ജാപ്പനീസ് യുവതിക്ക് പാനി പൂരിയോടുള്ള സ്നേഹം സമൂഹ മാധ്യമങ്ങളിൽ പ്രചരിച്ചതോടെ ഇന്ത്യൻ വിഭവങ്ങളുടെ ജനപ്രീതിയും ബിസിനസ് വഴികളും പുത്തൻ സാധ്യതകളെക്കുറിച്ചുമുള്ള ചൂടേറിയ ചർച്ചകൾക്കാണ് വഴിവച്ചിരിക്കുന്നത്. ഹർമീസ് എന്ന യുവതി സമൂഹ മാധ്യമമായ എക്സിൽ തനിക്ക് ഇന്ത്യൻ വിഭവമായ പാനി പൂരിയോടുള്ള ഇഷ്ടത്തെക്കുറിച്ചാണ് മനസ് തുറന്നിരിക്കുന്നത്.
അത്രമേൽ ഇഷ്ടമായതുകൊണ്ട്, യാത്രപോകുന്ന സമയത്ത് വഴിയരികിൽ നിന്ന് കഴിക്കുന്ന ഒരു പ്രതീതി ലഭിക്കുന്നത് മനോഹരമാണെന്നും, താൻ ഒരു പാനി പൂരി കട തുറക്കുന്നതിനെക്കുറിച്ചും ആലോചിക്കുന്നതായ് ഹർമീസ് പറയുന്നുണ്ട്.
തനിക്കും ഫാസ്റ്റ് ഫുഡ് ഒന്നും ഇഷ്ടമില്ലാത്ത തന്റെ ഭർത്താവിനും പാനിപൂരിയോട് എന്താണ് ഇത്ര സ്നേഹവും, താത്പര്യവും എന്ന് മനസിലാകുന്നില്ലെന്നും ഇത് ഒരു അഡിക്ഷനാണെന്നും താൻ ആഴ്ചയിലൽ രണ്ട് വട്ടം ഇത് കഴിക്കുമെന്നും ഹർമീസ് വീഡിയോയിൽ വ്യക്തമാക്കുന്നു.
കഴിഞ്ഞ നാല്പത് വർഷങ്ങളായി താൻ പാനി പൂരിയെക്കുറിച്ച് അറിയാതെ ജീവിച്ചതിൽ സങ്കടമുണ്ടെന്നും ഹർമീസ്, സെൻട്രൽ ടോക്കിയോയിൽ ജീവിക്കുന്ന തനിക്ക് റോഡരികിൽ നിന്ന് പാനി പൂരി കഴിക്കുന്നത് വല്ലാതെ വിഷമമുണ്ടാക്കുന്നുവെന്നും ആരും അങ്ങനെ കഴിക്കാറില്ലെന്നും ഹർമീസ് വെളിപെടുത്തുന്നു.
പല ഇന്ത്യക്കാരും ഹർമീസിനെ പ്രശംസിച്ചുകൊണ്ട് രംഗത്തെത്തി. മറ്റ് പല വിഭവങ്ങളെയും കഴിച്ച് നോക്കാൻ അഭിപ്രായപെടുന്ന തരത്തിലുള്ള കമന്റുകളും സ്നേഹവുമാണ് പോസ്റ്റിന് താഴെ പ്രത്യക്ഷപ്പെട്ടത്.
