കൊച്ചി: കനത്ത മഴയും വെള്ളക്കെട്ടും തുടരുന്ന സാഹചര്യത്തിൽ എറണാകുളം ജില്ലയിലെ വിദ്യാഭ്യാസ സ്ഥാപനങ്ങൾക്ക് ചൊവ്വാഴ്ചയും കളക്ടർ അവധി പ്രഖ്യാപിച്ചു.പ്രൊഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണെന്ന് കളക്ടർ അറിയിച്ചു.തിങ്കളാഴ്ചയും ജില്ലയിലെ വിദ്യാഭ്യാസ സ്ഥാപനങ്ങൾ അവധി നൽകിയിരുന്നു.
Read MoreCategory: Kochi
എറണാകുളത്ത് പോളിംഗ് 20.72 ശതമാനം; സ്ഥിതിഗതികൾ പരിശോധിച്ചു വരുന്നെന്ന് കളക്ടർ
കൊച്ചി: ശക്തമായ മഴ തുടരുന്ന എറണാകുളം മണ്ഡലത്തിൽ പോളിംഗ് 20.72 ശതമാനം. ഉച്ചയ്ക്ക് ഒന്ന വരെയുള്ള കണക്കുകൾ പ്രകാരമാണിത്. കോന്നിയിലും, അരൂരും 40ശതമാനത്തിനു മുകളിലും വട്ടിയൂർകാവിലും മഞ്ചേശ്വരത്തും 30ശതമാനത്തിനു മുകളിലും പോൾ ചെയ്തപ്പോഴാണ് എറണാകുളത്ത് 20.72 ശതമാനം മാത്രം വോട്ട് രേഖപ്പെടുത്തിയിട്ടുള്ളത്. മണ്ഡലത്തിലെ അയ്യപ്പൻകാവിൽ ബൂത്തുകൾ, വെള്ളം കയറിയതിനേത്തുടർന്ന് മാറ്റി സ്ഥാപിച്ചെങ്കിലും ഇവിടങ്ങളിൽ അഞ്ച് ശതമാനം മാത്രമാണ് വോട്ട് രേഖപ്പെടുത്തിയത്. ഇതടക്കം പോളിംഗ് ശതമാനം പരിശോധിച്ച് മുഖ്യ തെരഞ്ഞെടുപ്പ് ഓഫീസർ ടിക്കാറാം മീണയ്ക്ക് റിപ്പോർട്ട് നല്കുമെന്ന് കളക്ടർ എസ്.സുഹാസ് പറഞ്ഞു. കലൂർ സബ്സ്റ്റേഷനിലെ വെള്ളം പമ്പ് ചെയ്ത് കളയാനുള്ള ശ്രമം തുടരുകയാണെന്നും അഗ്നിശമനസേന ഇതിനായി പരിശ്രമിച്ചുകൊണ്ടിരിക്കുകയാണെന്നും കളക്ടർ കൂട്ടിച്ചേർത്തു.
Read Moreകനത്ത മഴയും വെള്ളക്കെട്ടും; എറണാകുളത്ത് വോട്ടെടുപ്പ് മാറ്റിവെക്കണമെന്ന് മുല്ലപ്പള്ളി രാമചന്ദ്രൻ
തിരുവനന്തപുരം: അതിശക്തമായ മഴ തുടരുന്ന സാഹചര്യവും വെള്ളക്കെട്ടുകള് രൂപപ്പെട്ട സാഹചര്യവും കണക്കിലെടുത്ത് എറണാകുളത്തെ വോട്ടെടുപ്പ് മാറ്റിവെക്കണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. ഇക്കാര്യം തിരഞ്ഞെടുപ്പ് കമ്മീഷന്റെ ശ്രദ്ധയില്പ്പെടുത്തിയെന്നും എന്നാല്, കേന്ദ്രനിരീക്ഷകയുടെ നിലപാടാണ് തടസം നില്ക്കുന്നതെന്നും അദ്ദേഹം മാധ്യമങ്ങളോട് പറഞ്ഞു. എറണാകുളത്തെ പോളിംഗ് ബൂത്തുകളില് മഴയെത്തുടര്ന്നുള്ള ബുദ്ധിമുട്ടുകളുണ്ട്. ഇക്കാര്യം മുഖ്യ തിരഞ്ഞെടുപ്പ് ഓഫീസറെ അറിയിച്ചിരുന്നു. അദ്ദേഹം ആദ്യം അനുഭാവപൂര്വ്വമായാണ് പ്രതികരിച്ചത്. എന്നാല്, കേന്ദ്രനിരീക്ഷയുടെ നിലപാടാണ് പുതിയ പ്രസ്താവനയ്ക്ക് പിന്നിലെന്നാണ് കരുതുന്നത്- മുല്ലപ്പള്ളി പറഞ്ഞു. ഏത് പ്രതികൂല സാഹചര്യമുണ്ടായാലും അവസാനത്തെ വോട്ടര്ക്കും വോട്ട് രേഖപ്പെടുത്താന് അവസരമൊരുക്കണമെന്നും മുഖ്യ തിരഞ്ഞെടുപ്പ് ഓഫീസറെ ചോദ്യം ചെയ്യാന് ആഗ്രഹിക്കുന്നില്ലെന്നും അദ്ദേഹം കൂട്ടിച്ചേര്ത്തു.
Read Moreമാർക്ക് ദാന വിവാദം; കെഎസ്യു മാര്ച്ചില് സംഘര്ഷം, പോലീസ് ലാത്തി വീശി
കൊച്ചി: എംജി സര്വകലാശാലയിലെ മാർക്ക് ദാന വിവാദത്തിൽ പ്രതിഷേധിച്ച് കെഎസ്യു സർവകലാശാലാ ആസ്ഥാനത്തേക്ക് നടത്തിയ മാര്ച്ചില് സംഘര്ഷം. മന്ത്രി കെ.ടി.ജലീല് രാജിവെക്കണമെന്നാവശ്യപ്പെട്ടുകൊണ്ടുള്ള മാര്ച്ചാണ് സംഘര്ഷത്തില് കലാശിച്ചത്. കെഎസ്യു സംസ്ഥാന പ്രസിഡന്റ് കെ.എം.അഭിജിത്തിന്റെ നേതൃത്വത്തിലായിരുന്നു മാര്ച്ച് നടന്നത്. തിരുവഞ്ചൂര് രാധാകൃഷ്ണനാണ് പ്രക്ഷോഭം ഉദ്ഘാടനം ചെയ്തത്. എന്നാല്, ഉദ്ഘാടന ശേഷം ബാരിക്കേഡ് തകര്ത്ത് പ്രവര്ത്തകര് അകത്ത് കയറാന് ശ്രമിച്ചതാണ് സംഘര്ഷത്തില് കലാശിച്ചത്. ഇതേത്തുടര്ന്ന് പോലീസ് ലാത്തി വീശുകയും ടിയര് ഗ്യാസ് പ്രയോഗിക്കുകയും ചെയ്തു. വലിയ തോതിലുള്ള പ്രകോപനമാണ് പോലീസിനു നേരെ പ്രവര്ത്തകരുടെ ഭാഗത്ത് നിന്നുണ്ടായത്. പിരിഞ്ഞു പോയ പ്രവര്ത്തകര് പോലീസിനു നേരെ കല്ലെറിയുകയും ചെയ്തു.
Read Moreഎറണാകുളത്ത് ലോഡ്ജിൽ അമ്മയും മക്കളും മരിച്ച നിലയിൽ; വിഷം കഴിച്ച് മരിച്ചതാണെന്ന് സംശയിക്കുന്നു
കൊച്ചി: എറണാകുളം സൗത്ത് റെയിൽവേ സ്റ്റേഷന് സമീപമുള്ള സ്വകാര്യ ലോഡ്ജിൽ അമ്മയും രണ്ട് മക്കളും മരിച്ച നിലയിൽ. പി. രാധാമണി (64), ആർ. സുരേഷ് കുമാർ (43), ആർ. സന്തോഷ് കുമാർ (40) എന്നിവരെയാണ് ശനിയാഴ്ച രാവിലെ മരിച്ച നിലയിൽ കണ്ടെത്തിയത്. ബംഗളൂരുവിൽ താമസിക്കുന്ന മലയാളികളാണ് ഇവർ. ഇവർ വിഷം കഴിച്ച് മരിച്ചതായാണ് സംശയിക്കുന്നത്. ഇവരെ രണ്ട് ദിവസമായി പുറത്ത് കാണാത്തതിനെ തുടർന്ന് ലോഡ്ജ് ജീവനക്കാർ പോലീസിൽ അറിയിക്കുകയായിരുന്നു. തുടർന്ന് ഡൂപ്ലിക്കേറ്റ് താക്കോൽ ഉപയോഗിച്ച് മുറി തുറന്നപ്പോഴാണ് മൂവരെയും മരിച്ച നിലയിൽ കണ്ടത്.
Read Moreതിരുമാറാടി ഗവൺമെന്റ് ആശുപത്രി പരിസരത്തെ വെള്ളക്കെട്ട്; രോഗികൾക്ക് ദുരിതമാകുന്നു
കൂത്താട്ടുകുളം: ആശുപത്രി പരിസരത്തെ വെള്ളക്കെട്ട് രോഗികളടക്കമുള്ളവർക്ക് ദുരിതമാകുന്നു. തിരുമാറാടി ഗവ. ആശുപത്രിക്കു മുന്നിലെ വെള്ളക്കെട്ടാണ് രോഗികൾക്ക് ദുരിതമായിമാറിയിരിക്കുന്നത്. കഴിഞ്ഞ ദിവസങ്ങളിൽ പെയ്ത കനത്ത മഴയെത്തുടർന്ന് രൂപപ്പെട്ട വെള്ളക്കെട്ടു മൂലം ആശുപത്രിയിലേക്ക് കയറാൻ പറ്റാത്ത അവസ്ഥയാണ്. സാമൂഹ്യ ആരോഗ്യ കേന്ദ്രമായി ഉയർത്തിയതോടെ വൈകുന്നേരം ആറു വരെ ഇവിടെ സേവനം ലഭ്യമാണ്. ഇതോടെ ദിവസവും ഇവിടെ നിരവധി രോഗികളാണെത്തുന്നത്. വെള്ളക്കെട്ടുമൂലം സ്ത്രീകളും വൃദ്ധരുമടക്കമുള്ളവർ ഏറെ ബുദ്ധിമുട്ടിയാണ് ആശുപത്രിയിലേക്ക് കയറുന്നത്. പഞ്ചായത്ത് നടത്തിയ വിവിധ നിർമാണ പ്രവൃത്തികളിലെ അപാകതയാണ് വെള്ളക്കെട്ടിനു കാരണമെന്ന് നാട്ടുകാർ പറയുന്നത്. ടാഗോർ ഹാളിലേക്കും ആശുപത്രിയിലേക്കും കടക്കുന്ന ഭാഗത്ത് രണ്ട് ലോഡിലേറെ മണ്ണ് കൂട്ടിയിട്ടിരിക്കുന്നതാണ് വെള്ളക്കെട്ടുണ്ടാകാൻ പ്രധാന കാരണം. വെള്ളക്കെട്ടിന് ശാശ്വത പരിഹാരമുണ്ടാക്കാൻ അധികൃതർ വേണ്ട നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
Read Moreസ്വകാര്യ ബസിന്റെ അമിത വേഗതയും മത്സരയോട്ടവും ചോദ്യം ചെയ്ത യുവാവിന് മർദ്ദനം; നടപടിക്കൊരുങ്ങി പോലീസ്
വൈപ്പിൻ: സ്വകാര്യ ബസിന്റെ അമിത വേഗതയും മത്സരയോട്ടവും ചോദ്യം ചെയ്ത ബൈക്ക് യാത്രികനെ ബസ് ജീവനക്കാർ മർദിച്ച സംഭവത്തിൽ പോലീസ് ഇന്ന് ബസ് ജീവനക്കാർക്കെതിരേ കേസെടുക്കും. പെരുമാൾപ്പടി പൂപ്പാടി വീട്ടിൽ വിപിൻ-25 ആണ് മർദനത്തിന് ഇരയായത്. ഇന്നലെ പുതുവൈപ്പിൽ വച്ചായിരുന്നു സംഭവം. പരിക്കേറ്റ വിപിനെ ഞാറക്കൽ ക്രിസ്തുജയന്തി ആശുപത്രിയിൽ പ്രവേശിപ്പിച്ചിരിക്കുകയാണ്. വൈപ്പിൻ ഗോശ്രീ വഴി എറണാകുളം റൂട്ടിൽ ഓടുന്ന അല്ലപ്പറന്പ് ( കോമറേഡ്) എന്ന ബസിലെ ജീവനക്കാരാണ് മർദിച്ചത്. സാന്റാ ക്രൂസ് സ്കൂളിനു മുൻവശം ബസ് നിർത്തി ഡ്രൈവറും ഡോർചെക്കറും ചേർന്ന് വളഞ്ഞിട്ട് മർദിക്കുകയായിരുന്നു എന്ന് ആശുപത്രിയിൽ കഴിയുന്ന വിപിൻ പറയുന്നു. വൈപ്പിനിൽ സ്വകാര്യ ബസുകളുടെ അമിത വേഗതയിലും ജീവനക്കാരുടെ പെരുമാറ്റ ദൂഷ്യത്തിലും ഒട്ടേറെ പരാതികൾ ഉണ്ടായിട്ടും പോലീസിന്റെ ഭാഗത്തുനിന്നും യാതൊരു നപടിയുമുണ്ടാകുന്നില്ലെന്ന് വ്യാപകമായ ആക്ഷേപമുണ്ട്. പല ബസിലെയും ജീവനക്കാർ ഗുണ്ടകളെ പോലെയാണ് വിദ്യാർഥികളോടും മറ്റും പെരുമാറുന്നത്.…
Read Moreപേരണ്ടൂർ കനാൽ ശുചിയാക്കൽ; ഒന്പതു നിർദേശങ്ങളുമായി ഹൈക്കോടതി
കൊച്ചി: പേരണ്ടൂർ കനാലിൽ മാലിന്യം നിക്ഷേപിക്കുന്നതു നിരോധിച്ച് സർക്കാർ ഉത്തരവിറക്കണമെന്നും ഇക്കാര്യത്തിൽ നഗരസഭയെ പൂർണ വിശ്വാസമില്ലെന്നും ഹൈക്കോടതി വ്യക്തമാക്കി. പേരണ്ടൂർ കനാൽ ശുചിയാക്കുന്നതിനായി ഒന്പതു നിർദേശങ്ങളും സിംഗിൾ ബെഞ്ച് നൽകി. കനാലിലെ മാലിന്യങ്ങൾ നീക്കി നീരൊഴുക്ക് പുനഃസ്ഥാപിക്കണമെന്നാവശ്യപ്പെട്ട് സമർപ്പിച്ച ഹർജിയിലാണ് ഹൈക്കോടതിയുടെ നിർദേശം. കനാൽ ശുചീകരണത്തിൽ നഗരസഭയെ പൂർണമായും വിശ്വസിക്കാൻ കഴിയാത്തതിനാൽ സർക്കാരും കളക്ടറും ഇതിലിടപെടണമെന്ന് ഹൈക്കോടതി അഭിപ്രായപ്പെട്ടു. കനാലിന്റെ ഏറ്റവും ചുരുങ്ങിയ വീതി നാലു മീറ്ററാണെന്നും നഗരസഭ തന്നെ കനാൽ കൈയേറിയിട്ടുണ്ടെന്നും സർക്കാരിനു വേണ്ടി ഹാജരായ അഡ്വക്കറ്റ് ജനറൽ പറഞ്ഞു. കനാലിന്റെ മൂന്നു കിലോമീറ്ററോളം സർവേ കഴിഞ്ഞു. ഇതു പൂർത്തിയാക്കാൻ രണ്ടു മാസം കൂടി വേണം. കനാൽ 16.5 മീറ്റർ വീതിയിലാക്കാൻ പ്രത്യേക പദ്ധതിയുണ്ടെന്നും എജി വ്യക്തമാക്കി. തുടർന്ന് ഹർജി നവംബർ 15നു പരിഗണിക്കാൻ മാറ്റി. എറണാകുളം ഗാന്ധിനഗർ സ്വദേശികളായ ബി. വിജയകുമാർ, കെ.ജെ. ട്രീസ…
Read Moreഎച്ച്ടുഒ ഫ്ളാറ്റ് പൊളിക്കൽ; പ്രാരംഭ നടപടികൾ ഇന്ന് തുടങ്ങിയേക്കും; പരിസരവാസികൾക്ക് ഇൻഷുറൻസ് പരിരക്ഷ ഉറപ്പാക്കിയ ശേഷം പൊളിക്കൽ
കൊച്ചി: മരടിലെ ആൽഫ സെറീനിന്റെ രണ്ടു ടവറുകൾ പൊളിക്കുന്നതിനുള്ള പ്രാരംഭ നടപടികൾക്കു പിന്നാലെ ഹോളിഫെയ്ത്ത് എച്ച്ടുഒ ഫ്ളാറ്റ് പൊളിക്കുന്നതിനുള്ള പ്രാരംഭ നടപടികൾ ഇന്ന് ആരംഭിച്ചേക്കും. മുംബൈയിലെ എഡിഫിസ് എൻജിനീയേഴ്സ് എന്ന കന്പനിക്കാണ് എച്ച്ടുഒ പൊളിക്കുന്നതിനുള്ള കരാർ. നിയന്ത്രിത സ്ഫോടനത്തിലൂടെ പൊളിക്കുന്നതിന് മുന്നോടിയായി ഫ്ളാറ്റിനുള്ളിലെ ഫിറ്റിംഗ്സുകളും പാനലുകളും പൊളിച്ചു മാറ്റുന്ന പണികളാണ് പ്രാരംഭഘട്ടത്തിൽ നടക്കുന്നത്. ആൽഫ സെറീനിലെ ഇത്തരം പ്രവൃത്തികൾ ഇന്നും തുടരുന്നുണ്ട്. ചെന്നൈയിലെ വിജയ് സ്റ്റീൽസാണ് ആൽഫ സെറീൻ പൊളിക്കുന്നത്. എച്ച്ടുഒ ഫ്ളാറ്റിന് പുറമേ ജെയിൻ കോറൽകോവ്, ഗോൾഡൻ കായലോരം എന്നീ ഫ്ളാറ്റുകൾ പൊളിക്കുന്നതിനുള്ള കരാർ എടുത്തിരിക്കുന്നത് മുംബൈയിലെ എഡിഫിസ് എൻജിനീയേഴ്സാണ്. ഇവരുടെ തൊഴിലാളികൾ ഫ്ളാറ്റുകളിൽ എത്തിയിട്ടുണ്ട്. കരാറിൽ ഒപ്പിടുന്നതോടെ പൊളിക്കൽ ഒൗദ്യോഗികമായി ആരംഭിക്കും. ഇതിനു മുന്നോടിയായി ടെസ്റ്റ് പൊളിക്കലുണ്ടാകും. പരിസരവാസികൾക്കുള്ള ഇൻഷുറൻസ് പരിരക്ഷ ഉറപ്പാക്കിയ ശേഷമായിരിക്കും ഫ്ളാറ്റുകൾ പൊളിക്കുക. പരിസരത്ത് ഒരു നാശവും ഉണ്ടാകില്ലെന്ന് കന്പനികൾ…
Read Moreനികുതി വെട്ടിച്ച് സ്വര്ണക്കടത്ത്; അന്വേഷണം തമിഴ്നാട്ടിലെ വന് സംഘങ്ങളിലേക്ക്; കൂടുതല് അറസ്റ്റ് ഉണ്ടായേക്കും
കൊച്ചി: തൃശൂരിലെ വിവിധ ഭാഗങ്ങളില് നിന്നായി 123 കിലോ സ്വര്ണം പിടികൂടിയ സംഭവത്തില് കേരളത്തിലേക്ക് നികുതി വെട്ടിച്ച് സ്വര്ണം കടത്തുന്ന തമിഴ്നാട് കേന്ദ്രമാക്കിയ വന് സംഘത്തിലേക്ക് കസ്റ്റംസ് അന്വേഷണം വ്യാപിപ്പിക്കുന്നു. കേരളത്തിലെ വന്കിട സ്വര്ണക്കച്ചവടക്കാര്, ആഭരണ നിര്മാതാക്കള്, ജ്വല്ലറികള് എന്നിവരിലേക്കും അന്വേഷണം വ്യാപിപ്പിക്കുമെന്നാണ് അറിയുന്നത്. തൃശൂരിന്റെ വിവിധ ഭാഗങ്ങളില് നടത്തിയ റെയ്ഡില് 50 കോടി രൂപ വിലമതിക്കുന്ന 123 കിലോ സ്വര്ണമാണ് കസ്റ്റംസ് പിടിച്ചെടുത്തത്. കേരളത്തിലെ തന്നെ ഏറ്റവും വലിയ സ്വര്ണവേട്ടയാണിത്. കസ്റ്റംസ് പിടികൂടിയ 17 പേരില് 12 പേരുടെ അറസ്റ്റ് രേഖപ്പെടുത്തി. ഇവരെ ഇന്ന് കോടതിയില് ഹാജരാക്കും. സ്വര്ണം തമിഴ്നാട്ടില്നിന്ന് റോഡ്, റെയില് മാര്ഗങ്ങളിലൂടെ എത്തിച്ചതാണെന്ന് അന്വേഷണത്തില് വ്യക്തമായിട്ടുണ്ട്. ഇതേതുടര്ന്നാണ് തമിഴ്നാട് കേന്ദ്രമായി പ്രവര്ത്തിക്കുന്ന സംഘങ്ങളിലേക്ക് അന്വേഷണം വ്യാപിപ്പിക്കുന്നത്. കൂടാതെ തൃശൂര് ജില്ലയിലെ കൂടുതല് വീടുകളും ഓഫീസുകളും കസ്റ്റംസ് നിരീക്ഷിക്കുന്നുണ്ട്. അനധികൃതമായി കടത്തിക്കൊണ്ടുവരുന്ന സ്വര്ണം വീടുകളിലും…
Read More