വി​ദേ​ശ വ​നി​ത​യു​ടെ കൊ​ല​പാ​ത​കം: സ​ഹോ​ദ​രി​യു​ടെ ആ​വ​ശ്യ​പ്ര​കാ​ര​മാ​ണ് ടൂ​റി​സം വ​കു​പ്പ് ഇ​ട​പെ​ട്ട​തെ​ന്ന് ക​ട​കം​പ​ള്ളി സു​രേ​ന്ദ്ര​ൻ

തി​രു​വ​ന​ന്ത​പു​രം: വി​ദേ​ശ വ​നി​ത​യു​ടെ കൊ​ല​പാ​ത​ക​ത്തി​ൽ സ​ർ​ക്കാ​രി​ന് ഒ​ളി​ക്കാ​ൻ ഒ​ന്നു​മി​ല്ലെ​ന്ന് മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ. സ​ഹോ​ദ​രി​യു​ടെ ആ​വ​ശ്യ​പ്ര​കാ​ര​മാ​ണ് ടൂ​റി​സം വ​കു​പ്പ് വി​ഷ​യ​ത്തി​ൽ ഇ​ട​പെ​ട്ട​ത്. ശാ​ന്തി​ക​വാ​ട​ത്തി​ൽ സം​സ്ക​രി​ച്ച​തും സ​ഹോ​ദ​രി​യു​ടെ നി​ർ​ദേ​ശ​പ്ര​കാ​ര​മാ​ണെ​ന്നും മ​ന്ത്രി പ​റ​ഞ്ഞു.

വി​ദേ​ശ​വ​നി​ത​യു​ടെ മ​ര​ണ​ത്തി​ൽ സാ​മൂ​ഹി​ക പ്ര​വ​ർ​ത്ത​ക അ​ശ്വ​തി ജ്വാ​ല​യു​ടെ താ​ത്പ​ര്യം എ​ന്താ​ണെ​ന്ന് അ​റി​യി​ല്ലെ​ന്ന് അ​ദ്ദേ​ഹം പ​റ​ഞ്ഞു. വി​ദേ​ശ​വ​നി​ത​യു​ടെ മ​ര​ണ​ത്തെ തു​ട​ർ​ന്നു​ണ്ടാ​യ വി​വാ​ദ​ങ്ങ​ളി​ൽ ആ​ദ്യം മു​ത​ൽ ത​ന്നെ രാ​ഷ്‌​ട്രീ​യ ഇ​ട​പെ​ട​ൽ സം​ശ​യി​ച്ചി​രു​ന്നു. കേ​സി​ൽ സി​ബി​ഐ അ​ന്വേ​ഷ​ണം വേ​ണ​മെ​ന്ന വി​ദേ​ശ വ​നി​ത​യു​ടെ കും​ടും​ബ​ത്തി​ന്‍റെ ആ​വ​ശ്യ​ത്തി​ൽ കോ​ട​തി​യി​ൽ നി​ല​പാ​ട് അ​റി​യി​ക്കു​മെ​ന്നും സു​രേ​ന്ദ്ര​ൻ പ​റ​ഞ്ഞു.

വിദേശ വനിതയുടെ കൊ​ല​പാ​ത​ക​ക്കേ​സി​ലെ അ​ന്വേ​ഷ​ണ​ത്തി​ല്‍ അ​തൃ​പ്തി പ്ര​ക​ടി​പ്പി​ച്ച് സു​ഹൃ​ത്ത് ഇന്ന് രംഗത്തെത്തിയിരുന്നു. അ​ന്വേ​ഷ​ണം ശ​രി​യാ​യ രീ​തി​യി​ല്ല ന​ട​ക്കു​ന്ന​ത്. കേ​സ് അ​വ​സാ​നി​പ്പി​ക്കാ​നാ​ണ് പോ​ലീ​സി​ന് താ​ത്പ​ര്യ​മെ​ന്നും സു​ഹൃ​ത്ത് ആ​രോ​പി​ച്ചു.

മൃ​ത​ദേ​ഹം പെ​ട്ടെ​ന്ന് സം​സ്ക​രി​ച്ച​തി​ൽ ദു​രൂ​ഹ​ത​യു​ണ്ട്. സം​സ്കാ​ര ച​ട​ങ്ങു​ക​ൾ സ​ർ​ക്കാ​ർ ഹൈ​ജാ​ക്ക് ചെ​യ്തു. സി​ബി​ഐ അ​ന്വേ​ഷ​ണം ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്ക് ക​ത്ത് ന​ൽ​കി​യി​ട്ടും ന​ട​പ​ടി​യി​ല്ല. നീ​തി തേ​ടി അ​ന്താ​രാ​ഷ്ട്ര കോ​ട​തി​യി​ലേ​ക്ക് പോ​കാ​നും ത​യാ​റെ​ന്നും സു​ഹൃ​ത്ത് പ​റ​ഞ്ഞു. ഇതിനു പിന്നാലെയാണ് മന്ത്രി രംഗത്തെത്തിയത്.