തെന്നിന്ത്യയിലെ ഏറ്റവും ശ്രദ്ധേയരായ പ്രണയജോഡികളാണ് നയൻതാരയും വിഘ്നേഷ് ശിവനും. ഏറെക്കാലത്തെ പ്രണയത്തിനൊടുവിൽ ഇരുവരുടെയും വിവാഹത്തിനുള്ള ഒരുക്കങ്ങൾ തകൃതിയായി നടക്കുകയാണ്.
ഇപ്പോഴിതാ ഇരുവരും ഒരു സിനിമാ സ്റ്റൈലിലുള്ള വിവാഹത്തിന് ഒരുങ്ങുകയാണെന്നുളള റിപ്പോർട്ടുകളാണ് പുറത്തു വരുന്നത്.
സംവിധായകൻ ഗൗതം മേനോൻ ആയിരിക്കും വിവാഹ ചടങ്ങുകൾ സിനിമാ സ്റ്റൈലിൽ സംവിധാനം ചെയ്യുക എന്ന് ഒരു ദേശീയ മാധ്യമം റിപ്പോർട്ട് ചെയ്യുന്നു.
വിവാഹം സ്ട്രീം ചെയ്യുന്നതിനുള്ള അവകാശം ഒരു സ്വകാര്യ ഒടിടി പ്ലാറ്റ്ഫോമിന് നൽകിയിരിക്കുകയാണ്. റിക്കാർഡ് തുകയ്ക്കാണ് ഒടിടി പ്ലാറ്റ്ഫോം അവകാശം സ്വന്തമാക്കിയത്.
നാളെയാണ് ഇരുവരുടെയും വിവാഹം. മഹാബലിപുരത്തെ ഫൈവ് സ്റ്റാര് ഹോട്ടലില് ഹിന്ദു ആചാരപ്രകാരമായിരിക്കും വിവാഹം നടക്കുക.
തെന്നിന്ത്യന് സിനിമാ- രാഷ്ട്രീയ രംഗത്തെ പ്രമുഖര്ക്കായി ഇതേ വേദിയില് ഇന്ന് റിസപ്ഷനും ഉണ്ടായിരിക്കും. രജനികാന്ത്, കമല് ഹാസന്, വിജയ്, അജിത്ത്, സൂര്യ, കാര്ത്തി, ശിവകാര്ത്തിയേകന്, വിജയ് സേതുപതി തുടങ്ങി മുപ്പതിലധികം താരങ്ങള്ക്ക് ഇതിനോടകം ക്ഷണം ലഭിച്ചിട്ടുണ്ടെന്നാണ് റിപ്പോര്ട്ട്.
കഴിഞ്ഞ ആറു വര്ഷങ്ങളായി പ്രണയത്തിലാണ് ഇരുവരും. കഴിഞ്ഞ വര്ഷം വിവാഹ നിശ്ചയവും നടന്നിരുന്നു.