മേ​ഴ്സി കോ​പ്സി​ന്‍റെ സ​ഹാ​യ​ഹ​സ്തം ; കാ​രി​ക്ക​ട​വ് ആ​ദി​വാ​സി കോ​ള​നി​യി​ൽ കു​ടി​വെ​ള്ള​മെത്തുന്നു

വെ​ള്ളി​ക്കു​ള​ങ്ങ​ര: വേ​ന​ൽ​ക്കാ​ല​മാ​യാ​ൽ കു​ടി​വെ​ള്ളം കി​ട്ടാ​തെ വ​ല​യു​ന്ന കാ​രി​ക്ക​ട​വി​ലെ ആ​ദി​വാ​സി കു​ടും​ബ​ങ്ങ​ൾ​ക്ക് ജ​ന​മൈ​ത്രി പോ​ലീസ് സ​മ്മാ​നി​ച്ച കു​ടി​വെ​ള്ള​പ​ദ്ധ​തി ആ​ശ്വാ​സ​മാ​കു​ന്നു. കാ​ക്കി​യു​ടെ കാ​രു​ണ്യ​ത്തി​ൽ ഈ ​വേ​ന​ൽ ജ​ല​സ​മൃ​ദ്ധ​മാ​കു​മെ​ന്ന പ്ര​തീ​ക്ഷ​യി​ലാ​ണ് ആ​ദി​വാ​സി കു​ടും​ബ​ങ്ങ​ൾ. മ​റ്റ​ത്തൂ​ർ പ​ഞ്ചാ​യ​ത്തി​ലെ കാ​രി​ക്ക​ട​വ് ആ​ദി​വാ​സി കോ​ള​നി​യി​ലാ​ണ് പോ​ലി​സീലെ മേ​ഴ്സി കോ​പ്സ് കു​ടി​വെ​ള്ള സം​വി​ധാ​നം ഒ​രു​ക്കി​യി​ട്ടു​ള്ള​ത്.

മ​ല​യ​ർ വി​ഭാ​ഗ​ക്കാ​രാ​യ 16 കു​ടും​ബ​ങ്ങ​ളാ​ണ് കാ​രി​ക്ക​ട​വ് ആ​ദി​വാ​സി കോ​ള​നി​യി​ൽ താ​മ​സി​ക്കു​ന്ന​ത്. കു​റു​മാ​ലി പു​ഴ​യു​ടെ കൈ​വ​ഴി​യാ​യ മു​പ്ലി​പു​ഴ​യോ​ര​ത്താ​ണ് കോ​ള​നി സ്ഥി​തി ചെ​യ്യു​ന്ന​ത്. മ​റ്റ​ത്തൂ​ർ പ​ഞ്ചാ​യ​ത്തി​ലെ വ​ട​ക്കു​കി​ഴ​ക്കേ കോ​ണി​ലു​ള്ള ചൊ​ക്ക​ന വാ​ർ​ഡി​ലു​ള്ള ഈ ​കോ​ള​നി​യി​ൽ വേ​ന​ൽ​മാ​സ​ങ്ങ​ളി​ൽ ശു​ദ്ധ​ജ​ലം കി​ട്ടാ​ക്ക​നി​യാ​ണ്. വേ​ന​ൽ​ക്കാ​ല​മാ​യാ​ൽ പു​ഴ വ​റ്റു​ന്ന​തോ​ടെ കോ​ള​നി​യി​ലു​ള്ള കി​ണ​റു​ക​ളും വ​റ്റി​പോ​കും. പി​ന്നെ പു​ഴ​യി​ൽ കു​ഴി​യു​ണ്ടാ​ക്കി അ​തി​ൽ നി​ന്ന് കോ​രി​യെ​ടു​ക്കു​ന്ന വെ​ള്ള​മാ​ണ് കോ​ള​നി​യി​ലെ കു​ടും​ബ​ങ്ങ​ൾ​ക്കാ​ശ്ര​യം.

ക​ഴി​ഞ്ഞ വേ​ന​ലി​ൽ കോ​ള​നി​യി​ലെ കു​ടും​ബ​ങ്ങ​ൾ ശു​ദ്ധ​ജ​ല​ത്തി​നാ​യി ദു​രി​തം അ​നു​ഭ​വി​ച്ച​ത് ശ്ര​ദ്ധ​യി​ൽ പെ​ട്ട വെ​ള്ളി​ക്കു​ള​ങ്ങ​ര ജ​ന​മൈ​ത്രി പോ​ലീ​സാ​ണ് മേ​ഴ്സി​കോ​പ്സി​ന്‍റെ സ​ഹാ​യ​ത്തോ​ടെ ഇ​വ​രു​ടെ ജ​ല​ക്ഷാ​മ​ത്തി​നു പ​രി​ഹാ​ര​മു​ണ്ടാ​ക്കാ​ൻ പ​ദ്ധ​തി ആ​വി​ഷ്കരി​ച്ച​ത്. ഇ​തി​ന്‍റെ ഭാ​ഗ​മാ​യി കോ​ള​നി​യി​ലെ ര​ണ്ടു​കി​ണ​റു​ക​ളു​ടെ ആ​ഴം കൂ​ട്ടു​ക​യും ആ​ൾ​മ​റ കെ​ട്ടി സം​ര​ക്ഷി​ക്കു​ക​യും ചെ​യ്തു.

കി​ണ​റു​ക​ളോ​ടു ചേ​ർ​ന്ന് മോ​ട്ടോ​ർ ഷെ​ഡു​ക​ളും നി​ർ​മി​ച്ചു. ഇ​വി​ടെ നി​ന്ന് പ​ന്പ് ചെ​യ്യു​ന്ന വെ​ള്ളം കോ​ള​നി​യു​ടെ പ്ര​വേ​ശ​ന​ക​വാ​ട​ത്തി​നു സ​മീ​പം ഉ​യ​ര​ത്തി​ൽ നി​ർ​മ്മി​ച്ചി​ട്ടു​ള്ള കോ​ണ്‍​ക്രീ​റ്റ് ത​റ​യി​ൽ സ്ഥാ​പി​ച്ച ജ​ല​സം​ഭ​ര​ണി​ക​ളി​ലേ​ക്കെ​ത്തി​ച്ചാ​ണ് കു​ടും​ബ​ങ്ങ​ൾ​ക്ക് വി​ത​ര​ണം ചെ​യ്യു​ന്ന​ത്. ഇ​തി​നാ​യി മു​ഴു​വ​ൻ വീ​ടു​ക​ളി​ലും ടാ​പ്പു​ക​ളും സ്ഥാ​പി​ച്ചി​ട്ടു​ണ്ട്.

പ​തി​നാ​യി​രം ലി​റ്റ​ർ സം​ഭ​ര​ണ ശേ​ഷി​യു​ള്ള ര​ണ്ട് ടാ​ങ്കു​കളാ​ണ് കു​ടി​വെ​ള്ള പ​ദ്ധ​തി​യു​ടെ ഭാ​ഗ​മാ​യി കോ​ള​നിയി​ൽ സ്ഥാ​പി​ച്ചി​ട്ടു​ള്ള​ത്. ക​ഴി​ഞ്ഞ പ്ര​ള​യ​ത്തി​ൽ കി​ണ​റു​ക​ളി​ലൊ​ന്ന് പു​ഴ വെ​ള്ളം നി​റ​ഞ്ഞ് മ​ലി​ന​മാ​കു​ക​യും മോ​ട്ടോ​ർ കേ​ടു​വ​രി​ക​യും ചെ​യ്തി​രു​ന്നു.

കി​ണ​റു​ക​ൾ വൃ​ത്തി​യാ​ക്കു​ക​യും മോ​ട്ടോ​റു​ക​ൾ ന​ന്നാ​ക്കി പ്ര​വ​ർ​ത്ത​ന​ക്ഷ​മ​മാ​ക്കു​ക​യും ചെ​യ്ത​തോ​ടെ കോ​ള​നി​യി​ലെ ജ​ല​ക്ഷാ​മം പ​രി​ഹ​രി​ക്ക​പ്പെ​ട്ടി​രി​ക്ക​യാ​ണ്. പു​ഴ​യി​ൽ നീ​രൊ​ഴു​ക്കു കു​റ​ഞ്ഞു​തു​ട​ങ്ങി​യ​തോ​ടെ കി​ണ​റു​ക​ളി​ൽ ജ​ല​നി​ര​പ്പു താ​ഴു​മെ​ന്ന ആ​ശ​ങ്ക​യു​ണ്ടെ​ങ്കി​ലും ഇ​തി​നു പ​രി​ഹാ​ര​മാ​യി മ​ണ​ൽ​ചാ​ക്കു​ക​ൾ കൊ​ണ്ട് പു​ഴ​യി​ൽ താ​ൽ​ക്കാ​ലി​ക ത​ട​യ​ണ നിർമി ക്കാനുള്ള ഒ​രു​ക്ക​ത്തി​ലാ​ണ് ആ​ദി​വാ​സി​ക​ൾ.