കു​ടി​വെ​ള്ളമെത്തിക്കുമെന്ന വാ​ട്ട​ർ അ​ഥോ​റി​റ്റി അവകാശവാദം വെ​റു​തെ; കു​ടി​വെ​ള്ളമില്ലാതെ  ചി​പ്ലി​മാ​ടി​ലെ ഗ്രാ​മീ​ണ​ർ; കു​ട​ങ്ങ​ളും ബ​ക്ക​റ്റു​ക​ളു​മാ​യി ത​ളി​ക്കു​ളം വാ​ട്ട​ർ അ​ഥോ​റി​റ്റിക്കു മുന്നിൽ ധ​ർ​ണ

ത​ളി​ക്കു​ളം: ക​ള​ക്ട​ർ അ​റി​യ​ണം, കു​ടി​വെ​ള്ള ക്ഷാ​മം അ​റി​യി​ക്കണമെന്ന് വാ​ട്ട​ർ അ​ഥോ​റി​റ്റി ആവശ്യപ്പെടുന്നതൊക്കെ വെ​റു​തെ.​ വി​ഷു​ദി​ന​ത്തി​ലും കു​ടി​വെ​ള്ളം കി​ട്ടാ​തെ ചേ​റ്റു​വ ചി​പ്ലി​മാ​ടി​ലെ ഗ്രാ​മീ​ണ​ർ വ​ല​ഞ്ഞു. സ​ഹി​കെ​ട്ട് ചേ​റ്റു​വ ചി​പ്ലി​മാ​ടി​ലെ വീ​ട്ട​മ്മ​മാ​ർ ഒ​ഴി​ഞ്ഞ കു​ട​ങ്ങ​ളും ബ​ക്ക​റ്റു​ക​ളു​മാ​യി പൊ​രി​വെ​യി​ല​ത്ത് കു​ടചൂ​ടി ത​ളി​ക്കു​ള​ത്തെ വാ​ട്ട​ർ അ​ഥോ​റി​റ്റി ഓ​ഫീ​സി​ലേ​ക്കു മാ​ർ​ച്ചും ധ​ർ​ണ​യും ന​ട​ത്തി.

കു​ടി​വെ​ള്ളം കി​ട്ടാ​ത്ത സ്ഥ​ല​ങ്ങ​ളി​ൽ വി​വ​രം അ​റി​യി​ച്ചാ​ൽ ഉ​ട​ൻ കു​ടി​വെ​ള്ള​മെ​ത്തി​ക്കു​മെ​ന്ന് പ​റ​ഞ്ഞ് പ​ത്ര​വാ​ർ​ത്ത​ക​ൾ ന​ൽ​കി​യ വാ​ട്ട​ർ അ​ഥോ​റി​റ്റി​ക്കാ​ർ ഇ​വി​ടേ​യ്ക്കു ഇ​തുവ​രേ​യും തി​രി​ഞ്ഞു നോ​ക്കി​യി​ല്ല. ഇ​വി​ട​ത്തെ കു​ടി​വെ​ള്ള ക്ഷാ​മ​ത്തെ കു​റി​ച്ചും ഇ​വ​രു​ടെ ഒ​രാ​ഴ്ച പി​ന്നി​ട്ട സ​മ​ര​വു​മ​ട​ക്കം നി​ര​വ​ധി വാ​ർ​ത്ത​ക​ൾ രാ​ഷ്ട്ര​ദീ​പി​ക​യു​ൾ​പ്പെടെ​യു​ള്ള മാ​ധ്യ​മ​ങ്ങ​ൾ പ​ല​ത​വ​ണ റി​പ്പോ​ർ​ട്ട് ചെ​യ്തി​ട്ടും വാ​ട്ട​ർ അ​ഥോ​റി​റ്റി​ക്കാ​രും ഏ​ങ്ങ​ണ്ടിയൂ​ർ ഗ്രാ​മ​പ​ഞ്ചാ​യ​ത്ത​് അധി​കൃ​ത​രും​ കടുത്ത അ​നാ​സ്ഥ തു​ട​രു​ക​യാ​ണ്.

പ്ര​ദേ​ശ​വാ​സി​ക​ൾ ന​ട​ത്തുന്ന സ​മ​ര​ത്തി​ന് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് ഹ്യൂ​മ​ൻ റൈ​റ്റ്സ് പ്രൊ​ട്ട​ക്ഷ​ൻ മി​ഷ​ൻ കേ​ര​ള വാ​ട്ട​ർ അ​ഥോ​റി​റ്റി ത​ളി​ക്കു​ളം ഓ​ഫീ​സി​നു മു​ന്നി​ൽ ധ​ർ​ണ ന​ട​ത്തി.​ പു​ല്ലാ​ങ്കു​ഴ​ൽ ഗി​ന്ന​സ് റെ​ക്കോ​ഡ് നേ​ടി​യ മു​ര​ളീ നാ​രാ​യ​ണ​ൻ ഉ​ദ്ഘാ​ട​നം ചെ​യ്തു. ​

ജ​ലം അ​മൂ​ല്യ​മാ​ണെ​ന്നും അ​ത് ജ​ന​ങ്ങ​ളി​ലേ​ക്കെ​ത്തി​ക്കാ​ൻ ബ​ന്ധ​പ്പെ​ട്ട അ​ധി​കാ​രി​ക​ൾ ക​ണ്ണ് തു​റ​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. ജി​ല്ലാ പ്ര​സി​ഡ​ന്‍റ് കു​ന്ന​ത്ത് മ​നോ​ജ് അ​ധ്യ​ക്ഷ​ത വഹിച്ചു. ഹ​രി തൃ​ത്ത​ല്ലൂ​ർ സ്വാ​ഗ​തം പ​റ​ഞ്ഞു. സ​മ​ര​സ​മി​തി നേ​താ​ക്ക​ളാ​യ വാ​സു, നി​ഷാ ജ​യ്സിം​ഗ്, ജ​യാ ശ​ക്ത​ൻ എ​ന്നി​വ​ർ പ്ര​സം​ഗി​ച്ചു. ​ഹ​രി തൃ​ത്ത​ല്ലൂ​ർ സ്വാ​ഗ​ത​വും റ​സ്‌ല ​ന​ന്ദി​യും പ​റ​ഞ്ഞു.