വീട്ടിലേക്കുള്ള നടപ്പാത മുന്നറിയിപ്പില്ലാതെ പൊളിച്ച് പഞ്ചായത്ത്; കാൻസർ രോഗിയായ വീട്ടമ്മയും കുടുംബവും ദുരിതത്തിൽ

മാന്നാ​ർ:​ അ​വ​ധിദി​ന​ത്തി​ൽ പ​ഞ്ചാ​യ​ത്ത് പ്ര​സി​ഡ​ന്‍റിന്‍റെയും മെ​മ്പ​റു​ടെ​യും നേ​തൃ​ത്വ​ത്തി​ൽ വീ​ട്ടി​ലേ​ക്കു​ള്ള ന​ട​പ്പാ​ത പൊ​ളി​ച്ചു നീ​ക്കി​യ​താ​യി പ​രാ​തി.

ഇതോ​ടെ വീ​ട്ടി​ൽ നി​ന്നു വാ​ഹ​ന​മി​റ​ക്കാ​ൻ ക​ഴി​യാ​തെ വീ​ട്ടു​കാ​ർ ബു​ദ്ധി​മു​ട്ടു​ക​യാ​ണ്. മാ​ന്നാ​ർ ഗ്രാ​മ​പ​ഞ്ചാ​യ​ത്ത് പ​തി​നാ​റാം വാ​ർ​ഡി​ൽ ജ​ഗ​ദീ​ഷ് ഭ​വ​ന​ത്തി​ൽ ഗോ​പാ​ല​കൃ​ഷ്ണ​ൻ നാ​യ​രു​ടെ വ​സ​തി​യി​ലേ​ക്ക് ക​യ​റു​ന്ന വ​ഴി​യി​ൽ സ്ഥാ​പി​ച്ചി​രു​ന്ന ന​ട​പ്പാ​ത​യാ​ണ് പൊ​ളി​ച്ചുനീ​ക്കി​യ​ത്.

വെ​ള്ള​മൊ​ഴു​കാൻ ത​ട​സ​മാ​ണെ​ന്ന് കാ​ര​ണ​ത്താ​ലാ​ണ് പ​ഞ്ചാ​യ​ത്ത് പ്ര​സി​ഡന്‍റിന്‍റെ സാ​ന്നി​ധ്യ​ത്തി​ൽ വാ​ർ​ഡ് മെ​മ്പ​റും പ​രി​സ​ര​വാ​സി​ക​ളും ചേ​ർ​ന്ന് ജെ​സി​ബി ഉ​പ​യോ​ഗി​ച്ച് പൊ​ളി​ച്ചു നടപ്പാത നീ​ക്കി​യ​ത്.

ഇ​വ​ർ​ക്കെ​തി​രേ ക​ള​ക്ട​ർ​ക്കും ആ​ർ​ഡി​ഒ, മ​നു​ഷ്യാ​വ​കാ​ശ ക​മ്മീ​ഷ​ൻ എന്നിവർക്കും ഗോ​പാ​ല​കൃ​ഷ്ണ​ൻ നാ​യ​ർ പ​രാ​തി ന​ൽ​കി.

കാ​ൻ​സ​ർ രോ​ഗി​യാ​യ ഭാ​ര്യ​യ്ക്ക് ആ​ശു​പ​ത്രി​യി​ൽ പോ​കാ​ൻ വാ​ഹ​നം ഇ​റ​ക്കാ​ൻ പ​റ്റാ​ത്ത സാ​ഹ​ച​ര്യ​മാ​ണ് നി​ല​വി​ലു​ള്ള​ത്. ഇ​തു​മാ​യി ബ​ന്ധ​പ്പെ​ട്ട യാ​തൊ​രു നോ​ട്ടീ​സും പ​ഞ്ചാ​യ​ത്ത് അ​ധി​കാ​രി​ക​ൾ മു​ൻകൂ​ട്ടി ന​ൽ​കി​യിട്ടുമി​ല്ല.

തന്‍റെ വ​സ്തു​വി​ൽ കൂ​ടി ഓ​ട വെ​ട്ടാ​ൻ സ്ഥ​ലം ന​ൽ​ക​ണ​മെ​ന്ന് മെ​മ്പ​റു​ടെ ആ​വ​ശ്യം നി​ര​സി​ക്കു​ക​യും അ​തി​ന് സ്റ്റേ ​വാ​ങ്ങു​ക​യും ചെ​യ്ത​തി​ന്‍റെ വൈ​രാ​ഗ്യ​മാ​ണ് മ​നു​ഷ്യ​ത്വ​ര​ഹി​ത​മാ​യ ഈ ​ന​ട​പ​ടിക്കു പി​ന്നി​ലെ​ന്നാ​ണ് ഇ​യാ​ളു​ടെ ആ​രോ​പ​ണം.