കാ​യം​കു​ള​ത്ത് വീ​ട് കു​ത്തി​ത്തു​റ​ന്ന്  മോ​ഷ​ണം വ്യാ​പ​കം; ആളില്ലാത്ത വീടുകളിൽ നിന്ന്  ഗൃഹോപകരണങ്ങൾ കടത്തൽ;  ജ​നം ഭീ​തി​യി​ൽ

കാ​യം​കു​ളം: കാ​യം​കു​ള​ത്തും പ​രി​സ​ര പ്ര​ദേ​ശ​ങ്ങ​ളി​ലും വീ​ട് കു​ത്തി​ത്തു​റ​ന്ന് മോ​ഷ​ണം വ്യാ​പ​ക​മാ​യ​തോ​ടെ ജ​നം ഭീ​തി​യി​ലാ​യി. ക​ഴി​ഞ്ഞ ദി​വ​സം കാ​യം​കു​ളം കാ​പ്പി​ൽ​മേ​ക്ക് മേ​നാ​ത്തേ​രി പു​ത്തേ​ഴ​ത്ത് പ​ടീ​റ്റ​തി​ൽ ത​ങ്ക​മ്മാ​ളു​ടെ വീ​ട് കു​ത്തി​ത്തു​റ​ന്ന് അ​ല​മാ​ര​യി​ൽ സൂ​ക്ഷി​ച്ചി​രു​ന്ന 15 പ​വ​നും 15000 രൂ​പ​യും ക​വ​ർ​ന്ന​താ​ണ് ഒ​ടു​വി​ല​ത്തെ സം​ഭ​വം.

മ​ക​ളു​ടെ വീ​ട്ടി​ൽ ക​ഴി​ഞ്ഞ ദി​വ​സം ഉ​ത്സ​വ​ത്തി​നു പോ​യ ശേ​ഷം ഇ​ന്ന​ലെ രാ​വി​ലെ ഇ​വ​ർ വീ​ട്ടി​ൽ മ​ട​ങ്ങി​യെ​ത്തി​യ​പ്പോ​ഴാ​ണ് മോ​ഷ​ണ വി​വ​രം അ​റി​യു​ന്ന​ത്. മു​ൻ​വ​ശ​ത്തെ ക​ത​ക് കു​ത്തി​ത്തു​റ​ന്നാ​യി​രു​ന്നു ക​വ​ർ​ച്ച. അ​ല​മാ​ര​യി​ൽ സൂ​ക്ഷി​ച്ചി​രു​ന്ന സ്വ​ർ​ണാ​ഭ​ര​ണ​വും പ​ണ​വു​മാ​ണ് അ​പ​ഹ​രി​ച്ച​ത്. വീ​ടി​നു​ള്ളി​ലെ മൂ​ന്നു മു​റി​ക​ളി​ലെ​യും അ​ല​മാ​ര കു​ത്തി​ത്തു​റ​ന്ന് സാ​ധ​ന​ങ്ങ​ൾ എ​ല്ലാം വാ​രി​വ​ലി​ച്ചിട്ട നി​ല​യി​ലാ​യി​രു​ന്നു. ത​ങ്ക​മ്മാ​ളി​ന്‍റെ മ​ക​ൻ വി​ദേ​ശ​ത്തു നി​ന്നും ക​ഴി​ഞ്ഞ ദി​വ​സം അ​യ​ച്ചു കൊ​ടു​ത്ത പ​ണ​മാ​ണ് അ​പ​ഹ​രി​ച്ച​ത്.

മ​രു​മ​ക​ൾ ആ​തി​ര​യു​ടെ​യും ചെ​റു​മ​ക​ന്‍റെ​യും മാ​ല​യും വ​ള​യും അ​ര​ഞ്ഞാ​ണ​വും ഉ​ൾ​പ്പെ​ടെ​യു​ള്ള ആ​ഭ​ര​ണ​ങ്ങ​ൾ മോ​ഷ​ണം പോ​യി. കാ​യം​കു​ളം പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. സ​മീ​പ​ത്തെ സി​സി​ടി​വി കാ​മ​റ​ക​ൾ പോ​ലീ​സ് പ​രി​ശോ​ധി​ച്ചു​വ​രി​ക​യാ​ണ്. ക​ഴി​ഞ്ഞ ര​ണ്ടു മാ​സ​ത്തി​നി​ടെ കാ​യം​കു​ളം മേ​ഖ​ല​യി​ലു​ണ്ടാ​യ നാ​ലാ​മ​ത്തെ ക​വ​ർ​ച്ച​യാ​ണി​ത്. പ​ള്ളി​പ്പെ​രു​ന്നാ​ൾ, ഉ​ത്സ​വ ദി​വ​സ​ങ്ങ​ളി​ൽ ഉ​ൾ​പ്പ​ടെ വീ​ട് കേ​ന്ദ്രീ​ക​രി​ച്ച് മോ​ഷ​ണം വ​ർ​ധി​ക്കു​ക​യാ​ണ്.

മി​ക്ക​കേ​സു​ക​ളി​ലും വി​ര​ല​ട​യാ​ള വി​ദ​ഗ്ധ​രും പോ​ലീ​സും സ്ഥ​ല​ത്തെ​ത്തി തെ​ളി​വെ​ടു​പ്പ് ന​ട​ത്താ​റു​ണ്ടെ​കി​ലും പ്ര​തി​ക​ളെ കു​റി​ച്ച് സൂ​ച​ന​ക​ളൊ​ന്നും പോ​ലീ​സി​ന് ല​ഭി​ക്കു​ന്നി​ല്ല. ക​ഴി​ഞ്ഞ മാ​സം കാ​യം​കു​ളം നി​റ​യി​ൽ മു​ക്കി​ൽ അ​ട​ച്ചു​പൂ​ട്ടി​യി​ട്ടി​രു​ന്ന വി​ദേ​ശ​മ​ല​യാ​ളി​യു​ടെ വീ​ടി​ന്‍റെ മു​ക​ളി​ല​ത്തെ നി​ല​യി​ലെ ക​ത​ക് കു​ത്തി​തു​റ​ന്ന് ര​ണ്ട് ല​ക്ഷം രൂ​പ​യു​ടെ ഗൃ​ഹോ​പ​ക​ര​ണ​ങ്ങ​ൾ അ​പ​ഹ​രി​ച്ചി​രു​ന്നു .

നി​റ​യി​ൽ​മു​ക്ക് അ​ർ​ത്തി​ക്കു​ള​ങ്ങ​ര ജി​ജോ​യു​ടെ വീ​ട്ടി​ൽ ന​ട​ന്ന മോ​ഷ​ണ​ത്തി​ൽ ക​ത​ക് കു​ത്തി​തു​റ​ന്ന് അ​ക​ത്തു ക​യ​റി​യ മോ​ഷ്ടാ​ക്ക​ൾ ര​ണ്ടു ല​ക്ഷ​ത്തി​ലേ​റെ രൂ​പ​യു​ടെ ഗൃ​ഹോ​പ​ക​ര​ണ സാ​ധ​ന​ങ്ങ​ൾ അ​പ​ഹ​രി​ക്കു​ക​യാ​യി​രു​ന്നു. മോ​ഷ​ണ​സം​ഘ​ത്തി​ൽ ഒ​ന്നി​ലേ​റെ പേ​ർ ഉ​ണ്ടാ​യി​രു​ന്ന​താ​യും മോ​ഷ്ടി​ച്ച സാ​ധ​ന​ങ്ങ​ൾ വാ​ഹ​ന​ത്തി​ൽ ക​ട​ത്തി​യ​താ​യും പോ​ലീ​സി​ന് സൂ​ച​ന ല​ഭി​ച്ചെ​ങ്കി​ലും ആ​രെ​യും പി​ടി​കൂ​ടാ​ൻ ഇ​തു​വ​രെ ക​ഴി​ഞ്ഞി​ല്ല.