‘പോലീസ് ചമഞ്ഞത് മതി, ഇനി കാക്കി യൂണിഫോം വേണ്ട;  കോട്ടയം മെഡിക്കൽ കോളജ് ആശുപത്രിയിലെ  സെക്യൂരിറ്റി ജീവനക്കാർക്ക് പൂട്ടിട്ട് എസ്പി   

കോ​ട്ട​യം: പോ​ലീ​സു​കാ​രു​ടേ​തി​നു സ​മാ​ന​മാ​യ യൂ​ണി​ഫോം മാ​റ്റി​യി​ല്ലെ​ങ്കി​ൽ മെ​ഡി​ക്ക​ൽ കോ​ള​ജി​ലെ സെ​ക്യൂ​രി​റ്റി ജീ​വ​ന​ക്കാ​ർ​ക്കിട്ട് പ​ണി കി​ട്ടും. പോ​ലീ​സ് ആ​ണെ​ന്ന രീ​തി​യി​ൽ ആശുപത്രിയി ലെത്തുന്ന ആ​ളു​ക​ളെ ചോ​ദ്യം ചെ​യ്യു​ക​യും വി​ര​ട്ടു​ക​യും ചെ​യ്തെ​ന്ന പ​രാ​തി​യി​ൽ ജി​ല്ലാ പോ​ലീ​സ് മേ​ധാ​വി ഇ​ട​പെ​ട്ട് ആ​ശു​പ​ത്രി സൂ​പ്ര​ണ്ടി​നും ജി​ല്ലാ ക​ള​ക്ട​ർ​ക്കും ക​ത്തു നൽകി​യി​രി​ക്കു​ക​യാ​ണ്. പോ​ലീ​സ് ആ​ണെ​ന്നു തോ​ന്നു​ന്ന രീ​തി​യി​ൽ ചോ​ദ്യം ചെ​യ്യ​ലും വി​ര​ട്ട​ലും ന​ട​ത്തി​യാ​ൽ ന​ട​പ​ടി​യു​ണ്ടാ​വു​മെ​ന്നു ചൂ​ണ്ടി​ക്കാ​ട്ടി​യാ​ണ് എ​സ്പി ആ​ശു​പ​ത്രി അ​ധി​കൃ​ത​ർ​ക്ക് ക​ത്തു ന​ൽകി​യ​ത്.

നി​ര​പ​രാ​ധി​ക​ളും നിരാലംബരുമായ രോഗികളെ യും കൂട്ടിരിപ്പുകാരെയുമൊക്കെ പോ​ലീ​സ് വി​ര​ട്ടു​ന്നു​വെ​ന്ന പ​രാ​തി ഉ​യ​ർ​ന്ന​പ്പോ​ഴാ​ണ് ഇ​തേ​ക്കു​റി​ച്ച് ജി​ല്ലാ പോ​ലീ​സ് അ​ധി​കൃ​ത​ർ അ​ന്വേ​ഷ​ണം ന​ട​ത്തി​യ​ത്. അ​പ്പോ​ഴാ​ണു പോ​ലീ​സാ​ണെ​ന്നു തോ​ന്നു​ന്ന രീ​തി​യി​ലു​ള്ള യൂ​ണി​ഫോം ധ​രി​ച്ച സെ​ക്യൂ​രി​റ്റി ജീ​വ​ന​ക്കാ​രാ​ണ് പ​ണി​യൊ​പ്പി​ച്ച​തെ​ന്ന് വ്യ​ക്ത​മാ​യ​ത്. ആ​ളു​ക​ൾ ക​രു​തു​ന്ന​ത് പോ​ലീ​സ് ആ​ണ് ത​ങ്ങ​ളെ ചോ​ദ്യം ചെ​യ്യു​ന്ന​തെ​ന്നാ​ണ്. അ​തു​കൊ​ണ്ടാ​ണ് പോ​ലീ​സി​നെ​തി​രേ ജ​ന​ങ്ങ​ൾ പ​രാ​തി​യു​മാ​യി രം​ഗ​ത്തെ​ത്തി​യ​ത്.

പോ​ലീ​സിന്‍റേതു പോ​ലു​ള്ള​തോ, പോ​ലീ​സ് ആ​ണെ​ന്നു തെ​റ്റി​ദ്ധ​രി​ക്കു​ന്ന​തോ ആ​യ യൂ​ണി​ഫോം സെ​ക്യൂ​രി​റ്റി ജീ​വ​ന​ക്കാ​ർ ധ​രി​ക്ക​രു​തെ​ന്നാ​ണ് നി​ല​വി​ലു​ള്ള നി​ർ​ദേ​ശം. ഇ​ത് മ​റിക​ട​ന്നാ​ൽ അ​വ​ർ​ക്കെ​തി​രേ ന​ട​പ​ടി​യെ​ടു​ക്കാ​ൻ പോ​ലീ​സി​ന് അ​ധി​കാ​ര​മു​ണ്ട്. ഈ ​അ​ധി​കാ​രം ഉ​പ​യോ​ഗി​ച്ചാ​വും ന​ട​പ​ടി സ്വീ​ക​രി​ക്കു​ക​യെ​ന്ന് ജി​ല്ലാ പോ​ലീ​സ് ചീ​ഫ് ആ​ശു​പ​ത്രി അ​ധി​കൃ​ത​രെ അ​റി​യി​ച്ചി​ട്ടു​ണ്ട്.