ദേ​ശീ​യ​പാ​ത​യി​ൽ കു​ഴി​യ​ട​യ്ക്കു​ന്ന​ത് മ​ണ്ണും ക്വാ​റി​വേ​സ്റ്റും ടാ​ർ മി​ക്സ​റും ഉ​പ​യോ​ഗി​ച്ച്; ഒരു വർഷത്തിനുള്ളിൽ നടന്നത് എണ്ണിയാൽ തീരാത്ത ഓട്ടയട

വ​ട​ക്ക​ഞ്ചേ​രി: വ​ട​ക്ക​ഞ്ചേ​രി-​മ​ണ്ണു​ത്തി ദേ​ശീ​യ​പാ​ത​യി​ൽ കു​ഴി​യ​ട​യ്ക്കു​ന്ന​ത് മ​ണ്ണും ക്വാ​റി​വേ​സ്റ്റും ടാ​ർ​മി​ക്സ​റും ഉ​പ​യോ​ഗി​ച്ച്. കു​തി​രാ​നി​ൽ ക്വാ​റി​വേ​സ്റ്റും ടാ​ർ​മി​ക്സ​റും ഉ​പ​യോ​ഗി​ച്ച് കു​ഴി​യ​ട​യ്ക്കു​ന്പോ​ൾ വ​ട​ക്ക​ഞ്ചേ​രി ത​ങ്കം ജം​ഗ്്ഷ​നി​ലെ കു​ഴി​യ​ട​യ്ക്ക​ൽ റോ​ഡി​ലേ​ക്ക് മ​ണ്ണും ചെ​ളി​യും വാ​രി​യി​ട്ട്.

ആ​റു​വ​രി​പ്പാ​ത​യ്ക്കാ​യി നി​ർ​മി​ച്ച റോ​ഡി​ലെ കു​ഴി​ക​ൾ അ​ട​യ്ക്കു​ന്ന​ത് ര​ണ്ടാ​ഴ്ച നി​ല​നി​ല്ക്കാ​വു​ന്ന വി​ധം അ​ധി​ക​മാ​യി ടാ​ർ ഉ​പ​യോ​ഗി​ച്ചു​ള്ള കു​ഴി​ട​യ്ക്ക​ലാ​ണ്. ഇ​ത്ത​രം ഓ​ട്ട​യ​ട​യ്ക്ക​ൽ കൊ​ന്പ​ഴ ഭാ​ഗ​ത്താ​ണ് ഇ​ന്ന​ലെ ന​ട​ന്ന​ത്. നി​ർ​മാ​ണം ക​ഴി​ഞ്ഞ് വെ​ള്ള​വ​ര​യി​ട്ട റോ​ഡി​ലാ​ണ് കു​ഴി​ക​ൾ പെ​രു​കു​ന്ന​ത്.

ഇ​വി​ടെ ടാ​ർ അ​ട​ർ​ന്നു​പോ​ന്ന ഭാ​ഗ​ങ്ങ​ളു​ടെ അ​രി​കു​ക​ൾ വീ​ണ്ടും കു​ത്തി​യി​ള​ക്കി ഓ​ട്ട​യ​ട​യ്ക്കു​ന്നു​ണ്ട്. മ​ഴ​മാ​റി​യാ​ൽ മ​ണ്ണും ചെ​ളി​യും വാ​രി​യി​ട്ട വ​ട​ക്ക​ഞ്ചേ​രി ത​ങ്കം ക​വ​ല​യി​ൽ ഇ​നി പൊ​ടി​ശ​ല്യ​വും രൂ​ക്ഷ​മാ​കും. കു​തി​രാ​നി​ലും ഇ​തു​ത​ന്നെ​യാ​കും സ്ഥി​തി.

പു​തി​യ ആ​റു​വ​രി​പ്പാ​ത നി​ർ​മി​ച്ച് ഒ​രു​വ​ർ​ഷ​ത്തി​നു​ള്ളി​ൽ ത​ന്നെ നി​ര​വ​ധി​ത​വ​ണ​യാ​ണ് ഓ​ട്ട​യ​ട​യ്ക്ക​ൽ ന​ട​ക്കു​ന്ന​ത്. ഒ​രു​ഭാ​ഗ​ത്ത് ഓ​ട്ട​യ​ട​യ്ക്ക​ൽ പൂ​ർ​ത്തി​യാ​യാ​ൽ മ​റു​ഭാ​ഗം വാ​തു​റ​ക്കും. നി​ർ​മാ​ണ​ത്തി​ലെ അ​പാ​ക​ത​മൂ​ലം ടാ​റിം​ഗി​ന്‍റെ ആ​യു​സും കു​റ​വാ​ണ്.