ബാഴ്സലോണ: ബാഴ്സലോണ സൂപ്പർ താരം നെയ്മർക്ക് മൂന്നു മത്സരങ്ങളിൽ വിലക്ക്. കഴിഞ്ഞ ദിവസം മലാഗയ്ക്കെതിരായി നടന്ന മത്സരത്തില് ചുവപ്പു കാര്ഡ് കണ്ടതിനേത്തുടര്ന്നാണ് നെയ്മറെ മൂന്നു മത്സരങ്ങളിൽനിന്ന് വിലക്കിയത്. ഇതോടെ ലാലിഗയില് ഇരുപത്തിമൂന്നിന് നടക്കുന്ന എല് ക്ലാസിക്കോ നെയ്മർക്ക് നഷ്ടമാകും. മലാഗയ്ക്കെതിരായ മത്സരത്തില് 65-ാം മിനിറ്റില് രണ്ടാമത്തെ മഞ്ഞക്കാര്ഡ് കണ്ടതാണ് ചുവപ്പു കാര്ഡ് ലഭിക്കാനിടയാക്കിയത്. സാധാരണ ഗതിയില് രണ്ട് മഞ്ഞക്കാര്ഡിലൂടെ ചുവപ്പു കാര്ഡ് ലഭിച്ചാല് ഒരു മത്സരത്തില് മാത്രമാണ് സസ്പെന്ഷന്. നേരിട്ടു ചുവപ്പുകാര്ഡ് ലഭിച്ചാലാണ് രണ്ടു മത്സരങ്ങളില്നിന്ന് പുറത്താകുന്നത്. എന്നാല്, നെയ്മറുടെ ഫൗള് നേരിട്ട് ചുവപ്പുകാര്ഡ് നല്കാന് പര്യാപ്തമായിരുന്നുവെന്ന് റഫറി ചൂണ്ടിക്കാണിച്ചതിനേത്തുടര്ന്നാണ് നെയ്മറെ മൂന്നു മത്സരങ്ങളില്നിന്നു വിലക്കിയത്. നെയ്മറുടെ അഭാവം കനത്ത തിരിച്ചടിയാണ് ബാഴ്സയ്ക്ക്. ഈ സീസണില് ബാഴ്സയുടെ മുന്നേറ്റങ്ങള്ക്കു പ്രധാനമായും ചുക്കാന് പിടിച്ചത് നെയ്മറായിരുന്നു.
Read Moreചുവപ്പുകാർഡിൽ നെയ്മർക്ക് മൂന്നു മത്സരങ്ങളിൽ വിലക്ക്
