ചത്. ജലീന ഒസ്റ്റാപെങ്കോയെ പരാജയപ്പെടുത്തിയാണ് സ്റ്റീഫൻസ് മയാമിയിൽ കിരീടം ചൂടിയത്. നേരിട്ടുള്ള സെറ്റുകൾക്കായിരുന്നു അമേരിക്കൻ താരത്തിന്റെ വിജയം. സ്കോർ: 7-6 (7-5), 6-1.
Read Moreകോമണ്വെൽത്ത് ഗെയിംസിനു നാളെ തിരിതെളിയും
ഗോൾഡ് കോസ്റ്റ്: 21-ാം കോമണ്വെൽത്ത് ഗെയിംസിന് ഓസ്ട്രേലിയയിലെ ഗോൾഡ് കോസ്റ്റിൽ നാളെ തിരിതെളിയും. ഉദ്ഘാടന പരിപാടികൾമാത്രമാണ് നാളെ നടക്കുക. മത്സരങ്ങൾ വ്യാഴാഴ്ച മുതൽ ആരംഭിക്കും. വ്യാഴാഴ്ച 19 മെഡൽ ഇവന്റുകൾ അരങ്ങേറും. 225 അംഗ സംഘമാണ് ഇന്ത്യയെ പ്രതിനിധീകരിച്ച് ഗോൾഡ് കോസ്റ്റിൽ എത്തിയിരിക്കുന്നത്. ഇന്ത്യൻ താരങ്ങൾ മികച്ച പ്രകടനം പുറത്തെടുത്ത ചരിത്രമാണ് ഇതുവരെയുള്ളത്. കഴിഞ്ഞ മൂന്ന് എഡിഷനുകളിലായി 215 മെഡലുകൾ ഇന്ത്യ സ്വന്തമാക്കിയിട്ടുണ്ട്. 2006ൽ 50ഉം 2010ൽ 101ഉം 2014ൽ 64ഉം മെഡലുകൾ ഇന്ത്യൻ സംഘം കൈക്കലാക്കി. ബാഡ്മിന്റണ്, ഷൂട്ടിംഗ്, ബോക്സിംഗ്, ഭാരോദ്വഹനം എന്നീ മത്സര വിഭാഗങ്ങളിൽനിന്നാണ് ഇന്ത്യ കൂടുതൽ മെഡലുകൾ പ്രതീക്ഷിക്കുന്നത്. കെ.ടി. ഇർഫാൻ, നീരജ് ചോപ്ര, നയന ജയിംസ്, സീമ പൂനിയ തുടങ്ങിയവരണിനിരക്കുന്ന അത്ലറ്റിക്സ് വേദികളിൽനിന്നും ഇന്ത്യ മെഡലുകൾ സ്വപ്നം കാണുന്നുണ്ട്. ഇർഫാൻ, നയന, സജൻ പ്രകാശ്, പ്രണോയ്, അലീന റെജി, പി.ആർ. ശ്രീജേഷ്…
Read Moreസന്തോഷ് ട്രോഫി: കേരളത്തിനു മിസോറാം
കോല്ക്കത്ത: സന്തോഷ് ട്രോഫി ഫുട്ബോള് സെമി ഫൈനല് ലൈനപ്പായി. കേരളം കരുത്ത രായ മിസോറാമിനെ നേരിടും. മറ്റൊരു സെമിയില് ബംഗാള് കര്ണാടകയെ നേരിടും. നാളെയാണ് സെമി ഫൈനല് മത്സരങ്ങളെല്ലാം. ഇന്നലെ നടന്ന ഗ്രൂപ്പ് ബി മത്സരത്തില് കര്ണാടകയോട് ഏകപക്ഷീയമായ ഒരു ഗോളിന് പരാജയപ്പെട്ടെങ്കിലും രണ്ടാം സ്ഥാനക്കാരായാണ് മിസോറാം സെമിയിലെത്തിയത്. 74-ാം മിനിറ്റില് എസ്. രാജേഷ് നേടിയ ഗോളിലാണ് കര്ണാടക ജയിച്ചത്. ഒന്നാം സ്ഥാനക്കാരായ കര്ണാടക സെമിയില് ആതിഥേയരായ ബംഗാളിനെ നേരിടും. കര്ണാടകയ്ക്കും മിസോറാമിനും ഒമ്പത് പോയിന്റ് വീതമാണുള്ളത്. മറ്റൊരു മത്സരത്തില് ഗോവ 4-1ന് പഞ്ചാബിനെ തോല്പ്പിച്ചു. മിസോറാമിനെതിരേ കര്ണാടക ലിയോണ് അഗസ്റ്റിന്, എസ്. രാജേഷ് എന്നിവരിലൂടെ ഗംഭീര തുടക്കമിട്ടു. മിസോറാം ഗോള്കീപ്പര് ആന്ഡ്രൂ ലാല്മിംഗിലിന ആദ്യ പത്തുമിനിറ്റിനിടെ രണ്ടു മികച്ച രക്ഷപ്പെടുത്തലുകള് നടത്തി. മിസോറാമും ആക്രമണ മൂഡിലേക്കു വേഗമെത്തി.
Read Moreമയാമി ഓപ്പൺ: സ്റ്റീഫൻസും അസരങ്കയും സെമിയിൽ
ഫ്ലോറിഡ: സ്ലോൺ സ്റ്റീഫൻസും വിക്ടോറിയ അസരങ്കയും മയാമി ഓപ്പൺ സെമിയിൽ കടന്നു. കരോളിന പ്ലിസ്കോവയെയാണ് അസരങ്ക പരാജയപ്പെടുത്തിയത്. നേരിട്ടുള്ള സെറ്റുകൾക്കായിരുന്നു അസരങ്കയുടെ വിജയം. സ്കോർ: 7-5, 6-3. ആംഗലിക് കെർബറെ പരാജയപ്പെടുത്തിയാണ് സ്റ്റീഫൻസ് അവസാന നാലിൽ കടന്നത്. നേരിട്ടുള്ള സെറ്റുകൾക്ക് അനായാസമായിരുന്നു സ്റ്റീഫൻസിന്റെ വിജയം. സ്കോർ: 6-1, 6-2.
Read Moreസ്മിത്തിനും വാർണർക്കും ഐപിഎല്ലിലും വിലക്ക്
മെൽബണ്: പന്ത് ചുരണ്ടൽ വിവാദവുമായി ബന്ധപ്പെട്ട് സ്റ്റീവ് സ്മിത്തിനും ഡേവിഡ് വാർണർക്കും ഐപിഎലിലും വിലക്കേർപ്പെടുത്തി. ഈ സീസണിലെ ഐപിഎലിലാണ് ഇരുവർക്കും ബിസിസിഐ വിലക്ക് ഏർപ്പെടുത്തിയത്. നേരത്തെ ഇരുവരും രാജസ്ഥാന് റോയല്സിന്റെയും സൺറൈസേഴ്സിന്റെയും നായകസ്ഥാനം രാജിവച്ചിരുന്നു. ക്രിക്കറ്റ് ഓസ്ട്രേലിയ താരങ്ങൾക്ക് ഒരു വർഷത്തെ വിലക്ക് ഏർപ്പെടുത്തിയതിനു പിന്നാലെയാണ് ബിസിസിഐയും നടപടി പ്രഖ്യാപിച്ചത്. വിലക്കുകൾ വന്നതോടെ ഇരുവരുടെയും കരിയറും ചോദ്യചിഹ്നമായി. ഇരുവരുടെയും വാക്കുകേട്ട് പന്തു ചുരണ്ടാൻ നിന്ന യുവതാരം കാമറൂണ് ബാൻക്രോഫ്റ്റിനും ഒൻപത് മാസത്തെ വിലക്ക് ലഭിച്ചിട്ടുണ്ട്. ഐപിഎല്ലിന് ശേഷം ഈ വർഷം അവസാനം നടക്കുന്ന ഇന്ത്യയുടെ ഓസ്ട്രിലേയൻ പര്യടനത്തിലും ഇരുവരും കാഴ്ചക്കാരാകേണ്ടി വരും. എന്നാൽ 2019 മേയ് അവസാനം തുടങ്ങുന്ന ലോകകപ്പിൽ ടീമിൽ ഇടം ലഭിച്ചാൽ ഇരുവർക്കും അന്താരാഷ്ട്ര ക്രിക്കറ്റിലേക്ക് തിരിച്ചുവരാൻ കഴിയും.
Read More