കോൽക്കത്ത: സന്തോഷ് ട്രോഫി ഫുട്ബോളിൽ കേരളം സെമിയിൽ. ഞായറാഴ്ച നടന്ന മത്സരത്തിൽ കേരളം എതിരില്ലാത്ത മൂന്നു ഗോളിനു മഹാരാഷ്ട്രയെ പരാജയപ്പെടുത്തി. രാഹുൽ വി.രാജ്, ജിതിൻ എം.എസ്, രാഹുൽ കെ.പി എന്നിവരാണ് കേരളത്തിനുവേണ്ടി ഗോളുകൾ നേടിയത്. കേരളത്തിന്റെ തുടർച്ചയായ മൂന്നാം വിജയമാണിത്. ആദ്യ മൽസരത്തിൽ ചണ്ഡിഗഡിനെ(5-1)യും രണ്ടാം മൽസരത്തിൽ മണിപ്പൂരിനെ(6-0)യും കേരളം പരാജയപ്പെടുത്തിയിരുന്നു. ഗ്രൂപ്പ് ബിയിൽനിന്ന് ബംഗാളും സെമി ഫൈനൽ ഉറപ്പാക്കിയിട്ടുണ്ട്.
Read MoreCategory: Sports
റാഷിദ് ഖാനു വേഗമേറിയ 100 വിക്കറ്റ്, റിക്കാർഡ്
ഹരാരെ: ഏകദിനത്തിൽ വേഗമേറിയ 100 വിക്കറ്റ് എന്ന റിക്കാർഡ് അഫ്ഗാനിസ്ഥാന്റെ റാഷിദ് ഖാൻ സ്വന്തമാക്കി. 44 മത്സരങ്ങളിൽനിന്നാണ് ഖാൻ നൂറു വിക്കറ്റ് കടന്നത്. ഓസ്ട്രേലിയൻ പേസർ മിച്ചൽ സ്റ്റാർക്ക് 52 മത്സരങ്ങളിൽ നൂറു വിക്കറ്റ് തികച്ചതാണ് ഇതോടെ തകർന്നത്. ഐസിസി ലോകകപ്പ് ക്വാളിഫയർ ഫൈനലിൽ വെസ്റ്റ് ഇൻഡീസിന്റെ ഷയി ഹോപ്പിനെ പുറത്താക്കിയാണ് ഖാൻ പുതിയ റിക്കാർഡ് കുറിച്ചത്. നൂറു വിക്കറ്റ് കടന്ന ഏറ്റവും പ്രായം കുറഞ്ഞ കളിക്കാനെന്ന റിക്കാർഡും പത്തൊന്പതുകാരനായ ഖാൻ സ്വന്തമാക്കി. വേഗത്തിൽ 50 വിക്കറ്റ് തികച്ച കളിക്കാരിൽ എട്ടാമനാണ്. 26 മത്സരങ്ങളിൽനിന്നാണ് അഫ്ഗാൻ സ്പിന്നർ 50 വിക്കറ്റ് കടന്നത്. ഐസിസിയുടെ കളിക്കാരുടെ റാങ്കിംഗിൽ ആദ്യ സ്ഥാനത്തുള്ള ഏറ്റവും പ്രായം കുറഞ്ഞ കളിക്കാരനാണ് ഖാൻ.
Read Moreപന്തിൽ കൃത്രിമം: സ്റ്റീവ് സ്മിത്തിന് ഐസിസി വിലക്ക്, പിഴ
സിഡ്നി: പന്തിൽ കൃത്രിമം കാണിച്ചു വിവാദത്തിൽ അകപ്പെട്ട ഓസ്ട്രേലിയൻ ക്രിക്കറ്റ് ടീമിനു വീണ്ടും തിരിച്ചടി. നായകസ്ഥാനം വഹിച്ചിരുന്ന സ്റ്റീവ് സ്മിത്തിനെ ഐസിസി ഒരു ടെസ്റ്റിൽനിന്നു വിലക്കി. മാച്ച്ഫീ മുഴുവനായി സ്മിത്ത് പിഴയൊടുക്കണം. പന്തിൽ കൃത്രിമം നടത്തിയ കാമറൂണ് ബാൻക്രോഫ്റ്റ് മാച്ച്ഫീയുടെ 75 ശതമാനം പിഴയൊടുക്കാനും ഐസിസി വിധിച്ചു. കൂടാതെ, മൂന്നു ഡീമെറിറ്റ് പോയിന്റുകളും നൽകി. ഒരു ടെസ്റ്റിൽനിന്നു വിലക്കിയതോടെ ദക്ഷിണാഫ്രിക്കയ്ക്കെതിരേ ജൊഹന്നാസ്ബർഗിൽ നടക്കുന്ന നാലാം ടെസ്റ്റ് സ്മിത്തിനു നഷ്ടമാകും. ദക്ഷിണാഫ്രിക്കക്കെതിരായ കേപ്ടൗണ് ടെസ്റ്റിന്റെ മൂന്നാം ദിനം ബാൻക്രോഫ്റ്റ് പന്തിൽ കൃത്രിമം നടത്തുന്നതിന്റെ ദൃശ്യങ്ങൾ പുറത്തുവന്നിരുന്നു. സംഭവം സ്മിത്ത് ഏറ്റുപറയുകയും ചെയ്തു. വിഷയം വിവാദമായതോടെ ക്യാപ്റ്റനെ പുറത്താക്കണമെന്ന് ഓസ്ട്രേലിയൻ പ്രധാനമന്ത്രി മാൽകം ടേണ്ബുൾ ആവശ്യപ്പെട്ടു. എന്നാൽ അന്വേഷണശേഷം നടപടിയെന്നതായിരുന്നു ക്രിക്കറ്റ് ഓസ്ട്രേലിയയുടെ നിലപാട്. എന്നാൽ ഇക്കാര്യത്തിൽ ഉടൻ നടപടി വേണമെന്ന് സർക്കാർ ശക്തമായ നിലപാട് എടുത്തതോടെ ക്യാപ്റ്റൻ രാജിവച്ചൊഴിയുകയായിരുന്നു.…
Read Moreഅർജന്റീന എതിരില്ലാത്ത രണ്ടു ഗോളുകൾക്ക് ഇറ്റലിയെ വീഴ്ത്തി
ലണ്ടൻ: സൂപ്പർതാരം ലയണൽ മെസിയില്ലാതെയും ജയിക്കാൻ സാധിക്കുമെന്ന് അർജന്റീന ലോകകപ്പിനു മുമ്പ് തെളിയിച്ചിരിക്കുന്നു. മെസിയില്ലാതെ ഇറങ്ങിയ അർജന്റീന ഇറ്റലിയെ എതിരില്ലാത്ത രണ്ടു ഗോളുകൾക്ക് പരാജയപ്പെടുത്തി. ഗോൾ രഹിതമായ ആദ്യ പകുതിക്കു ശേഷം കളിയുടെ അവസാന 15 മിനിറ്റിലായിരുന്നു അർജന്റീന സ്കോർ ചെയ്തത്. പകരക്കാരായി കളത്തിലെത്തിയ എവർ ബനേഗയും മാനുവൽ ലാൻസിനിയുമാണ് ഗോൾ നേടിയത്. മാഞ്ചസ്റ്റര് സിറ്റിയുടെ സ്റ്റേഡിയത്തിലായിരുന്നു മത്സരം. മുട്ടിനേറ്റ പരിക്കിനെത്തുടര്ന്ന് വിശ്രമത്തിലായിരുന്ന സെര്ജിയോ അഗ്വേറോയും ഇല്ലാതെയാണ് അസൂറികളെ അർജന്റീന നേരിട്ടത്. ഗോണ്സാലോ ഹിഗ്വെയ്ന്, എയ്ഞ്ചല് ഡി മരിയ, മാനുവൽ ലാൻസിനി എന്നിവരെയാണ് ഇതോടെ ജോർജ് സംപോളി ആക്രമണ ചുമതല ഏൽപ്പിച്ചത്.
Read Moreസന്തോഷ് ട്രോഫി: മണിപ്പൂരിനെ ഗോളിൽ മുക്കി കേരളം
കോൽക്കത്ത: സന്തോഷ് ട്രോഫി ഫുട്ബോളിൽ തുടർച്ചയായ രണ്ടാം മത്സരത്തിലും കേരളത്തിന്റെ ഗോളാറാട്ടം. ആദ്യ മത്സരത്തിൽ ചണ്ഡിഗഡിനെ 5-1നു തകർത്തെറിഞ്ഞ കേരളം ഇന്നലെ മണിപ്പുരിനെ 6-0നു ഗോളിൽ മുക്കി. ഗോൾരഹിതമായ ആദ്യ പകുതിക്കുശേഷമായിരുന്നു കേരളത്തിന്റെ കണ്ണഞ്ചിപ്പിക്കും ഗോളടിമേളം അരങ്ങേറിയത്. കേരളത്തിനായി ജിതിൻ ഗോപാലൻ ഇരട്ട ഗോൾ സ്വന്തമാക്കി. തുടർച്ചയായ രണ്ടാം ജയത്തോടെ കേരളം സെമിയിലേക്കുള്ള ആദ്യ ചുവടുവച്ചു. ഗ്രൂപ്പ് എയിലെ മറ്റൊരു മത്സരത്തിൽ മഹാരാഷ്ട്ര 2-1ന് ചണ്ഡിഗഡിനെ കീഴടക്കി സെമി സാധ്യത നിലനിർത്തി. ഹൗറയിലെ സൈലെൻ മന്ന സ്പോർട്സ് കോംപ്ലക്സിൽ അരങ്ങേറിയ മത്സരത്തിന്റെ തുടക്കത്തിൽത്തന്നെ മണിപ്പുരിന്റെ ഗോളി പരിക്കേറ്റ് പുറത്തുപോയി. തുടർന്ന് സബ്സ്റ്റിറ്റ്യൂട്ട് ബോംബോം സിംഗാണ് മണിപ്പുരിന്റെ ഗോൾവല കാത്തത്. ഗോളിനായി ശ്രമിച്ചെങ്കിലും ആദ്യ പകുതിയിൽ വലകുലുക്കാൻ കേരളത്തിന് സാധിച്ചില്ല. എടുത്തു പറയത്തക്ക നീക്കങ്ങൾ ആദ്യ പകുതിയിൽ ഉണ്ടായില്ലെന്നും പറയാം. എന്നാൽ, രണ്ടാം പകുതിയിൽ കളിമാറി. സബ്സ്റ്റിറ്റ്യൂഷനായി ഇറങ്ങിയ…
Read Moreമയാമി ഓപ്പൺ: ജൊഹാന കോണ്ട മൂന്നാം റൗണ്ടിൽ
ഫ്ലോറിഡ: ബ്രിട്ടന്റെ ജൊഹാന കോണ്ട മയാമി ഓപ്പൺ മൂന്നാം റൗണ്ടിൽ കടന്നു. ബെൽജിയത്തിന്റെ കിർസ്റ്റെൻ ഫ്ലിപ്കെൻസിനെ പരാജയപ്പെടുത്തിയാണ് ജൊഹാന മൂന്നാം റൗണ്ടിലേക്ക് കടന്നത്. നേരിട്ടുള്ള സെറ്റുകൾക്കായിരുന്നു ജൊഹാനയുടെ വിജയം. സ്കോർ: 6-4, 6-3. ആദ്യ റൗണ്ടിൽ ബൈ ലഭിച്ച ബ്രിട്ടീഷ് താരം മൂന്നാം റൗണ്ടിൽ ജർമനിയുടെ എലിസെ മെർട്ടൻസിനെ നേരിടും. ചെക്ക് താരം പെട്ര ക്വിറ്റോവയും മൂന്നാം റൗണ്ടിൽ കടന്നു. അരിന സബലെൻകയെയാണ് ക്വിറ്റോവ പരാജയപ്പെടുത്തിയത്. ഒന്നിനെതിരെ രണ്ടു സെറ്റുകൾക്കായിരുന്നു വിജയം. സ്കോർ: 7-5, 3-6, 6-3. ഇന്ത്യൻ വെൽസ് ചാമ്പ്യൻ നവോമി ഒസാക്ക ആദ്യ റൗണ്ടിൽ സൂപ്പർ താരം സെറീന വില്യംസിനെ പരാജയപ്പെടുത്തി തുടങ്ങിയെങ്കിലും രണ്ടാം റൗണ്ടിൽ എലിന വിറ്റോളിനയുടെ മുന്നിൽ അടിയറവ് പറഞ്ഞു. നേരിട്ടുള്ള സെറ്റുകൾക്കായിരുന്നു ഒസാക്കയുടെ പരാജയം. സ്കോർ: 6-4, 6-2.
Read Moreലൈംഗികാരോപണം: സൗമ്യജിത്തിനു സസ്പെൻഷൻ
ബരാസത്: ദേശീയ ടേബിള് ടെന്നീസ് താരവും അര്ജുന അവാര്ഡ് ജേതാവും ഒളിന്പ്യനുമായ സൗമ്യജിത് ഘോഷിനെ ടേബിൾ ടെന്നീസ് ഫെഡറേഷൻ സസ്പെൻഡ് ചെയ്തു. ഇതോടെ കോമൺവെൽത്ത് ഗെയിംസിനുള്ള ഇന്ത്യൻ ടീമിൽ സൗമ്യജിത് കളിക്കില്ലെന്ന് ഉറപ്പായി. ടേബിൾ ടെന്നീസ് ഫെഡറേഷന്റെ എക്സിക്യൂട്ടീവ് ബോർഡാണ് സൗമ്യജിത്തിനെ സസ്പെൻഡ് ചെയ്തുകൊണ്ടുള്ള തീരുമാനം അറിയിച്ചത്. സസ്പെൻഷൻ കാലാവധിയിൽ താരങ്ങൾക്ക് ദേശീയ-അന്തർദേശീയ മത്സരങ്ങളിൽ കളിക്കാനാവില്ല. ഇതാണ് സൗമ്യജിത്തിന്റെ കോമൺവെൽത്ത് സ്വപ്നം തകർത്തത്. പതിനെട്ടുകാരിയായ മുൻ കാമുകി നല്കിയ പരാതിയിലാണ് ബരാസത് പോലീസ് സൗമ്യജിത് ഘോഷിനെതിരേ എഫ്ഐആര് രജിസ്റ്റര് ചെയ്തത്. പതിനഞ്ചാമത്തെ വയസില്, 2014 ല് ആണ് താന് സൗമ്യജിത് ഘോഷിനെ കണ്ടുമുട്ടുന്നതെന്നും കഴിഞ്ഞ മൂന്നു വര്ഷമായി താനും ഘോഷും പ്രണയത്തിലായിരുന്നുവെന്നും ഈ ബന്ധം മുതലെടുത്ത് ഘോഷ് തന്നെ ബലാത്സംഗം ചെയ്യുകയായിരുന്നുവെന്നുമാണ് പെണ്കുട്ടി പരാതിയില് പറയുന്നത്.
Read Moreകളി ജയിച്ച് കാര്യവട്ടം
തിരുവനന്തപുരം: നവംബറിൽ നടക്കുന്ന ഇന്ത്യ-വെസ്റ്റ് ഇൻഡീസ് ഏകദിന ക്രിക്കറ്റ് കാര്യവട്ടം സ്പോർട്സ് ഹബ്ബിൽ നടത്താൻ ഏറെ വിവാദങ്ങൾക്കൊടുവിൽ തീരുമാനം. കൊച്ചി ജവഹർലാൽ നെഹ്റു സ്റ്റേഡിയത്തിലെ അന്താരാഷ്ട്ര നിലവാരമുള്ള ഫുട്ബോൾ ടർഫിൽ ക്രിക്കറ്റ് പിച്ചൊരുക്കി അവിടെ മത്സരം നടത്താനുള്ള കേരള ക്രിക്കറ്റ് അസോസിയേഷന്റെ നിലപാടിനെതിരേ പ്രതിഷേധം ഉയർന്നതിനെ തുടർന്നാണ് കെസിഎ നിലപാട് മാറ്റിയത്. ഇന്നലെ കായിക മന്ത്രി എ.സി. മൊയ്തീനെ സന്ദർശിച്ച കെസിഎ പ്രസിഡന്റ് റോംഗ്ളിൻ ജോണും സെക്രട്ടറി ജയേഷ് ജോർജും മത്സരം തിരുവനന്തപുരത്ത് നടത്താൻ സന്നദ്ധമാണെന്ന് അറിയിച്ചു. കാര്യവട്ടം സ്പോർട്സ് ഹബ്ബിൽ അന്താരാഷ്ട്ര നിലവാരത്തിലുള്ള പിച്ച് ഉൾപ്പെടെയുള്ളപ്പോൾ കൊച്ചിയിൽ ക്രിക്കറ്റ് മത്സരത്തിനായി ശ്രമിക്കുന്നതിനെതിരേ സച്ചിൻ തെണ്ടുൽക്കർ, ശശി തരൂർ എംപി ഉൾപ്പെടെയുള്ളവർ രംഗത്തെത്തിയിരുന്നു. സംസ്ഥാന സർക്കാരും വിഷയത്തിൽ ഇടപെട്ടു. കൊച്ചിയിൽ ക്രിക്കറ്റ് നടത്തിയാൽ ഐഎസ്എൽ ഹോം മാച്ചുകൾ പ്രതിസന്ധിയിലാവുമെന്നു കേരള ബ്ലാസ്റ്റേഴ്സ് അധികൃതരും അറിയിച്ചു. ജിസിഡിഎയുമായി കരാറിലേർപ്പെട്ടിട്ടുള്ള…
Read Moreട്വന്റി-20യും തോറ്റു
മുംബൈ: ഏകദിന പരന്പര ഓസ്ട്രേലിയൻ വനിതകൾക്കു മുന്നിൽ അടിയറവച്ച ഇന്ത്യൻ വനിതകൾക്ക് ത്രിരാഷ് ട്ര ട്വന്റി-20യിലും രക്ഷയില്ല. പരന്പരയിലെ ആദ്യ മത്സരത്തിൽ ഓസ്ട്രേലിയൻ വനിതകൾ 11 പന്ത് ശേഷിക്കേ ആറു വിക്കറ്റിന് ഇന്ത്യയെ പരാജയപ്പെടുത്തി. സ്കോർ: ഇന്ത്യ 20 ഓവറിൽ അഞ്ച് വിക്കറ്റ് നഷ്ടത്തിൽ 152. ഓസ്ട്രേലിയ 18.1 ഓവറിൽ നാല് വിക്കറ്റ് നഷ്ടത്തിൽ 156. 32 പന്തിൽ 45 റണ്സ് നേടിയ ഓപ്പണർ ബെത് മൂണിയാണ് ഓസീസിനെ ജയത്തിലെത്തിച്ചത്. ടോസ് നഷ്ടപ്പെട്ട് ക്രീസിലെത്തിയ ഇന്ത്യക്കായി 41 പന്തിൽ 11 ഫോറും രണ്ട് സിക്സും അടക്കം സ്മൃതി മന്ദാന 67 റണ്സ് എടുത്തു, മിതാലി രാജ് 27 പന്തിൽ 18ഉം. ഓപ്പണിംഗ് വിക്കറ്റിൽ 9.3 ഓവറിൽ 72 റണ്സ് ഇന്ത്യ നേടി. തുടർന്നു ക്രീസിലെത്തിയ ക്യാപ്റ്റ ൻ ഹർമൻപ്രീത് കൗർ (16 പന്തിൽ 13 റണ്സ്), ജെമിമ…
Read Moreസെറീന ആദ്യ റൗണ്ടിൽ പുറത്ത്
മയാമി: പ്രസവത്തിനുശേഷം ടെന്നീസ് കോർട്ടിൽ തിരിച്ചെത്തിയ മുൻ ലോക ഒന്നാം നന്പർ സിംഗിൾസ് താരം അമേരിക്കയുടെ സെറീന വില്യംസ് മയാമി ഓപ്പണിന്റെ ആദ്യ റൗണ്ടിൽ പുറത്ത്. ജപ്പാന്റെ നഓമി ഒസാകയാണ് സെറീനയെ നേരിട്ടുള്ള സെറ്റുകൾക്ക് പരാജയപ്പെടുത്തിയത്. സ്കോർ: 6-3, 6-2. നേരത്തേ ഇന്ത്യൻ വെൽസ് ഓപ്പണിന്റെ മൂന്നാം റൗണ്ടിൽ ചേച്ചി വീനസ് വില്യംസിനോട് സെറീന പരാജയപ്പെട്ടിരുന്നു. ഇന്ത്യൻ വെൽസ് കിരീടം സ്വന്തമാക്കിയശേഷമാണ് ഒസാക മയാമിയിൽ എത്തിയിരിക്കുന്നത്. വിക്ടോറിയ അസാരെങ്ക, ഗർബിനെ മുഗുരുസ, ആൻഡ്രിയ പെറ്റ്കോവിക് തുടങ്ങിയവരും രണ്ടാം റൗണ്ടിൽ കടന്നു. അമേരിക്കയുടെ അമാൻഡ അനിസ്മോവ പരിക്കേറ്റ് പിന്മാറിയതിനെത്തുടർന്ന് മുഗുരുസയ്ക്ക് വാക്ക് ഓവർ ലഭിച്ചപ്പോൾ അസരെങ്കയുടെ ജയം 6-3, 6-3ന് ആയിരുന്നു. സിസി വെല്ലിസ് ആയിരുന്നു അസാരെങ്കയുടെ എതിരാളി.
Read More