നാ​ടി​നെ ക​ണ്ണീ​രി​ലാ​ഴ്ത്തി വി​ദ്യാ​ർ​ഥി​യു​ടെ മ​ര​ണം! ഫു​ട്ബോ​ൾ ക​ളി​ക്കി​ടെ പ​രി​ക്കേ​റ്റ സ​ഹ​പാ​ഠി​യെ വീ​ട്ടി​ലെ​ത്തി ക​ണ്ടു മ​ട​ങ്ങും വഴിയായിരുന്നു അപകടം

കൊ​ള​ക്കാ​ട്: സൈ​ക്കി​ളി​ൽ​നി​ന്നു​വീ​ണ് എ​ട്ടാം​ക്ലാ​സ് വി​ദ്യാ​ർ​ഥി അ​ല​ൻ ജോ ​മാ​ത്യു മ​രി​ച്ച​ത് നാ​ടി​ന്‍റെ നൊ​ന്പ​ര​മാ​യി.

ക​ഴി​ഞ്ഞ ദി​വ​സം സ്കൂ​ളി​ൽ ഫു​ട്ബോ​ൾ ക​ളി​ക്കി​ടെ പ​രി​ക്കേ​റ്റ സ​ഹ​പാ​ഠി​യെ വീ​ട്ടി​ലെ​ത്തി ക​ണ്ടു മ​ട​ങ്ങും വ​ഴി​യാ​ണ് ഇ​ന്ന​ലെ ഉ​ച്ച​ക​ഴി​ഞ്ഞ് മൂ​ന്നോ​ടെ അ​ല​നും കൂ​ട്ടു​കാ​ര​ൻ അ​ന​ൽ​മോ​ൻ അ​ജി​യും ക​യ​റി​യ സൈ​ക്കി​ൾ കു​ത്ത​നേ​യു​ള്ള ഇ​റ​ക്ക​ത്തി​ൽ നി​യ​ന്ത്ര​ണം​വി​ട്ടു മ​റി​ഞ്ഞ​ത്.

സാ​ന്തോം ഹ​യ​ർ സെ​ക്ക​ൻ​ഡ​റി സ്കൂ​ൾ എ​ട്ടാം ക്ലാ​സ് വി​ദ്യാ​ർ​ഥി​ക​ളാ​യ ഇ​രു​വ​രും കൊ​ള​ക്കാ​ട് കു​രി​ശു​മ​ല റോ​ഡി​ൽ സെ​ന്‍റ് തോ​മ​സ് പ​ള്ളി​ക്കു സ​മീ​പ​മു​ള്ള സു​ഹൃ​ത്തി​ന്‍റെ വീ​ട്ടി​ൽ​നി​ന്ന് സൈ​ക്കി​ളി​ൽ മ​ട​ങ്ങു​ക​യാ​യി​രു​ന്നു.

കു​ത്ത​നേ​യു​ള്ള ഇ​റ​ക്ക​ത്തി​ലൂ​ടെ തി​രി​കെ വ​രും വ​ഴി പ​ള്ളി​മു​റി​ക്ക് സ​മീ​പ​മെ​ത്തി​യ​പ്പോ​ൾ സൈ​ക്കി​ളി​ന്‍റെ നി​യ​ന്ത്ര​ണം ന​ഷ്ട​പ്പെ​ട്ടു.

സൈ​ക്കി​ൾ വെ​ട്ടി​ച്ചു നി​ർ​ത്താ​ൻ ശ്ര​മി​ച്ചെ​ങ്കി​ലും പ​ത്തു മീ​റ്റ​റി​ലേ​റെ താ​ഴ്ച​യി​ലു​ള്ള നെ​ടും​പൊ​യി​ൽ-​കൊ​ള​ക്കാ​ട് റോ​ഡി​ലേ​ക്ക് തെ​റി​ച്ചു​വീ​ഴു​ക​യാ​യി​രു​ന്നെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു.

ഇ​റ​ക്ക​ത്തി​ൽ നി​യ​ന്ത്ര​ണം വി​ട്ട സൈ​ക്കി​ൾ വേ​ഗ​ത്തി​ലാ​യി​രു​ന്ന​തി​നാ​ൽ ഇ​രു​വ​രും മെ​ക്കാ​ഡം റോ​ഡി​ലെ ന​ടു​വ​ര​യ്ക്ക് സ​മീ​പ​ത്തേ​ക്കാ​ണ് തെ​റി​ച്ചു​വീ​ണ​ത്.

റോ​ഡി​ലൂ​ടെ കൊ​ള​ക്കാ​ട് ഭാ​ഗ​ത്തേ​ക്ക് വ​രി​ക​യാ​യി​രു​ന്ന ലോ​റി പെ​ട്ടെ​ന്നു നി​ർ​ത്തി. ലോ​റി​ക്ക് കു​റ​ച്ചു മു​ന്പി​ൽ ന​ടു​റോ​ഡി​ലേ​ക്കാ​ണ് ഇ​വ​ർ വീ​ണ​ത്.

അ​ല​ന്‍റെ ത​ല​യ്ക്കും മു​ഖ​ത്തി​നും ഗു​രു​ത​ര​മാ​യി പ​രി​ക്കേ​റ്റി​രു​ന്നു. ഉ​ട​ൻ പേ​രാ​വൂ​രി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു.

വീ​ഴ്ച​യി​ൽ​ത്ത​ന്നെ മ​ര​ണം സം​ഭ​വി​ച്ചി​രി​ക്കാ​മെ​ന്നാ​ണ് നി​ഗ​മ​നം. അ​ല​നാ​ണ് സൈ​ക്കി​ളോ​ടി​ച്ചി​രു​ന്ന​ത്. പി​ന്നി​ലി​രു​ന്ന അ​ന​ൽ​മോ​നും റോ​ഡി​ലേ​ക്ക് വീ​ണെ​ങ്കി​ലും കാ​ര്യ​മാ​യി പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

ഓ​ടി​ക്കൂ​ടി​യ നാ​ട്ടു​കാ​രാ​ണ് ഇ​രു​വ​രെ​യും ആ​ശു​പ​ത്രി​യി​ൽ എ​ത്തി​ച്ച​ത്. പേ​രാ​വൂ​രി​ലെ സ്വ​കാ​ര്യ ആ​ശു​പ​ത്രി​യി​ലെ ചി​കി​ത്സ​യ്ക്കു​ശേ​ഷം വീ​ട്ടി​ൽ വി​ശ്ര​മ​ത്തി​ലാ​ണ് അ​ന​ൽ​മോ​ൻ.