മലയാള സിനിമയിലെ പൗരുഷത്തിന്റെ എക്കാലത്തെയും പ്രതീകമായ ജയന്‍ നമ്മെ വിട്ടു പിരിഞ്ഞിട്ട് ഇന്ന് 40 വര്‍ഷം.
മലയാള മനസ്സില്‍ കോളിളക്കം സൃഷ്ടിച്ച് ഇടിമുഴക്കമായി നിറഞ്ഞാടിയ ജയന്റെ ഓര്‍മകള്‍ ഒരിക്കലും മരിക്കില്ല.
നാവികസേനയിലെ മാസ്റ്റര്‍ ചീഫ് പെറ്റി ഓഫീസറായിരുന്ന കൃഷ്ണന്‍ നായര്‍ മലയാള സിനിമ പ്രേക്ഷകര്‍ക്ക് ജയനായി.
അപ്രതീക്ഷിതമായി മരണം കവര്‍ന്നെടുത്തിട്ടും മലയാളികളുടെ മനസ്സില്‍ ജയന്‍ ഒഴിച്ചിട്ട സിംഹാസനം ഇന്നും അവകാശികളില്ലാതെ കിടക്കുന്നു.
മലയാള സിനിമയിലെ ആദ്യ ആക്ഷന്‍ ഹീറോയായ ജയനെ അടുത്തു കണ്ടപ്പോള്‍ ഉണ്ടായ അനുഭവത്തെക്കുറിച്ചും ജയന്‍ സിനിമകളെക്കുറിച്ചും തുറന്നു പറയുകയാണ് കാരിക്കേച്ചറിസ്റ്റും നടനുമായ ജയരാജ് വാര്യര്‍.
