പായിപ്പാട് മോഷണം! നാട്ടുകാരിൽ ചിലരെ സംശയമുണ്ട്; ഇതര സംസ്ഥാന മോഷ്‌‌ടാക്കളെക്കുറിച്ചും അന്വേഷണം

ച​ങ്ങ​നാ​ശേ​രി: പാ​യി​പ്പാ​ട് പ​ള്ളി​ക്ക​ച്ചി​റ കാ​ഞ്ഞി​ര​ന്താ​നം ജോ​സ​ഫ് ചാ​ക്കോ​യു​ടെ വീ​ട്ടി​ൽനി​ന്ന് 23 പ​വ​ൻ സ്വ​ർ​ണാ​ഭ​ര​ണ​ങ്ങ​ളും 15,000 രൂ​പ​യും മോ​ഷ​ണം​പോ​യ സം​ഭ​വത്തിൽ അ​ന്വേ​ഷ​ണം ശ​ക്ത​മാ​ക്കി.

ഇ​ന്ന​ലെ പു​ല​ർ​ച്ച ര​ണ്ടി​നും അ​ഞ്ചി​നും ഇ​ട​യി​ലാ​ണ് മോ​ഷ​ണം. വീ​ടി​ന്‍റെ അ​ടു​ക്ക​ള​യു​ടെ പി​ന്നി​ലു​ള്ള ത​ടി ജ​നാ​ല​യു​ടെ അ​ഴി പ​ട്ടി​ക കൊ​ണ്ട് ത​ക​ർ​ത്താ​ണ് മോ​ഷ്ടാ​വ് അ​ക​ത്തു ക​ട​ന്ന​ത്.

അ​ല​മാ​ര​യി​ലും ഷെ​ൽ​ഫി​ലും ബാ​ഗു​ക​ളി​ലും സൂ​ക്ഷി​ച്ചി​രു​ന്ന സ്വ​ർ​ണ​വും പ​ണ​വു​മാ​ണ് അ​പ​ഹ​രി​ച്ച​ത്.

മോ​ഷ​ണം ന​ട​ത്തി​യ ശേ​ഷം ബാ​ഗു​ക​ൾ വീ​ടി​ന്‍റെ അ​ടു​ക്ക​ള ഭാ​ഗ​ത്ത് ഉ​പേ​ക്ഷി​ച്ചാ​ണ് മോ​ഷ്ടാ​വ് ക​ട​ന്നു​ക​ള​ഞ്ഞ​ത്. ജോ​സ​ഫും ഭാ​ര്യ​യും ര​ണ്ടു മ​ക്ക​ളും വീ​ട്ടി​ൽ കി​ട​ന്ന് ഉ​റ​ങ്ങി​യ നേ​ര​ത്താ​ണ് മോ​ഷ​ണം ന​ട​ന്ന​ത്.

വി​വാ​ഹാ​വ​ശ്യ​ത്തി​നാ​യി വാ​ങ്ങി അ​ല​മാ​ര​യി​ൽ സൂ​ക്ഷി​ച്ചി​രു​ന്ന തു​ണ​ത്ത​ര​ങ്ങ​ളും മോ​ഷ്ടാ​വ് മു​റ്റ​ത്ത് വ​ലി​ച്ചെ​റി​ഞ്ഞ നി​ല​യി​ൽ ക​ണ്ട​ത്തി.

സ​മാ​ന രീ​തി​ൽ മോ​ഷ​ണം ന​ട​ത്തു​ന്ന സം​ഘ​ങ്ങ​ളെ​യും ഇ​ത​ര സം​സ്ഥാ​ന മോ​ഷ്ടാ​ക്ക​ളെ​യും കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം ആ​രം​ഭി​ച്ചെ​ങ്കി​ലും നാ​ട്ടു​കാ​രാ​യ ചി​ല​രെ​ക്കു​റി​ച്ചും പോ​ലീ​സ് നി​രീ​ക്ഷ​ണം ന​ട​ത്തു​ന്നു​ണ്ട്.

ച​ങ്ങ​നാ​ശേ​രി ഡി​വൈ​എ​സ്പി ആ​ർ.​ശ്രീ​കു​മാ​ർ, തൃ​ക്കൊ​ടി​ത്താ​നം എ​സ്എ​ച്ച്ഒ ഇ.​അ​ജീ​ബ്, എ​സ്ഐ അ​ഖി​ൽ​ദേ​വ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് കേ​സ​ന്വേ​ഷ​ണം ന​ട​ത്തു​ന്ന​ത്.

ശാസ്ത്രീയ തെളിവുകളുടെയും സിസിടിവി ദൃശ്യങ്ങളുടെയും അടിസ്ഥാനത്തിലാണ് അന്വേഷണം. ഭോ​പ്പാ​ലി​ലാ​യി​രു​ന്ന ജോ​സ​ഫും കു​ടും​ബ​വും മ​ക​ളു​ടെ വി​വാ​ഹ​ത്തി​നാ​യി ര​ണ്ടാ​ഴ്ച മു​ന്പാ​ണ് നാ​ട്ടി​ലെ​ത്തി​യ​ത്.