താമരശേരി: മാവോയിസ്റ്റുകളെ പ്രോത്സാഹിപ്പിക്കുന്നത് ഇസ്ലാമിക തീവ്രവാദികളാണെന്ന പ്രസ്ഥാവനയുമായി സിപിഎം കോഴിക്കോട് ജില്ലാ സെക്രട്ടറി പി മോഹനന്‍. ഇക്കാര്യം പോലീസ് പരിശോധിക്കണമെന്നും താമരശേരിയില്‍ കെഎസ്‌കെടിയു സമ്മേളനത്തിൽ പി. മോഹനൻ ആവശ്യപ്പെട്ടു.
ഇസ്ലാമിക തീവ്രവാദികളാണ് ഇപ്പോൾ കേരളത്തിൽ മാവോയിസ്റ്റുകളെ പ്രോത്സാഹിപ്പിക്കുന്നത്. കോഴിക്കോട് കേന്ദ്രമായുള്ള ഇസ്ലാമിക തീവ്രവാദ പ്രസ്ഥാനങ്ങളാണ് മാവോയിസ്റ്റുകൾക്ക് വെള്ളവും വളവും നല്‍കി വളര്‍ത്തുന്നതെന്നും പി. മോഹനൻ പറഞ്ഞു.
