നെടുന്പാശേരി: അന്താരാഷ്ട്ര വിമാനത്താവളത്തിൽ വൻ സ്വർണ വേട്ട. ഇന്ന് പുലർച്ചെ 85 ലക്ഷം രൂപയുടെ സ്വർണമാണ് എയർ കസ്റ്റംസ് ഇന്റലിജൻസ് വിഭാഗം പിടികൂടിയത്. ലാപ്ടോപ്പിനകത്ത് ഒളിപ്പിച്ചുകൊണ്ടുവന്ന 22 സ്വർണ ബിസ്കറ്റുകളാണ് കണ്ടെടുത്തത്. ഇതിന്റെ മൊത്തം തൂക്കം 2566 ഗ്രാമാണെന്ന് കസ്റ്റംസ് ഉദ്യോഗസ്ഥർ അറിയിച്ചു. 116.6 ഗ്രാം തൂക്കം വരുന്നതാണ് ഓരോ ബിസ്കറ്റുകളും. ദുബായിയിൽ നിന്നും വന്ന കാസർഗോഡ് സ്വദേശിയായ ഹാരിസ് അഹമ്മദ് (30) എന്നയാളുടെ ലാപ്ടോപ്പിനകത്തു നിന്നാണ് സ്വർണം പിടികൂടിയത്. പുലർച്ചെ 5.10ന്റെ ഇൻഡിഗോ വിമാനത്തിലാണ് ഇയാൾ വന്നത്. ഇയാളെ ചോദ്യം ചെയ്തതിൽ നിന്നും കഴിഞ്ഞ നാലുമാസമായി നാലുതവണ ഇയാൾ ദുബായിയിൽ പോയിവന്നതായി കസ്റ്റംസ് അധികൃതരോട് പറഞ്ഞു. ഇയാളെ വിശദമായി ചോദ്യം ചെയ്തുവരികയാണ്. പിടിച്ചെടുത്ത സ്വർണം കണ്ടുകെട്ടി തുടർ നടപടികൾ സ്വീകരിച്ചുവരുന്നു.
Read MoreCategory: Kochi
മുദ്ര ലോണ് തട്ടിപ്പ് പിടിയിലായ സിനിമ- സീരിയൽ താരത്തെ ജാമ്യത്തിൽ വിട്ടു; ലോൺനൽകാമെന്ന് പറഞ്ഞ് നടിയുടെ പേരിൽ തട്ടിയെടുത്തത് ലക്ഷങ്ങൾ
കൊച്ചി: മുദ്ര ലോണ് അനുവദിപ്പിച്ചു നൽകാമെന്ന് പറഞ്ഞ് യുവതിയിൽ നിന്നും പണം തട്ടിയെടുത്ത സിനിമ-സീരിയൽ താരത്തെ ജാമ്യത്തിൽ വിട്ടു. തൃശൂർ കൈപ്പറന്പ് മുണ്ടൂർ സ്വദേശി വിജോ പി.ജോണ്സനെ (33) ആണ് മൂവാറ്റുപുഴ പോലീസ് ഇന്നലെ പിടികൂടിയത്. സൗത്ത് മാറാടി സ്വദേശിനിയായ യുവതിയിൽ നിന്നും 10,50,000 രൂപ തട്ടിയെടുത്തുവെന്ന പരാതിയിലാണ് ഇയാൾ പിടിയിലായത്. സിനിമയുമായി ബന്ധപ്പെട്ട് പ്രവർത്തിക്കുന്ന ഇയാൾ യുവതിയുമായി സൗഹൃദം സ്ഥാപിച്ച ശേഷം ലോണ് വാങ്ങിക്കൊടുക്കാമെന്ന് വാഗ്ദാനം ചെയ്ത് ലക്ഷങ്ങൾ തട്ടിയെടുക്കുകയായിരുന്നുവെന്നാണ് പരാതി. വിജോയെ കോടതിയിൽ ഹാജരാക്കിയപ്പോൾ യുവതിയിൽ നിന്നും വാങ്ങിയ പണം തിരികെ നൽകാമെന്ന് അറിയിച്ചതിനെ തുടർന്നാണ് ഇയാൾക്ക് ജാമ്യം അനുവദിച്ചത്. കേസ് പിന്നീട് ഒത്തുത്തീർപ്പായതായാണ് അറിയുന്നത്.
Read Moreമലാന ക്രീം മയക്കുമരുന്ന് വാങ്ങിയവരും നിരീക്ഷണത്തിൽ; സ്ത്രീകളും ആവശ്യക്കാരായിട്ടുണ്ടെന്ന് സംശയം; പ്രതിയെ റിമാൻഡ് ചെയ്തു
കൊച്ചി: വിദേശ രാജ്യങ്ങളിൽ വൻവില ലഭിക്കുന്ന മലാന ക്രീം മയക്കുമരുന്നുമായി പിടികൂടിയ പ്രതിയെ റിമാൻഡ് ചെയ്തു. പാലാരിവട്ടം പോലീസ് അറസ്റ്റ് ചെയ്ത ഹിമാചൽപ്രദേശ് കുളു സ്വദേശി അമിത് ശർമയെ (28) ആണ് കോടതിയിൽ ഹാജരാക്കി റിമാൻഡ് ചെയ്തത്. ഹിമാചൽ പ്രദേശിലെ കുളുമണാലി മേഖലയിൽ വളരുന്ന കഞ്ചാവു ചെടികളിൽനിന്ന് ഉൽപാദിപ്പിക്കുന്ന ഹഷീഷാണു മലാന ക്രീം എന്ന പേരിൽ വിൽക്കുന്നത്. അവിടെനിന്നും നേരിട്ട് മയക്കുമരുന്ന് കൊണ്ടുവന്നു വിൽപ്പന നടത്തുകയായിരുന്നു പ്രതി ചെയ്തുവന്നിരുന്നതെന്ന് പോലീസ് പറഞ്ഞു. രണ്ട്, മൂന്ന് ഗ്രാം തൂക്കം വരുന്ന ഗുളിക രൂപത്തിലാണു മയക്കുമരുന്ന് സൂക്ഷിച്ചിരുന്നതും വിൽപ്പന നടത്തിയിരുന്നതെന്നും പോലീസ് പറഞ്ഞു. ഓണ്ലൈൻ മാധ്യമങ്ങളിൽ ലഹരി ഉപയോക്താക്കളുടെ കൂട്ടായ്മകളുണ്ടാക്കിയായിരുന്നു വിൽപന. ആവശ്യക്കാരുടെ കൃത്യമായ സ്ഥലവും സ്ഥാനവും കൈമാറിയാണു വിതരണക്കാരുമായി കണ്ടുമുട്ടുന്നത്. പ്രതിയിൽനിന്നും ലഭിച്ച വിവരമനുസരിച്ച് ഹാഷിഷ് വാങ്ങിയിട്ടുള്ളവരുടെ വിവരങ്ങൾ ശേഖരിച്ച് വരികയാണെന്നും തുടരന്വേഷണം ഉണ്ടാകുമെന്നും പോലീസ് പറഞ്ഞു. സ്ത്രീകൾ…
Read Moreകടൽ കടക്കാനൊരുങ്ങി കൊങ്കിണി ആനകൾ; വനത്തിനും മൃഗങ്ങൾക്കും മനുഷ്യനും ഭീഷണിയാകുന്ന ലന്താന തണ്ടിൽ നിർമിച്ച ആനകൾ ഫോർട്ടുകൊച്ചയിൽ
പള്ളുരുത്തി: ലന്താന തണ്ടിൽ (കൊങ്കിണി) നിർമിച്ച 30ഓളം ആനകളുടെ പ്രദർശനം ഫോർട്ടുകൊച്ചി കടപ്പുറത്ത് ആരംഭിച്ചു. ആനകളുടെ ക്ഷേമത്തിനായി പ്രവർത്തിക്കുന്ന സംഘടനയായ ദ് റിയൽ എലിഫന്റ് കളക്ടീവും ദ എലിഫന്റ് ഫാമിലിയും ചേർന്നാണു വനത്തിനും വന്യമൃഗങ്ങൾക്കും ഭീഷണിയായി വളരുന്ന ലന്താന എന്ന പാഴ്ച്ചെടി ഉപയോഗിച്ച് ആനകളെ നിർമിച്ചിരിക്കുന്നത്. കൊങ്കിണിക്കു പുറമെ അരിപ്പൂച്ചെടിയെന്നും ഇതറിയപ്പെടുന്നു. പ്രകൃതിയിൽ ആനകളും മനുഷ്യനും തമ്മിലുള്ള ബന്ധവും ലന്താന ചെടികളുടെ ദൂഷ്യവശങ്ങളും വിശദീകരിക്കുന്നതിനൊപ്പം ആദിവാസികൾക്കൊരു വരുമാനവും പ്രദർശനത്തിലൂടെ ലക്ഷ്യമിടുന്നു. വിഷാംശമുള്ള ലന്താന ചെടികൾ ആഫ്രിക്കയിൽനിന്നു ബ്രിട്ടീഷുകാരാണ് ഇന്ത്യയിലെത്തിച്ചതെന്നു കരുതുന്നതായി ഗൂഡല്ലൂർ കേന്ദ്രമായുള്ള ഗവേഷണ സ്ഥാപനമായ ഷോള ട്രസ്റ്റിലെ ഗവേകരായ ഐറിനും താഷി തെക്കേക്കരയും പറഞ്ഞു. വനങ്ങളിലും മറ്റും ഇതിന്റെ വ്യാപനം ആദിവാസികൾക്കും തിരിച്ചടിയായ സാഹചര്യത്തിലാണു ലന്തചെടിവള്ളികൾക്കൊണ്ട് ആനരൂപ നിർമാണ പദ്ധതി തുടങ്ങിയത്. ചെടിയുടെ തണ്ട് വേവിച്ചെടുത്തു കൃത്രിമ നിറങ്ങൾ ചേർക്കാതെയാണു നിർമാണം. മൈസൂർ വനാന്തരങ്ങളിലും ഗൂഡല്ലൂരിലുമുള്ള…
Read Moreവെള്ളാപ്പള്ളിയുടെ സമ്മർദത്തിൽ ബിജെപി വീണു; ബിഡിജെഎസിനെ അനുനയിപ്പിക്കാൻ കേന്ദ്രമിറങ്ങും
സ്വന്തം ലേഖകൻ കൊച്ചി: എസ്എൻഡിപി യോഗം ഭാരവാഹികൾ മത്സരിക്കേണ്ടതില്ലെന്ന വെള്ളാപ്പള്ളി നടേശന്റെ നിർദേശം ബിജെപിയെ വട്ടംകറക്കുന്നു.യോഗം ഭാരവാഹികൾ ആരും ഇക്കുറി തെരഞ്ഞെടുപ്പിൽ മത്സരിക്കാൻ ഇറങ്ങരുതെന്നാണ് വെള്ളാപ്പള്ളി വ്യക്തമാക്കിയത്. ബിജെപിയുമായി ഇടഞ്ഞ് നിൽക്കുന്ന വെള്ളാപ്പള്ളി നടേശനെയും മകൻ തുഷാർ വെള്ളാപ്പള്ളിയും അനുനയിപ്പിക്കാൻ ബിജെപി കേന്ദ്രനേതൃത്വം തന്നെ രംഗത്തിറങ്ങും. ലോക്സഭ തെരഞ്ഞെടുപ്പിൽ ആറു സീറ്റുകൾ ചോദിച്ച ബിഡിജെഎസിനെ നാലിൽ ഒതുക്കാനുള്ള നീക്കത്തിനിടയിലാണ് വെള്ളാപ്പള്ളി നടേശന്റെ കടന്നാക്രമണം. ഇതോടെ പ്രതിരോധകോട്ട പോലും തകർന്ന ബിജെപി കേരളഘടകത്തിനു മുന്നിൽ മറ്റൊരു മാർഗവുമില്ല. സിപിഎമ്മുമായി കൂടുതൽ അടുത്തുനിൽക്കുന്ന വെള്ളാപ്പള്ളി നടേശന്റെ നിലപാട് കൂടുതൽ തകർച്ചയാണ് ബിജെപിക്കു ഉണ്ടാക്കിയിരിക്കുന്നത്. തുഷാർവെള്ളാപ്പള്ളിയെ മത്സരിപ്പിച്ചു ബിഡിജെഎസിലൂടെ ഈഴവവോട്ടുകൾ സംഘടിപ്പിക്കാമെന്നു വിശ്വസിച്ചവർക്കാണ് അടിയായിരിക്കുന്നത്. ഇനി കേന്ദ്രം തന്നെ ഇടപെടുമെന്നു കേരളത്തിലെ മുതിർന്നനേതാവ് വ്യക്തമാക്കി. സമ്മർദ്ദം ശക്തിപ്പെടുത്തുന്നതിന്റെ ഭാഗമായാണ് വെള്ളാപ്പള്ളിയുടെ നീക്കമെന്നാണ് സൂചന. ബിജെപി കേന്ദ്രനേതൃത്വവുമായി നേരിട്ട് ചർച്ചയ്ക്ക് അവസരം ഒരുക്കാനാണ്…
Read Moreകൊച്ചിയിൽ ആയുധങ്ങളുമായി പിടിയിലായ സംഘം ചില്ലറക്കാരല്ല; കഞ്ചാവിന് അടിമയാകുന്ന യുവാക്കളെ ക്വട്ടേഷന് ഉപയോഗിച്ചിരുന്നതായി പോലീസ്
കൊച്ചി: ആയുധങ്ങളുമായി എറണാകുളം സെൻട്രൽ പോലീസ് പിടികൂടിയ സംഘം ചില്ലറക്കാരല്ലെന്നു പോലീസ്. യുവാക്കൾക്കും കുട്ടികൾക്കും കഞ്ചാവ് എത്തിച്ചു നൽകിവന്നിരുന്ന സംഘം കഞ്ചാവിന് അടിമയാകുന്ന യുവാക്കളെ ക്വട്ടേഷൻ ആവശ്യത്തിനായി ഉപയോഗിച്ചിരുന്നോയെന്ന് പോലീസ് സംശയിക്കുന്നു. പാലാക്കട് മണ്ണാർക്കാട് സ്വദേശികളായ ചോറ്റൂർ ഹിലാലുദ്ദീൻ (23), പിലായിത്തൊടി ഹന്നാൻ (20), പുത്തൻപുരയിൽ ആസിഫ് (23), സജീഷ് (32) എന്നിവരെയാണ് പോലീസ് അറസ്റ്റ് ചെയ്തത്. ഇന്ന് കോടതിയിൽ ഹാജരാക്കുന്ന പ്രതികളെ റിമാൻഡ് ചെയ്യുന്ന പക്ഷം കൂടുതൽ അന്വേഷണങ്ങൾക്കായി പിന്നീട് കസ്റ്റഡിയിൽ വാങ്ങുമെന്നും പോലീസ് പറഞ്ഞു. കൊച്ചിയിൽ മറൈൻഡ്രൈവ്, മേനക പോലുള്ള പ്രധാനഭാഗങ്ങളിൽ കഞ്ചാവ് എത്തിക്കുന്ന സംഘത്തെയാണു പോലീസ് അറസ്റ്റ് ചെയ്തത്. യുവാക്കളും കുട്ടികളും ആണ് ഇവരുടെ പ്രധാന ഇരകൾ. ഗോശ്രീ ഹൈക്കോടതി റോഡിൽ സിഎംഎഫ്ആർഐയുടെ മുന്നിൽനിന്നാണ് പ്രതികൾ പിടിയിലായത്. ഇവരുടെ പക്കൽനിന്ന് ഒന്നര കിലോ കഞ്ചാവ്, രണ്ട് വടിവാളുകൾ, ഒരു കത്തി എന്നിവ കണ്ടെടുത്തു.…
Read Moreനടിയുടെ ആവശ്യങ്ങൾ കേസ് നീട്ടിക്കൊണ്ടുപോകുന്നതിന്; നടിയെ ആക്രമിച്ച കേസ് എറണാകുളത്തിന് പുറത്തേക്ക് മാറ്റരുതെന്ന് പൾസർ സുനി
കൊച്ചി: നടിയെ ആക്രമിച്ച കേസിന്റെ വിചാരണ എറണാകുളം ജില്ലക്ക് പുറത്തേക്ക് മാറ്റരുതെന്ന് മുഖ്യപ്രതി സുനിൽ കുമാർ. കേസ് പരിഗണിക്കാൻ പ്രത്യേക കോടതിയും വനിതാ ജഡ്ജിയും വേണമെന്നാവശ്യപ്പെട്ട് നടി നൽകിയ ഹർജി ഇന്ന് ഹൈക്കോടതി പരിഗണിക്കാനിരിക്കെയാണ് സുനിൽ കുമാറിന്റെ ഹർജി. പ്രത്യേക കോടതിയും വനിതാ ജഡ്ജി വേണമെന്നുമുള്ള നടിയുടെ ആവശ്യങ്ങള് കേസ് നീട്ടിക്കൊണ്ടു പോകാനാണെന്ന് സുനില് കുമാറിന്റെ ഹര്ജിയില് ആരോപിക്കുന്നുണ്ട്. സെഷന്സ് കോടതിയില് സുഗമമായാണ് കേസിന്റെ വിചാരണ നടക്കുന്നത്. കേസ് മറ്റ് ജില്ലകളിലേക്ക് മാറ്റുന്നത് വിചാരണ നീളാന് കാരണമാവും. അതിനാല് എറണാകുളത്തു തന്നെ കേസിന്റെ വിചാരണ നടത്തണമെന്നും ഹര്ജിയില് ആവശ്യപ്പെടുന്നുണ്ട്.
Read Moreമുനമ്പം ബീച്ചിൽ കാഴ്ചകൾ അടിപൊളി പക്ഷേ ; സഞ്ചാരികളുടെ ശങ്കയകറ്റാൻ ഇടമില്ല
ചെറായി: മുനന്പം മുസിരിസ് ബീച്ചിലെത്തുന്ന സഞ്ചാരികൾക്ക് കാഴ്ചകൾ നിരവധിയാണ് പക്ഷേ ഇതിനിടയിൽ ശങ്ക തോന്നിയാൽ അകറ്റാൻ ഇവിടെ ഇടമില്ല. ശുചിമുറിയും, മൂത്രപ്പുരകളുമില്ലാത്തതിനാൽ ബീച്ചിലെത്തുന്ന സഞ്ചാരികൾ ശങ്കയെ പിടിച്ചുനിർത്തുകയേ രക്ഷയുള്ളൂ. വർഷങ്ങൾക്ക് മുന്പ് തന്നെ ശുചിമുറിയും മൂത്രപ്പുരയും നിർമിച്ചിട്ടുണ്ടെങ്കിലും മറ്റു സംവിധാനങ്ങൾ പൂർത്തിയാകാത്തതിനാൽ ഇതൊന്നും പ്രവർത്തിക്കുന്നില്ല. മോടി പിടിപ്പിക്കാനായി നിരത്തിയ ടൈലുകൾ പലതും പൊട്ടിപ്പൊളിഞ്ഞു കിടക്കുകയാണ്. പരിസരമാകെ കാടുപിടിച്ചിട്ടും ഇതൊന്ന് വെട്ടിത്തെളിക്കാനോ പാഴടഞ്ഞുപോയ കുട്ടികളുടെ പാർക്ക് അറ്റകുറ്റപ്പണികൾ നടത്താനോ ഡിടിപിസിക്ക് പദ്ധതികളൊന്നുമില്ല. ഫുഡ് കോർട്ടുകൾക്ക് വേണ്ടി പണിതിട്ടിരിക്കുന്ന കെട്ടിടങ്ങളും നശിക്കുകയാണ്. ബീച്ചിലെത്തുന്നവരുടെ വാഹനങ്ങൾ പാർക്ക് ചെയ്യാനും മതിയായ പാർക്കിംഗ് സൗകര്യവും മുനന്പം മുസിരിസ് ബീച്ചിലില്ല. വാക്ക് വേയിലെ ലൈറ്റുകൾ ഒന്നും തന്നെ തെളിയാത്തതിനാൽ സന്ധ്യയായാൽ ബീച്ചിൽ കൂരിരുട്ടാണ്. ഇതാകട്ടെ അസ്തമയവും മറ്റും കാണാൻ വേണ്ടി ബീച്ചിലെ പുലിമുട്ടിൽ തന്പടിക്കുന്ന ടൂറിസ്റ്റുകളെ ബുദ്ധിമുട്ടിലാക്കുന്നു. ബീച്ചിലെ അടിസ്ഥാന സൗകര്യങ്ങൾ കുറ്റമറ്റതാക്കണമെന്നാണ് കോണ്ഗ്രസ്…
Read Moreബ്യൂട്ടി പാർലർ വെടിവയ്പ് കേസ്; ഫോണ് വിളി പരിശോധന തുടരുന്നു; നിർണായക വിവരങ്ങൾ ലഭിച്ചതായി സൂചന
കൊച്ചി: ബ്യൂട്ടിപാർലർ വെടിവെയ്പ്പ് കേസിൽ പ്രതികളുടെ ഫോണ് വിളികളുടെ പരിശോധന തുടരുന്നു. സംശയം തോന്നുന്ന നന്പറുകൾ നിരീക്ഷിച്ചുവരുന്നതായും പരിശോധനകൾ പുരോഗമിക്കുകയാണെന്നും അന്വേഷണ സംഘം വ്യക്തമാക്കി. അതിനിടെ, അന്വേഷണ സംഘത്തിന് നിർണായക വിവരങ്ങൾ ലഭിച്ചതായുള്ള വാർത്തകളും പുറത്തുവരുന്നുണ്ട്. വെടിവയ്പ്പിനുശേഷം പ്രതികൾ മുംബൈയിലേക്ക് ഫോണ്വഴി ബന്ധപ്പെടാൻ ശ്രമിച്ചതിന് തെളിവ് ലഭിച്ചതായാണു പുറത്തുവരുന്ന വിവരങ്ങൾ. എന്നാൽ, ഇത് സംബന്ധിച്ച് സ്ഥിരീകരണം നൽകാൻ അധികൃതർ തയ്യാറായില്ല. കഴിഞ്ഞ മാസം 15ന് ഉച്ചകഴിഞ്ഞു മൂന്നോടെയാണു പനന്പിള്ളിനഗറിലുള്ള നെയ്ൽ ആർട്ടിസ്ട്രി എന്ന ബ്യൂട്ടിപാർലറിൽ വെടിവയ്പുണ്ടായത്. ബൈക്കിൽ എത്തിയ രണ്ടുപേർ വെടിവച്ചശേഷം കടന്നുകളയുകയായിരുന്നു. രവി പൂജാരിയുടെ പേരെഴുതിയ കടലാസ് പ്രദേശത്ത് ഉപേക്ഷിച്ചശേഷമാണു പ്രതികൾ രക്ഷപ്പെട്ടത്. ഹെൽമറ്റും ജാക്കറ്റും ധരിച്ചാണു പ്രതികളെത്തിയിരുന്നത്. പ്രാദേശിക ഗുണ്ടാസംഘത്തിലേക്കുൾപ്പെടെ അന്വേഷണം വ്യാപിപ്പിച്ചിട്ടുണ്ടെങ്കിലും പ്രതികളെ പിടികൂടാൻ പോലീസിനു സാധിച്ചിട്ടില്ല. ഇതിനിടെയാണ് ഏതാനും ദിവസംമുന്പ് ബ്യൂട്ടി പാർലർ വെടിവയ്പ്പ് സംഭവത്തിന് പിന്നിൽ പ്രവർത്തിച്ചതെന്ന് സംശയിക്കുന്ന രവി…
Read Moreഭൂഗർഭ കേബിളിൽനിന്ന് ഷോക്കേറ്റ് തൊഴിലാളി മരിച്ച സംഭവം;വിദഗ്ധ സമിതി റിപ്പോർട്ട് രണ്ട് ദിവസത്തിനകം
കൊച്ചി: കലുങ്ക് നിർമാണത്തിന്റെ പൈലിംഗ് ജോലികളിൽ ഏർപ്പെട്ടിരുന്ന ഇതരസംസ്ഥാന തൊഴിലാളി ഭൂഗർഭ കേബിളിൽനിന്നു ഷോക്കേറ്റ് മരിച്ച സംഭവം അന്വേഷിക്കുന്ന വിദഗ്ധ സമിതി രണ്ട് ദിവസത്തിനകം റിപ്പോർട്ട് സമർപ്പിച്ചേക്കും. തമിഴ്നാട് രാമനാദപുരം പരമക്കുടി സ്വദേശി മുത്തുലാണ്ടി (21) മരിച്ച സംഭവത്തിലാണ് ഷോക്കേറ്റ് മരിച്ചത്. വൈറ്റില ചക്കരപ്പറന്പ് ഭാഗത്ത് ഇന്നലെ രാവിലെ 9.45 ഓടെ ആയിരുന്നു സംഭവം. അപകടത്തിൽ രണ്ടുപേർക്ക് നിസാര പരിക്കേൽക്കുകയും ചെയ്തിരുന്നു. സംഭവത്തെക്കുറിച്ച് അന്വേഷിക്കാൻ ജില്ലാ കളക്ടറാണ് രണ്ടംഗ വിദഗ്ധ സമിതിയെ നിയോഗിച്ചത്. പൊതുമരാമത്ത് വകുപ്പ് റോഡ് വിഭാഗം എക്സിക്യൂട്ടീവ് എൻജിനീയർ, സീനിയർ ടൗണ് പ്ലാനർ എന്നിവരാണു സമിതിയിലെ അംഗങ്ങൾ. സമിതി രണ്ടു ദിവസത്തിനുള്ളിൽ റിപ്പോർട്ട് സമർപ്പിക്കുമെന്നാണ് അധികൃതരുടെ പ്രതീക്ഷ. കലുങ്കിന്റെ വീതികൂട്ടാനുള്ള പണികളുടെ ഭാഗമായുള്ള പൈലിംഗ് നടത്തുന്നതിനിടെയാണ് ഭൂഗർഭ 11 കെവി ലൈനിൽനിന്ന് തൊഴിലാളികൾക്ക് ഷോക്കേറ്റത്. രണ്ടാഴ്ചയായി ഇവിടെ നിർമാണ പ്രവർത്തനങ്ങൾ നടന്നുവരികയായിരുന്നു. ഡ്രെഡ്ജിംഗിനുശേഷം കൈകൊണ്ട്…
Read More