കോ​ലോ​ണ്ട് തൊ​ട്ടാ​ൽ ചി​രി​ക്കു​ന്ന ചെ​ണ്ട… പൂ​ര​ക്കാ​ല​മാ​യാ​ൽ വെ​ള​പ്പാ​യ വ​ട്ടേ​ക്കാ​ട്ടുപ​റ​മ്പി​ൽ നാ​രാ​യ​ണ​നും കൂ​ട്ട​ർ​ക്കും ചെണ്ട നിർമാണത്തിൽ തിരക്കോട് തിരക്ക്…

കെ.​കെ.​ അ​ർ​ജു​ന​ൻ
മു​ള​ങ്കു​ന്ന​ത്തു​കാ​വ്: പൂ​ര​ക്കാ​ല​മാ​യാ​ൽ വെ​ള​പ്പാ​യ വ​ട്ടേ​ക്കാ​ട്ടുപ​റ​ന്പി​ൽ നാ​രാ​യ​ണ​നും കൂ​ട്ട​ർ​ക്കും കൈയിൽ നി​ന്നും ചെ​ണ്ട താ​ഴെ വ​യ്ക്കാ​ൻ നേ​ര​മു​ണ്ടാ​വി​ല്ല.

കൊ​ട്ടാ​ൻ പോ​കു​ന്ന​വ​ര​ല്ല ഇ​വ​ർ. എ​ന്നാ​ൽ പ​ല പ്ര​മു​ഖ കൊ​ട്ടു​കാ​ർ​ക്കും വേ​ണ്ടി ചെ​ണ്ട ഒ​രു​ക്കു​ന്ന​തു നാ​രാ​യ​ണ​നും കൂ​ട്ട​രു​മാ​ണ്.

തൃ​ശൂ​ർ പൂ​ര​മാ​യാ​ൽ നാ​രാ​യ​ണ​നു തി​ര​ക്കാ​ണ്. പ​ല ചെ​ണ്ട​ക്കാ​രും നാ​രാ​യ​ണ​നെ തേ​ടി​യെ​ത്തും. വ​ർ​ഷ​ങ്ങ​ളാ​യി ചെ​ണ്ട നി​ർ​മി​ച്ചു ന​ൽ​കു​ന്ന​വ​രാ​ണി​വ​ർ.

ക​ഴി​ഞ്ഞ ആ​റു പ​തി​റ്റാ​ണ്ടാ​യി ചെ​ണ്ട നി​ർ​മാ​ണ​ത്തി​ൽ പേ​രു കേ​ട്ട​വ​രാ​ണി​വ​ർ. നി​ര​വ ധി മേ​ള പ്ര​മാ​ണി​മാ​ർ​ക്ക് ചെ​ണ്ട നി​ർ​മി​ച്ചു​കൊ​ടു​ത്ത അ​നു​ഭ​വ​സ​ന്പ​ത്ത് നാ​രാ​യ​ണ​ന് സ്വ​ന്തം.

വെ​ള​പ്പാ​യ മാ​രാ​ർ റോ​ഡി​ലാ​ണു നാ​രാ​യ​ണ​ന്‍റെ ചെ​ണ്ട​പ്പു​ര. ഈ ​ഭാ​ഗ​ത്തു മാ​രാ​ർ​മാ​ർ ആ​രു​മി​ല്ലെ​ങ്കി​ലും ചെ​ണ്ട​നി​ർ​മാ​ണ​ത്തി​നു പേ​രുകേ​ട്ട ഈ ​സ്ഥ​ലം മാ​രാ​ർ റോ​ഡ് എ​ന്നാ​ണ​റി​യ​പ്പെ​ടു​ന്ന​ത്.

പ​ത്മ​ശ്രീ പെ​രു​വ​നം കു​ട്ട​ൻ​മാ​രാ​ർ, നെ​ട്ടി​ശേ​രി അ​നി​യ​ൻ​മാ​രാ​ർ, പെ​രു​വ​നം സ​തീ​ശൻ മാ​രാ​ർ, കേ​ള​ത്ത് അ​ര​വി​ന്ദാ​ക്ഷ​ൻ, ചെ​റു​ശേ​രി കു​ട്ട​ൻ​മാ​രാ​ർ, ചേ​റൂ​ർ രാ​ജേ​ഷ് മാ​രാ​ർ, പ​ഴു​വി​ൽ ര​ഘു​മാ​രാ​ർ എ​ന്നി​വ​രെ​ല്ലാം നാ​രാ​യ​ണ​ന്‍റെ ചെ​ണ്ട​പ്പു​ര​യി​ലെ​ത്തി​യി​ട്ടു​ണ്ട്.

നാ​രാ​യ​ണ​ന്‍റെ അ​ച്ഛ​ൻ വേ​ലാ​യു​ധ​നാ​യി​രു​ന്നു മു​ൻ​പ് ചെ​ണ്ട​ക​ളു​ണ്ടാ​ക്കി​ക്കൊ​ടു​ത്തി​രു​ന്ന​ത്. ഇ​പ്പോ​ൾ, വേ​ലാ​യു​ധ​ന്‍റെ മ​ര​ണ​ശേ​ഷം നാ​രാ​യ​ണ​നും അ​നു​ജ​ൻ രാ​ഘ​വ​നും നാ​രാ​യ​ണ​ന്‍റെ മ​ക​ൻ സു​നി​ൽ​കു​മാ​റു​മാ​ണ് ന​ട​ത്തു​ന്ന​ത്.

നാ​രാ​യ​ണ​ൻ പ​റ​യു​ന്നചെ​ണ്ട വി​ശേ​ഷ​ങ്ങ​ൾ…
ചെ​ണ്ട​യു​ടെ​യ​ത്ര ഉ​യ​ർ​ന്ന ശ​ബ്ദം പു​റ​പ്പെ​ടു​വി​ക്കു​ന്ന വാ​ദ്യ​ങ്ങ​ൾ അ​പൂ​ർ​വ​മാ​ണെ​ന്നു നാ​രാ​യ​ണ​ൻ പ​റ​യും. അ​സു​ര​വാ​ദ്യ​മെ​ന്നാ​ണു ചെ​ണ്ട​യ​റി​യ​പ്പെ​ടു​ന്ന​ത്.

താ​ള​വാ​ദ്യ​ക​ല​ക​ളി​ൽ ചെ​ണ്ട​മേ​ള​ങ്ങ​ൾ​ക്കു പ്ര​ധാ​ന​പ്പെ​ട്ട സ്ഥാ​ന​മു​ണ്ട്. ശാ​സ്ത്രീ​യ​മാ​യി സം​സ്ക​രി​ച്ച മൃ​ഗ​ത്തോ​ൽ ഉ​പ​യോ​ഗി​ച്ചാ​ണു ചെ​ണ്ട​യ്ക്കു​ള്ള ചെ​ണ്ട​വ​ട്ട​ങ്ങ​ൾ ഇ​വി​ടെ നി​ർ​മി​ക്കു​ന്ന​ത്.

ചെ​ന്പ​ട, ത്രി​പു​ട, പാ​ണ്ടി, പ​ഞ്ചാ​രി തു​ട​ങ്ങി​യ മേ​ള​ങ്ങ​ൾ​ക്ക​നു​സ​രി​ച്ച് വ​ലി​പ്പ​വും ക​ന​വും വ്യ​ത്യാ​സ​പ്പെ​ടു​ത്തി​യാ​ണു ചെ​ണ്ട​ക​ൾ നി​ർ​മി​ക്കു​ന്ന​ത്. കേ​ര​ള​ത്തി​ലെ വി​വി​ധ പൂ​രം ഉ​ത്സ​വ​ങ്ങ​ൾ​ക്കു കൊ​ട്ടു​ന്ന ചെ​ണ്ട​ക​ൾ പ​ല​തും നാ​രാ​യ​ണ​ന്‍റെ കരവി​രു​തി​ൽ നി​ർ​മി​ച്ച​വ​യാ​ണ്.

തെ​യ്യം, തി​റ, പൂ​ത​ൻ​ക​ളി തു​ട​ങ്ങി​യ​വ​യ്ക്കു‌ വേ​ണ്ടി പ്ര​ത്യേ​ക ചെ​ണ്ട​ക​ളും നി​ർ​മി​ക്കാ​റു​ണ്ട്. കു​ല ചെ​ണ്ട, വീ​ക്ക​ൻ ചെ​ണ്ട, അ​ച്ച​ൻ ചെ​ണ്ട, പ​റ ചെ​ണ്ട, പാ​ന ചെ​ണ്ട തു​ട​ങ്ങി പല ത​രം ചെ​ണ്ട​ക​ളു​ണ്ട്.

ഗോ​വ​ധം നി​യ​മം മൂ​ലം നി​രോ​ധി​ച്ച​തു മൂ​ലം ചെ​ണ്ട നി​ർ​മി​ക്കാ​ൻ ആ​വ​ശ്യ​മാ​യ ന​ല്ല തു​ക​ൽ കി​ട്ടാ​ത്ത അ​വ​സ്ഥ​യു​ണ്ട്. കേ​ര​ള​ത്തി​ന്‍റെ വി​വി​ധ​യി​ട​ങ്ങ​ളി​ൽ സ​ഞ്ച​രി​ച്ചാ​ണു ന​ല്ല തോ​ൽ ക​ണ്ടെ​ത്തി ശേ​ഖ​രി​ക്കു​ന്ന​ത്.

വ​രി​ക്ക​ പ്ലാ​വി​ന്‍റെ കാ​ത​ൽ, ക​ണി​ക്കൊ​ന്ന, ക​രി​ന്പ​ന എ​ന്നി​വ​യു​ടെ ത​ടി​ക​ളി​ലാ​ണു ചെ​ണ്ട​വ​ട്ട​ങ്ങ​ളു​ണ്ടാ​ക്കു​ക. തോ​ലു​ക​ൾ വൃ​ത്തി​യാ​ക്കു​ന്ന പ​ണി​യാ​ണ് ഏ​റെ ശ്ര​മ​ക​ര​മെ​ന്നു നാ​രാ​യ​ണ​ൻ പ​റ​യു​ന്നു.

ഉ​ര​ച്ചുവൃ​ത്തി​യാ​ക്കി മ​ണി​ക്കൂ​റു​ക​ളോ​ളം വെ​ള്ള​ത്തി​ലി​ട്ട് കു​തി​ർ​ത്താ​ണു ചെ​ണ്ട​വ​ട്ട​ങ്ങ​ൾ​ക്കാ​യി തോ​ലു​ക​ൾ സ​ജ്ജ​മാ​ക്കു​ന്ന​ത്.