പാലായിലെ പിങ്ക് പോലീസ് കട്ടപ്പുറത്ത് ;  കൊട്ടിഘോഷിച്ചു നടപ്പാക്കിയ സ്ത്രീസുരക്ഷ പിങ്ക് പോലീസിന്‍റെ പണി ഇപ്പോൾ ഇങ്ങനെ…

കോ​ട്ട​യം: കൊ​ട്ടി​ഘോ​ഷി​ച്ചു ജി​ല്ല​യി​ൽ ന​ട​പ്പാ​ക്കി​യ പാ​ലാ​യി​ലെ പി​ങ്ക് പോ​ലീ​സി​ന്‍റെ സേ​വ​നം നി​ല​ച്ചി​ട്ട് മൂ​ന്നു മാ​സം. പി​ങ്ക് പോ​ലീ​സി​ന്‍റെ വാ​ഹ​നം ക​ട്ട​പ്പു​റ​ത്താ​യ​തോ​ടെ​യാ​ണ് സേ​വ​നം നി​ല​ച്ച​ത്.

ക​ഴി​ഞ്ഞ ഏ​പ്രി​ൽ 29നാ​ണ് വാ​ഹ​നം കേ​ടാ​യ​ത്. തു​ട​ർ​ന്നു വാ​ഹ​നം അം​ഗീ​കൃ​ത ഷോ​റൂമി​ൽ ത​ന്നെ ത​ക​രാ​ർ പ​രി​ഹ​രി​ക്കു​ന്ന​തി​നാ​യി ന​ല്കി​യെ​ങ്കി​ലും നാ​ളി​തു വ​രെ ത​ക​രാ​ർ പ​രി​ഹ​രി​ച്ചു വാ​ഹ​നം തി​രി​കെ എ​ത്തി​ച്ചി​ട്ടി​ല്ല. ഇ​തോ​ടെ പി​ങ്ക് പോ​ലീ​സ് ഡ്യൂ​ട്ടി​യി​ലു​ണ്ടാ​യി​രു​ന്ന വ​നി​താ പോ​ലീ​സു​കാ​രെ പാ​ലാ​യി​ലെ സ്റ്റേ​ഷ​നി​ലേ​ക്കു മാ​റ്റു​ക​യും പി​ങ്ക് പോ​ലീ​സി​ന്‍റെ പാ​ലാ​യി​ലെ സേ​വ​നം അ​വ​സാ​നി​ക്കു​ക​യും ചെ​യ്തു.

സം​സ്ഥാ​ന​ത്താ​കെ വ​നി​ത​ക​ളു​ടെ സു​ര​ക്ഷ​യ്ക്കു വേ​ണ്ടി​യാ​ണ് പി​ങ്ക് പോ​ലീ​സ് സം​വി​ധാ​നം ഏ​ർ​പ്പെ​ടു​ത്തി​യ​ത്. പി​ങ്ക് ക​ണ്‍​ട്രോ​ൾ റൂ​മി​ലേ​ക്ക് വി​ളി​ച്ചു പ​രാ​തി അ​റി​യി​ക്കു​ന്ന​വ​രെ വാ​ഹ​ന​ത്തി​ൽ സ്ഥാ​പി​ച്ചി​രി​ക്കു​ന്ന ജി​പി​എ​സ് സം​വി​ധാ​ന​ത്തി​ന്‍റെ സ​ഹാ​യ​ത്തോ​ടെ ലൊ​ക്കേ​ഷ​ൻ ക​ണ്ടെ​ത്തി അ​വ​രു​ടെ സ്ഥ​ല​ങ്ങ​ളി​ലെ​ത്തി ആ​വ​ശ്യ​മാ​യി സ​ഹാ​യം ചെ​യ്തു ന​ല്കി​യി​രു​ന്നു.

ലോ​ക് ഡൗ​ണ്‍ കാ​ല​ത്ത് മു​തി​ർ​ന്ന വ​നി​ത​ക​ൾ ഉ​ൾ​പ്പെ​ടെ​യു​ള്ള​വ​ർ​ക്ക് പാ​ലാ​യി​ലെ പി​ങ്ക് പോ​ലീ​സ് നി​ര​വ​ധി സ​ഹാ​യ​ങ്ങ​ൾ ചെ​യ്തു ന​ല്കി​യി​രു​ന്നു.പി​ങ്ക് പോ​ലീ​സി​നെ കാ​ണാ​താ​യ​തോ​ടെ ബ​സ് സ്റ്റാ​ൻ​ഡു​ക​ൾ ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ സ്ത്രീ​ക​ളെ ശ​ല്യം ചെ​യ്യു​ന്ന സം​ഭ​വ​ങ്ങ​ൾ വ​ർ​ധി​ച്ചി​ട്ടു​മു​ണ്ട്.

പ​ല സ​മ​യ​ങ്ങ​ളി​ലും പി​ങ്ക് പോ​ലീ​സി​ലേ​ക്കു ബ​സ് സ്റ്റാ​ൻ​ഡ് ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽനിന്നും നി​ര​വ​ധി പേ​ർ ഫോ​ണി​ൽ വി​ളി​ച്ചു പ​രാ​തി പ​റ​യു​ന്നു​ണ്ടെ​ങ്കി​ലും വാ​ഹ​ന​മി​ല്ലാ​ത്ത സ്ഥ​ല​ത്തേ​ക്കു പോ​കാ​നാ​വാ​ത്ത സ്ഥി​തി​യി​ലാ​ണ് പാ​ലാ​യി​ലെ പി​ങ്ക് പോ​ലീ​സ് അം​ഗ​ങ്ങ​ൾ.

ബ​ന്ധ​പ്പെ​ട്ട​വ​ർ വാ​ഹ​ന​ത്തി​ന്‍റെ ത​ക​രാ​ർ പ​രി​ഹ​രി​ക്കു​ന്ന​തി​നാ​വ​ശ്യ​മാ​യ പ​ണം അ​നു​വ​ദി​ച്ചു ന​ല്കാ​ത്ത​തു കൊ​ണ്ടാണ് വാ​ഹ​ന​ത്തി​ന്‍റെ ത​ക​രാ​ർ പ​രി​ഹ​രി​ക്കാ​ത്ത​തെ​ന്നും പ​രാ​തി​യു​ണ്ട്. സ്്ത്രീ​ക​ളു​ടെ സു​ര​ക്ഷ മു​ൻ​നി​ർ​ത്തി വാ​ഹ​നം ത​ക​രാ​ർ പ​രി​ഹ​രി​ച്ചു തി​രി​കെ എ​ത്തി​ച്ചു പി​ങ്ക് പോ​ലീ​സ് സം​വി​ധാ​നം പു​ന​ഃസ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.

 

Related posts

Leave a Comment