കൊറോണയെ എങ്ങനെ ചെറുക്കുമെന്ന ചിന്തയിലാണ് ലോകം മുഴുവന്‍. ഇപ്പോള്‍ എടുക്കുന്ന മുന്‍കരുതകലുകള്‍ കൊറോണയെ സമ്പൂര്‍ണാമായി ചെറുക്കാന്‍ പര്യാപ്തമല്ലെന്നാണ് യൂണിവേഴ്‌സിറ്റി ഓഫ് സിഡ്‌നിയിലെ അസ്സോസിയേറ്റ് പ്രൊഫസര്‍ തിമോത്തി ന്യൂസം പറയുന്നത്.
കൊറോണക്ക് ഏത് പ്രതലത്തിലും ജീവിക്കാമെന്നിരിക്കെ സൂപ്പര്‍മാര്‍ക്കറ്റുകളിലും മറ്റു കടകളിലും തുറന്നു വച്ചിരിക്കുന്ന പഴങ്ങളിലും പച്ചക്കറികളിലുമൊക്കെ അതിന്റെ സാന്നിദ്ധ്യമുണ്ടാകാം.
സൂപ്പര്‍മാര്‍ക്കറ്റുകള്‍ കയറി, അവയൊക്കെ വാങ്ങി തിരിച്ചെത്തുന്ന നമ്മള്‍ കൈകള്‍ നന്നായി സോപ്പിട്ടു കഴുകിയതുകൊണ്ട് നമ്മുടെ കൈകളില്‍ ഉണ്ടായേക്കാവുന്ന വൈറസുകള്‍ മാത്രമേ പോകുകയുള്ളു.
പച്ചക്കറികളുടെയും പഴങ്ങളുടെയും ഉപരിതലത്തില്‍ ഉള്ള വൈറസുകള്‍ അപ്പോഴും സുരക്ഷിതരാണ്. വീണ്ടും ഈ വൈറസുകള്‍ നിങ്ങളുടെ ശരീരവുമായി സ്പര്‍ശനത്തില്‍ ഏര്‍പ്പെടുകയാണ്.
പച്ചക്കറിയും പഴവും ഓരോന്നെടുത്ത് കൊറോണ ബാധിച്ചിട്ടുണ്ടോയെന്ന് പരിശോധിക്കുക നടപ്പുള്ള കാര്യമല്ല.
അതുപോലെ ദിവസേന റാക്കുകളിലേക്കും തിരിച്ചും ഇതൊക്കെ എടുത്തു വയ്ക്കുന്ന സെയില്‍സ്മാന്മാരേയും.
അതിനാല്‍ നമുക്ക് ചെയ്യാവുന്ന ഏറ്റവും നല്ല വഴി, വാങ്ങിക്കൊണ്ടു വന്നാല്‍ ഉടനെ ത്തന്നെ പച്ചക്കറികളും പഴങ്ങളുമൊക്കെ സോപ്പുലായനിയില്‍ നന്നായി കഴുകുക എന്നതാണെന്നും ആദ്ദേഹം പറയുന്നു.
എങ്കിലും, മിക്ക സ്റ്റോറുകളിലും സെയില്‍സ്മാന്മാര്‍ കൈയുറകള്‍ ധരിക്കുന്നു എന്നത് ഒരു പരിധിവരെ അണുബാധ തടയുന്നതിന് സഹായിക്കും എന്നും അദ്ദേഹം കൂട്ടിച്ചേര്‍ത്തു.
സൂപ്പര്‍മാര്‍ക്കറ്റുകളില്‍ സാനിറ്റൈസറും കൈകഴുകുവാനുള്ള സൗകര്യവും ഒരുക്കുക എന്നതും, അവിടങ്ങളില്‍ സാമൂഹിക അകലം പാലിക്കുന്നുണ്ടെന്ന് ഉറപ്പുവരുത്തുക എന്നതും രോഗബാധയെ ചെറുക്കാനുള്ള പ്രധാനപ്പെട്ട നിര്‍ദ്ദേശങ്ങളാണ്.
രജിസ്റ്ററുകളും മറ്റ് ഉപകരണങ്ങളും ഇടക്കിടക്ക് വൃത്തിയാക്കുന്നതും റാക്കുകള്‍ വൈപ്പറുകള്‍ കൊണ്ട് ശുചീകരിക്കുന്നതും നല്ലതാണ്. ഇങ്ങനെ കൂടുതല്‍ കാര്യങ്ങളില്‍ ശ്രദ്ധ ചെലുത്തിയാല്‍ മാത്രമേ നമുക്ക് കൊറോണയെ പൂര്‍ണമായും ഒഴിവാക്കാന്‍ സാധിക്കൂവെന്ന് ചുരുക്കം.
