ആശങ്കൾക്ക് വിരാമമായി നാളെ പൂരം..! ആ​ര​വം നി​റ​ഞ്ഞു ന​ഗ​രം പൂ​ര​ല​ഹ​രി​യി​ൽ; പൂരത്തിന് ഇ​രു​വി​ഭാ​ഗ​ങ്ങളിലൂമായി ​ 15 വീ​തം ഗ​ജ​വീ​ര​ൻ​മാ​ർ അ​ണി​നി​ര​ക്കും.

തൃ​ശൂ​ർ: ഒ​രു പൂ​ര​വ​ർ​ഷം​കൂ​ടി തൃ​ശൂ​രി​ലേ​ക്ക് മി​ഴി തു​റ​ക്കു​ന്നു. ഇ​നി ക​ണ്ണ​ട​ച്ച് തു​റ​ക്കു​ന്ന​ത് തൃ​ശൂ​ർ പൂ​ര​ത്തി​ലേ​ക്ക്. നാ​ളെ​യാ​ണ് ലോ​കം കാ​ത്തി​രി​ക്കു​ന്ന തൃ​ശൂ​ർ പൂ​രം. ആ​ശ​ങ്ക​ക​ൾ​ക്കും കാ​ർ​മേ​ഘ​ങ്ങ​ൾ​ക്കു​മി​ട​യി​ൽ പൂ​രം എ​ഴു​ന്ന​ള്ളി വ​ന്നു​ക​ഴി​ഞ്ഞു. ആ​ന​പ്പു​റ​മേ​റു​ന്ന ച​മ​യ​പ്ര​ദ​ർ​ശ​ന​ങ്ങ​ൾ പാ​റ​മേ​ക്കാ​വ് തി​രു​വ​ന്പാ​ടി വി​ഭാ​ഗ​ങ്ങ​ൾ ആ​രം​ഭി​ച്ച​തോ​ടെ പൂ​ര​പ്രേ​മി​ക​ൾ ന​ഗ​ര​ത്തി​ലേ​ക്ക് എ​ത്തി​ത്തു​ട​ങ്ങി.

കൊ​ട്ടും​കു​ര​വ​യു​മാ​യി നെ​യ്ത​ല​ക്കാ​വ് ഭ​ഗ​വ​തി​യു​ടെ തി​ട​ന്പേ​റ്റി​യ ഗ​ജ​രാ​ജ​ൻ തെ​ച്ചി​ക്കോ​ട്ടു​കാ​വ് രാ​മ​ച​ന്ദ്ര​ൻ അ​ട​ഞ്ഞു​കി​ട​ന്ന തെ​ക്കേ​ഗോ​പു​ര​വാ​തി​ൽ ത​ള്ളി​ത്തു​റ​ന്ന​തോ​ടെ ആ​ര​വ​മു​യ​രു​ക​യാ​യി.  പൂ​ര​വാ​തി​ൽ തു​റ​ന്നി​ട്ട​ത് കു​ട​മാ​റ്റ​ത്തി​ന്‍റെ വ​ർ​ണ​നീ​രാ​ട്ട് ന​ട​ക്കു​ന്ന തെ​ക്കേ​ചെ​രു​വി​ലേ​ക്ക്,  നാ​ളെ ഒ​ഴു​കി​യെ​ത്തു​ന്ന ജ​ന​സാ​ഗ​ര​ത്തി​ലേ​ക്കാ​ണ്.

ന​ഗ​ര​മാ​കെ നാ​ളെ പൂ​രം നി​റ​യും. പു​രു​ഷാ​ര​വും, ഇ​ട​ച്ച​ങ്ങ​ല​യു​ടെ കി​ലു​ക്ക​വും ആ​ട​യാ​ഭ​ര​ണ​ങ്ങ​ളും നെ​റ്റി​പ്പ​ട്ട​വു​മ​ണി​ഞ്ഞ് ത​ല​യെ​ടു​പ്പി​ന്‍റെ  ക​രി​വീ​ര​രും സു​കൃ​തം ചെ​യ്ത വി​ര​ലു​ക​ൾ തീ​ർ​ക്കു​ന്ന മേ​ള​വും കു​ട​ക​ളു​ടെ സൗ​ന്ദ​ര്യ​മ​ത്സ​ര​വും മാ​ന​ത്തു നി​റ​യു​ന്ന ക​രി​മ​രു​ന്നി​ന്‍റെ പൂ​ര​വും തേ​ക്കി​ൻ​കാ​ട്ടി​ൽ വ​ർ​ണ​പ്പൂ​മ​രം തീ​ർ​ക്കും.

ദേ​ശം ക​ട​ന്നെ​ത്തു​ന്ന അ​തി​ഥി​ക​ളെ​യും, വീ​ട്ടു​കാ​രെ​ന്ന ദേ​ശ​ക്കാ​രെ​യും സ്വീ​ക​രി​ക്കാ​ൻ നി​റ​ഞ്ഞ മ​ന​സോ​ടെ സ്വ​രാ​ജ് റൗ​ണ്ടി​ലെ പ​ന്ത​ലു​ക​ൾ ത​ല​യു​യ​ർ​ത്തി നി​ൽ​ക്കു​ന്നു​ണ്ട്. പ​ന്ത​ലു​ക​ൾ​ക്ക് ഇ​ത്ത​വ​ണ അ​ഴ​കും മി​ഴി​വും കൂ​ടി​യി​ട്ടു​ണ്ട്. പൂ​രം എ​ഴു​ന്നെ​ള്ള​ത്തി​നു​ള്ള ഗ​ജ​രാ​ജ·ാ​രു​ടെ ഫി​റ്റ്ന​സ് പ​രി​ശോ​ധ​ന കാ​ണാ​ൻ ആ​ന​പ്രേ​മി​ക​ളും പൂ​ര​പ്രേ​മി​ക​ളും തേ​ക്കി​ൻ​കാ​ട്ടി​ൽ ചു​റ്റി​യ​ടി​ക്കു​ക​യാ​ണ്.

വൈ​കീ​ട്ട് കു​ളി​ച്ച് കു​റി​തൊ​ട്ട കൊ​ന്പരെ കാ​ണാ​ൻ നൂ​റു​ക​ണ​ക്കി​നാ​ളു​ക​ൾ ത​ടി​ച്ചു​കൂ​ടും. തി​രു​വ​ന്പാ​ടി​യു​ടെ ഗ​ജ​വീ​ര​ർ സി​എം​എ​സ് സ്കൂ​ളി​നു മു​ന്നി​ലെ തേ​ക്കി​ൻ​കാ​ട് ഭാ​ഗ​ത്തും. പാ​റ​മേ​ക്കാ​വ് വി​ഭാ​ഗ​ത്തി​ന്‍റെ ആ​ന​ക​ൾ ക്ഷേ​ത്ര​ഗോ​പു​ര​ത്തി​നു മു​ന്പി​ലും ദേ​വ​സ്വം​പ​റ​ന്പി​ലും അ​ണി​നി​ര​ക്കും. ന​ഗ​രം പൊ​ലീ​സി​ന്‍റെ ക​ന​ത്ത നി​രീ​ക്ഷ​ണ​ത്തി​ലാ​ണ്.

നാ​ളെ രാ​വി​ലെ ഏ​ഴി​ന് ക​ണി​മം​ഗ​ലം ശാ​സ്താ​വ് പൂ​ര​പ്പ​റ​ന്പി​ലെ​ത്തി പൂ​ര​ത്തെ വി​ളി​ച്ചു​ണ​ർ​ത്തും. തു​ട​ർ​ന്ന് ഘ​ട​ക​പൂ​ര​ങ്ങ​ൾ വ​ട​ക്കു​ന്നാ​ഥ​ന്‍റെ ശ്രീ​മൂ​ല​സ്ഥാ​ന​ത്തേ​ക്കെ​ത്തും. രാ​വി​ലെ പ​തി​നൊ​ന്നി​ന് പൂ​ര​പ്രേ​മി​ക​ൾ കാ​ത്തി​രി​ക്കു​ന്ന തി​രു​വ​ന്പാ​ടി​യു​ടെ മ​ഠ​ത്തി​ൽ വ​ര​വ്. പ്ര​സി​ദ്ധ​മാ​യ പ​ഞ്ച​വാ​ദ്യ​ത്തി​ന് കോ​ങ്ങാ​ട് മ​ധു പ്രാ​മാ​ണി​ത്വം വ​ഹി​ക്കും. 12.30ന് ​പാ​റ​മേ​ക്കാ​വി​ന്‍റെ പു​റ​ത്തേ​ക്കെ​ഴു​ന്ന​ള്ളി​പ്പ്.

പെ​രു​വ​നം കു​ട്ട​ൻ​മാ​രാ​രു​ടെ ചെ​ന്പ​ട​മേ​ള​ത്തി​ന്‍റെ അ​ക​ന്പ​ടി​യോ​ടെ വ​ട​ക്കു​ന്നാ​ഥ ക്ഷേ​ത്ര​ത്തി​ലേ​ക്ക്. എ​ഴു​ന്ന​ള്ളി​പ്പ് ഇ​ല​ഞ്ഞി​ത്ത​റ​യി​ലെ​ത്തു​ന്ന​തോ​ടെ ര​ണ്ടി​ന് ആ​യി​ര​ങ്ങ​ൾ കാ​തു​കൂ​ർ​പ്പി​ക്കു​ന്ന ലോ​ക പ്ര​ശ​സ്ത ഇ​ല​ഞ്ഞി​ത്ത​റ മേ​ള​ത്തി​ന് കോ​ൽ വീ​ഴും. ഇ​തി​നി​ടെ കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ പ്രാ​മാ​ണി​ത്വ​ത്തി​ൽ ന​ട​ക്കു​ന്ന പാ​ണ്ടി​മേ​ളം ശ്രീ​മൂ​ല​സ്ഥാ​ന​ത്ത് തു​ട​രും.

ഇ​ല​ഞ്ഞി​ത്ത​റ മേ​ള​ത്തി​ന് സ​മാ​പ്തി​യാ​കു​ന്ന​തോ​ടെ തെ​ക്കേ​ഗോ​പു​ര ന​ട​യി​ലേ​ക്ക് ഇ​രു വി​ഭാ​ഗ​ങ്ങ​ളും വ​ർ​ണ​ങ്ങ​ളൂ​ടെ കു​ട​മാ​റ്റ​ത്തി​ന് മു​ഖാ​മു​ഖം നി​ൽ​ക്കും. ഇ​രു​വി​ഭാ​ഗ​ത്തി​ലും 15 വീ​തം ഗ​ജ​വീ​ര​ൻ​മാ​ർ അ​ണി​നി​ര​ക്കും. കു​ട​മാ​റ്റ​ത്തി​നു​ശേ​ഷം രാ​ത്രി വീ​ണ്ടും എ​ഴു​ന്ന​ള്ളി​പ്പു​ക​ളും ച​ട​ങ്ങു​ക​ളു​ടെ​യും ആ​വ​ർ​ത്ത​നം. പു​ല​ർ​ച്ചെ മൂ​ന്നി​ന് ആ​കാ​ശ​ത്ത് വ​ർ​ണ​ക്കൂ​ട്ടു​ക​ളു​ടെ വെ​ടി​ക്കെ​ട്ട്. ശ​നി​യാ​ഴ്ച ഉ​ച്ച​യ്ക്ക് ശ്രീ​മൂ​ല​സ്ഥാ​ന​ത്ത് ഉ​പ​ചാ​രം ചൊ​ല്ലി പി​രി​യു​ന്ന​തു​വ​രെ ഇ​നി ന​ഗ​ര​വീ​ഥി​ക​ളി​ലും മ​ണ്‍​ത​രി​ക​ളി​ലും പൂ​രം നി​റ​ഞ്ഞു നി​ൽ​ക്കും.