വെള്ളിക്കുളങ്ങര: മറ്റത്തൂര് ഗ്രാമപഞ്ചായത്ത് പ്രസിഡന്റ് ടെസി ജോസിന്റെ നേതൃത്വത്തില് ഭരണസമിതി അംഗങ്ങള് ആനപ്പാന്തം ആദിവാസി ഉന്നതി സന്ദര്ശിച്ചു.
ഉന്നതിയിലെ പ്രശ്നങ്ങൾക്കും, ആവശ്യങ്ങൾക്കും പരിഹാരം കാണുമെന്ന് ജനപ്രതിനിധികൾ ഉറപ്പു നല്കി. തൊഴിലുറപ്പ് പദ്ധതിയിലെ ആദിവാസി പങ്കാളിത്തം, അഭ്യസ്തവിദ്യര്ക്ക് ജോലി, വിദ്യാര്ഥികള്ക്ക് സൈക്കിള് അടക്കമുള്ള വാഹന സൗകര്യം, കുടിവെള്ള വിതരണം തുടങ്ങി നിരവധി ആവശ്യങ്ങള് ആദിവാസികള് ജനപ്രതിനിധികള്ക്കു മുന്നില് ഉന്നയിച്ചു.
ജോലിക്ക് പോകുന്ന മാതാപിതാക്കളുടെ ചെറിയ കുട്ടികൾക്കുള്ള പരിപാലനത്തിനും അവര്ക്ക് പോഷകാഹാരം ഉറപ്പുവരുത്താനുള്ള ആവശ്യം ഗൗരവമായി പരിഗണിക്കുമെന്ന് പ്രസിഡന്റ് പറഞ്ഞു. പഞ്ചായത്തംഗങ്ങളായ നൂര്ജഹാന് നവാസ്, മിനിമോള് ടീച്ചര്, സുമ ആന്റണി എന്നിവരാണ് പ്രസിഡന്റിനൊപ്പം ഉന്നതിയിലെത്തിയത്.
