കൊച്ചി: അൻപതുകോടി രൂപയുടെ നഷ്ട പരിഹാരമാവശ്യപ്പെട്ട് നടൻ മോഹൻലാൽ വക്കീൽ നോട്ടീസ് അയച്ചതായ വാർത്തകൾ പുറത്തുവരുന്പോൾ നടൻ സിനിമാ ഷൂട്ടിംഗ് തിരക്കുമായി ഹൈദരാബാദിൽ. മോഹൻലാൽ 50 കോടി രൂപയുടെ നഷ്ട പരിഹാരമാവശ്യപ്പെട്ട് വക്കീൽ നോട്ടീസ് അയച്ചതായി ഖാദി ഗ്രാമവ്യവസായ ബോർഡ് ചെയർപേഴ്സണ് ശോഭന ജോർജാണ് ഇന്നലെ വെളിപ്പെടുത്തിയത്. കഴിഞ്ഞ നവംബറിലാണ് ലാൽ വക്കീൽ നോട്ടീസ് അയച്ചതെന്നാണ് നടനുമായിബന്ധപ്പെട്ട അടുത്ത വൃത്തങ്ങൾ പറയുന്നത്. എന്നാൽ, കഴിഞ്ഞമാസമാണ് നോട്ടീസ് ലഭിച്ചതെന്നാണ് ബോർഡ് അധികൃതർ വ്യക്തമാക്കുന്നത്. സംഭവവുമായി ബന്ധപ്പെട്ട് നടന്റെ പ്രതികരണം തേടിയെങ്കിലും ഹൈദരാബാദിൽ ഷൂട്ടിംഗ് തിരക്കായതിനാൽ പ്രതികരണം ഇപ്പോൾ ലഭിക്കില്ലെന്നാണ് അടുത്ത വൃത്തങ്ങൾ രാഷ്ട്രദീപികയോടു പറഞ്ഞത്.
Read MoreCategory: Kochi
കോതമംഗലം പള്ളിത്തർക്കം: ഉത്തരവ് നടപ്പാക്കാൻ എന്താണ് കാലതാമസമെന്ന് ഹൈക്കോടതി
കൊച്ചി: കോതമംഗലം പള്ളിത്തർക്കത്തിൽ സർക്കാരിനെ രൂക്ഷമായി വിമർശിച്ച് ഹൈക്കോടതി. ഓർത്തഡോക്സ് വിഭാഗത്തിന് അനുകൂലമായ കോടതി ഉത്തരവ് നടപ്പാക്കാൻ സർക്കാരിന് എന്താണ് കാലതാമസമെന്ന് കോടതി ചോദിച്ചു. പള്ളിയിൽ പ്രവേശിക്കാൻ സിആർപിഎഫ് സംരക്ഷണ സമിതി ആവശ്യപ്പെട്ട് ഓർത്തഡോക്സ് വിഭാഗം നൽകിയ ഹർജിയിലാണ് ഹൈക്കോടതിയുടെ ചോദ്യം. മൂവാറ്റുപുഴ ഡിവൈഎസ്പി മറുപടി നൽകണം കോടതി ആവശ്യപ്പെട്ടു.
Read Moreവാഗ്ദാനങ്ങള് പാലിച്ചില്ല; കൊച്ചിയിലെ വാലന്റൈന്സ് നൈറ്റ് പരിപാടി സണ്ണി ലിയോണ് റദ്ദാക്കി
കൊച്ചി: പ്രണയദിനത്തില് കൊച്ചിയിൽ നടക്കാനിരുന്ന ‘വാലന്റൈന്സ് നൈറ്റ്’ പരിപാടിയിൽ നിന്ന് സണ്ണി ലിയോൺ പിന്മാറി. വൈകിട്ട് നടക്കാനിരുന്ന ഷോയിൽ നിന്ന് പിൻമാറുന്ന കാര്യം ട്വിറ്ററിലൂടെ താരം തന്നെയാണ് ഇക്കാര്യം അറിയിച്ചത്. ചുവപ്പ് ക്രോസ്മാര്ക്ക് ചെയ്ത പരിപാടിയുടെ പോസ്റ്റർ സഹിതമാണ് സണ്ണിയുടെ ട്വീറ്റ്. ‘എല്ലാവരോടും ക്ഷമ ചോദിക്കുന്നു. കൊച്ചിയിലെ ‘വാലന്റൈന്സ് ഡേ പരിപാടിയില് ഞാന് പങ്കെടുക്കുന്നില്ല. പരിപാടിയുടെ പ്രമോട്ടര്മാര് നല്കിയ വാഗ്ദാനങ്ങള് പാലിക്കാത്തതിനാലാണ് പിന്മാറുന്നതെന്നും പാലിക്കാത്തതിനാലാണ് പരിപാടിയില് നിന്ന് പിന്മാറുന്നതെന്നും സണ്ണി ലിയോൺ ട്വീറ്റ് ചെയ്തു. പരിപാടി മാറ്റിവെച്ചത് ചില സാങ്കേതിക തടസങ്ങൾ മൂലമെന്നാണ് സംഘാടകരുടെ പ്രതികരണം. ആകെ 190 ടിക്കറ്റുകൾ മാത്രമാണ് വിറ്റു പോയതെന്നും സംഘാടകർ പറയുന്നു. അതേസമയം, പ്രതിഫലത്തെ ചൊല്ലിയുള്ള തര്ക്കമാണ് പരിപാടിയില് നിന്നും സണ്ണി പിന്മാറാന് കാരണമെന്നും സൂചന.
Read Moreപ്രളയത്തിൽ മുങ്ങിയ അങ്കമാലി- അങ്ങാടിക്കടവ് മേഖലയിൽ കൃഷിഭൂമി മണ്ണിട്ടു നികത്തൽ വ്യാപകം; പരാതി നൽകിയിട്ടും നടപടിയെടുക്കാതെ അധികൃതർ
അങ്കമാലി: അങ്കമാലി നഗരസഭയിൽ അങ്ങാടിക്കടവ് പ്രദേശത്ത് മണ്ണടിച്ച് കൃഷിഭൂമി നികത്തുന്നതായി നാട്ടുകാരുടെ പരാതി. അങ്കമാലി-പീച്ചാനിക്കാട് പ്രധാനറോഡിന്റെ വശങ്ങളിൽ അങ്ങാടിക്കടവ് പാലത്തിനു ശേഷം മാഞ്ഞാലി തോടിന് സമീപമുള്ള കൃഷിഭൂമികളാണ് റിയൽ എസ്റ്റേറ്റ് ബിസിനസ് ആവശ്യത്തിനായി സ്വകാര്യ വ്യക്തികൾ നികത്തുന്നത്. ടിപ്പറിൽ മണ്ണടിച്ചപ്പോൾ നാട്ടുകാർ പ്രതിഷേധവുമായി രംഗത്തെത്തിയെങ്കിലും അതൊന്നും ഗൗനിക്കാതെ മണ്ണടിക്കുകയായിരുന്നു. നിലവിൽ കുടിവെള്ളക്ഷാമം നേരിടുന്ന പീച്ചാനിക്കാട് പ്രദേശത്ത് കൃഷിഭൂമി നികത്തിയാൽ കുടിവെള്ളക്ഷാമം രൂക്ഷമാകും. പ്രളയ സമയത്ത് ഈ പ്രദേശമെല്ലാം വെള്ളത്തിനടിയിലായിരുന്നു. അധികാരികൾക്ക് നികത്തുന്നത് സംബന്ധിച്ചു പരാതി നൽകിയെങ്കിലും ഒരു നടപടിയും സ്വീകരിച്ചിട്ടില്ല. കൃഷിഭൂമി നികത്തിയവർക്കെതിരേ ജില്ലാ കളക്ടർക്ക് പരാതി നൽകാൻ ഒരുങ്ങുകയാണ് നാട്ടുകാർ.
Read Moreഉദ്യോഗാർഥികൾ ജാഗ്രതൈ…! സിയാലിന്റെ പേരിൽ വ്യാജ തൊഴിൽ വാഗ്ദാനം; ഉദ്യോഗാർഥികൾ തട്ടിപ്പിൽ വീഴരുതെന്ന മുന്നറിയിപ്പുമായി എയർപോർട്ട് അധികൃതർ
കൊച്ചി: കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്റെ (സിയാൽ) പേരിൽ നടക്കുന്ന വ്യാജ തൊഴിൽ വാഗ്ദാനങ്ങൾക്കെതിരെ മുന്നറിയിപ്പുമായി സിയാൽ അധികൃതർ രംഗത്തെത്തി. എയർപോർട്ട് ലിമിറ്റഡിന്റെ പേരിൽ നിരവധി ഏജൻസികളും വ്യക്തികളും ഉദ്യോഗാർത്ഥികളെ സമീപിക്കുന്നതായി ശ്രദ്ധയിൽപ്പെട്ടിട്ടുണ്ടെന്നും ഇതിനെതിരെ ജാഗ്രത പാലിക്കണമെന്നുമാണ് സിയാലിന്റെ മുന്നറിയിപ്പ്. സിയാലിലും അനുബന്ധ സ്ഥാപനങ്ങളിലും നിരവധി തസ്തികകൾ ഒഴിവുണ്ടെന്നും അതിനായി തങ്ങൾ വഴിയാണ് അപേക്ഷിക്കേണ്ടതെന്നും കാണിച്ച് ചില ഏജൻസികളും തൊഴിൽ രംഗത്ത് പ്രവർത്തിക്കുന്ന വെബ്സൈറ്റുകളും പ്രചാരണം നടത്തുന്നുണ്ട്. പ്രാഥമിക അഭിമുഖത്തിനായി പരിഗണിക്കണമെങ്കിൽ നിശ്ചിത തുക ഈ ഏജൻസികൾ ഉദ്യോഗാർത്ഥികളിൽ നിന്ന് ആവശ്യപ്പെടുന്നുമുണ്ട്. ഇതുമായി ബന്ധപ്പെട്ട് നിരവധി അന്വേഷണങ്ങളാണ് ദിവസവും സിയാലിന് ലഭിക്കുന്നത്. നിലവിൽ സിയാലിലോ ഉപസ്ഥാപനങ്ങളിലോ തൊഴിൽ ഒഴിവുകളില്ല. ഭാവിയിൽ ഒഴിവുണ്ടാകുന്ന സാഹചര്യത്തിൽ പത്രങ്ങളിൽ പ്രസിദ്ധീകരിക്കുമെന്നും http://www.cial.aero എന്ന ഔദ്യോഗിക വെബ്സൈറ്റിലും ഇത് സംബന്ധിച്ച് അറിയിപ്പുണ്ടാകുമെന്നും മുന്നറിയിപ്പിൽ വ്യക്തമാക്കിയിട്ടുണ്ട്. എല്ലാ തസ്തികൾക്കും ഓൺലൈൻ വഴിയാണ് അപേക്ഷിക്കേണ്ടതെന്നും നിലവിൽ ഒഴിവുകളില്ലാത്ത…
Read Moreഷുക്കൂര്വധം പെട്ടെന്നുള്ള പ്രകോപനമല്ല; രാജേഷിനും ജയരാജനും ഗൂഢാലോചനയിൽ പങ്ക്; കുറ്റപത്രം പുറത്ത്
കൊച്ചി: മുസ്ലിംലീഗ് പ്രവര്ത്തകന് തളിപ്പറമ്പ് അരിയില് ഷുക്കൂര് വധക്കേസിൽ സിബിഐ കുറ്റപത്രത്തിലെ വിശദാംശങ്ങൾ പുറത്ത്. എംഎല്എ ടി.വി.രാജേഷിനും സിപിഎം കണ്ണൂര് ജില്ലാ സെക്രട്ടറി പി.ജയരാജനും ഗൂഢാലോചനയിൽ പങ്കുണ്ടെന്ന് വ്യക്തമാക്കുന്നതാണ് കുറ്റപത്രം. കൊലപ്പെടുത്താൻ നിർദേശം നൽകിയത് ഇരുവരുമാണെന്ന് കുറ്റപത്രത്തിൽ പറയുന്നു. പിടികൂടിയ മുസ്ലിം ലീഗ് പ്രവർത്തകരെ കൈകാര്യം ചെയ്യാനായിരുന്നു നിർദേശം. പെട്ടെന്നുള്ള പ്രകോപനമല്ല കൊലപാതകത്തിന് കാരണം. കൃത്യത്തിന് പിന്നിൽ കൃത്യമായ ഗൂഢാലോചനയും ആസൂത്രണവും ഗൂഢാലോചനയ്ക്ക് ദൃക്സാക്ഷികളുണ്ടെന്നും കുറ്റപത്രത്തിൽ പറയുന്നു. 2012 ഫെബ്രുവരി 20 നാണ് കണ്ണപുരം പോലീസ് സ്റ്റേഷന് പരിധിയില് വച്ച് ഷുക്കൂര് കൊല്ലപ്പെട്ടത്. ഷുക്കൂറിനെ കൊലപ്പെടുത്താന് തളിപ്പറമ്പിലെ സഹകരണ ആശുപത്രിയില് വച്ച് ഗൂഢാലോചന നടത്തിയെന്ന് സിബിഐ കണ്ടെത്തി. സിപിഎം അരിയില് ലോക്കല് സെക്രട്ടറി യു.വി വേണുവടക്കം കേസില് 33 പ്രതികളാണുള്ളത്. കേസിൽ പി. ജയരാജന്, ടി.വി. രാജേഷ് എന്നിവര്ക്കെതിരേ കൊലക്കുറ്റവും ക്രിമിനല് ഗൂഢാലോചനയും ചുമത്തിയാണ് സിബിഐ തലശേരി…
Read Moreവാർത്ത തുണയായി; രോഗത്തെ തോൽപിച്ച രഞ്ജിനിക്ക് പ്രളയ ദുരിതത്തിൽ കൈത്താങ്ങായി ട്രാഫിക് പോലീസ്
കോതമംഗലം: മഹാപ്രളയത്തിൽ വീടു നഷ്ടപ്പെട്ട പാലമറ്റം നിവാസി മേലേമഠത്തിൽ രഞ്ജിനിക്ക് കോതമംഗലം ട്രാഫിക് പോലീസ് വീടു നിർമിച്ചു നൽകി. വീടിന്റെ താക്കോൽ ദാനം കോതമംഗലം പോലീസിലെ എസ്എച്ച്ഒ ബേസിൽ തോമസ് നിർവഹിച്ചു. തലയിൽ ടൂമർ ബാധിച്ച് ചികിത്സയിലിരിക്കെ രോഗികളായ മാതാപിതാക്കളുടെ സംരക്ഷണവും ചുമലിലേറ്റിയ രഞ്ജിനിയുടെ ദുരവസ്ഥ ഓഗസ്റ്റ് 24നു രാഷ്ട്രദീപിക റിപ്പോർട്ട് ചെയ്തിരുന്നു. പാലമറ്റം കോർട്ടിനു സമീപം പെരിയാറിന്റെ വൃഷ്ടിപ്രദേശത്ത് താമസിച്ചിരുന്ന രഞ്ജിനിക്കും കുടുംബത്തിനും കോതമംഗലം ട്രാഫിക് പോലീസ് മുൻകൈയെടുത്തു സ്വന്തമായി സ്ഥലം കണ്ടെത്തി വീട് നിർമിച്ചു നൽകുകയായിരുന്നു. ട്രാഫിക് എസ്ഐ പി.എൻ. രാജൻ അധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്തംഗം ജസിമോൾ ജോസ്, വാർഡംഗം ബിന്ദു മോഹൻദാസ്, എസ്ഐമാരായ ബിനുലാൽ, സക്കീർ, പോലീസ് അസോസിയേഷൻ ഭാരവാഹികളായ ഉബൈസ്, ഷാനവാസ്, റൈറ്റർ മുഹമ്മദ് റഷീദ്, ജോജി മുക്കാലിവീട്ടിൽ, ഷിബു കുര്യാക്കോസ്, ജോബി സെബാസ്റ്റ്യൻ, ഷിജ എന്നിവർ പ്രസംഗിച്ചു.
Read Moreഡൽഹി തീപിടിത്തം; മരിച്ച മലയാളികളുടെ മൃതദേഹം നാട്ടിലെത്തിച്ചു; സന്തോഷം അലതല്ലേണ്ട വീടുകളിൽ കണ്ണീർക്കടൽ
കൊച്ചി: ഡൽഹിയിലെ തിരക്കേറിയ വാണിജ്യകേന്ദ്രമായ കരോൾ ബാഗിൽ ഹോട്ടലിനു തീപിടിച്ചുണ്ടായ ദുരന്തത്തിൽ മരിച്ച മലയാളികളായ അമ്മയുടെയും രണ്ട് മക്കളുടെയും മൃതദേഹങ്ങൾ നാട്ടിലെത്തിച്ചു. ഇന്നു രാവിലെ 8.15ന് എയർ ഇന്ത്യാ വിമാനത്തിൽ നെടുന്പാശേരിയയിലെത്തിച്ച മൃതദേഹങ്ങൾ നടപടിക്രമങ്ങൾ പൂർത്തിയാക്കിയശേഷം 8.35 ഓടെ ചേരാനല്ലൂരിലെ വീട്ടിലേക്ക് കൊണ്ടുപോയി. മൂവരുടെയും സംസ്കാരം ഇന്ന് നടക്കും. 17 പേർ മരിച്ച അപകടത്തിൽ എറണാകുളം ചേരാനല്ലൂർ രാമൻകർത്താ റോഡിൽ പരേതനായ ചന്ദ്രൻപിള്ളയുടെ ഭാര്യ നളിനിയമ്മ (84), മക്കളായ പി.സി. വിദ്യാസാഗർ (59), പി.സി. ജയശ്രീ (53) എന്നിവരാണ് മരിച്ച മലയാളികൾ. ഒപ്പമുണ്ടായിരുന്ന ഇവരുടെ ബന്ധുക്കളായ 10 പേർ പരിക്കേൽക്കാതെ രക്ഷപ്പെട്ടു. ഇവരിൽ രണ്ടുപേർ മാത്രമാണ് ഇന്നു രാവിലെ കൊച്ചിയിൽ എത്തിച്ചേർന്നിട്ടുള്ളത്. ഉച്ചയോടെ ബന്ധുക്കൾ മുഴുവൻപേരും ഡൽഹിയിൽനിന്ന് എത്തിയശേഷമാകും സംസ്കാര ചടങ്ങുകൾ ആരംഭിക്കുക. നെടുന്പാശേരിയിൽനിന്നും ചേരാനല്ലൂരിലെ തറവാട് വീട്ടിൽ എത്തിച്ച മൃതദേഹങ്ങളിൽ അന്ത്യജ്ഞലി അർപ്പിക്കുവാനായി സമീപവാസികളും ബന്ധുക്കളും…
Read More25 ലക്ഷം മുടക്കി നിർമിച്ച വാട്ടർ ടാങ്ക് പ്രയോജനമില്ലാതെ നശിക്കുന്നു; കൊച്ചുപുരയ്ക്കൽ കടവിൽ ജലക്ഷാമം രൂക്ഷം
പെരുന്പാവൂർ: 25 ലക്ഷം മുടക്കിയ വാട്ടർ ടാങ്ക് നോക്കുകുത്തിയായതോടെ വേങ്ങൂർ കൊച്ചുപുരയ്ക്കൽ കടവിൽ ജലക്ഷാമം രൂക്ഷമെന്നു പരാതി. ആറുവർഷം മുന്പ് ബ്ലോക്ക് പഞ്ചായത്തിന്റെ സഹായത്തോടെ 25 ലക്ഷം മുടക്കി നിർമിച്ച വാട്ടർ ടാങ്കുകൾ മുപ്പതിലധികം പട്ടികജാതി പട്ടികവർഗ കുടുംബങ്ങൾക്കും മിച്ച ഭൂമിയിൽ താമസിക്കുന്ന കുടുംബങ്ങൾക്കും ഉപയോഗിക്കാൻ വേണ്ടി നിർമിച്ചതാണ്. വാട്ടർ കണക്ഷൻ നൽകുന്നതിന് ഓരോ കുടുംബത്തിൽനിന്ന് 3,000 രൂപയും ഈടാക്കി. എന്നാൽ നിലവാരം കുറഞ്ഞ പൈപ്പ് ഉപയോഗിച്ചതിനെത്തുടർന്ന് പൈപ്പിൽക്കൂടി തുരുന്പും മറ്റ് മാലിന്യങ്ങളും വരാൻ തുടങ്ങി. ഇതോടെ ജനങ്ങൾക്ക് ആരോഗ്യ പ്രശ്നങ്ങൾ ഉണ്ടാവുകയും നാട്ടുകാർ ഈ വെള്ളം ഉപയോഗിക്കാതെയുമായി. ഏതാണ്ട് മുക്കാൽ കിലോമീറ്റർ അകലെയുള്ള പെരിയാറിൽ നിന്ന് അതിന്റെ കരയിൽ നിർമിച്ചിട്ടുള്ള കിണറിലേക്ക് പന്പ് ചെയ്ത് അവിടെനിന്നു വീണ്ടും പന്പ് ചെയ്താണ് കൊച്ചുപുരക്കൽ കടവിലെ ടാങ്കുകളിലേക്ക് വെള്ളം എത്തിക്കുന്നത്.മിക്ക വീടുകളിലും കിണറില്ലാത്തതിനാൽ കിണറുള്ള വീടുകളിൽനിന്നു നിരവധി കുടുംബങ്ങളാണ്…
Read Moreആലുവപ്പുഴയിൽ ജീർണിച്ച നിലയിൽ കണ്ടെത്തിയ മൃതദേഹം യുവതിയുടേത്; കൊലപാതകമെന്നു സൂചന
ആലുവ: പെരിയാറിന്റെ കൈവഴിയിൽ ആലുവ യുസി കോളജിനു സമീപം വിദ്യാഭവൻ സെമിനാരിയോടു ചേർന്നുള്ള കുളിക്കടവിൽ ചൊവ്വാഴ്ച വൈകിട്ട് കണ്ടെത്തിയ മൃതദേഹം യുവതിയുടേതെന്നു പോലീസ് സ്ഥിരീകരിച്ചു. പുതപ്പിനുള്ളിൽ പൊതിഞ്ഞ് കരിങ്കല്ലു കെട്ടിയ നിലയിൽ കണ്ടെത്തിയ മൃതദേഹം ആലുവ ഈസ്റ്റ് പോലീസ് ഇന്നു കരയ്ക്കെടുത്തു ഇൻക്വസ്റ്റ് തയാറാക്കി. കുളിക്കടവിൽ ഒഴുകിയെത്തിയ മൃതദേഹം മരക്കുറ്റിയിൽ തടഞ്ഞുനിൽക്കുകയായിരുന്നു. കണ്ടെത്തിയത് രാത്രിയിലായതിനാൽ ഇന്നു രാവിലെയാണ് പോലീസ് മൃതദേഹം പരിശോധിച്ചത്. കൊലപാതകമാണെന്ന നിഗമനത്തെ തുടർന്ന് ഉന്നത പോലീസ് ഉദ്യോഗസ്ഥരടക്കം ചൊവ്വാഴ്ച രാത്രി തന്നെ സംഭവസ്ഥലത്തെത്തിയിരുന്നു. മൃതദേഹത്തിന് നാലു ദിവസത്തെ പഴക്കമുണ്ടെന്നാണ് പോലീസിന്റെ നിഗമനം. അടുത്ത ദിവസങ്ങളിലായി കാണാതായ സ്ത്രീകളെ കേന്ദ്രീകരിച്ച് പോലീസ് അന്വേഷണം ഊർജിതമാക്കിയിട്ടുണ്ട്.
Read More