ലണ്ടൻ: ഇംഗ്ലണ്ടിലെ പരമ്പരയിലേറ്റ ദയനീയ പരാജയം കൊണ്ട് മാത്രം ടീം ഇന്ത്യയെ എഴുതിത്തള്ളരുതെന്ന് നായകൻ വിരാട് കോഹ്‌ലി. ഇംഗ്ലണ്ട് തങ്ങളെക്കാൾ മികച്ച കളിയാണ് പുറത്തെടുത്തതെന്നും അവരുടെ പ്രകടനം പ്രശംസനീയമായിരുന്നുവെന്നും കോഹ്‌ലി പറഞ്ഞു.
വിമർശനങ്ങൾ അംഗീകരിക്കുന്നുവെന്നും അടുത്ത പരമ്പരയിൽ ശക്തമായി തിരിച്ചുവരുമെന്നും ഇന്ത്യൻ നായകൻ വ്യക്തമാക്കി.അവസാന ടെസ്റ്റിൽ ടീം ഇന്ത്യയെ വൻ നാണക്കേടിൽ നിന്ന് രക്ഷിച്ച ഋഷഭ് പന്തിന്‍റെയും, കെ.എൽ. രാഹുലിന്‍റെയും ബാറ്റിംഗ് പ്രകടനത്തെ പ്രശംസിക്കാനും കോഹ്‌ലി മറന്നില്ല.
ഇവരിരുവരെയും പോലെയുള്ള താരങ്ങളിൽ ടീം ഇന്ത്യയുടെ ഭാവി സുരക്ഷിതമാണെന്നും കോഹ്‌ലി കൂട്ടിച്ചേർത്തു.
