ചക്കപ്പഴത്തിന്‍റെ മണം കാടാകെ പരക്കുന്നു;  മ​ണം തേ​ടി​ കാട്ടാനക്കൂട്ടം നാട്ടിലേക്കിറങ്ങുന്നു; ആനകളെ തു​ര​ത്താ​ൻ ച​ക്കവേ​ട്ട ന​ട​ത്തി വ​നം വ​കു​പ്പ്

വ​ര​ന്ത​ര​പ്പി​ള്ളി കു​ന്ന​ത്തു​പ്പാ​ടം, കു​ട്ട​ഞ്ചി​റ പ്ര​ദേ​ശ​ത്ത് കു​ട്ടം​തെ​റ്റി​യെ​ത്തി​യ കാ​ട്ടാ​ന​യെ കാ​ടു​ക​യ​റ്റാ​നാ​ണ് വ​നം വ​കു​പ്പി​ന്‍റെ പു​തി​യ തന്ത്രം.

മേ​ഖ​ല​യി​ൽ വ്യാ​പ​ക​മാ​യി പ്ലാ​വു​ക​ളി​ൽ കാ​യ്ച്ചു നി​ൽ​ക്കു​ന്ന ച​ക്ക​ക​ൾ ശേ​ഖ​രി​ച്ച് ഉ​ൾ​വ​ന​ത്തി​ൽ കൊ​ണ്ടി​ടു​ക​യാ​ണ് ചെ​യ്യു​ന്ന​ത്. ആ​ന​ക​ളെ തി​രി​കെ കാ​ട്ടി​ലേ​ക്ക് എ​ത്തി​ക്കു​ക​യും കൂ​ടെ ഭ​ക്ഷ​ണം ല​ഭ്യ​മാ​ക്കു​ക​യു​മാ​ണ് ഇ​തു​കൊ​ണ്ടു​ദ്ദേ​ശി​ക്കു​ന്ന​ത്.

ഇന്നലെ രാ​വി​ലെ ത​ന്നെ വ​നം വ​കു​പ്പ് ഉ​ദ്യോ​ഗ​സ്ഥ​ർ ച​ക്ക പ​റി​ക്കാ​നെ​ത്തി​യി​രു​ന്നു. ഒ​രു പ്ലാ​വി​ൽ നി​ന്നു​ത​ന്നെ അ​ന്പ​തി​ലേ​റെ ച​ക്ക പ​റി​ച്ച​താ​യി പാ​ല​പ്പി​ള്ളി റേ​ഞ്ച് ഓ​ഫീ​സ​ർ പ്രേം ​ഷെ​മീ​ർ പ​റ​ഞ്ഞു.

പ​റി​ച്ച ച​ക്ക​ക​ൾ പ്ര​ത്യേ​കം ഏ​ർ​പ്പാ​ടാ​ക്കി​യ വാ​ഹ​ന​ത്തി​ലാ​ണ് ഉ​ൾ​ക്കാ​ട്ടി​ൽ എ​ത്തി​ക്കു​ന്ന​ത്. പ്ര​ദേ​ശ​ത്തെ പ​റ​ന്പു​ക​ളി​ൽ കാ​യ്ച്ചു നി​ൽ​ക്കു​ന്ന ച​ക്ക​യാ​ണ് ആ​ന​ക​ളെ ജ​ന​വാ​സ മേ​ഖ​ല​യി​ലേ​ക്ക് ആ​ക​ർ​ഷി​ക്കു​ന്ന​ത്.

പ​ഴു​ത്ത ച​ക്ക​യു​ടെ മ​ണം തേ​ടി​യെ​ത്തു​ന്ന ആ​ന​ക​ൾ സ​മീ​പ​ത്തെ തെ​ങ്ങ്, ക​വു​ങ്ങ്, വാ​ഴ തു​ട​ങ്ങി​യ കാ​ർ​ഷി​ക വി​ള​ക​ൾ ന​ശി​പ്പി​ക്കു​ന്ന​തും പ​തി​വാ​ണ്.

ക​ഴി​ഞ്ഞ ദി​വ​സം രാ​ത്രി പ്ര​ദേ​ശ​ത്തെ വീ​ട്ടു​പ​റ​ന്പു​ക​ളി​ലാ​ണ് കൂ​ട്ടം തെ​റ്റി​യ കാ​ട്ടാ​ന​യി​റ​ങ്ങി​യ​ത്. കാ​ര്യ​മാ​യി നാ​ശ​ന​ഷ്ട​ങ്ങ​ൾ വ​രു​ത്തി​യി​ട്ടി​ല്ലെ​ങ്കി​ലും ആ​ന​യി​റ​ങ്ങി​യ​ത​റി​ഞ്ഞ നാ​ട്ടു​കാ​ർ ഭീ​തി​യി​ലാ​ണ്.

പ​ല​യി​ട​ത്തും ആ​ന​യു​ടെ കാ​ൽ​പ്പാ​ട് ക​ണ്ടാ​ണ് വീ​ട്ടു​കാ​ർ വി​വ​ര​മ​റി​യു​ന്ന​ത്.വീ​ടി​നോ​ട് ചേ​ർ​ന്നു​ള്ള പ​റ​ന്പു​ക​ളി​ലൂ​ടെ​യാ​ണ് ആ​ന പോ​യ​ത്. ആ​ദ്യ​മാ​യാ​ണ് ഈ ​പ​റ​ന്പു​ക​ളി​ൽ കാ​ട്ടാ​ന​യി​റ​ങ്ങു​ന്ന​ത്.

കു​ട്ട​ൻ​ചി​റ തേ​ക്ക് തോ​ട്ട​ത്തി​ൽ ര​ണ്ടാ​ഴ്ച​യാ​യി കാ​ട്ടാ​ന ത​ന്പ​ടി​ച്ചി​ട്ടു​ണ്ട്. വ​നം വ​കു​പ്പ് ഡ്രോ​ണ്‍ പ​രി​ശോ​ധ​ന ന​ട​ത്തി​യെ​ങ്കി​ലും ആ​ന​യെ ക​ണ്ടെ​ത്താ​ൻ ക​ഴി​ഞ്ഞി​ല്ല.