മുംബൈ: പന്ത് ചുരണ്ടൽ വിവാദത്തിന്റെ പേരിൽ ഓസ്ട്രേലിയൻ താരങ്ങളായ സ്റ്റീവ് സ്മിത്തിനും ഡേവിഡ് വാർണർക്കും ഒരു വർഷത്തെ വിലക്ക് ഏർപ്പെടുത്തിയ ക്രിക്കറ്റ് ഓസ്ട്രേലിയയുടെ നടപടിയെ സ്വാഗതം ചെയ്ത് ക്രിക്കറ്റ് ഇതിഹാസം സച്ചിൻ തെൻഡുൽക്കർ. “ക്രിക്കറ്റ് മാന്യന്മാരുടെ കളിയാണ്. അത് മാന്യമായി തന്നെ കളിക്കണം. സംഭവിച്ചതെന്തു തന്നെയായാലും ക്രിക്കറ്റ് ഓസ്ട്രേലിയ എടുത്ത തീരുമാനം സ്വാഗതാർഹമാണ്”- സച്ചിൻ പറഞ്ഞു. ക്രിക്കറ്റിന്റെ വിശ്വാസ്യത കാത്തുസുക്ഷിക്കുന്ന നടപടിയാണ് താരങ്ങളെ വിലക്കിയതിലൂടെ ക്രിക്കറ്റ് ഓസ്ട്രേലിയ ചെയ്തതതെന്നും സച്ചിൽ ട്വീറ്റ് ചെയ്തു. കളി ജയിക്കുക എന്നത് പ്രധാനമാണ് എന്നാൽ അത് എങ്ങനെ ജയിക്കുന്നു എന്നതാണ് ഏറ്റവും പ്രധാനമെന്നും സച്ചിൻ തന്റെ ട്വീറ്റിൽ കൂട്ടിച്ചേർത്തു. വിഷയത്തിൽ ആദ്യമായാണ് സച്ചിൻ പ്രതികരണമറിയിക്കുന്നത്.
Read MoreCategory: Sports
പന്തുചുരണ്ടൽ; മാപ്പപേക്ഷിച്ച് ക്രിക്കറ്റ് ഓസ്ട്രേലിയ
പോർട്ട് എലിസബത്ത്: ദക്ഷിണാഫ്രിക്കയ്ക്കെതിരായ മൂന്നാം ടെസ്റ്റിൽ ഓസ്ട്രേലിയൻ ടീം അംഗങ്ങളായിരുന്ന സ്റ്റീവ് സ്മിത്ത്, ഡേവിഡ് വാർണർ, കാമറൂണ് ബാൻക്രോഫ്റ്റ് എന്നിവർ ഗൂഢാലോചന നടത്തി പന്ത് ചുരണ്ടി ചതിപ്രയോഗം നടത്തിയതിന് ക്രിക്കറ്റ് ലോകത്തോട് മാപ്പപേക്ഷിച്ച് ക്രിക്കറ്റ് ഓസ്ട്രേലിയ. പന്തുചുരണ്ടൽ ഗൂഢാലോചനയിൽ പരിശീലകൻ ഡാരൻ ലേമാനു പങ്കില്ലെന്നുകണ്ടെത്തിയ ക്രിക്കറ്റ് ഓസ്ട്രേലിയ, അദ്ദേഹവുമായുള്ള കരാർ തുടരും. അതേസമയം, ഓസ്ട്രേലിയൻ ക്രിക്കറ്റിന് ലോകത്തിനു മുന്നിൽ മാനക്കേടുണ്ടാക്കിയ സ്മിത്ത്, വാർണർ, ബാൻക്രോഫ്റ്റ് എന്നിവരെ ഇന്ന് (ബുധനാഴ്ച) നാട്ടിലേക്ക് മടക്കി അയയ്ക്കുമെന്നും ക്രിക്കറ്റ് ഓസ്ട്രേലിയ സിഇഒ ജയിംസ് സതർലൻഡ് ഇന്നലെ ദക്ഷിണാഫ്രിക്കയിൽവച്ച് അറിയിച്ചു. ടിം പെയ്നെ ക്യാപ്റ്റനായി ഒൗദ്യോഗികമായി സതർലൻഡ് പ്രഖ്യാപിക്കുകയും ചെയ്തു. പന്തുചുരണ്ടൽ വിവാദം ക്രിക്കറ്റ് ലോകത്തെ പിടിച്ചുലച്ചതിനു പിന്നാലെ സ്മിത്തിനെയും വാർണറെയും ക്യാപ്റ്റൻ, വൈസ് ക്യാപ്റ്റൻ സ്ഥാനങ്ങളിൽനിന്ന് പുറത്താക്കാൻ ഓസ്ട്രേലിയൻ സർക്കാർ ഉൾപ്പെടെ ക്രിക്കറ്റ് ഓസ്ട്രേലിയയ്ക്കുമേൽ സമ്മർദം ചെലുത്തിയിരുന്നു. ഐപിഎലിൽ സ്മിത്തിനെയും വാർണറെയും…
Read Moreഗ്രൂപ്പ് ചാന്പ്യന്മാരായി കേരളം സെമിയിലേക്ക്
കോൽക്കത്ത: സന്തോഷ് ട്രോഫി ഫുട്ബോൾ ഫൈനൽ ഗ്രൂപ്പ് ഘട്ടത്തിൽ കേരളത്തിനു സന്പൂർണ സന്തോഷം. ഗ്രൂപ്പ് എയിലെ അവസാന മത്സരത്തിൽ ആതിഥേയരായ ബംഗാളിനെയും കേരളം കീഴടക്കി. ഇന്നലെ നടന്ന മത്സരത്തിൽ 90-ാം മിനിറ്റിൽ കെ.പി. രാഹുൽ നേടിയ ഗോളിൽ 1-0നാണ് കേരളം ജയമാഘോഷിച്ചത്. ഇതോടെ എല്ലാം മത്സരങ്ങളും ജയിച്ച് ഗ്രൂപ്പ് ചാന്പ്യന്മാരായി കേരളം സെമിയിലേക്ക് മാർച്ച് ചെയ്തു. ഗ്രൂപ്പിൽനിന്ന് രണ്ടാം സ്ഥാനക്കാരായി ബംഗാളും സെമിയിൽ പ്രവേശിച്ചിട്ടുണ്ട്. നാലു മത്സരങ്ങളിൽനിന്ന് 12 പോയിന്റുമായാണ് കേരളം ഗ്രൂപ്പ് ഘട്ടം കടന്നത്. ഒന്പത് പോയിന്റുമായി ബംഗാൾ രണ്ടാം സ്ഥാനത്തോടെ സെമിയിൽ കടന്നു. 15 ഗോളുകളാണ് കേരളം എതിരാളികളുടെ വലയിൽ നിക്ഷേപിച്ചത്. സമനിലയാണെങ്കിലും ഗ്രൂപ്പ് ചാന്പ്യന്മാരാകാമെന്ന നിലയിലാണ് കേരളം ബംഗാളിനെ നേരിടാനിറങ്ങിയത്. മൂന്ന് മത്സരങ്ങൾ വീതം ജയിച്ച് ഇരുടീമുകളും നേരത്തേതന്നെ സെമിയിൽ ഇടംപിടിച്ചിരുന്നു. കളിയിൽ ബംഗാളിനായിരുന്നു തുടക്കത്തിൽ മേധാവിത്തം. എന്നാൽ, എം.എസ്. ജിതിന്റെയും രാഹുലിന്റെയും…
Read Moreകോഹ്ലിയെ കൗണ്ടിയിൽ കളിപ്പിക്കരുത്: ബോബ് വിൽസ്
ലണ്ടൻ: ഇന്ത്യൻ ടീം നായകൻ വിരാട് കോഹ്ലിയെ കൗണ്ടി ക്രിക്കറ്റിൽ കളിപ്പിക്കരുതെന്ന് ഇംഗ്ലണ്ടിന്റെ മുൻ ക്യാപ്റ്റൻ ബോബ് വിൽസ്. ഇന്ത്യ 2014ൽ ഇംഗ്ലണ്ടിലെത്തിയപ്പോൾ റണ്ണെടുക്കാതെ കോഹ്ലി ദുരിതമനുഭവിച്ചത് ഇത്തവണയും ആവർത്തിക്കണം. ഇംഗ്ലണ്ടിലെ സാഹചര്യങ്ങൾ മനസിലാക്കാൻ അനുവദിച്ച് ഇംഗ്ലീഷ് ടീമിന്റെ പരാജയത്തിനു മരുന്ന് നല്കുകയല്ല ചെയ്യേണ്ടതെന്നും വിൽസ് അഭിപ്രായപ്പെട്ടു. വിദേശ കളിക്കാരെ കൗണ്ടിയിൽ ഉൾപ്പെടുത്തുന്നതിനെ പിന്തുണയ്ക്കാൻ സാധിക്കില്ല. ഇംഗ്ലണ്ടിന്റെ ഭാവി താരങ്ങളെ വാർത്തെടുക്കാനാണ് കൗണ്ടി ഉപയോഗിക്കേണ്ടത്- വിൽസ് പറഞ്ഞു. ഇംഗ്ലണ്ടിനായി 90 ടെസ്റ്റുകളിൽനിന്ന് 325 വിക്കറ്റ് നേടിയ താരമാണ് വിൽസ്. കൗണ്ടി ഡിവിഷൻ വണ്ണിൽ സറെയ്ക്കുവേണ്ടി കോഹ്ലി കളിക്കുമെന്നാണ് ഇപ്പോൾ പുറത്തുവരുന്ന സൂചന. ഇന്ത്യൻ ടീം അംഗങ്ങളായ ചേതേശ്വർ പൂജാരയും ഇഷാന്ത് ശർമയും കൗണ്ടിയിൽ കളിക്കാനൊരുങ്ങുകയാണ്.
Read Moreഓസീസ് കുതന്ത്രം കണ്ടുപിടിച്ചതു ഫാനി ഡിവില്യേഴ്സ്
പോർട്ട് എലിസബത്ത്: ഓസ്ട്രേലിയൻ ക്രിക്കറ്റിനെ ഒന്നാകെ പ്രതിരോധത്തിലും നാണക്കേടിന്റെ പടുകുഴിയിലുമാക്കിയ പന്തുചുരണ്ടൽ കണ്ടെത്താൻ കാമറാമാനെ സഹായിച്ചത് ദക്ഷിണാഫ്രിക്കൻ മുൻ പേസ് ബൗളർ ഫാനി ഡിവില്യേഴ്സ്. നിലവിൽ ടിവി കമന്റേറ്ററായ ഫാനിയുടെയും സംഘത്തിന്റെയും നിർദേശാനുസരണമാണ് കാമറാമാന്മാർ ഓസീസ് താരങ്ങളെ സൂക്ഷ്മമായി നിരീക്ഷിച്ചതും ആ അന്വേഷണം കാമറൂണ് ബാൻക്രോഫ്റ്റിൽ അവസാനിച്ചതും. ബാൻക്രോഫ്റ്റ് പന്തിൽ കൃത്രിമം കാണിക്കുന്നത് കാമറാമാൻ കണ്ടെത്തിയത് തന്റെ നിർദേശത്തെത്തുടർന്നാണെന്ന് ഫാനി ഓസ്ട്രേലിയൻ റേഡിയോയായ ആർഎസ്എൻ 927നു നല്കിയ അഭിമുഖത്തിൽ വെളിപ്പെടുത്തി. “സാധാരണ ചെയ്യുന്നതിൽനിന്ന് വ്യത്യസ്തമായി എന്തെങ്കിലും ചെയ്യൂ. പുറത്തുകടന്ന് എല്ലാം വീക്ഷിക്കൂ. അവർ എന്തെങ്കിലും കുതന്ത്രം പ്രയോഗിക്കുന്നുണ്ടാകും. ഇത്രയും പുല്ലുള്ള ഈ പിച്ചിൽ അവർ സ്വിംഗ് കണ്ടെത്തുന്നു എന്നത് അസാധാരണമാണ്. ഇത് പാക്കിസ്ഥാനിൽ ഉള്ളതുപോലെ എല്ലാ സെന്റിമീറ്ററിലും വിള്ളലുള്ള പിച്ചല്ല’’- കാമറാമാന്മാരോട് ഇതാണ് ആവശ്യപ്പെട്ടതെന്ന് ഫാനി ഡിവില്യേഴ്സ് പറഞ്ഞു. 26, 27, 28 ഓവറുകളിലും ഓസീസ്…
Read Moreക്രിക്കറ്റ് പന്തിൽ എന്തെല്ലാം ചെയ്യാം
ക്രിക്കറ്റ് മത്സരത്തിനിടെ പന്തിലും ബാറ്റിലും എന്തെല്ലാം നിയമാനുസൃതമായി ചെയ്യാമെന്ന് ഐസിസി ചട്ടങ്ങളിലുണ്ട്. ബൗളിംഗ് ചെയ്യുന്പോൾ പന്തിന്റെ തിളക്കം വർധിപ്പിക്കാൻ ഫീൽഡർമാർ ഉമിനീര്, വിയർപ്പ് തുടങ്ങിയവ പന്തിൽ തേക്കുകയും ജഴ്സിയിലും കൈയിൽ കരുതിയിരിക്കുന്ന ടൗവ്വലിലും ഉരയ്ക്കുന്നതും സർവസാധാരണമാണ്. നിയമാനുസൃതം 1. തുണി ഉപയോഗിച്ച് പന്ത് മിനുസപ്പെടുത്താം. 2. പന്തിലെ ചെളിയും മണ്ണും അന്പയറുടെ സാന്നിധ്യത്തിലും നിർദേശാടിസ്ഥാനത്തിലും നീക്കം ചെയ്യാം. 3. പന്ത് നനഞ്ഞിട്ടുണ്ടെങ്കിൽ അന്പയറുടെ മേൽനോട്ടത്തിൽ ഉണക്കിയെടുക്കാം. നിയമാനുസൃതമല്ലാത്തത് 1. പന്ത് തുണി ഉപയോഗിച്ചല്ലാതെ ഉരയ്ക്കാനോ തൂക്കാനോ പാടില്ല. മനഃപൂർവം പന്തിൽ കൃത്രിമം കാണിച്ചാൽ പിഴ, വിലക്ക് ലഭിക്കും. 2. പന്തിനുമേൽ നഖം, മറ്റ് സാധനങ്ങൾ തുടങ്ങിയവ ഉപയോഗിച്ച് ചുരണ്ടാൻ പാടില്ല. 3. പന്തിന്റെ തിളക്കം വർധിപ്പിക്കാൻ സണ്ക്രീം, മറ്റ് ദ്രവ- ഖര കൃത്രിമ പദാർഥങ്ങൾ ഉപയോഗിക്കാൻ അനുമതിയില്ല.
Read Moreറോയൽസിനെ രഹാനെ നയിക്കും
ജയ്പുർ: അടു ത്ത മാസം ആരംഭിക്കുന്ന ഇന്ത്യൻ പ്രീമിയർ ലീഗ് ട്വന്റി-20യിൽ രാജസ്ഥാൻ റോയൽസിനെ ഇന്ത്യൻ ബാറ്റ്സ്മാൻ അജിങ്ക്യ രഹാനെ നയിക്കും. പന്തിൽ കൃത്രിമം നടത്തിയെന്ന വിവാദത്തിൽപ്പെട്ട ഓസ്ട്രേലിയയുടെ സ്റ്റീവ് സ്മിത്തിനെ നീക്കിയാണ് രഹാനെയെ ക്യാപ്റ്റനാക്കിയത്. രഹാനെ രാജസ്ഥാൻ റോയൽസ് കുടുംബത്തിലെ അവിഭാജ്യഘടകമാണെന്നും അദ്ദേഹത്തിന്റെ ക്ലബ് സംസ്കാരവും മൂല്യവും അറിയാമെന്നും രാജസ്ഥാൻ റോയൽസിന്റെ ഉദ്യോഗസ്ഥരിൽ ഒരാളായ സുബിൻ ഭരുച്ച പറഞ്ഞു. വാതുവയ്പ് ആരോപണത്തെത്തുടർന്ന് രണ്ടുവർഷത്തെ വിലക്കിനുശേഷമാണ് രാജസ്ഥാൻ ഐപിഎലിന്റെ 11-ാം പതിപ്പിലേക്കു തിരിച്ചുവരുന്നത്. 2014, 2015 വർഷങ്ങളിൽ സ്റ്റീവ് സ്മിത്ത് റോയൽസിനൊപ്പമായിരുന്നു. റോയൽസിനു നേരിടേണ്ടിവന്ന വിലക്കിനെത്തുർന്ന് 2016ൽ സ്മിത്തിനെയും രഹാനെയെയും റൈസിംഗ് പൂന സൂപ്പർ ജയന്റ്സ് സ്വന്തമാക്കി. സ്മിത്തായിരുന്നു ജയന്റ്സിന്റെ ക്യാപ്റ്റൻ.
Read Moreപഞ്ചാബിനും ഗോവയ്ക്കും ജയം
കോൽക്കത്ത: സന്തോഷ് ട്രോഫി ഫുട്ബോൾ ഗ്രൂപ്പ് ബിയിലെ മത്സരങ്ങളിൽ പഞ്ചാബും ഗോവയും ജയിച്ചു. പഞ്ചാബ് 2-1നു കർണാടകയെയും ഗോവ 6-1ന് ഒഡീഷയെയുമാണ് പരാജയപ്പെടുത്തിയത്. ജയത്തോടെ പഞ്ചാബും ഗോവയും സെമി സാധ്യത നിലനിർത്തി. ഗ്രൂപ്പിൽനിന്ന് മിസോറാം നേരത്തേ സെമിയിൽ ഇടംപിടിച്ചിട്ടുണ്ട്. ഗ്രൂപ്പിൽ മൂന്ന് മത്സരങ്ങൾ വീതം പൂർത്തിയായപ്പോൾ മൂന്ന് ജയവുമായി മിസോറാം ഒന്നാം സ്ഥാനത്താണ്. കർണാടകയ്ക്കും പഞ്ചാബിനും ആറ് പോയിന്റ് വീതവും ഗോവയ്ക്ക് മൂന്നു പോയിന്റുമാണുള്ളത്. ഗ്രൂപ്പിൽ ആദ്യ രണ്ടു സ്ഥാനക്കാരാണ് സെമിയിലേക്ക് യോഗ്യത നേടുക. ഫൈനൽ ഗ്രൂപ്പ്ഘട്ടത്തിലെ ആദ്യ ഹാട്രിക്ക് ഗോവ-ഒഡീഷ പോരാട്ടത്തിൽ പിറന്നു. ഗോവൻ ക്യാപ്റ്റൻ വിക്ടോറിനോ ഫെർണാണ്ടസാണ് ഹാട്രിക്ക് സ്വന്തമാക്കി. ഇന്നു കേരളം-ബംഗാൾ ഗ്രൂപ്പ് എയിലെ അവസാന മത്സരത്തിൽ കേരളം ഇന്ന് ബംഗാളിനെ നേരിടും. മൂന്ന് ജയങ്ങൾ വീതം സ്വന്തമാക്കിയ ഇരു ടീമുകളും സെമിയിൽ പ്രവേശിച്ചുകഴിഞ്ഞതാണ്. എന്നാൽ, ഇന്നത്തെ മത്സരം ഗ്രൂപ്പ് ചാന്പ്യന്മാരെ നിർണയിക്കും.…
Read Moreഓസീസ് ക്രിക്കറ്റിന്റെ ചരമം
ബ്രിട്ടീഷ് മാധ്യമങ്ങൾ ഇംഗ്ലീഷ് ക്രിക്കറ്റിന്റെ ചരമം എഴുതിയതിനും 136 വർഷങ്ങൾക്കുശേഷം സമാനമായൊരു ചരമ അറിയിപ്പ് ഉണ്ടായി. 1882 ഓഗസ്റ്റിൽ ഓവലിൽവച്ചുനടന്ന ടെസ്റ്റിൽ ഇംഗ്ലണ്ട് ആദ്യമായി ചിരവൈരികളായ ഓസ്ട്രേലിയയ്ക്കു മുന്നിൽ പരാജയപ്പെട്ടു. പിറ്റേദിവസം ഇംഗ്ലീഷ് ക്രിക്കറ്റിന്റെ ചരമകുറിപ്പ് ‘ദ സ്പോർട്ടിംഗ് ടൈംസ്’ പ്രസിദ്ധീകരിച്ചു. ഇംഗ്ലീഷ് ക്രിക്കറ്റ് മരിച്ചെന്നും, ശരീരം ദഹിപ്പിച്ചതിനുശേഷം ചാരം ഓസ്ട്രേലിയയിലേക്ക് കൊണ്ടുപോയെന്നുമായിരുന്നു ചരമക്കുറിപ്പ്. ഇതാണ് പിന്നീട് ആഷസ് ടെസ്റ്റ് എന്ന ചരിത്രപ്രസിദ്ധ പ്രയോഗത്തിനു വഴിവച്ചത്. സമാനമായ സംഭവമല്ലെങ്കിലും ഓസീസ് ക്രിക്കറ്റിന്റെ ചരമം ഓസ്ട്രേലിയൻ പത്രങ്ങളും പ്രസിദ്ധീകരിച്ചു. ന്യൂലാൻഡിൽവച്ച് ഓസ്ട്രേലിയൻ ക്രിക്കറ്റ് മരിച്ചെന്നും മൃതദേഹം ദഹിപ്പിച്ചശേഷം ചാരം ഓസ്ട്രേലിയയിലേക്ക് കൊണ്ടുപോകുമെന്നായിരുന്നു ചരമക്കുറിപ്പ്.
Read Moreഫെഡറർക്കു തോൽവി, ഒന്നാം റാങ്ക് നഷ്ടപ്പെടും
മയാമി: മയാമി ഓപ്പണ് ടെന്നീസ് പുരുഷ വിഭാഗം സിംഗിൾസിൽ ലോക ഒന്നാം നന്പർ താരം റോജർ ഫെഡറർക്ക് തോൽവി. ലോക 175-ാം നന്പർ ഓസ്ട്രേലിയയുടെ തനാസി കോക്കിനാകിസാണ് ഫെഡററെ മൂന്ന് സെറ്റ് നീണ്ട പോരാട്ടത്തിൽ കീഴടക്കിയത്. സ്കോർ: 3-6, 6-3, 7-6(7-4). അടുത്തുവരുന്ന ഫ്രഞ്ച് ഓപ്പണ് ഉൾപ്പെടെയുള്ള ക്ലേ കോർട്ട് മത്സരങ്ങൾക്ക് താൻ ഉണ്ടാകില്ലെന്ന് സ്വിസ് താരം പ്രഖ്യാപിച്ചു. ഇതോടെ ലോക ഒന്നാം നന്പർ പദവി ഫെഡറർക്കു നഷ്ടപ്പെടും. രണ്ടാം റാങ്കിലുള്ള സ്പെയിനിന്റെ റാഫേൽ നദാൽ ഒന്നാം റാങ്കിലെത്തും. ഇന്ത്യയുടെ യൂകി ഭാംബ്രിയും രണ്ടാം റൗണ്ടിൽ തോറ്റുപുറത്തായി. അമേരിക്കയുടെ ജാക് സോകാണ് 6-3, 7-6(7-3)ന് ഇന്ത്യൻ താരത്തെ പരാജയപ്പെടുത്തിയത്.വനിതാ സിംഗിൾസിൽ ലോക ഒന്നാം നന്പർ ഷിമോണ ഹാലെപ്പ് പുറത്തായി. അതേസമയം, ആംഗലിക് കെർബർ, വിക്ടോറിയ അസരെങ്ക, മുഗുരുസ തുടങ്ങിയവർ മൂന്നാം റൗണ്ടിൽ പ്രവേശിച്ചു.
Read More