തിരുവനന്തപുരം: ആസൂത്രണ ബോർഡ് പരീക്ഷാ തട്ടിപ്പിൽ പിഎസ്സി ചെയർമാൻ എം.ആർ. ബൈജുവിന് വീണ്ടും നോട്ടീസ് നൽകി ക്രൈംബ്രാഞ്ച്. ചൊവ്വാഴ്ച ഹാജരാകാനാണ് നോട്ടീസ് നൽകിയിരിക്കുന്നത്. ക്രൈംബ്രാഞ്ച് ഓഫിസിൽ ഹാജരാകണമെന്ന് ആവശ്യപ്പെട്ടാണ് പ്രത്യേക അന്വേഷണ സംഘം വീണ്ടും നോട്ടീസ് നൽകിയത്. പരീക്ഷാ കൺട്രോളർ ബിനി കെ എബ്രഹാമിൻ്റെ മൊഴി ഇന്നലെ രേഖപ്പെടുത്തിരുന്നു. ഹൈക്കോടതിയിൽ കേസ് നിലനിൽക്കുന്നതിനാൽ കോടതി ഉത്തരവിന് ശേഷമേ ഹാജരാകൂ എന്ന് ബൈജു നേരത്തെ മറുപടി നൽകിയിരുന്നു. എന്നാൽ ഹൈക്കോടതി അന്വേഷണം തടയുകയോ ചോദ്യംചെയ്യൽ വിലക്കുകയോ ചെയ്തിട്ടില്ലെന്ന നിലപാടിലാണ് അന്വേഷണ സംഘം. അന്വേഷണം അനന്തമായി നീട്ടിക്കൊണ്ടു പോകരുതെന്നാണ് ഹൈക്കോടതിയുടെ നിർദേശമെന്ന് വ്യക്തമാക്കിയാണ്, പിഎസ്സി ചെയർമാന് വീണ്ടും ഹാജാരാകാൻ നോട്ടിസ് നൽകിയത്. നിർബന്ധമായും ഹാജരാകണമെന്നാണ് പുതിയ നോട്ടീസിലെ നിർദേശം. പിഎസ്സി ചെയർമാൻ ഹാജരായില്ലെങ്കിൽ ഇക്കാര്യം ഹൈക്കോടതിയെ അറിയിക്കാനാണ് പ്രത്യേക അന്വേഷണ സംഘത്തിന്റെ തീരുമാനം.
Read MoreCategory: Top News
പടിയിറങ്ങിയ എക്സൈസ് കമ്മീഷണർ സീറാം സാംബശിവറാവു വിജിലൻസ് അന്വേഷണം ശിപാർശ ചെയ്തു സർക്കാരിനു സമർപ്പിച്ച റിപ്പോർട്ടിൽ മന്ത്രിക്കെതിരെയും ഒളിയന്പ്
തിരുവനന്തപുരം: സർവീസിൽ നിന്ന് പടിയിറങ്ങുന്നതിന് തൊട്ടുമുമ്പ് എക്സൈസ് വകുപ്പിലെ ഉന്നത ഉദ്യോഗസ്ഥർക്കെതിരെ ഗുരുതര അഴിമതി ആരോപണങ്ങളും കണ്ടെത്തലുകളുമായി എക്സൈസ് കമ്മീഷണർ സീറാം സാംബശിവറാവുവിന്റെ റിപ്പോർട്ട്. ജോയിന്റ് എക്സൈസ് കമ്മീഷണർ എസ്. വിനോദ്, ഡെപ്യൂട്ടി കമ്മീഷണർ അജയ് എന്നിവർക്കെതിരെ വിജിലൻസ് അന്വേഷണം നടത്തണമെന്ന് ശിപാർശ ചെയ്താണ് ഇയാൾ സർക്കാരിന് റിപ്പോർട്ട് സമർപ്പിച്ചത്. ബാറുടമകളിൽ നിന്ന് കൈക്കൂലിയും മാസപ്പടിയും വാങ്ങൽ, അനധികൃത സ്വത്ത് സമ്പാദനം, ബിനാമി ഇടപാടുകൾ എന്നിവയാണ് ഉദ്യോഗസ്ഥർക്കെതിരെ പ്രധാനമായും ചൂണ്ടിക്കാണിച്ചിട്ടുള്ളത്.ജോയിന്റ് എക്സൈസ് കമ്മീഷണർ എസ്. വിനോദ് മൂവാറ്റുപുഴയിലെ ഗംഗാ ബാർ ഉടമയുമായി വഴിവിട്ട ബന്ധം പുലർത്തുകയും ലൈസൻസ് സംബന്ധമായ കാര്യങ്ങൾക്ക് ഇടനിലക്കാരനായി പ്രവർത്തിക്കുകയും ചെയ്തുവെന്നും ഇതിനായി 50,000 രൂപ കൈക്കൂലി വാങ്ങിയെന്നും റിപ്പോർട്ടിൽ പറയുന്നു. കായംകുളം കട്ടച്ചിറയിലെ റോമാ ബാറിൽ പരിശോധനയ്ക്ക് എത്തുമ്പോൾ ബാർ ഉടമയിൽ നിന്ന് ഡെപ്യൂട്ടി കമ്മീഷണർ അജയ് സ്ഥിരമായി കൈക്കൂലി കൈപ്പറ്റിയെന്നും കായംകുളത്തെ…
Read Moreമെസ്സിയെ എത്തിക്കാമെന്ന പേരിലെ തട്ടിപ്പിൽ ഇഡി കള്ളപ്പണം വെളുപ്പിക്കൽ നിരോധന നിയമപ്രകാരം കേസെടുത്തു
കൊച്ചി: ഫുട്ബോൾ താരം ലയണൽ മെസ്സിയെയും അർജന്റീന ടീമിനെയും കേരളത്തിൽ എത്തിക്കാമെന്ന പേരിൽ നടത്തിയ തട്ടിപ്പിൽ എൻഫോഴ്സ്മെന്റ് ഡയറക്ടറേറ്റ് കള്ളപ്പണം വെളുപ്പിക്കൽ നിരോധന നിയമപ്രകാരം (PMLA) ഇഡിയുടെ കൊച്ചി യൂണിറ്റ് കേസെടുത്തു. കേസിലെ ഒന്നാം പ്രതിയായ ആന്റോ അഗസ്റ്റിനെതിരെയും രണ്ടാം പ്രതിയായ റിപ്പോർട്ടർ ബ്രോഡ്കാസ്റ്റിംഗ് കമ്പനിക്കെതിരെയുമാണ് കേസ് . വിദേശത്തേക്ക് അയച്ച കോടികളുടെ ഉറവിടം, പണത്തിന്റെ വഴി, ഇതിന് പിന്നിലെ യഥാർത്ഥ ഗുണഭോക്താക്കൾ എന്നിവരെ കേന്ദ്രീകരിച്ചാവും ഇഡി അന്വേഷണം. കളമശ്ശേരി പോലീസ് രജിസ്റ്റർ ചെയ്ത വഞ്ചനാക്കുറ്റത്തിനുള്ള എഫ്.ഐ.ആറിന്റെ അടിസ്ഥാനത്തിലാണ് ഇഡിയുടെ പുതിയ ക്രിമിനൽ കേസ്. സംസ്ഥാന സർക്കാർ രൂപീകരിച്ച എസ്ഐടിയുടെ പ്രാഥമിക കണ്ടെത്തലുകളുടെ അടിസ്ഥാനത്തിലുള്ളതാണ് വഞ്ചനാക്കുറ്റത്തിനുള്ള എഫ്.ഐ.ആർ. അർജന്റീന ഫുട്ബോൾ അസോസിയേഷനുമായി ഉണ്ടാക്കിയതായി പറയപ്പെടുന്ന കരാറിൽ വ്യാജ വിവരങ്ങൾ ഉൾപ്പെടുത്തി സർക്കാരിനെയും പൊതുജനങ്ങളെയും വഞ്ചിച്ചുവെന്നാണ് കണ്ടെത്തൽ.റിസർവ് ബാങ്ക് ചട്ടങ്ങൾ മറികടന്ന് കൃത്യമായ വാണിജ്യ രേഖകളില്ലാതെ ആർ.ബി.സി കമ്പനി…
Read Moreസംസ്ഥാനത്ത് വൈദ്യുതി ക്ഷാമം ഉണ്ടാകേണ്ട കാലാവസ്ഥയല്ലെന്നും മുഖ്യമന്ത്രിയുടെ ഇടപെടലിൽ ദുരൂഹതയെന്നും പിണറായി വിജയൻ
തിരുവനന്തപുരം: സംസ്ഥാനത്ത് വൈദ്യുതി ക്ഷാമം ഉണ്ടാകേണ്ട കാലാവസ്ഥയല്ലെന്ന് പ്രതിപക്ഷ നേതാവ് പിണറായി വിജയൻ. എന്നാൽ മുഖ്യമന്ത്രി പറയുന്നത് വൈദ്യുതി രംഗത്ത് പ്രതിസന്ധി ഉണ്ടെന്നാണെന്നും പിണറായി വിജയൻ പറഞ്ഞു. കേരളത്തിലെ വൈദ്യുതി ക്ഷാമം കൃത്രിമമാണ്. അതീവ ഗൗരവമായ കാര്യങ്ങൾ ഇതിന് പിന്നിലുണ്ട്. സാധാരണ കാര്യങ്ങൾ കൈകാര്യം ചെയ്യുന്നതും ചെയ്യേണ്ടതും വൈദ്യുതി ബോർഡാണ്. പ്രധാന ഉത്തരവാദിത്തവും അവർക്ക് തന്നെയാണെന്നും വൈദ്യുതി കരാറിന്റെ കാര്യങ്ങൾ നേരെ എന്ന് പറയാനാകില്ലെന്നും പിണറായി പറഞ്ഞു. വൈദ്യുതി ബോർഡ് എടുത്ത സമീപനം തള്ളുന്ന സർക്കാർ നടപടി ദുരൂഹമാണ്. വൈദ്യുതി ബോർഡും മന്ത്രിയും സ്വീകരിച്ചതിന് വിരുദ്ധമായ നിലപാടാണ് മുഖ്യമന്ത്രിക്കുള്ളത്. സാധാരണ നിലക്ക് നടക്കാൻ പാടില്ലാത്ത എന്തോ ഒന്ന് ഇതിന് പിന്നിലില്ലേ എന്ന് സംശയമുണ്ട്. കരാർ ഒപ്പിടാൻ തീരുമാനിച്ചത് ഞാനെന്ന് മുഖ്യമന്ത്രി പറയുന്നു. പിന്നെ എന്തിനാണ് വകുപ്പും മന്ത്രിയും ബോർഡും. പൂർണ്ണ ഉത്തരവാദിത്തം മുഖ്യമന്ത്രി ഏറ്റെടുക്കുമ്പോൾ അതിലെന്തോ ഒളിപ്പിക്കാനുണ്ട്.…
Read Moreലീ സി ബിന്നിന്റെ ആത്മഹത്യയുമായി ബന്ധപ്പെട്ടുയർന്ന കൈക്കൂലി ആരോപണം; ഗ്യാനേഷ് കുമാറിന് എതിരേ വീണ്ടും വിജിലൻസ് അന്വേഷണം
തിരുവനന്തപുരം: ലീ സി ബിന്നിന്റെ ആത്മഹത്യയുമായി ബന്ധപ്പെട്ടുയർന്ന കൈക്കൂലി ആരോപണത്തിൽ പൊതുമരാമത്തു സെക്രട്ടറിയായിരുന്ന ഗ്യാനേഷ്കുമാറിന്റെ പങ്ക് വിജിലൻസ് അന്വേഷിക്കുന്നു. വിജിലൻസ് തിരുവനന്തപുരം സ്പെഷൽ ഇൻവെസ്റ്റിഗേഷൻ യൂണിറ്റ്- ഒന്നിലെ എസ്പി ഇമ്മാനുവൽ പോളിന്റെ നേതൃത്വത്തിലാണ് വീണ്ടും പ്രാഥമിക പരിശോധന നടത്തുന്നത്.ഇപ്പോഴത്തെ മുഖ്യ തെരഞ്ഞടുപ്പ് കമ്മിഷണർ ഗ്യാനേഷ് കുമാർ സംസ്ഥാന പൊതുമരാമത്ത് സെക്രട്ടറിയായിരിക്കേ കെഎസ്ടിപി പദ്ധതിയുടെ ഭാഗമായുള്ള എംസി റോഡ് നവീകരണ പദ്ധതിയുടെ ബിൽ മാറി നൽകാൻ രണ്ടു കോടി രൂപആവശ്യപ്പെട്ടെന്നാണുള്ള ആരോപണത്തിലാണ് അന്വേഷണം.കെഎസ്ടിപിയുടെ നിർമാണച്ചുമതലയുണ്ടായിരുന്ന സംയുക്ത സംരംഭമായ ‘പതി ബെൽ’ കന്പനിയുമായി ചേർന്നു പ്രവർത്തിച്ചിരുന്ന മുൻ കരാറുകാരൻ വി.ഒ. സാജന്റെ പരാതി പരിഗണിച്ചാണ് അന്വേഷണം. ഗ്യാനേഷ്കുമാർ കൈക്കൂലി ആവശ്യപ്പെട്ടെന്നു പറഞ്ഞു കേട്ടെന്നാണ് സാജന്റെ പരാതിയിലുള്ളത്. രണ്ടു കോടി രൂപ കൈക്കൂലി ആവശ്യപ്പെട്ട് ഗ്യാനേഷ് കുമാർ 14 കോടി രൂപയുടെ നാലു ബില്ലുകൾ തടഞ്ഞുവച്ചതായി 2006ൽ ആത്മഹത്യ ചെയ്ത പതി…
Read Moreപത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ യെല്ലോ അലർട്ട്; തിങ്കളാഴ്ച വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യത
തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. തിങ്കളാഴ്ച വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് വ്യാഴാഴ്ച പുറത്തിറക്കിയ മുന്നറിയിപ്പിൽ അറിയിച്ചു. വിവിധ ജില്ലകളിൽ കേന്ദ്ര കാലാവസ്ഥ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ യെല്ലോ അലർട്ടാണ്. ശനിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലും ഞായറാഴ്ച ഇടുക്കി ജില്ലയിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. വരുംമണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കാസർഗോഡ് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
Read Moreകെഎസ്ആർടിസി ഓർഡിനറി ബസുകളിൽ സൗജന്യയാത്ര തുടരുമെന്ന് ഗതാഗത മന്ത്രി സി.പി.ജോൺ; പ്രിയദർശിനി പദ്ധതിയെക്കുറിച്ചുള്ള വ്യാജപ്രചരണത്തിൽ മന്ത്രിയുടെ ഓഫിസ് പരാതി നൽകി
തിരുവനന്തപുരം: കെഎസ്ആർടിസി ബസുകളിലെ സ്ത്രീകളുടെ സൗജന്യ യാത്ര ഇനിമുതൽ വരുമാനം നോക്കി മാത്രമായിരിക്കും എന്ന തരത്തിൽ സമൂഹമാധ്യമങ്ങളിൽ നടക്കുന്ന വ്യാജ പ്രചാരണത്തിനെതിരെ ഗതാഗത മന്ത്രി സി.പി. ജോണിന്റെ ഓഫിസ് പൊലിസിൽ പരാതി നൽകി. മന്ത്രിയുടെ പ്രൈവറ്റ് സെക്രട്ടറി എം.പി. സാജുവാണ് സംസ്ഥാന പൊലിസ് മേധാവി റവാഡ ആസാദ് ചന്ദ്രശേഖറിന് പരാതി നൽകിയത്. പ്രിയദർശിനി പദ്ധതിയുടെ ഗുണഭോക്താക്കളിൽ നിന്ന് സർക്കാർ ജിവനക്കാരെ പൂർണമായി ഒഴിവാക്കും എന്ന പോസ്റ്ററാണ് കഴിഞ്ഞ നാലഞ്ചു ദിവസങ്ങളിലായി ഫേസ്ബുക്ക്, ഇൻസ്റ്റഗ്രാം, വാട്സ്ആപ് തുടങ്ങിയവയിലൂടെ വ്യാപകമായി പ്രചരിപ്പിക്കപ്പെടുന്നത്. ഇതിനായി പ്രിയദർശിനി കാർഡ് ഇറക്കുമെന്നും പോസ്റ്ററിലുണ്ട്. സമൂഹ മാധ്യമങ്ങളിൽ പോസ്റ്റ് ചെയ്തവരുടെ അക്കൗണ്ട് വിവരങ്ങളും പരാതിക്കൊപ്പം പൊലിസിന് കൈമാറിയിട്ടുണ്ട്. ചില അക്കൗണ്ടുകളിൽ ഇത്തരം പോസ്റ്ററുകൾ പ്രചരിപ്പിച്ച് അഭിപ്രായ സർവേ തേടുകയും യുഡിഎഫ് സർക്കാരിനും മുഖ്യമന്ത്രിക്കും ഗതാഗത മന്ത്രിക്കുമെതിരെ അശ്ലീല കമന്റുകൾ പ്രചരിപ്പിക്കുകയും ചെയ്യുന്നുണ്ടെന്നും പരാതിയിൽ പറയുന്നു. ഇവർക്കെതിരെ…
Read Moreമീനങ്ങാടി സ്കൂൾ വിനോദയാത്രാ വിവാദം, പ്രിൻസിപ്പൽ കുടുങ്ങുമോ? ബാർ ആൻഡ് റെസ്റ്റോറന്റിലേക്ക് പോകുന്ന സിസിടിവി ദൃശ്യങ്ങൾ പുറത്തുവിട്ട് യുഡിഎഫ്
കൽപ്പറ്റ: മീനങ്ങാടി സ്കൂളിലെ വിനോദ യാത്ര വിവാദത്തിൽ പ്രിസിപ്പലിനെ കുരിക്കിലാക്കുന്ന സിസിടിവി ദൃശ്യങ്ങൾ പുറത്ത് വിട്ട് യുഡിഎഫ്. ഹൈദരാബാദ് നമ്പള്ളിയിലെ ബോംബെ ബാർ ആൻഡ് റെസ്റ്റോറന്റിലേക്ക് പ്രിൻസിപ്പൽ ഷിവി കൃഷ്ണനും പിടിഎ പ്രസിഡന്റും കയറിപ്പോകുന്നതും പിന്നീട് ഇറങ്ങി വരുന്നതുമാണ് വീഡിയോയിലുള്ളത്. ബാറിൽ മദ്യത്തിന്റെ ബില്ല് തുകയായി 1100 രൂപ നൽകിയെന്നും തുക നൽകിയത് പിടിഎ പ്രസിഡന്റ് സ്വന്തം എടിഎം കാർഡ് ഉപയോഗിച്ച് ആണെന്നും യുഡിഎഫ് ആരോപിച്ചു. അതേസമയം, മദ്യപാന ആരോപണം ഉയർന്ന ഘട്ടത്തിൽ, തനിക്കെതിരെയുള്ള രാഷ്ട്രീയ നീക്കമാണിതെന്നായിരുന്നു ഇടതുപക്ഷ അധ്യാപക സംഘടന നേതാവുകൂടിയായ പ്രിൻസിപ്പൽ ഷിവി കൃഷ്ണന്റെ പ്രതികരണം. എന്നാൽ ഇതിനെതിരേയാണ് ഇപ്പോൾ യുഡിഎഫ് സിസിടിവി ദൃശ്യങ്ങൾ സഹിതം രംഗത്തെത്തിയിരിക്കുന്നത്. അധ്യാപകരുടെ ഭാഗത്തുനിന്നുള്ള പ്രതികരണങ്ങൾ പ്രോത്സാഹിപ്പിക്കാനാകില്ലെന്നും പ്രിൻസിപ്പൽ ഓൺലൈൻ മാധ്യമങ്ങളെയും വ്ലോഗർമാരെയും സ്വാധീനിച്ച് കുട്ടികളെ അതിക്രൂരമായ വിചാരണയ്ക്ക് ഇരയാക്കിയെന്നും യുഡിഎഫ് കുറ്റപ്പെടുത്തി.
Read Moreചേരാനല്ലൂര് വാഹനാപകട കേസില് പതിനേഴുകാരന്റെ ജാമ്യം റദ്ദാക്കില്ല, പിതാവായ ജഡ്ജിക്ക് മുന്കൂര് ജാമ്യം
കൊച്ചി: ചേരാനല്ലൂര് വാഹനാപകട കേസില് പതിനേഴുകാരന്റെ ജാമ്യം റദ്ദാക്കില്ല. ജാമ്യം റദ്ദാക്കണമെന്ന് ആവശ്യപ്പെട്ട് ജയബാലകൃഷ്ണന്റെ കുടുംബവും പ്രോസിക്യൂഷനും നല്കിയ അപ്പീലുകള് കോടതി തള്ളി. എന്ത് അടിസ്ഥാനത്തിലാണ് പതിനേഴുകാരനെതിരെ എഫ്ഐആര് രജിസ്റ്റര് ചെയ്തതെന്ന് ചോദിച്ച കോടതി, ജുവനൈല് ജസ്റ്റിസ് ആക്ട് പട്ടം പറത്തുകയാണോയെന്നും ചോദിച്ചു. ജുവനൈല് ജസ്റ്റിസ് ആക്ട് പ്രകാരം ഏഴു വര്ഷം വരെ തടവ് ലഭിക്കാവുന്ന കുറ്റകൃത്യങ്ങള്ക്കാണ് എഫ്ഐആര് രജിസ്റ്റര് ചെയ്യാനാകുയുള്ളുവെന്ന് കോടതി ചൂണ്ടിക്കാട്ടി. അങ്ങനെയൊരു കുറ്റം ഉണ്ടായിട്ടില്ല, പിന്നെ എങ്ങനെയാണ് കേസില് എഫ്ഐആര് രജിസ്റ്റര് ചെയ്യാനാവുക എന്ന് കോടതി ചോദിച്ചു. ബിഎന്എസ് 105 ചുമത്തിയതിനെ കോടതി വിമര്ശിച്ചു. അന്വേഷണ ഉദ്യോഗസ്ഥനെയും കോടതി രൂക്ഷമായി വിമര്ശിച്ചു. ഈ കേസിന് മാത്രം എന്താണ് പ്രത്യേകത? ഒരു ദിവസം രണ്ടു തവണ ജുവനൈല് ബോര്ഡിന് മുമ്പില് കുട്ടിയെ ഹാജരാക്കുന്നു. പ്രായപൂര്ത്തിയാകാത്ത ആള്ക്കെതിരെ എന്ത് ഗുരുതര കുറ്റകൃത്യമാണുള്ളതെന്നും കോടതി ചോദിച്ചു. ആരെങ്കിലും…
Read More‘വിദ്യാര്ഥികള് തിരിച്ചു വന്ന് പരീക്ഷ എഴുതണം, പഠനം തുടരണം’ -സമരത്തോടല്ല, അക്രമത്തോടാണ് അസഹിഷ്ണുതയെന്ന് റോജി എം. ജോണ്
കൊച്ചി: കാലടി സര്വകലാശാലയിലെ വിദ്യാര്ഥികള് പരീക്ഷ എഴുതണമെന്ന് തന്നെയാണ് തന്റെ ആഗ്രഹമെന്ന് മന്ത്രി റോജി എം. ജോണ്. എന്നാല് അക്രമത്തോട് യോജിക്കാന് സാധിക്കില്ലെന്നും മന്ത്രി മാധ്യമങ്ങളോട് പ്രതികരിച്ചു. ഇതൊരു വെല്ലുവിളിയുടെ സ്വഭാവത്തില് മുന്നോട്ടു പോകുമ്പോള്, അതൊക്കെ കോടതികള് കൃത്യമായി പരിശോധിച്ചു കൊണ്ടിരിക്കുകയാണ്. എന്തായാലും വിദ്യാര്ഥികള് വീണ്ടും തിരിച്ചു വന്ന് അവര് പരീക്ഷ എഴുതണം, അവരുടെ പഠനം തുടരണമെന്നാണ് ആഗ്രഹിക്കുന്നത്. കാമ്പസിലോ അല്ല എവിടെയായാലും സമരങ്ങളോട് ഒരുതരത്തിലുള്ള വിയോജിപ്പോ അസഹിഷ്ണുതയോ ഇല്ല. പക്ഷേ അക്രമത്തോട് പൂര്ണമായ അസഹിഷ്ണുതയുണ്ട്. ഒരു കാരണവശാലും അക്രമത്തോട് യോജിക്കാന് സാധിക്കില്ല എന്ന് മന്ത്രി പറഞ്ഞു. അതേസമയം, കാലടി ആദിശങ്കര ട്രെയിനിംഗ് കോളജില് എത്തിയ മന്ത്രിക്കെതിരെ എസ്എഫ്ഐ പ്രവര്ത്തകര് പ്രതിഷേധം ഉയര്ത്തിയിരുന്നു. കാലടി സര്വകലാശാലയില് സസ്പെന്ഷനിലായ വിദ്യാര്ഥികള് മാപ്പ് എഴുതി നല്കിയാല് തിരിച്ചെടുക്കാമെന്നും പരീക്ഷ എഴുതാന് സൗകര്യമൊരുക്കാമെന്നും മന്ത്രി പറഞ്ഞതിനെതിരെ ഷൂ നക്കാനും മാപ്പ് എഴുതാനും…
Read More