100 കോ​ടി വാ​യ്പ! ഉ​ഡാ​യ്പ്പ് ന​ട​ക്കി​ല്ലെ​ന്നു ബി​ജെ​പി​യും കോ​ണ്‍​ഗ്ര​സും ; ച​ട്ടം പ​ഠി​പ്പി​ക്കാ​ൻ വി​ളി​ച്ച കൗ​ണ്‍​സി​ലി​ൽ മേ​യ​ർ​ക്ക് പ്ര​തി​പ​ക്ഷത്തിന്‍റെ തി​രി​ച്ച​ടി​

സ്വ​ന്തം ​ലേ​ഖ​ക​ൻ

തൃ​ശൂ​ർ: കൗ​ണ്‍​സി​ല​ർ​മാ​രെ ച​ട്ടം പ​ഠി​പ്പി​ക്കാ​ൻ വി​ളി​ച്ചു ചേ​ർ​ത്ത കൗ​ണ്‍​സി​ൽ യോ​ഗ​ത്തി​ൽ മേ​യ​ർ​ക്കു ച​ട്ട​ങ്ങ​ളെ​ഴു​തി​യ പു​സ്ത​കം ന​ൽ​കി പ്ര​തി​പ​ക്ഷത്തിന്‍റെ തി​രി​ച്ച​ടി​. ന​ട​ത്തു​ന്ന​ത് ഉ​ഡാ​യ്പ്പ് ഭ​ര​ണ​മാ​ണെ​ന്നും ആ​ദ്യം ച​ട്ട​ത്തി​ൽ പ​റ​ഞ്ഞി​രി​ക്കു​ന്ന കാ​ര്യ​ങ്ങ​ൾ മേ​യ​റും ഭ​ര​ണാ​ധി​കാ​രി​ക​ളും ചെ​യ്തു കാ​ണി​ക്ക​ണ​മെ​ന്നും ബി​ജെ​പി​യും യു​ഡി​എ​ഫ് അം​ഗ​ങ്ങ​ളും ആ​വ​ശ്യ​പ്പെ​ട്ടു.

പ്ര​തി​പ​ക്ഷ ബ​ഹ​ള​ത്തോ​ടെ​യാ​ണ് കൗ​ണ്‍​സി​ൽ യോ​ഗ​ത്തി​ന് തു​ട​ക്കം കു​റി​ച്ച​ത്. തെ​രു​വു​വി​ള​ക്കു​ക​ൾ ക​ത്തി​ക്കാ​ത്ത​തി​ൽ പ്ര​തി​ഷേ​ധി​ച്ച് വി​ള​ക്കു​കാ​ലി​ൽ റീ​ത്തുവ​ച്ച് പ്ര​തീ​കാ​ത്മ​ക സ​മ​ര​വു​മാ​യി ബി​ജെ​പി​ അം​ഗ​ങ്ങ​ൾ ന​ടു​ത്ത​ള​ത്തി​ലി​റ​ങ്ങി.

സ്വ​രാ​ജ് റൗ​ണ്ടി​ലെ മേ​നാ​ച്ചേ​രി കെ​ട്ടി​ടം പൊ​ളി​ക്കാ​ൻ ചേം​ബ​റി​ൽ ചേ​ർ​ന്ന യോ​ഗ​ത്തി​ൽ തീ​രു​മാ​ന​മെ​ടു​ത്തു​വെ​ന്ന മേ​യ​റു​ടെ പ്ര​സ്താ​വ​ന ക​ള്ള​മാ​ണെ​ന്നും ഇ​തു തി​രു​ത്ത​ണ​മെ​ന്നും ആ​വ​ശ്യ​പ്പെ​ട്ട് പ്ര​തി​പ​ക്ഷാം​ഗ​ങ്ങ​ളും എ​ഴു​ന്നേ​റ്റു. ഇ​തി​നി​ടെ ക​ഴി​ഞ്ഞ കൗ​ണ്‍​സി​ൽ യോ​ഗ​ത്തി​ൽ കെ​ട്ടി​ടം പൊ​ളി​ക്കു​ന്ന​തു സം​ബ​ന്ധി​ച്ച തീ​രു​മാ​ന​മെ​ടു​ത്ത​തി​ൽ തെ​റ്റു പ​റ്റി​യി​ട്ടു​ണ്ടെ​ന്നു ഡെ​പ്യൂ​ട്ടി മേ​യ​ർ റാ​ഫി ജോ​സ് പ​റ​ഞ്ഞി​ട്ടി​ല്ലെ​ന്ന മേ​യ​റു​ടെ പ്ര​സ്താ​വ​ന​യ്ക്കെ​തി​രെ​യും പ്ര​തി​പ​ക്ഷം രം​ഗ​ത്തെ​ത്തി. ആ​ർ​ജ​വ​മു​ണ്ടെ​ങ്കി​ൽ ഡെ​പ്യൂ​ട്ടി മേ​യ​ർ തന്നെ ​ഇ​തു തി​രു​ത്ത​ണ​മെ​ന്നാ​വ​ശ്യ​പ്പെ​ട്ട് ബ​ഹ​ളം വ​ച്ചെ​ങ്കി​ലും ഡെ​പ്യൂ​ട്ടി മേ​യ​ർ അ​ന​ങ്ങി​യി​ല്ല.

ച​ട്ട​ങ്ങ​ളു​ടെ അ​ജ്ഞ​ത മൂ​ലം കോ​ർ​പ​റേ​ഷ​നെ സം​ബ​ന്ധി​ച്ച് തെ​റ്റാ​യ വാ​ർ​ത്ത​ക​ൾ വ​രു​ന്നു​ണ്ടെ​ന്നും, അ​തി​നാ​ൽ ച​ട്ട​ങ്ങ​ളെ​ന്തൊ​ക്കെ​യാ​ണെ​ന്ന് അ​റി​യാ​നും ച​ർ​ച്ച ന​ട​ത്തി ജ​ന​ങ്ങ​ളെ കാ​ര്യ​ങ്ങ​ൾ ബോ​ധ്യ​പ്പെ​ടു​ത്താ​നു​മാ​ണ് അ​ജൻഡ ച​ർ​ച്ച​യ്ക്കു വ​യ്ക്കു​ ന്ന​തെ​ന്നാ​യി​രു​ന്നു ഭ​ര​ണ​ക​ക്ഷി​യു​ടെ നി​ല​പാ​ട്.

നൂ​റുകോ​ടി രൂ​പ വാ​യ്പ​യെ​ടു​ക്കു​ന്ന​തി​നു​വേ​ണ്ടി​യു​ള്ള ന​ട​പ​ടി​യു​ടെ ഭാ​ഗ​മാ​യാ​ണ് ച​ട്ട​ങ്ങ​ൾ എ​ന്തൊ​ക്കെ​യാ​ണെ​ന്നു ചൂ​ണ്ടി​ക്കാ​ണി​ച്ചു​ള്ള അ​ജ​ൻഡയു​മാ​യി ഭ​ര​ണ​പ​ക്ഷം വ​ന്ന​തെ​ന്നു പ്ര​തി​പ​ക്ഷാം​ഗ​ങ്ങ​ൾ കു​റ്റ​പ്പെ​ടു​ത്തി. എ​ന്താ​യാ​ലും നൂ​റു കോ​ടി രൂ​പ വാ​യ്പ​യെ​ടു​ക്കാ​ൻ കൗ​ണ്‍​സി​ൽ അം​ഗീ​കാ​രം ന​ൽ​കി​യെ​ന്നു​ള്ള തീ​രു​മാ​നം അം​ഗീ​ക​രി​ക്കാ​നാ​കി​ല്ലെ​ന്നും വി​ഷ​യം ച​ർ​ച്ച ചെ​യ്യ​ണ​മെ​ന്നും പ്ര​തി​പ​ക്ഷ നേ​താ​വ് എം.​കെ.​മു​കു​ന്ദ​ൻ ആ​വ​ശ്യ​പ്പെ​ട്ടു.

ഇ​നി ഒ​രു വ​ർ​ഷം മാ​ത്രം ബാ​ക്കി​യു​ള്ള​പ്പോ​ൾ എ​ന്തു വി​ക​സ​നം ന​ട​ത്താ​നാ​ണ് ഇ​ത്ര​യും വ​ലി​യ തു​ക വാ​യ്പ​യാ​യി എ​ടു​ക്കു​ന്ന​തെ​ന്നു ബി​ജെ​പി​യി​ലെ എം.​എ​സ്.​സ​ന്പൂ​ർ​ണ ചോ​ദി​ച്ചു. ഒ​രു തെ​രു​വു​വി​ള​ക്കു പോ​ലും ക​ത്തി​ക്കാ​ൻ ക​ഴി​യാ​ത്ത​വ​രാ​ണ് നൂ​റു കോ​ടി വാ​യ്പ​യെ​ടു​ത്ത് വി​ക​സ​നം ന​ട​ത്താ​ൻ പോ​കു​ന്ന​തെ​ന്ന് ബി​ജെ​പി​യി​ലെ കെ.​മ​ഹേ​ഷും വി​ൻ​ഷി അ​രു​ണ്‍​കു​മാ​റും പ​റ​ഞ്ഞു.

ഉ​ഡാ​യ്പ്പ് വേ​ണ്ട…

ഉ​ഡാ​യ്പ്പ് ഭ​ര​ണ​മാ​ണ് ന​ട​ത്തു​ന്ന​തെ​ന്നും കാ​ര്യ​ങ്ങ​ൾ ന​ട​ത്തു​ന്ന​തി​ന് ആ​ത്മാ​ർ​ഥ​ത വേ​ണ​മെ​ന്നും മു​ൻ മേ​യ​ർ രാ​ജ​ൻ പ​ല്ല​ൻ പ​റ​ഞ്ഞു. മു​ഖം ന​ന്നാ​കാ​ത്ത​തി​ന് ക​ണ്ണാ​ടി ത​ല്ലി​പ്പൊ​ളി​ച്ചി​ട്ട് കാ​ര്യ​മി​ല്ല. നൂ​റു കോ​ടി രൂ​പ വാ​യ്പ​യെ​ടു​ക്കു​ന്ന​തു സം​ബ​ന്ധി​ച്ച് കൗ​ണ്‍​സി​ൽ ച​ർ​ച്ച ചെ​യ്തി​ട്ടി​ല്ല. മേ​യ​റു​ടെ ചേം​ബ​റി​ൽ പോ​യി​രു​ന്നു വി​ഷ​യം പാ​സാ​ക്കി​യെ​ന്ന് പ​റ​ഞ്ഞാ​ൽ കാ​ര്യ​ങ്ങ​ൾ ന​ട​ക്കി​ല്ലെ​ന്നും പ​ല്ല​ൻ പ​റ​ഞ്ഞു.

ന​ഗ​ര​ത്തി​ൽ ക​ഴി​ഞ്ഞ ഭ​ര​ണ​സ​മി​തി വി​ക​സ​നം ന​ട​ത്തി​യി​ട്ടു​ണ്ടോ​യെ​ന്നു ജ​ന​ങ്ങ​ളോ​ട് ചോ​ദി​ച്ചാ​ൽ അ​റി​യാം. ട്രാ​ഫി​ക് ബ്ലോ​ക്ക് മാ​റ്റി​യാ​ൽ എ​ന്തു വ​രു​മാ​നം കി​ട്ടു​മെ​ന്ന് എ​ഴു​തി​വ​യ്ക്കാ​ൻ നാ​ണ​മി​ല്ലേ ഭ​ര​ണ​സ​മി​തി​ക്കെ​ന്നു പ​ല്ല​ൻ ചോ​ദി​ച്ചു.

ത​രാ​മെ​ന്നു പ​റ​ഞ്ഞ പ​ണം പോ​ലും വാ​ങ്ങി​ക്കാ​ൻ ത​യാ​റാ​കാ​തെ വാ​യ്പ​യെ​ടു​ക്കാ​ൻ പോ​കു​ന്ന​തി​ന്‍റെ പി​ന്നി​ലെ കാ​ര്യ​ങ്ങ​ൾ എ​ല്ലാ​വ​ർ​ക്കും ബോ​ധ്യ​മാ​കും. എം​ജി റോ​ഡി​ലെ മേ​ൽ​പാ​ലം പ​ണി​യാ​ൻ പ​ണം ത​രാ​മെ​ന്നു വ്യ​വ​സാ​യി പ​റ​ഞ്ഞി​ട്ടും അ​തു വാ​ങ്ങാ​ൻ ഇ​തുവ​രെ ത​യാ​റാ​യി​ട്ടി​ല്ല.

മേ​യ​റി​ന് ച​ട്ട​മ​റി​യു​മോ

ച​ട്ടം ലം​ഘി​ച്ചി​ട്ടു​ണ്ടോ​യെ​ന്നു മേ​യ​ർ ആ​ദ്യം പ​രി​ശോ​ധി​ക്ക​ണ​മെ​ന്ന് പ്ര​തി​പ​ക്ഷ​ത്തെ എ.​പ്ര​സാ​ദ് പ​റ​ഞ്ഞു. കോ​ർ​പ​റേ​ഷ​നി​ൽ ച​ട്ട​പ്ര​കാ​ര​മ​ല്ല കാ​ര്യ​ങ്ങ​ൾ ന​ട​ക്കു​ന്ന​ത്. ഡി​പി​സി അം​ഗ​ത്തി​ന്‍റെ മു​റി​യി​ൽ കോ​ർ​പ​റേ​ഷ​ന്‍റെ ഫ​യ​ലു​ക​ൾ കൊ​ണ്ടു​വ​യ്ക്കു​ന്ന​ത് ഏ​തു ച​ട്ട​ത്തി​ലാ​ണ് പ​റ​ഞ്ഞി​രി​ക്കു​ന്ന​തെ​ന്നു കാ​ണി​ച്ചു ത​ര​ണ​മെ​ന്നു പ്ര​സാ​ദ് ചോ​ദി​ച്ചു. യാ​തൊ​രു അ​വ​കാ​ശ​വു​മി​ല്ലാ​തെ ഡി​പി​സി അം​ഗ​മാ​യ മു​ൻ ഡെ​പ്യൂ​ട്ടി മേ​യ​ർ വ​ർ​ഗീ​സ് ക​ണ്ടം​കു​ള​ത്തി​ക്ക് മൂ​ന്നു സ്റ്റാ​ഫി​നെ നി​യ​മി​ച്ചി​രി​ക്കു​ന്ന​തും ഏ​തു ച​ട്ട​പ്ര​കാ​ര​മാ​ണെ​ന്നു വ്യ​ക്ത​മാ​ക്ക​ണം. പി​ന്നീ​ട്, മേ​യ​ർ ആ​ദ്യം ച​ട്ട​ങ്ങ​ൾ പ​ഠി​ക്കൂ​വെ​ന്ന പ്ര​ഖ്യാ​പ​ന​വു​മാ​യി ച​ട്ട​ങ്ങ​ളെ​ഴു​തിയ പു​സ്ത​കം പ്ര​സാ​ദ് മേ​യ​റു​ടെ മേ​ശ​പ്പു​റ​ത്തു വ​ച്ചു.

ഡി​പി​സി അം​ഗ​മെ​ന്ന നി​ല​യി​ൽ വ​ർ​ഗീ​സ് ക​ണ്ടം​കു​ള​ത്തി ഫ​യ​ലു​ക​ൾ ക​സ്റ്റ​ഡി​യി​ൽ വ​യ്ക്കു​ക​യാ​ണെ​ന്നു ലാ​ലി ജെ​യിം​സും ആ​രോ​പി​ച്ചു. പ​ല ഫ​യ​ലു​ക​ളും കി​ട്ട​ണ​മെ​ങ്കി​ൽ ക​ണ്ടം​കു​ള​ത്തി​യു​ടെ മു​ന്പി​ൽ ക്യൂ ​നി​ൽ​ക്കേ​ണ്ട സാ​ഹ​ച​ര്യ​മാ​ണ്. ച​ട്ട​ങ്ങ​ൾ പ​ഠി​പ്പി​ക്കാ​നെ​ത്തി​യി​രി​ക്കു​ന്ന മേ​യ​ർ കോ​ർ​പ​റേ​ഷ​നി​ൽ ഡി​പി​സി മെ​ന്പ​റു​ടെ അ​ധി​കാ​രം എ​ന്താ​ണെ​ന്നു വ്യ​ക്ത​മാ​ക്ക​ണ​മെ​ന്നും ലാ​ലി ജെ​യിം​സ് പ​റ​ഞ്ഞു. ക​മ്മീ​ഷ​ൻ വാ​ങ്ങാ​ൻ മാ​ത്ര​മാ​ണ് നൂ​റു കോ​ടി രൂ​പ വാ​യ്പ​യെ​ടു​ക്കാ​നു​ള്ള നീ​ക്കം ന​ട​ത്തു​ന്ന​ത്.

മേ​യ​ർ സ്വ​ന്തം പാ​ർ​ട്ടി​ക്കാ​രാ​യ എം​എ​ൽ​എ​യേയും മു​ൻ എം​പി​യെ​യും കു​റ്റ​പ്പെ​ടു​ത്തി അ​ജ​ൻഡയി​ൽ എ​ഴു​തി​യി​രി​ക്കു​ന്ന​തു നാ​ണ​ക്കേ​ടാ​ണെ​ന്ന് ടി.​ആ​ർ.​സ​ന്തോ​ഷ് പ​റ​ഞ്ഞു. ദി​വാ​ൻ​ജി​മൂ​ല മേ​ൽപാല​വു​മാ​യി ബ​ന്ധ​പ്പെ​ട്ട വി​ഷ​യ​ത്തി​ൽ മു​ൻ എം​പി​യും എം​എ​ൽ​എ​യും ഇ​ട​പെ​ട്ടി​ല്ലെ​ന്നാ​ണ് അ​ജൻഡയി​ൽത​ന്നെ പ​റ​ഞ്ഞി​രി​ക്കു​ന്ന​ത്. ത​ന്നെ കോ​ർ​പ​റേ​ഷ​ൻ അ​വ​ഗ​ണി​ക്കു​ക​യാ​ണെ​ന്നു മു​ൻ എം​പി സി.​എ​ൻ.​ജ​യ​ദേ​വ​ൻത​ന്നെ വ്യ​ക്ത​മാ​ക്കി​യി​ട്ടു​ള്ള​താ​ണെ​ന്നും സ​ന്തോ​ഷ് പ​റ​ഞ്ഞു.
താ​ൻ പ​റ​യാ​ത്ത കാ​ര്യ​ങ്ങ​ളാ​ണ് പു​റ​ത്തു​വ​രു​ന്ന​തെ​ന്ന് ബി​ജെ​പി​യി​ലെ സി.​രാ​വു​ണ്ണി പ​റ​ഞ്ഞു. മേ​നാ​ച്ചേ​രി കെ​ട്ടി​ടം പൊ​ളി​ക്കാ​ൻ താ​ൻ പ​റ​ഞ്ഞി​ട്ടി​ല്ല.

ഇ​തി​നി​ടെ ഭ​ര​ണ​ക​ക്ഷി​യും കോ​ണ്‍​ഗ്ര​സും ഒ​ത്തു​ക​ളി​ക്കു​ക​യാ​ണെ​ന്നും അ​തി​നാ​ലാ​ണ് അ​വി​ശ്വാ​സം കൊ​ണ്ടു​വ​രാ​ത്ത​തെ​ന്നും രാ​വു​ണ്ണി പ​റ​ഞ്ഞ​തു കോ​ണ്‍​ഗ്ര​സ് അം​ഗ​ങ്ങ​ളെ ചൊ​ടി​പ്പി​ച്ചു. നൂ​റുകോ​ടി വാ​യ്പ​യെ​ടു​ക്കു​ന്ന​തി​നെ​തി​രെ കോ​ണ്‍​ഗ്ര​സ് കോ​ട​തി​യി​ൽ പോ​യി​രി​ക്കു​ന്ന​തു വ​ക്കീ​ലി​നു പ​ണം കൊ​ടു​ക്കാ​ൻവേ​ണ്ടി മാ​ത്ര​മാ​ണെ​ന്നും പ​റ​ഞ്ഞ​തോ​ടെ കോ​ണ്‍​ഗ്ര​സ് അം​ഗ​ങ്ങ​ൾ എ​ഴു​ന്നേ​റ്റു. ഇ​ത്ത​രം അ​ടി​സ്ഥാ​ന​മി​ല്ലാ​ത്ത കാ​ര്യ​ങ്ങ​ൾ പ​റ​യാ​ൻ അ​നു​വ​ദി​ക്കി​ല്ലെ​ന്നാ​യി​രു​ന്നു കോ​ണ്‍​ഗ്ര​സ് അം​ഗ​ങ്ങ​ളു​ടെ വാ​ദം. ഇ​തോ​ടെ കു​റ​ച്ചുനേ​രം യോ​ഗം ബ​ഹ​ള​ത്തി​ൽ മു​ങ്ങി.

ഭ​ര​ണ​ക​ക്ഷി​യം​ഗ​ങ്ങ​ളാ​യ എം.​എ​ൽ.​റോ​സി, അ​നൂ​പ് ക​രി​പ്പാ​ൽ, ഗ്രീ​ഷ്മ അ​ജ​യ​ഘോ​ഷ് തു​ട​ങ്ങി​യ​വ​ർ നൂ​റു​കോ​ടി രൂ​പ വാ​യ്പ​യെ​ടു​ക്കു​ന്ന​തി​നെ അ​നു​കൂ​ലി​ച്ചു. വി​ക​സ​ന വി​രോ​ധി​ക​ളാ​ണ് വാ​യ്പ​യെ​ടു​ക്കു​ന്ന​തി​നെ ത​ട​സ​പ്പെ​ടു​ത്തു​ന്ന​തെ​ന്നാ​യി​രു​ന്നു ഭ​ര​ണ​ക​ക്ഷി​യം​ഗ​ങ്ങ​ളു​ടെ വാ​ദം. പ്ര​തി​പ​ക്ഷാം​ഗ​ങ്ങ​ളാ​യ ഫ്രാ​ൻ​സി​സ് ചാ​ലി​ശേ​രി, വ​ത്സ​ല ബാ​ബു​രാ​ജ്, ജേ​ക്ക​ബ് പു​ലി​ക്കോ​ട്ടി​ൽ തു​ട​ങ്ങി​യ​വ​രും ച​ർ​ച്ച​ക​ളി​ൽ പ​ങ്കെ​ടു​ത്തു.