പ്രോസസ് ചെയ്ത ഭക്ഷണം -2 ; നമുക്കു ‘വീട്ടിൽ കൂട്ടിയ’ദോശമാവ് പോരെ?

ഫു​ഡ് അ​ഡി​റ്റീ​വ്സി​നെ​ക്കു​റി​ച്ച്് ഉ​പ​ഭോ​ക്താ​വി​നു ​കൃ​ത്യ​മാ​യ അ​റി​വ് ഉ​ണ്ടാ​യി​രി​ക്ക​ണം. ദി​വ​സ​വും നാം ഉപയോ ഗിക്കുന്ന പ​ല​ത​രം ആ​ഹാ​ര​പാ​നീ​യ​ങ്ങ​ളിലെ​ല്ലാം ഏറെ നാൾ കേടുകൂടാതെ സൂക്ഷിക്കാനും മറ്റും പ്രി​സ​ർ​വേ​റ്റീ​വ്സ്, ഫ്ളേ​വ​റിം​ഗ് ഏ​ജ​ന്‍റ്സ്, ക​ള​റു​ക​ൾ എ​ന്നി​ങ്ങ​നെ പ​ല​പേ​രു​ക​ളി​ലും രൂ​പ​ങ്ങ​ളി​ലും ​പ​ല​ത​രം രാ​സ​വ​സ്തു​ക്ക​ളും ഉ​പ​യോ​ഗി​ക്കു​ന്നു​ണ്ട്. അവയാണു ഫുഡ് അഡിറ്റീവ്സ്.

പതിവാക്കിയാൽ കഥ മാറും!

ക​വ​റി​ൽ പാ​യ്ക്ക് ചെ​യ്തു വ​രു​ന്ന ബട്ട​ർ ചി​ക്ക​ൻ, ചി​ല്ലിചി​ക്ക​ൻ, ഇ​ൻ​സ്റ്റ​ൻ​റ് ബി​രി​യാ​ണി മി​ക്സ് ഇ​വ​യി​ലൊ​ക്കെ ഇ​ത്ത​രം രാ​സ​പ​ദാ​ർ​ഥ​ങ്ങ​ൾ കൂ​ടു​ത​ലാ​ണ്. റി​ഫൈ​​ൻ ചെ​യ്ത ഒ​ന്നോ ര​ണ്ടോ വി​ഭ​വം ഒ​രു​ദി​വ​സം ക​ഴി​ച്ചാ​ൽ ത​ന്നെ എ​ത്ര​യ​ധി​കം രാ​സ​വ​സ്തു​ക്ക​ൾ നാ​മ​റി​യാ​തെ​ത​ന്നെ ആ​മാ​ശ​യ​ത്തി​ലെ​ത്തു​ന്നു​ണ്ട്!

പരസ്യം കണ്ടു വാങ്ങിയാൽ…
ഗാ​ഢ​ത കൂ​ടി​യ സി​റ​പ്പു​ക​ൾ, ഐ​സ്ക്രീം, റെ​ഡി​മെ​യ്ഡ് സൂ​പ്പ് എ​ന്നി​വ​യൊ​ക്കെ ശീ​ല​മാ​ക്ക​രു​ത്. റെ​ഡി​മെ​യ്ഡ് സൂ​പ്പി​ൽ കു​റ​ച്ചു പ​ച്ച​ക്ക​റി​ക​ളൊക്കെ ഉ​ണ്ടെ​ങ്കി​ലും അ​വ ഡീ​ഹൈ​ഡ്രേ​റ്റ് ചെ​യ്യ​പ്പെട്ട​വ​യാ​ണ്.

പ​ച്ച​ക്ക​റി ചേ​ർ​ന്ന​താ​ണെ​ന്ന് വ​ലി​യ പ​ര​സ്യ​മൊ​ക്കെ ക​ണ്ടിട്ടാ​വും പ​ല​പ്പോ​ഴും നാം ​അ​തു​വാ​ങ്ങി ക​ഴി​ക്കു​ന്ന​ത്. ഡീ​ഹൈ​ഡ്രേ​റ്റ് ചെ​യ്ത​തി​നാ​ൽ അ​തി​ൽ പോ​ഷ​ക​ങ്ങ​ൾ കാ​ണി​ല്ല എ​ന്ന​താ​ണു വാ​സ്ത​വം. അ​ല്പം എ​ന്തെ​ങ്കി​ലും ഉ​ണ്ടെ​ങ്കി​ൽ ത​ന്നെ ചൂ​ടാ​ക്കു​ന്പോ​ൾ അ​തും ന​ഷ്ട​മാ​യി​രി​ക്കും.

ചപ്പാത്തിയെ വെറുതേ വിട്ടൂടെ?
പ​ര​ക്കെ പ്ര​ചാ​ര​മു​ള്ള ച​പ്പാ​ത്തി​യി​ലും ദോ​ശ​മാ​വി​ലു​മൊ​ക്കെ പ്രി​സ​ർ​വേ​റ്റീ​വു​ക​ൾ ചേ​ർ​ക്കു​ന്നു​ണ്ട്. ദോ​ശ​മാ​വും ഇ​പ്പോ​ൾ മി​ക്ക​വ​രും പു​റ​മേ നി​ന്നു വാ​ങ്ങു​ക​യാ​ണ്.

വീട്ടിൽ അ​ര​ച്ച മാ​വി​ൽ ചു​ടു​ന്ന ദോ​ശ​യും പു​റ​മേ നി​ന്നു​വാ​ങ്ങി​യ മാ​വ് ഉ​പ​യോ​ഗി​ച്ചു ത​യാ​റാ​ക്കു​ന്ന ദോ​ശ​യും തമ്മിൽ രു​ചി​വ്യ​ത്യാ​സ​മു​ണ്ടെ​ന്നാ​ണ് മി​ക്ക​വ​രു​ടെ​യും അ​നു​ഭ​വം.

അച്ചാറിൽ എന്തിന് ഇത്രയധികം എണ്ണ?
വി​പ​ണി​യി​ൽ നി​ന്നു വാ​ങ്ങു​ന്ന അച്ചാറുകളിൽ വീട്ടിൽ ത​യാ​റാ​ക്കു​ന്ന​തി​ൽ ഉ​ള്ള​തിലും എ​ണ്ണ കൂ​ടു​ത​ലാ​യി​രി​ക്കും. പി​ക്കി​ൾ ഇ​ൻ ഓ​യി​ൽ എ​ന്നു ത​ന്നെ അ​തി​ൽ രേ​ഖ​പ്പെ​ടു​ത്തി​യി​രി​ക്കും. കാ​ൽ ശ​ത​മാ​നം എ​ണ്ണ ത​ന്നെ.

അ​ച്ചാ​റു​ക​ൾ അ​സി​ഡി​ക് ആ​കാ​തി​രി​ക്കാ​ൻ അ​തി​ൽ പ്രി​സ​ർ​വേ​റ്റീ​വു​ക​ൾ ചേ​ർ​ക്കാ​റു​ണ്ട്. അ​സി​ഡി​ക് ആ​യാ​ൽ അ​തു പെ​ട്ടെന്നു ചീ​ത്ത​യാ​യി പോ​കാ​നു​ള്ള സാ​ധ്യ​ത​യു​ണ്ട്. അ​തൊ​ഴി​വാ​ക്കാ​നാ​ണ് ഫു​ഡ് അ​ഡി​റ്റീ​വ്സ് ചേ​ർ​ക്കു​ന്ന​ത്.

കുട്ടികളുടെ കാര്യമല്ലേ നോ! കോംപ്രമൈസ്!
ഫുഡ് അ​ഡി​റ്റീ​വ്സ് ചേർത്ത ഭ​ക്ഷ​ണം ശീ​ല​മാ​ക്കു​ന്ന കുട്ടിക​ൾ​ക്ക് ചെ​വി​യി​ൽ അ​ണു​ബാ​ധ, ഹൈ​പ്പ​ർ ആ​ക്ടി​വി​റ്റി തു​ട​ങ്ങി​യ​വ​യ്ക്കു സാ​ധ്യ​ത​യു​ള്ള​താ​യി പ​ഠ​ന​ങ്ങ​ൾ സൂ​ച​നന​ല്കു​ന്നു.

അ​ഡി​റ്റീ​വ്സ് അ​നു​വ​ദ​നീ​യ​മാ​യ തോ​തി​ലാ​ണോ ചേ​ർ​ത്തി​രി​ക്കു​ന്ന​ത് എ​ന്ന​തു സം​ബ​ന്ധി​ച്ചു കൃ​ത്യ​മാ​യി അ​റി​യാ​ൻ നി​ർ​വാ​ഹ​മി​ല്ലാ​ത്ത​തി​നാ​ൽ അ​വ ചേ​ർ​ന്ന ഭ​ക്ഷ​ണം കുട്ടിക​ൾ​ക്കു പ​തി​വാ​യി ന​ല്ക​രു​ത്. പ്രോ​സ​സ് ചെ​യ്ത ഭ​ക്ഷ​ണം കു​റ​ച്ചു​മാ​ത്രം ഉ​പ​യോ​ഗി​ക്കു​ക; ശീ​ല​മാ​ക്ക​രു​ത്.

വിവരങ്ങൾ:
ഡോ. അനിതാ മോഹൻ,
നുട്രീഷൻ സ്പെഷലിസ്റ്റ് &
ഡയറ്റ് കൺസൾട്ടന്‍റ്