താക്കീത് ചെയ്തിട്ടും ബന്ധം തുടര്‍ന്നു! റേഡിയോ ജോക്കി രാജേഷിനെ കൊലപ്പെടുത്തിയത് പെണ്‍സുഹൃത്തിന്റെ ഭര്‍ത്താവിന്റെ ക്വട്ടേഷന്‍ ? യുവതി വിവാഹമോചനം നേടിയെന്ന് പോലീസ്

തി​രു​വ​നന്തപു​രം: മ​ട​വൂ​രി​ൽ മുൻ റേ​ഡി​യോ ജോ​ക്കി രാ​ജേ​ഷി​ന്‍റെ കൊ​ല​പാ​ത​ക​ത്തി​ന് പി​ന്നി​ൽ ക്വ​ട്ടേ​ഷ​ൻ സം​ഘ​മെ​ന്ന് പോ​ലീ​സ്. വി​ദേ​ശ​ത്തു​ള്ള രാജേഷിന്‍റെ വ​നി​താ സു​ഹൃ​ത്തി​ന്‍റെ ഭ​ർ​ത്താ​വിനെ കേന്ദ്രീകരിച്ചും പോലീസ് അന്വേഷണം നീങ്ങുന്നു. ഖ​ത്ത​റി​ൽ ബി​സി​ന​സ് ന​ട​ത്തു​ന്ന ഇ​യാ​ൾ ഒ​രു മാ​സം മു​ൻ​പ് ത​ന്‍റെ നാ​ടാ​യ ഓ​ച്ചി​റ​യി​ൽ എ​ത്തി​യി​രു​ന്നു. പി​ന്നീ​ട് വി​ദേ​ശ​ത്തേ​ക്ക് മ​ട​ങ്ങു​ക​യാ​യി​രു​ന്നു​വെ​ന്ന് പോ​ലീ​സി​ന് വി​വ​രം ല​ഭി​ച്ചു.

റേ​ഡി​യോ ജോ​ക്കി​യും ഗാ​യ​ക​നു​മാ​യ രാ​ജേ​ഷ് ഒ​രു വ​ർ​ഷം മു​ൻ​പ് ഖ​ത്ത​റി​ൽ ജോ​ലി നോ​ക്കി വ​രി​ക​യാ​യി​രു​ന്നു. ഈ ​അ​വ​സ​ര​ത്തി​ൽ അ​വി​ടെ വ​ച്ച് പ​രി​ച​യ​പ്പെ​ട്ട വ​നി​താ സു​ഹൃ​ത്തു​മാ​യി അ​ടു​പ്പ​ത്തി​ലാ​യി. ഈ ​വി​വ​രം ഭ​ർ​ത്താ​വ് അ​റി​യു​ക​യും രാ​ജേ​ഷി​നെ താ​ക്കീ​ത് ചെ​യ്തി​രു​ന്നു. പി​ന്നീ​ടും ബ​ന്ധം തു​ട​ർ​ന്ന​തോ​ടെ രാ​ജേ​ഷി​നെ​തി​രെ ഇ​യാ​ൾ പോ​ലീ​സി​ൽ പ​രാ​തി ന​ൽ​കു​ക​യും രാ​ജേ​ഷ് ജ​യി​ലി​ൽ ആ​കു​ക​യു​മാ​യി​രു​ന്നു.

ഏ​റെ നാ​ള​ത്തെ ജ​യി​ൽ​വാ​സ​ത്തി​ന് ശേ​ഷം രാ​ജേ​ഷി​നെ ഖ​ത്ത​റി​ൽ നി​ന്നും എ​ക്സി​റ്റ് അ​ടി​ച്ച് നാ​ട്ടി​ലേ​ക്ക് അ​യ​ക്കു​ക​യാ​യി​രു​ന്നു. രാ​ജേ​ഷ് നാ​ട്ടി​ലെ​ത്തി​യി​ട്ടും വ​നി​താ സു​ഹൃ​ത്തു​മാ​യി സോ​ഷ്യ​ൽ മീ​ഡി​യ വ​ഴി ബ​ന്ധം തു​ട​രു​ക​യാ​യി​രു​ന്നു. ഇ​തി​നി​ടെ വ​നി​താ സു​ഹൃ​ത്ത് ഭ​ർ​ത്താ​വി​ൽ നി​ന്നും വി​വാ​ഹ​മോ​ച​നം നേ​ടി​യെ​ന്നും പോ​ലീ​സ് പറയുന്നു. ഈ സംഭവങ്ങൾക്ക് കൊലപാതകവുമായി ബന്ധമുണ്ടോയെന്ന് പോലീസ് അന്വേഷിച്ചു വരികയാണ്.

അതേസമയം രാ​ജേ​ഷി​ന്‍റെ കൊ​ല​പാ​ത​കി​ക​ൾ സ​ഞ്ച​രി​ച്ച സ്വി​ഫ്ട് കാ​ർ ക​ണ്ടെ​ത്താ​ൻ പോ​ലീ​സ് സി​സി​ടി​വി കാ​മ​റ ദൃ​ശ്യ​ങ്ങ​ൾ പ​രി​ശോ​ധി​ച്ച് വ​രി​ക​യാ​ണ്. കേ​സ​ന്വേ​ഷ​ണ​ത്തി​നാ​യി പ്ര​ത്യേ​ക അ​ന്വേ​ഷ​ണ സം​ഘ​ത്തെ രൂ​പീ​ക​രി​ച്ചി​ട്ടു​ണ്ട്. ആ​റ്റി​ങ്ങ​ൽ ഡി​വൈ​എ​സ്പി അ​നി​ൽ​കു​മാ​ർ, കി​ളി​മാ​നൂ​ർ സി​ഐ. വി.​എ​സ്.​പ്ര​ദീ​പ് കു​മാ​ർ, ആ​റ്റി​ങ്ങ​ൽ സി​ഐ. അ​നി​ൽ​കു​മാ​ർ, പ​ള്ളി​യ്ക്ക​ൽ എ​സ്ഐ ഉ​ൾ​പ്പെ​ടെ​യു​ള്ള പോ​ലീ​സ് സം​ഘ​മാ​ണ് കേ​സ് അ​ന്വേ​ഷ​ണ​ത്തി​ന് നി​യോ​ഗി​ച്ചി​രി​ക്കു​ന്ന​ത്.

ക​ഴി​ഞ്ഞ ദി​വ​സം പു​ല​ർ​ച്ചെ ര​ണ്ട് മ​ണി​യോ​ടെ​യാ​ണ് രാ​ജേ​ഷി​ന്‍റെ മ​ട​വൂ​രി​ലെ ഓ​ഫീ​സി​ന​ക​ത്തി​ട്ട് അ​ക്ര​മി സം​ഘം വെ​ട്ടി​ക്കൊ​ല​പ്പെ​ടു​ത്തി​യ​ത്. അ​ക്ര​മി സം​ഘം എ​ത്തു​ന്ന സ​മ​യ​ത്ത് വി​ദേ​ശ​ത്തു​ള്ള വ​നി​താ സു​ഹൃ​ത്തു​മാ​യി ഫോ​ണി​ൽ സം​സാ​രി​ക്കു​ക​യാ​യി​രു​ന്നു​വെ​ന്ന് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്.