സു​രേ​ന്ദ്ര​ൻ സാ​റി​നു പ​ര​മ​സു​ഖം..! റീസർ വേയിൽ സുരേന്ദ്രനും മണിക്കുട്ടനും നടത്തിയ കള്ളത്തരത്തിന് ഇരയായത് 420 കുടുംബ ങ്ങൾ; ഭൂമിയുണ്ടായിട്ടും ഒന്നും ചെയ്യാനാ വാതെ ആത്മഹത്യയുടെ വക്കിൽ കർഷകർ

karshakan1ക​ട്ട​പ്പ​ന: ’സു​രേ​ന്ദ്ര​ൻ​നാ​യ​ർ സാ​റും പ​രി​വാ​ര​ങ്ങ​ളും സു​ഖ​മാ​യി ജീ​വി​ക്കു​ന്നു; ഞ​ങ്ങ​ൾ ഇ​വി​ടെ ആ​ത്മ​ഹ​ത്യ​ചെ​യ്യാ​ൻ ആ​ലോ​ചി​ക്കു​ക​യാ​ണ്. ജീ​വി​തം മു​ന്നോ​ട്ടു​കൊ​ണ്ടു​പോ​കാ​ൻ യാ​തൊ​രു നി​വൃ​ത്തി​യു​മി​ല്ല. കു​ട്ടി​ക​ളെ പ​ഠി​പ്പി​ക്കാ​നോ, പെ​ണ്‍​മ​ക്ക​ളെ കെ​ട്ടി​ച്ച​യ​യ്ക്കാ​നോ ആ​ണ്‍​കു​ട്ടി​ക​ൾ​ക്ക് സ്വ​ന്ത​മാ​യി ഒ​രു തൊ​ഴി​ൽ ക​ണ്ടെ​ത്താ​നോ ക​ഴി​യു​ന്നി​ല്ല. സ്ഥ​ലം ഏ​റെ​യു​ണ്ടെ​ന്നു​പ​റ​ഞ്ഞി​ട്ടു കാ​ര്യ​മി​ല്ല, വ​സ്തു​വി​ന്‍റെ ഉ​ട​മ​സ്ഥാ​വ​കാ​ശം ഇ​ല്ലാ​ത്ത​തി​നാ​ൽ ​മ​ക്ക​ളു​ടെ വി​വാ​ഹം​പോ​ലും പ്ര​തി​സ​ന്ധി​യി​ലാ​യി​രി​ക്കു​ക​യാ​ണ്…’ ആ​ന​വി​ലാ​സ​ത്തു​ള്ള ഒ​രു ക​ർ​ഷ​ക​ൻ സു​ഹൃ​ത്തി​നെ​ഴു​തു​ന്ന ക​ത്തി​ന്‍റെ തു​ട​ക്ക​മി​താ​യി​രി​ക്കു​മെ​ന്ന് നൂ​റു​ശ​ത​മാ​ന​വും ഉ​റ​പ്പാ​ണ്.

അ​റി​ഞ്ഞു​കൊ​ണ്ട് എ​ന്തെ​ങ്കി​ലും ചെ​യ്ത​തു​കൊ​ണ്ട​ല്ല ആ​ന​വി​ലാ​സം വി​ല്ലേ​ജി​ലെ അ​റു​ന്നൂ​റോ​ളം ആ​ളു​ക​ൾ സ​ർ​ക്കാ​ർ​രേ​ഖ​യി​ൽ ഭൂ​ര​ഹി​ത​രാ​യി​രി​ക്കു​ന്ന​ത്. റീ​സ​ർ​വേ എ​ന്ന​പേ​രി​ൽ ഒ​രു സ​ർ​ക്കാ​ർ ന​ട​പ​ടി വി​ല്ലേ​ജി​ൽ ന​ട​പ്പാ​ക്കു​ന്ന​ത​റി​ഞ്ഞ് റീ​സ​ർ​വേ ന​ട​പ​ടി​ക്കാ​യി റ​വ​ന്യു അ​ധി​കാ​രി​ക​ൾ​ക്ക് അ​പേ​ക്ഷ ന​ൽ​കി​യ​താ​ണ് ഇ​വ​ർ​ചെ​യ്ത ’പി​ശ​ക്’. സ​ർ​ക്കാ​രി​ന്‍റെ ന​ട​പ​ടി​ക്ര​മ​ങ്ങ​ൾ അ​നു​സ​രി​ച്ച് ഭൂ​മി റീ​സ​ർ​വേ ന​ട​ത്തി ബി​ടി​ആ​ർ ബു​ക്കി​ൽ സ്ഥ​ല സ്വ​ഭാ​വം രേ​ഖ​പ്പെ​ടു​ത്ത​ണ​മെ​ന്നു​ണ്ട്. രാ​ജ്യ​ത്തെ മു​ഴു​വ​ൻ ഭൂ​മി​യി​ലും ഈ ​ന​ട​പ​ടി ന​ട​ക്കു​ന്ന​താ​ണ്. ഇ​ങ്ങി​നെ​യാ​ണ് 2006 -07 കാ​ല​ഘ​ട്ട​ത്തി​ൽ ആ​ന​വി​ലാ​സ​ത്തും റീ​സ​ർ​വേ ആ​രം​ഭി​ച്ച​ത്.

അ​ന്ന് പീ​രു​മേ​ട് റീ​സ​ർ​വേ സൂ​പ്ര​ണ്ട് ഓ​ഫീ​സി​ലെ ഹെ​ഡ് സ​ർ​വ​യ​ർ സി.​ആ​ർ. സു​രേ​ന്ദ്ര​ൻ​നാ​യ​രും ഫ​സ്റ്റ് ഗ്രേ​ഡ് സ​ർ​വേ​യ​ർ പി. ​മ​ണി​ക്കു​ട്ട​നും​ചേ​ർ​ന്ന് ആ​ളു​ക​ളു​ടെ സ്ഥ​ലം റീ​സ​ർ​വേ ചെ​യ്തു 420 ക​ർ​ഷ​ക​രു​ടെ പേ​രി​ൽ ത​ണ്ട​പ്പേ​ര് പി​ടി​ച്ചു. സു​രേ​ന്ദ്ര​നും മ​റ്റു​ള്ള​വ​രും​ചേ​ർ​ന്ന് ത​ണ്ട​പ്പേ​രു​പി​ടി​ച്ച വ്യ​ക്തി​ക​ൾ​ക്ക് അ​വ​കാ​ശം അ​നു​വ​ദി​ച്ചു​കൊ​ടു​ത്തു. ഭൂ​മി മു​ഴു​വ​ൻ ഇ​പ്പോ​ൾ സ​ർ​ക്കാ​ർ കൈ​വ​ശ​പ്പെ​ടു​ത്തി​യ അ​വ​സ്ഥ​യാ​ണ്.

സു​രേ​ന്ദ്ര​ൻ​നാ​യ​ർ പി​ടി​ച്ച ത​ണ്ട​പ്പേ​രു​ക​ൾ മു​ഴു​വ​ൻ സ​ർ​ക്കാ​ർ റ​ദ്ദാ​ക്കി. അ​ധി​കാ​ര ദു​ർ​വി​നി​യോ​ഗ​വും ച​ട്ട​ലം​ഘ​ന​വും അ​ഴി​മ​തി​യും ന​ട​ത്തി​യാ​ണ് സു​രേ​ന്ദ്ര​ൻ​നാ​യ​ർ സ്ഥ​ലം പോ​ക്കു​വ​ര​വ് ന​ട​ത്തി ന​ൽ​കി​യി​രി​ക്കു​ന്ന​തെ​ന്ന് സ​ർ​വേ ഡ​യ​റ​ക്ട​ർ ക​ണ്ടെ​ത്തി​യ​തി​നെ​തു​ട​ർ​ന്നാ​ണ് 2010 മു​ത​ൽ ആ​ന​വി​ലാ​സം വി​ല്ലേ​ജി​ലെ ക​ർ​ഷ​ക​രു​ടെ ഭൂ​മി​യു​ടെ അ​വ​കാ​ശം ത​ട​ഞ്ഞി​രി​ക്കു​ന്ന​ത്. ഇ​തോ​ടെ ക​ർ​ഷ​ക​രു​ടെ ക​രം അ​ട​യ്ക്ക​ലും മു​ട​ങ്ങി. ക​രം അ​ട​യ്ക്കാ​ത്ത ഭൂ​മി​യി​ൽ ക​ർ​ഷ​ക​ർ​ക്ക് നി​യ​മ​പ​ര​മാ​യി യാ​തൊ​രു അ​വ​കാ​ശ​വും ഇ​ല്ല. ഭൂ​മി വി​ൽ​ക്കാ​നോ പ​ണ​യ​പ്പെ​ടു​ത്താ​നോ കാ​ർ​ഷി​ക ആ​നു​കൂ​ല്യ​ങ്ങ​ൾ നേ​ടാ​നോ ഉ​ള്ള അ​വ​കാ​ശം നി​ഷേ​ധി​ക്ക​പ്പെ​ട്ടി​രി​ക്കു​ക​യാ​ണ്.

സു​രേ​ന്ദ്ര​ൻ​നാ​യ​ർ ചെ​യ്ത തെ​റ്റി​ന് ക​ർ​ഷ​ക​ർ ശി​ക്ഷ അ​നു​ഭ​വി​ക്കേ​ണ്ട ഗ​തി​കേ​ടാ​ണ് സം​ഭ​വി​ച്ചി​രി​ക്കു​ന്ന​ത്. പേ​രാ​ന്പ്ര ച​ക്കി​ട്ട​പ്പാ​റ ചെ​ന്പ​നോ​ട വി​ല്ലേ​ജ് അ​സി​സ്റ്റ​ന്‍റ് ന​ട​ത്തി​യ മ​നു​ഷ്യ​ത്വ​ര​ഹി​ത​മാ​യ പ്ര​വ​ർ​ത്തി അ​നാ​ഥ​രാ​ക്കി​യ​ത് കാ​വി​ൽ​പു​ര​യി​ടം ജോ​യി​യു​ടെ കു​ടും​ബ​ത്തെ​യാ​ണ്.

നെ​ടു​ങ്ക​ണ്ടം മേ​ലേ​ചെ​മ്മ​ണ്ണാ​ർ ചിട്ടിശേരിൽ സജിയുടെ ഭാര്യ ബെ​റ്റി (44)ജീവനൊടുക്കിയതും ഇവരുടെ പേരിലുള്ള 2.70 ഏക്കർ സ്ഥലത്തിന്‍റെ കരം അടയ്ക്കാൻ വില്ലേജ് ഉദ്യോഗസ്ഥർ അ​നു​വ​ദി​ക്കാ​ത്ത​തി​ന്‍റെ​പേ​രി​ലായിരുന്നു. 2016 ജബലൈ ഒൻപതിനായിരുന്നു സംഭവം. ഈ സംഭവത്തിലും അ​നാ​ഥ​രാ​യ​ത് ആ ​കു​ടും​ബ​മാ​ണ്. അ​തേ അ​വ​സ്ഥ​യി​ലാ​ണ് സു​രേ​ന്ദ്ര​ൻ​നാ​യ​രു​ടെ പ്ര​വ​ർ​ത്തി​മൂ​ലം സ്വ​ന്തം ഭൂ​മി​യി​ൽ അ​നാ​ധ​രാ​ക്ക​പ്പെ​ട്ട ആ​ന​വി​ലാ​സ​ത്തെ ക​ർ​ഷ​ക​രും.

റീ​സ​ർ​വേ​യു​മാ​യി ബ​ന്ധ​പ്പെ​ട്ട് സി.​ആ​ർ. സു​രേ​ന്ദ്ര​ൻ​നാ​യ​ർ വ്യാ​ജ​രേ​ഖ ച​മ​ച്ച് ഭീ​മ​മാ​യ കൃ​ത്രി​മം ന​ട​ത്തി​യ​താ​യാ​ണ് സ​ർ​വേ ഡ​യ​റ​ക്ട​ർ അ​ന്വേ​ഷി​ച്ചു ക​ണ്ടെ​ത്തി റ​വ​ന്യു പ്രി​ൻ​സി​പ്പ​ൽ സെ​ക്ര​ട്ട​റി​ക്ക് റി​പ്പോ​ർ​ട്ടു ന​ൽ​കി​യി​രി​ക്കു​ന്ന​ത്. സ​ർ​വേ സൂ​പ്ര​ണ്ട് ഓ​ഫീ​സി​ലെ ഹെ​ഡ് സ​ർ​വ​യ​ർ സി.​ആ​ർ. സു​രേ​ന്ദ്ര​ൻ​നാ​യ​ർ​ക്കെ​തി​രെ ക്രി​മി​ന​ൽ കേ​സെ​ടു​ക്ക​ണ​മെ​ന്നും ഫ​സ്റ്റ് ഗ്രേ​ഡ് സ​ർ​വ​യ​ർ പി. ​മ​ണി​ക്കു​ട്ട​ൻ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രേ ക്രൈം​ബ്രാ​ഞ്ച് അ​ന്വേ​ഷ​ണം വേ​ണ​മെ​ന്നു​മാ​ണ് സ​ർ​വേ ഡ​യ​റ​ക്ട​റു​ടെ ശി​പാ​ർ​ശ.

അ​ന്പ​തി​ലേ​റെ കു​റ്റ​ങ്ങ​ളാ​ണ് ക​ണ്ടെ​ത്തി​യി​രി​ക്കു​ന്ന​ത്. 57 നി​രീ​ക്ഷ​ണ​ങ്ങ​ൾ ന​ട​ത്തി​യി​ട്ടു​ണ്ട്. മ​ണി​ക്കു​ട്ട​ൻ, ശ്രീ​രാ​ജ​ൻ, മ​നോ​ജ് കു​മാ​ർ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രെ​യാ​ണ് ക്രൈം​ബ്രാ​ഞ്ച് അ​ന്വേ​ഷ​ണ​ത്തി​നാ​യി ശി​പാ​ർ​ശ​യു​ള്ള​ത്. എ​ന്നാ​ൽ ഹെ​ഡ് സ​ർ​വെ​യ​ർ എ​ല്ലാ സ​ർ​വീ​സ് ആ​നു​കൂ​ല്യ​ങ്ങ​ളോ​ടെ​യും സ​ർ​വീ​സി​ൽ​നി​ന്നും റി​ട്ട​യ​റാ​യി. മ​റ്റു​ള്ള​വ​ർ ഉ​യ​ർ​ന്ന ത​സ്തി​ക​യി​ൽ പ്ര​മോ​ഷ​നു​മാ​യി സു​ഖ​മാ​യി ക​ഴി​യു​ന്നു. ഇ​വ​ർ​ക്കെ​തി​രെ യാ​തൊ​രു അ​ന്വേ​ഷ​ണ​വും ന​ട​പ​ടി​യും പി​ന്നീ​ട് ഉ​ണ്ടാ​യി​ല്ല. ആ​ന​വി​ലാ​സ​ത്തെ ക​ർ​ഷ​ക​ർ​ക്കു​മാ​ത്രം ല​ഭി​ച്ചി​രി​ക്കു​ന്ന ശി​ക്ഷ ഏ​ഴു​വ​ർ​ഷം പി​ന്നി​ടു​ക​യാ​ണ്.

ച​ക്കു​പ​ള്ളം വി​ല്ലേ​ജി​ന്‍റെ ഭാ​ഗ​മാ​യി​രു​ന്ന പ്ര​ദേ​ശം ആ​ന​വി​ലാ​സം വി​ല്ലേ​ജ് രൂ​പീ​ക​രി​ച്ച് അ​ങ്ങോ​ട്ടു മാ​റ്റി​യ​തോ​ടെ ക​ണ്ടെ​ത്തി​യ സ​ർ​വേ ന​ന്പ​രി​ലെ പി​ശ​ക് ഇ​രു​ന്നൂ​റോ​ളം ക​ർ​ഷ​ക​രു​ടെ ഭൂ​മി​യും അ​ന്യാ​ധീ​ന​മാ​ക്കി. ഇ​വ​ർ​ക്കും ക​ര​മ​ട​ച്ച് ഭൂ​മി​യു​ടെ വി​നി​യോ​ഗം സു​ഗ​മ​മാ​ക്കാ​ൻ ക​ഴി​യു​ന്നി​ല്ല.

അ​ഴി​ച്ചാ​ൽ അ​ഴി​യാ​ത്ത കു​രു​ക്കോ തീ​രു​മാ​നി​ച്ചാ​ൽ തീ​രാ​ത്ത പ്ര​ശ്ന​ങ്ങ​ളോ ആ​ന​വി​ലാ​സം വി​ല്ലേ​ജി​ലി​ല്ല. റീ​സ​ർ​വേ ന​ട​ത്തി ഭൂ​മി​യു​ടെ ഉ​ട​മ​സ്ഥ​ത​യും സ​ർ​വേ ന​ന്പ​രു​ക​ളും ക്ര​മ​പ്പെ​ടു​ത്തു​ക​യെ​ന്ന ല​ളി​ത​മാ​യ ജോ​ലി​മാ​ത്ര​മേ ചെ​യ്യേ​ണ്ട​തു​ള്ളൂ. അ​തി​നു ആ​വ​ശ്യ​ത്തി​നു ജീ​വ​ന​ക്കാ​രെ നി​യ​മി​ക്കു​ക​യും അ​ഴി​മ​തി​ക്കു​ള്ള അ​വ​സ​രം സൃ​ഷ്ടി​ക്കാ​തി​രി​ക്കു​ക​യു​മാ​ണ് വേ​ണ്ട​ത്. അ​തു ചെ​യ്യി​പ്പി​ക്കാ​ൻ ജ​ന​ങ്ങ​ളോ​ടു ക​ട​പ്പാ​ടു​ള്ള നേ​തൃ​ത്വം വേ​ണ​മെ​ന്നു​മാ​ത്രം.

Related posts