പിറേയസ്: യുവേഫ സൂപ്പർ കപ്പ് കിരീടം മാഞ്ചസ്റ്റർ സിറ്റിക്ക്. ഫൈനലിൽ സെവിയ്യയെ പെനാൽറ്റി ഷൂട്ടൗട്ടിൽ കീഴടക്കിയാണ് സിറ്റി കിരീടം ഉയർത്തിയത്.
ഇരുടീമുകളും മത്സരത്തിന്‍റെ നിശ്ചിത സമയത്തും അധികസമയത്തും ഒരു ഗോൾ വീതം നേടുകയായിരുന്നു.
പെനൽറ്റി ഷൂട്ടൗട്ടിൽ 5-4 നാണ് സിറ്റിയുടെ വിജയം. മാഞ്ചസ്റ്റർ സിറ്റി ഇതാദ്യമായാണ് സൂപ്പർ കപ്പ് കിരീടം നേടുന്നത്.
മത്സരത്തിന്‍റെ 25-ാം മിനിറ്റിൽ യുസേഫ് യെൻ നെസിരിയാണ് സെവിയ്യക്കുവേണ്ടി ഗോൾ നേടിയത്. 63-ാം മിനിറ്റിൽ മാഞ്ചസ്റ്ററിന്‍റെ യുവതാരം കോൾ പാൾമർ ഗോൾമടക്കി.
പെനാൽറ്റി ഷൂട്ടൗട്ടിൽ സിറ്റിക്കായി കിക്കെടുത്തവരെല്ലാം ലക്ഷ്യം കണ്ടു. സെവിയ്യയ്ക്കു വേണ്ടി അഞ്ചാമത്തെ കിക്കെടുത്ത നെമാഞ്ചയ്ക്ക് പിഴച്ചു.
