രാഷ്ട്രീയ ഇടപെടലുകള്‍! ക്രൂര മര്‍ദനത്തിനിരയായി കൊല്ലപ്പെട്ട ഏഴു വയസുകാരന്റെ അമ്മയെ കേസില്‍നിന്ന് ഒഴിവാക്കാന്‍ നീക്കം; യുവതിയുടെ അമ്മ ഈ പാര്‍ട്ടിയുടെ സജീവ പ്രവര്‍ത്തക

തൊ​ടു​പു​ഴ: ക്രൂ​ര മ​ർ​ദ​ന​ത്തി​നിര​യാ​യി ഏ​ഴു വ​യ​സു​കാ​ര​ൻ കൊ​ല്ല​പ്പെ​ട്ട കേ​സി​ൽ മാ​താ​വി​നെ പ്ര​തിസ്ഥാ​ന​ത്തു നി​ന്നും ഒ​ഴി​വാ​ക്കാ​ൻ രാ​ഷ്ട്രീ​യ ഇ​ട​പെ​ട​ലു​ക​ൾ ന​ട​ക്കു​ന്ന​താ​യി സൂ​ച​ന. ഭ​ര​ണ​പ​ക്ഷ​ത്തു​ള്ള ഒ​രു പാ​ർ​ട്ടി​യാ​ണ് ഇ​വ​രെ കേ​സി​ൽ നി​ന്നൊ​ഴി​വാ​ക്കി സാ​ക്ഷി​പ്പ​ട്ടി​ക​യി​ൽ ഉ​ൾ​പ്പെ​ടു​ത്താ​ൻ ശ്ര​മി​ക്കു​ന്ന​ത്.

ഇ​വ​രു​ടെ അ​മ്മ ഈ ​പാ​ർ​ട്ടി​യു​ടെ സ​ജീ​വ പ്ര​വ​ർ​ത്ത​ക​യാ​ണ്. കാ​ല​ങ്ങ​ളാ​യി കു​ട്ടി​ക​ൾ പ്ര​തി​യി​ൽ നി​ന്നും മ​ർ​ദ​ന​മേ​റ്റു വാ​ങ്ങി​യി​ട്ടും ഈ ​വി​വ​രം പു​റ​ത്ത​റി​യി​ക്കാ​തെ മ​റ​ച്ചുപി​ടി​ച്ച​ത് ഗു​രു​ത​ര കു​റ്റ​മാ​ണെ​ന്ന ആ​ക്ഷേ​പ​ത്തി​നി​ട​യി​ലാ​ണ് ഇ​വ​രെ ര​ക്ഷി​ക്കാ​നു​ള്ള ശ്ര​മം ന​ട​ക്കു​ന്ന​ത്.

ര​ണ്ടു കു​ട്ടി​ക​ളെ​യും രാ​ത്രി​യി​ലും മ​റ്റും വീ​ട്ടി​ൽ ത​നി​ച്ചാ​ക്കി പോ​കു​ന്ന​ത് പ്ര​തി​യാ​യ അ​നി​ൽ ആ​ന​ന്ദും കു​ട്ടി​ക​ളു​ടെ മാ​താ​വും പ​തി​വാ​ക്കി​യി​രു​ന്നു. കു​ട്ടി​ക്കു നേ​രെ​യു​ള്ള മ​ർ​ദ​നവി​വ​രം പു​റ​ത്ത​റി​ഞ്ഞ​തു മു​ത​ൽ ഇ​വ​രെ കേ​സി​ൽ പ്ര​തി ചേ​ർ​ക്ക​ണ​മെ​ന്ന ആ​വ​ശ്യം വി​വി​ധ കോ​ണു​ക​ളി​ൽ നി​ന്നും ഉ​യ​ർ​ന്നി​രു​ന്നു. കു​ട്ടി​യെ അ​തി​ക്രൂ​ര​മാ​യി മ​ർ​ദി​ച്ച് മൃ​ത​പ്രാ​യ​നാ​ക്കി ആ​ശു​പ​ത്രി​യി​ൽ എ​ത്തി​ച്ച​പ്പോ​ഴും പ്ര​തി​യെ ര​ക്ഷ​പ്പെ​ടു​ത്താ​നു​ള്ള ശ്ര​മ​മാ​ണ് ഇ​വ​രു​ടെ ഭാ​ഗ​ത്തു നി​ന്നു​ണ്ടാ​യ​ത്.

ആ​ദ്യ​ഘ​ട്ട​ത്തി​ൽ പോ​ലീ​സി​ന്‍റെ ചോ​ദ്യം ചെ​യ്യ​ലി​നോ​ട് ഇ​വ​ർ സ​ഹ​ക​രി​ച്ചി​രു​ന്നു​മി​ല്ല. ഇ​തോ​ടെ പോ​ലീ​സ് ഇ​വ​രെ പ്ര​തി ചേ​ർ​ക്കാ​ൻ തീ​രു​മാ​നി​ച്ചു. എ​ന്നാ​ൽ പി​ന്നീ​ട് ഇ​വ​രെ മു​ഖ്യസാ​ക്ഷി​യാ​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. ഇ​തി​നി​ടെ കു​ട്ടി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​തു മു​ത​ൽ ഇ​വ​രു​ടെ കാ​ര്യ​ങ്ങ​ൾ പാ​ർ​ട്ടി​യു​ടെ നി​യ​ന്ത്ര​ണ​ത്തി​ലാ​ണ് ന​ട​ക്കു​ന്ന​ത്.​

എ​ന്നാ​ൽ ആ​ദ്യം മാ​താ​വി​നെ കേ​സി​ൽ പ്ര​തി ചേ​ർ​ത്തി​ട്ടി​ല്ലെ​ങ്കി​ലും കു​ട്ടി കൊ​ല്ല​പ്പെ​ട്ട സാ​ഹ​ച​ര്യ​ത്തി​ൽ സാ​ധ്യ​ത ത​ള്ളി​ക്ക​ള​യാ​നാ​കി​ല്ലെ​ന്നാ​ണ് ഇ​പ്പോ​ൾ പോ​ലീ​സി​ന്‍റെ നി​ല​പാ​ട്. മാ​താ​വി​നെ അ​ടു​ത്ത ദി​വ​സം ത​ന്നെ കൂ​ടു​ത​ൽ വി​ശ​ദ​മാ​യി ചോ​ദ്യം ചെ​യ്യും.

കു​ട്ടി​യു​ടെ മാ​താ​വും ഇ​ള​യ സ​ഹോ​ദ​ര​നും കു​ടും​ബ​ശ്രീ​യു​ടെ സ്നേ​ഹി​ത ഷെ​ൽ​ട്ട​ർ ഹോ​മി​ലാ​ണ് ക​ഴി​യു​ന്ന​ത്. സം​സ്കാ​രം ന​ട​ന്ന രാ​ത്രി​യി​ൽ ത​ന്നെ മു​ത്ത​ശി​യോ​ടൊ​പ്പം ഇ​വ​രെ ഇ​ടു​ക്കി​യി​ലെ ഷെ​ൽ​ട്ട​ർ ഹോ​മി​ലേ​ക്ക് മാ​റ്റു​ക​യാ​യി​രു​ന്നു. ഇ​വി​ടെ മാ​താ​വി​ന് കൗ​ണ്‍​സലിം​ഗ് ന​ൽ​കു​ന്നു​ണ്ടെ​ന്ന് അ​ധി​കൃ​ത​ർ പ​റ​ഞ്ഞു.

ഇ​ള​യ​കു​ട്ടി​യു​ടെ സു​ര​ക്ഷി​ത​ത്വ​ത്തി​ൽ ആ​ശ​ങ്ക​യു​ണ്ടെ​ന്നും അ​തി​നാ​ൽ കു​ട്ടി​യു​ടെ സം​ര​ക്ഷ​ണം വി​ട്ടുനി​ൽ​ക​ണ​മെ​ന്നാ​വ​ശ്യ​പ്പെ​ട്ട് പി​താ​വി​ന്‍റെ വീ​ട്ടു​കാ​ർ ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി​ക്ക് അ​പേ​ക്ഷ ന​ൽ​കി​യി​ട്ടു​ണ്ടെ​ങ്കി​ലും ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മെ​ടു​ത്തി​ട്ടി​ല്ല.

കൊ​ല്ല​പ്പെ​ട്ട കു​ട്ടി​യു​ടെ നാ​ലു വ​യ​സു​കാ​ര​നാ​യ ഇ​ള​യ സ​ഹോ​ദ​ര​നെ പ്ര​കൃ​തി​വി​രു​ദ്ധ പീ​ഡ​ന​ത്തിനി​ര​യാ​ക്കി​യെ​ന്ന കേ​സി​ൽ പ്ര​തി അ​രു​ണ്‍ ആ​ന​ന്ദി​ന്‍റെ അ​റ​സ്റ്റ് ക​ഴി​ഞ്ഞ ദി​വ​സം രേ​ഖ​പ്പെ​ടു​ത്തി. മൂ​ത്ത കു​ട്ടി​യെ മ​ർ​ദി​ച്ചു കൊ​ല​പ്പെ​ടു​ത്തി​യ കേ​സി​ൽ റി​മാ​ൻ​ഡി​ൽ ക​ഴി​യു​ന്ന പ്ര​തി​യു​ടെ അ​റ​സ്റ്റ് ജ​യി​ലി​ലെ​ത്തി​യാ​ണ് അ​ന്വേ​ഷ​ണ​ത്തി​നു നേ​തൃ​ത്വം ന​ൽ​കു​ന്ന സി​ഐ അ​ഭി​ലാ​ഷ് ഡേ​വി​ഡ് രേ​ഖ​പ്പെ​ടു​ത്തി​യ​ത്.

കു​ട്ടി​യെ മ​ർ​ദി​ച്ചു കൊ​ല​പ്പെ​ടു​ത്തി​യ കേ​സി​ൽ റി​മാ​ൻ​ഡി​ൽ ക​ഴി​യു​ന്ന പ്ര​തി തി​രു​വ​ന​ന്ത​പു​രം ന​ന്ത​ൻ​കോ​ട് ക​ട​വ​ത്തൂ​ർ കാ​സി​ൽ അ​രു​ണ്‍ ആ​ന​ന്ദി​നു വേ​ണ്ടി ഹൈ​ക്കോ​ട​തി അ​ഭി​ഭാ​ഷ​ക​ൻ ഹാ​ജ​രാ​കും. സൈ​നി​ക ഉ​ദ്യോ​ഗ​സ്ഥ​നാ​യ സ​ഹോ​ദ​ര​നാ​ണ് എ​റ​ണാ​കു​ള​ത്തെ അ​ഭി​ഭാ​ഷ​ക​നെ ഏ​ർ​പ്പാ​ടാ​ക്കി​യ​ത്. എ​ന്നാ​ൽ മാ​താ​വോ സ​ഹോ​ദ​ര​നോ ഇ​യാ​ളെ ഇ​തുവ​രെ കാ​ണാ​നെ​ത്തി​യി​ല്ല. പ്ര​തി​യെ അ​റ​സ്റ്റു ചെ​യ്ത ദി​വ​സം ത​ന്നെ ഇ​യാ​ളു​ടെ മാ​താ​വി​നെ ഫോ​ണി​ൽ അ​റ​സ്റ്റു വി​വ​രം പോ​ലീ​സ് അ​റി​യി​ച്ചി​രു​ന്നു.

അ​രു​ണി​ന്‍റെ പേ​രി​ൽ നി​ല​വി​ൽ ഉ​ണ്ടാ​യി​രു​ന്ന ക്രി​മി​ന​ൽ കേ​സു​ക​ളും സാ​ന്പ​ത്തി​ക ഇ​ട​പാ​ടു​ക​ളും പോ​ലീ​സ് വീ​ണ്ടും പ​രി​ശോ​ധി​ക്കും. കൂ​ടാ​തെ കൊ​ല്ല​പ്പെ​ട്ട കു​ട്ടി​യു​ടെ പി​താ​വ് പ​ത്തു മാ​സം മു​ൻ​പ് അ​കാ​ല​ത്തി​ൽ മ​രി​ച്ച​തി​നെ സം​ബ​ന്ധി​ച്ച് ബ​ന്ധു​ക്ക​ൾ ന​ൽ​കി​യ പ​രാ​തി​യി​ലും തു​ട​ർ അ​ന്വേ​ഷ​ണം ഉ​ണ്ടാ​കും.

പ്ര​തി ബാം​ഗ്ലൂ​രി​ൽ ജോ​ലി ചെ​യ്തി​രു​ന്ന കാ​ല​ത്ത് അ​ടു​പ്പ​മു​ണ്ടാ​യി​രു​ന്ന കാ​മു​കി ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച​തും പോ​ലീ​സ് അ​ന്വേ​ഷ​ണ​ത്തി​നു വി​ധേ​യ​മാ​ക്കും. കു​ട്ടി​ക​ളു​ടെ പേ​രി​ൽ ബാ​ങ്കി​ൽ മു​ത്ത​ച്ഛ​ൻ നി​ക്ഷേ​പി​ച്ചി​രു​ന്ന പ​ണം ആ​ൾ​മാ​റാ​ട്ടം ന​ട​ത്തി ത​ട്ടി​യെ​ടു​ത്ത​തി​നു പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.